رواية قلوب حائرة الفصل السابع 7 بقلم روز أمين

رواية قلوب حائرة الجزء السابع

رواية قلوب حائرة البارت السابع

رواية قلوب حائرة الحلقة السابعة

رمقهٌ عبدالرحمن بنظرات ناريه وتحدث بتحذير٠٠٠٠وليد،،،،،أظن لا وقته ولا مكانه الكلام في الموضوع ده ؟؟
تحدث وليد بإنفعال ٠٠٠٠٠أومال أمتي وقته يا بابا،،رائف وخلاص عدت السنويه بتاعته،،وأظن مليكه من حقها تعيش وتلاقي راجل ياخد باله منها هي و أولادها ؟؟
تحدث عز بوجهٍ مٌبهم ٠٠٠٠هو فيه أيه بالظبط يا وليد؟؟
مٌمكن تفهمنا أيه سبب كلامك ده ؟؟
وجهَ وليد نظرهٌ إلي عمه وبكل جرأه تحدث٠٠٠٠بعد إذن حضرتك يا عمي وبعد إذن حضرتك ياسالم بيه،،أنا قررت أتجوز مليكه !!!
نظر لهٌ الجميع بذهول تام ،،عدا ياسين الذي كان يعلم بطلبه قبل أن يتفوه بهِ بتلك الحماقه والتسرع ،،
وضع ياسين يدهٌ علي ذقنهْ وبدأ يتلمسها بتسلي وبات يراقب الوضع وكأنه غير معني بالأمر !!
في حين نظر عز إلي ياسين وتبادلا الإبتسامات الخفيفه والإيمائات !!!!
نطق طارق بجنون موجهاً حديثهٌ إلي وليد ٠٠٠٠إنت أتجننت يا وليد،، إنتَ سامع إنتَ بتقول أيه ؟؟
ده إبن عمك لسه يدوب مكمل سنه إنهارده،،وأنتَ جاي عاوز تتجوز مراته،،ياأخي خلي عندك دم ؟؟
إنفعل وليد وأجاب طارق بغضب٠٠٠٠أولآ ما أسمهاش مراته يا طارق،،إسمها أرملته ،،
ثانيآ بقا مش من حقك تقرر عنها ،،أظن مليكه ليها أب يقدر هو وهي يقرروا أيه إللي ينفع وأيه ما ينفعش،،وكمان مليكه لسه صغيره وأكيد هاتتجوز وتعيش حياتها،،فأظن أنا أولي من الغريب إني أربي ولاد إبن عمي !!!
تحدث عبدالرحمن مٌحرجاً من سالم وعز وياسين٠٠٠٠أيه يا أبني الكلام اللي بتقوله ده؟؟
إنتَ شايف إن ده الوقت المناسب للكلام في موضوع زي ده ،،دا أحنا لسه راجعين حالآ من سنوية إبن عمك ،،وبعدين جواز أيه اللي بتتكلم فيه ده،،طب وبالنسبه لمراتك هاتقولها أيه ؟؟
كان وليد ينظر إلي ياسين ويشعر بالإنتصار عليه ،،فهو يعلم أن ياسين يعشق مليكه ،،نعم فقد أخذ وليد مؤخرآ علي عاتقهِ مراقبة عينَ ياسين في حضرة مليكه،،
فاتأكد من عشق ياسين لها وفضحتهٌ نظرة عينيهْ العاشقه !!!
نظر وليد بغضب إلي ياسين الموجه نظره له وعلي صغرهِ إبتسامه واسعه مستفزه
تحدث وليد بقوه ٠٠٠٠لو علي موضوع مراتي ما تحملش هم يابابا ،،أنا هاعرف أقنعها كويس جداً،، وحتي لو ما أقتنعتش هاطلقها،،
وأكملَ ببرود٠٠٠٠ أنا أساساً كنت عاوز أطلقها من أخر مره أتخانقنا فيها وسابت البيت،، لولا حضرتك وقتها إللي أصريت إني أرجعها علشان خاطر البنت !!!
