رواية قهر الفصل الثامن 8 بقلم رويدا القاضي

رواية قهر الجزء الثامن

رواية قهر البارت الثامن

رواية قهر الحلقة الثامنة

هالة: بعد فتحت الباب تميت نباحث فيها ومش مصدقة عيوني معقولة هذي رجعه واقفة ترجف قدام بابنا.
خديجة: من يابنت كنك تجمدتي …باعدي خلي نحق من جاء…
امباركة: وهضا ايش سموا فيه الموضوع يتطلب دخول قوات الدعم المركزي حودن غادي… ياعيني ياعيني سمعت مثل للي استحوا ماتوا وتوا بيتم للي استحوا مايجوش قدام حوشي…
رجعه:😭😭 والدموع ينزلوا ومش قادرة تاخد النفس ماليش والي غيركم الله يربحكم ماتخلونش في الشارع…
خديجة: خطرت عليا وقفتي نا وبناتي ونا نلقي في ايديا ونقولها ماعندنا حد مازال رد رجعه هذاك الوقت في وذني لعند مانموت ماليش علاقة اقعدوا حتى في الشارع…
امباركة: ايش تبي وين حبيبة قلبك مريم … خاطري نشد نريشك بسنوني كيف الدجاجة لكن وقفت قدام بابي كبيرة….
منال:مقمعزة جوا وتميت نسمع في صوت الهرجه طلعت باش نفهم … حقيت فيها الضعف والانكسار حقيت في عيونها الرجاء وهي معلقة عيونها في وامباركة بتسكر الباب… ماقدرتش نعطيها بظهري كيفهن….
خديجة:ايش اديري انت نسيتي.
منال: مانسيتش انه لولا طردتها لينا ماكنتش رح نكون نا توا فتحت الباب لقيتها راقدة ع الشارع …مديتلها يدي تعالي معاي ….
رجعه: مش مخليتني كيف محمد في دار الرعاية ..نا خايفة نموت بروحي.. ومايصلي عليا حد نخاف نموت في واحد من الشوراع…وياكل جثي الكلاب…
منال: عطيني يدك ياحني وساعدي روحك بشويش عليك دخلتها جوا ونا كلي رضا ع تصرفي رغم انه نحق في الرفض في عيون امي وخواتي والنار في عيون امباركة… لكن في شئ في قلبي منعني نخليها…برا.
خالد:خشيت عليها الدار لقيتها تغطي فيها .
منال:توا تريحي واضح عليك التعب وبعد تحلي عيونك نتكلموا توا مانبيش منك كلام ولا تعبي روحك وطلعت وسكرت عليها الدار.
امباركة: واجد هكي راهو لكن مابيتش نكلمك قلت هرمونات الحمل زايدين عليك الحال.
هالة: لالا الواضح المرة هذي خلايا مخها انضربن .
منال: كملتوا خلاص تعالي يامرام بالك حتى انتي عندك راي وتبي تقوليه .
خديجة: نا مستحيل نقعد في مكان فيه رجعه بكل.
منال: ماتعلمتش من باتي نصد حد محتاجني سواء كانت كويسة ولا عافنة وصلت قدام بابي تم خلاص.
خالد:خلاص ماتحرقيش دمك للي تبيها اتصير تبيها تقعد تقعد.
مرام:حتى نا نبي نقعد معاكم .
خالد: نزلت ع ركبتي وشديت يدها …اكيد بتقعدي شن تبي نجيبلك معاي من برا.
هالة: جيت بسرعة وفكيت ايدها من يد خالد مرام ياسرك عاد طلبات راك كبرتي مش كيف قبل.
امباركة:كنك تقول ملبوسه خلي البنت .
خديجة: بنضرة تدل ع عدم الرضا ع تصرف هالة.
مرام: نحي يدك بنمشي مع عمي خالد .