نظر ياسين بإبتسامه بارده وأخيرآ نطق بعد صمتهِ المريب وتحدث بإستفزاز٠٠٠٠مالوش لزوم تعمل مشاكل مع مراتك علي الفاضي يا وليد،،الموضوع مٌنتهي أساساً !!
نظر له وليد بوجه مٌبهم وتحدث بتساؤل٠٠٠٠يعني أيه علي الفاضي دي،،وتقصد أيه بالموضوع المٌنتهي ده يا ياسين ؟؟
أجابهٌ ياسين ببرود ونظرة إنتصار تكسو عيناه ٠٠٠٠يعني مليكه بالفعل مخطوبه !!!
ثم مرر نظره إلي والدهٌ وبعدها أستقر نظرهِ علي سالم الذي نظر له بعدم إستيعاب لكلماته التي نطقها بغموض !!!!
وأكملَ ياسين بجديه٠٠٠٠أقصد إني طلبت أيد مليكه من سالم بيه وده طبعاً بعد ما أخدت موافقة عز باشا ،،وإتفقنا إننا نأجل الإعلان عن الخطوبه لبعد سنوية إبن عمك وده طبعاً مراعتاً لمشاعر مرات عمك وبنات عمك إللي سيادتك معملتش أي إعتبار لمشاعرهم !!!!
٠٠٠٠٠٠٠٠٠٠٠٠٠٠٠٠٠
وعاد ياسين بذاكرتهِ لإسبوعين ماضيين !!!!!!!
إنتفضَ عز بوجهٍ غاضب قائلاً٠٠٠٠إتجنن إللي إسمه سالم ده ولا أيه،،يعني أيه ياخد البنت وولادها من بيتها !!!
ثم نظر إلي ياسين وتحدثَ بإستفهام ٠٠٠٠إنت عرفت الكلام ده منين يا ياسين،،متأكد يعني من صحته ؟؟
أجابهٌ ياسين بنبرة صوت جاده٠٠٠٠طارق هو إللي قالي يا باشا،،حضرتك عارف إن هو و شريف أصحاب وهو إللي حكاله علشان لما ييجو يتكلموا في الموضوع معانا طارق يبقي عنده خلفيه وميزعلش من شريف !!!
وأكملَ مغتاظاً ٠٠٠٠ده كمان غير البيه إللي عاملي فيها دنجوان وداخل خارج علي مليكه في البيت وبيرسم علي إنه يتجوزها !!!
نظر لهٌ عز وتحدث بتيهه٠٠٠٠قصدك مين ؟؟
أجابهٌ ياسين بغضب٠٠٠٠أقصد وليد عبدالرحمن،،مسألتش نفسك يا باشا من أمتي وليد كان بيدخل بيت عمه ولا حتي بيهتم بأي حد من العيله أساساً ؟؟
البيه طمعان في ورث مليكه وولادها قال لنفسه أما أتجوزها وأحط إيدي علي الكنز وأبقي أنا الكل فالكل ،،
واكمل بإستحقار٠٠٠٠٠تخيل ياباشا الواد الندل راح سأل في البنك علي رصيد مليكه والولاد ؟؟
نظر لهٌ بعدم إستيعاب وتحدث٠٠٠٠٠يا نهاره إسود ،،إتجنن ده ولا أيه ؟؟
وأكملَ بتساؤل٠٠٠٠طب والعمل يا ياسين ؟؟
هنعمل أيه في الموضوع ده ،،دي عمتك ثريا ممكن يجرالها حاجه لو فعلاً سالم نفذ إللي في دماغه وأخد منها الولاد !!!
تحدث ياسين بتعقل٠٠٠٠مفيش غير حل واحد يا باشا ،،وهو إني أتجوز مليكه،،ووقتها هوقف الكل عند حده ،،
وليد هيكش ويدخل جحره من تاني،،وسالم هيهدي ويطمن علي بنته ونخلص من تدخله في حياتها هي والولاد،،وبكده نكون خلصنا من الوَش ده كله وريحنا دماغنا !!!!