هالة:تباحث في منال ترجى امتا تتدخل ولا تتكلم لكن منال كانت مشغولة واخد فكرها موضوع رجعه…
خالد:هيا حمودي ولدي…
هالة:خشيت لدار ونا مضايقة من تجاهل منال لتعلق مرام رغم اني كلمتها اكثر من مرة…
في امور مهما كانت صغيرة وتافهة تكبر معانا وتم اهم شئ في حياتنا زي حب الطفولة للي يقعد عالق في ذاكرتنا رغم انه في غالب يكون من طرف واحد….
فاقت رجعه وهيا منهارة وتبكي وتعيط وتقول ماتخلينيش نا امك امك للي باعث كل شئ ع سباك.
امباركة: توا الحل شن خاطري نخش نعطيها طريحة نباش القبور باش تعرف انها جت لجهنم برجليها …
خديجة: فكينا منها خليها توا تجيها المربية منال…
شوية ع جية منال تجري خشت لرجعه اسم الله عليك كنك ماتخافيش ماتخافيش …
رجعه بكل خوف وكأنها بيبي يدور في امه شدت في منال حضنتها راك تخليني كيفهم نا ماعندي حد…
في الليل والكل مجتمعين ماعاد رجعه للي توكل فيها منال جوا بعد تمت طلعتلهم …
منال: نا عمري ماطلبت منك طلب ياامي من يوم مات باتي لعند اللحظة هذي ومش بجميلي هضا واجبي لانك امي وسندي…
خديجة: شن تبي تكلمي…
منال: نعرف انه مافيش حد هنا ايطيق رجعه ولا يحبها لكن ع خاطري ياامي هضا اول طلب لي حطيها بينك وبين النار .
امباركة: تعلمي من رجعه كان نسيتي نفكرك.
منال:ماتعلميش الحكمة من وجودها في حياتنا في الوقت هضا بالتحديد ربما فيها خيره لينا كلنا
ونا متأكدة وواثقة انه جيتها لينا في الوقت هضا سعها تكون خير…
امباركة: انهبلتي رسمي خير من وراء رجعه بلاش منه.
خالد:نا مع كلام منال …
امباركة: انت كيف قوم تُبع نا نقول انطمر وخليك ساكت.
هالة:حتى نا مع كلام منال رغم انه كنت رافضة فكرة وجودها معانا هنا … لكن لعله خير…
خديجة:ماتتطلبوش مني نتكلم معاها ولا حتى تقمعز جنبي …
بعد ناض خالد وطلع وخلاهم بروحهم…
منال:ها شن صار فلي قتلكم عليه …
خديجة:نا ماحيلتي كان مرتب باتك للي نصرف فيه ع خواتك…
امباركة: ونا ماعندي شئ ايدبر راسه ماعندي ليه جهد…
منال: تعرفوا اني غلطتت وقت طلبت منكم …
ونا ماشية شور المطبخ حسيت يد انحطت ع كتفي …شفت ورايا لقيت رجعه …
رجعه: اقل مانقدر نساعدك بيه اسواري هضا قعد في يدي بعد خنبني ولدي ومرته …
منال: من الصدمة دموعي نزلن لالا شكرا وكأنك ساعدتيني …
رجعه: خليني نكفر ع دنوبي ماتستكريش فيا راحة ضميري …
منال: مش مجبورة تعطي شئ بالنسبه ليا نا نسيت كل شئ صار زمان…
رجعه:اما نا عمري مانسيت ولا رح نسامح نفسي ع للي درته فيكم …. خوديهم اصلا معاش نبيهن بكل …
منال: بعد ناقش طويل بيني وبين رجعه خديتهم وشكرتها ع موقفها وفعلا كما توقعت جيتها فيها حكمه من ربي فك بيها كربي….
ثاني يوم الصبح طلعت جبت فلوس الجمعية وبعث السوارات والحمدلله جابن 15 الف خديت
العشرة والخمسة رجعتها لرجعه ورفضت تاخدها قتلي خليهم تستفيدي منهن…
امباركة:شن نحق فيك مبسوطة اسنونك 32 برا كنك..