نظر لوالدهٌ بترقب وتساؤل٠٠٠٠قولت أيه يا باشا ؟؟
نظر لهٌ عز بتمعن وتحدث بتساؤل٠٠٠٠ومراتك وأمك هتعمل فيهم أيه يا ياسين ؟؟
أجابهٌ ياسين بهدوء٠٠٠٠سيب الموضوع ده عليا ياباشا،،المهم إن حضرتك معندكش مانع من حيث المبدأ !!!!
أجابه عز بإبتسامه ٠٠٠٠٠لا معنديش يا سيادة العقيد طالما ده هيريحك !!!!
نظر ياسين بنصف عين لوالده وتحدث بنصف إبتسامه ونفي٠٠٠يريحني أيه بس يا باشا،،أنا مجرد بحل مشكله مش أكتر ؟؟
قهقه عز وتحدثَ بمراوغه٠٠٠٠وأنا قولت حاجه غير كده ،.الله يقويك علي حل المشاكل يا ياسين !!!!!
٠٠٠٠٠٠٠٠٠٠٠٠٠٠٠٠٠٠٠٠
عوده إلي الوقت الحالي !!!
نظر لهٌ سالم بإستغراب فهو ولأول مره يستمع لهذا الحديث ،،بادلهٌ ياسين بنظره تأكيداً علي جديه حديثه،،
فأطمئن سالم وأشار بعينه بموافقه ،،وبرضي كامل،،وكيف لهٌ أن يرفض عرضه وهو ياسين المغربي،، فهو حقاً نسبهٌ شرفٍ لأي عائله،،
وبزواج إبنتهِ منهٌ سيطمئن قلبهِ عليها وللأبد ،، فهو رجل بمعني الكلمه وسيحمي مليكه وطفليها من الطامعين ،،
أما وليد فالكل يعلم علم اليقين أن سبب طلبهِ هذا ،،ماهو إلا طمع بثروة رائف وولديهِ،،فهو جشع ولا يهتم سوي بأمر المال !!!
هبَ وليد واقفاً بغضب وتحدثَ بإنفعال موجهاً حديثهٌ إلي سالم مٌشككاً بحديث ياسين٠٠٠٠الكلام ده حصل يا سالم بيه ؟؟
قاطعهٌ ياسين بنظرات غاضبه وصوتٍ حاد٠٠٠٠٠إنتَ أتجننت يا وليد،،معناه أيه سؤالك ده،،إنتَ بتكدبني ؟؟
إبتلع وليد لعابهِ برعب من هيئة ياسين الغاضبه وأردفَ بلين٠٠٠٠٠ماأقصدش طبعآ يا سيادة العقيد، ،أنا أقصد٠٠٠
وهنا قاطعهٌ سالم الذي قرر إنهاء ذلك الإشتباك الدائر قائلآ ٠٠٠٠أيوه الكلام ده حقيقي يا أستاذ وليد،،سيادة العقيد فعلآ طلب مني أيد مليكه وأنا وافقت !!
تسائل وليد بخبث وهو ينظر إلي سالم٠٠٠٠وياتري بقا مليكه موافقه علي كده ؟؟
أجابهٌ ياسين بنفاذ صبر٠٠٠٠أظن ده شيئ ما يخصكش يا وليد،،وياريت تقفل علي الموضوع ده نهائي ،،ولا مش شايف عمتك ثريا وبنات عمك حالتهم عامله إزاي ؟؟
وأكمل ناهياً الحديث بإنسحاب٠٠٠بعد إذنكم أنا طالع أخد شاور وأنام شويه علشان كان عندي شغل بالليل ومانمتش !!
وأكمل ناظراً إلي سالم بإحترام وإستأذان٠٠٠بعد إذن حضرتك يا سالم بيه البيت بيتك طبعاً !!!
هبَ سالم واقفآ وتحدث٠٠٠أنا كمان هاروح أخد المدام ونروح علشان نرتاح،،اليوم كان طويل وصعب علي الجميع وأظن كلنا محتاجين للراحه !!!!
إستأذن ورحل ثم نهض الجميع وذهبَ كٌلٍ علي منزلهْ
◇◇◇◇◇¤◇◇◇◇◇
بنفس التوقيت في منزل رائف !!!!
كان الجميع يجلس بحزن ثريا ونرمين وزوجها وشريف ووالدته ويسرا ومليكه وطفليها
كانت ثريا تجلس بحزن وهي محتضنه أنس الناظر لها بحب ومروان الجالس بجانبها ويسألها ٠٠٠نانا هو بابي ماجاش معاكم ليه ؟؟
أدمعت عين مليكه الماكثه بأحضان سهير ،،
وتماسكت ثريا وتحدثت ٠٠٠بابي مسافر بعيد أوي يا حبيبي وللأسف مش هايعرف ييجي دالوقتي لكن هو بيبعتلك إنتَ وأنس الهدايا والشيكولا والحجات الحلوه الكتير أوي إللي بتوصلكم
كانت نرمين تنظر بحقد علي مليكه وكأن كل ماحدث لها لم يكفيها لتتوقف عن حقدها والكره الذي تكنهٌ لها بقلبها ،،كانت تراقب زوجها وهو يختلس النظر من مليكه دون أن يلاحظ شريف وعيناه تنحدر علي منحنيات جسدها بكل وقاحه وحقاره !!!
دلف سالم من باب الفيلا بعد الإستئذان ،،طلب من سٌهير أن تستعد لرحيلهم لمنزلهم وذهب إلي مليكه التي مازالت علي تلك الحاله من الحزن والألم وكأن لم يمر عام علي وفاة رائف،،بل كانت البارحه !!!
أمسك يدها وأوقفها ونظر لها بحب قائلآ ٠٠٠ إحنا ماشيين يا حبيبتي، ،مش عاوزه أي حاجه؟؟
هزت رأسها بنفي وتحدثت٠٠٠٠عاوزه سلامتك يا بابا ،،أبقوا طمنوني عليكم لما توصلوا البيت !!!
إحتضنها بحنان وأبتعد !!
أوشي شريف بأذن أباه٠٠٠بابا ،،إتكلمت مع سيادة اللوا بخصوص مليكه ؟؟
أجابهٌ سالم بهمس٠٠٠٠مش وقته يا شريف نتكلم في البيت لما نروح !!!
إقترب منها شريف محتضناً إياها وتحدث ٠٠٠٠خلي بالك علي نفسك يا مليكه،،ولو إحتاجتي أي حاجه في أي وقت إتصلي عليا فوراً وأنا هكون عندك في لحظتها !!!
إحتضنته وقالت بحب٠٠٠ربنا يخليك ليا يا شريف،،خلي بالك من بابا وماما !!!
أردفت سٌهير بحنان٠٠٠إطلعي يا حبيبتي خدي شاور وحاولي تنامي شويه ،،شكلك تعبان أوي !!
أمائت لها مليكه ٠٠٠حاضر يا ماما !!!
وخرجوا وأستأذنت مليكه وصعدت علي الفور بعد خروجهم تحت أنظار نرمين الغاضبه ،،ومحمد العاشق ،،أخذت حمامآ دافئآ وغفت بثباتٍ عميق من شدة الإرهاق والدموع !!!
◇◇◇◇◇¤◇◇◇◇◇
ظهر اليوم التالي !!!
خرجت مليكه متوجهه إلي الحديقه وجدت يسرا وليالي وجيجي يجلسن ،،يتبادلن الأحاديث و يتناولن الحلوي والعصائر !!
إتجهت إليهم وتحدثت بوجهِ منهك يبدو عليه الحٌزن٠٠٠٠مساء الخير يا بنات !!
ردوا لها التحيه وجلست بجانبهن ،،
أتت إليها العامله وتحدثت بإحترام ٠٠٠٠تحبي أجيب لحضرتك الفطار هنا يا مدام مليكه !!