منال: حصلت الفلوس للي يلزمن خالد في المشروع…
خديجة: مبارك وان شاء الله مايخسرش ولكن من وين لك الباقي…
منال: حد مايخطرش ع بالكم..
امباركة: شن لعبه هيا من …
منال: رجعه هيا للي عطتنى السوارت متعها…
خديجة: قولي والله.
منال:والله مش فاضية توا سلام عندي ماندير … نا وخالد….
ونا جايه بنطلع سمعت مرام من ورايا …
خوديني معاك حتى نا.
منال: لا مانقدرش طالعة نا وخالد وانت عدي اقري واجباتك… بعدين نجيبلك معاي حاجة..
مرام: مانبي منك شئ انت ديما مع عمي خالد ونا لا.
هالة: واقفة نباحث فيهن من بعيد وكل يوم ايزيد خوفي اكثر واكثر…
خالد:ها بشير نا جبت الفلوس امتا نعدوا لسوق باش ناخدو الخرفان…
بشير: خلي فلوسك عندك بكرا او للي بعده نعدوا..
يوسف: ربي يفتحها قدامك يارب….
خالد: واياك .
جاء ثاني يوم عديت شريتهن وتميت يومي كله يفوت في المزرعة ونا نوكل ونشرب ونهتم بالرزع
باش ياكلن منه تميت نحق في حلمي يكبر قدام عيني وهضا بفضل الله ثم منال للي كانت نعمه السند ….
خديجة:نوضي كان بتفطري ولا بتقعدي ترجي في منال ….راهي مطولة…
رجعه: مانبيش نكون ثقيلة عليكم نعلم مش مرغوب فيا بينكن…
امباركة:نوضي بلا دراما … الفطور بيبرد نبي نعرف ايش صار فيك تميت من اهل الحوش الضيافة اسبوع اكثر منها تولي من العيلة….
رجعه: اهو جايتكم …
خديجة: كيف صار وين عدوا محمد ومرته النصابه مريم …
رجعه: ياريت نعلم بس كان هضا هكي حالي…
امباركة: من يومي مانحبها كنتك هذي واضح عليها وحدة ملهط…
رجعه: المهم منال تمت المشروع للي تحكوا عليه.
امباكة: ايه بارك فيك ع وقفتك معاهم…
رجعه: مش بجميلي ونضت وخليتهن ….
هالة: اسمعي مازال صاحب راجلك موضوعه قائم.
منال:بنضرة خبث ها شكله عجبك …
هالة:بدينا عاد مش انتي للي قلتي جربي تكلمي معاه مش خاسرة شئ ….
منال: خلاص توا ايروح خالد ونكلمه غدوا عندك جامعه.
هالة: ايه عندي هضا عليش كلمتك.
روح خالد وفعلا كلمته وعدى بعدها كلم يوسف وتفاهموا ع كل شئ…
ثاني يوم في الجامعة هالة ويوسف…
هالة:كيف الحال.
يوسف: الحمدلله اكيد عندك علم بالموضوع للي نبي نحكيه معاك…
هالة: تعقدت ماكنتش نتوقع انه صريح هكي…
يوسف: نعرف انه صاعب عليك تاخدي واحد ارمل وتعرفي للي صار معاي قبل كله…
هالة:ها اكيد.
يوسف: لكن يعلم الله اني ماظلمت حد حتى بنت عمك هي للي قتلت روحها ….
هالة: نخاف تقعد عايش معاي في الشك بعد للي صار معاك قبل…
يوسف : ماتخافيش نا مستحيل ندير هكي…
هالة: ونا قعدا نتكلم معاه لين ….سمعت صوت من ورايا …..
……./ ياسلام هذي وحدة من المتربيات قصدك للي تحكيلي عليهم….
……..ياترى من هذا للي يتكلم مع هالة