نظرت إليها مليكه وأجابتها بنفي٠٠٠٠لا يامٌني مليش نفس،،ياريت بس مج نسكافيه باللبن بعد إذنك !!
أمائت لها العامله بإحترام ودلفت لصنع النسكافيه !!
نظرت ليالي إلي مليكه وتحدثت٠٠٠٠عامله أيه إنهارده يا مليكه !!
تحدثت بنصف إبتسامه مٌنكسره ٠٠٠الحمدلله ياليالي ،،أنا كويسه !!
تحدثت جيجي بأسي٠٠٠٠ياريت ماتسيبيش نفسك ترجعي تاني ل مود الحزن ده يا مليكه،،حاولي تخرجي من حالتك دي علشان مروان وأنس،،إحنا ما صدقنا الولاد نفسيتهم بدأت تتحسن بعد إهتمام بابا عز وياسين وطارق بيهم وخروجهم معاهم شخصيآ !!!
تحدثت ليالي تأكيداً على حديث جيجي ٠٠٠٠جيجي عندها حق يا مليكه،،الولاد لو شافوكي رجعتي تاني للحزن ده ممكن يحصلهم إنتكاسه ،،
بصي لنفسك إنهارده كده في المرايا،،عيونك منفخه والحزن كأنه محفور علي ملامحك بعد ما كنتي بدأتي تهدي الفتره إللي فاتت،،
وأكملت ٠٠٠٠أه مارجعتيش لطبيعتك الأولي،، لكن كنتي بتحاولي تخرجي من حزنك علشان نفسية ولادك !!
تنهدت بألم وحسره ملئت عيناها٠٠٠٠صدقوني بجاهد نفسي وبحاول،،لكن بجد الموضوع صعب أوي،،فاهمه يعني أيه شريك حياتك إللي كنتي بتحبسي أنفاسك وهو بعيد عنك وأول ما تسمعي صوت عربيته وتعرفي إنه رجع من شغله يرجعلك النفس تاني وتشوفي الدنيا في نظرة عيونه ليكي ؟؟
وأكملت بألم وحسره٠٠٠٠ده رائف يا جماعه مش أي راجل والسلام،،أنا لو حزنت عليه العمر كله مش هاقدر أوفيه حقه،،ولاهعرف أعبر عن مدي حزني وفقداني ليه ولحبه ولحنانه،،أنا حياتي بقت بارده وكئيبه أوي من بعده !!
كانت تتحدث وهي تجاهد نزول دموع عيناها المتحجره داخل مقلتيها وهي تصرخ و تريد من يطلق لها العنان،،ولكنها تجاهد وتمنعها حفظآ لكبريائها !!!
تحدثت يسرا بألم٠٠٠والله يا ليالي كلنا بنجاهد نفسنا علشان الولاد ،،كم من المرات إللي دخلت فيها علي ماما لاقيتها منهاره من العياط ،،وهي بتموت حرفياً من شدة حزنها علي رائف وإشتياقها ليه !!
جيجي٠٠٠ربنا يصبركم يا يسرا،،بصراحه رائف مايتعوضش وخسارتنا كلنا فيه حقيقي كبيره أوي !!
تحدثت ليالي في محاوله منها لتغيير مجري تلك الحديث المؤلم للجميع٠٠٠٠مين فيكم شافت كولكشن الصيف السنادي يا بنات،،شفته إمبارح علي النت حقيقي تحفه،،
الألوان مبهجه جدآ وكمان الموديلات حلوه أوي ،،حجزت منهم كام قطعه كده عجبوني ،،لما يوصلوا أكيد هاتشوفوهم ومتأكده إنكم هتنبهروا بيهم زيي تمام !!!
نظرت إليها مليكه وتحدثت بإبتسامه٠٠٠٠٠مبروك عليكي يا ليالي ،،تلبسيهم في الخير إن شاء الله !!!
دلفت أيسل إبنة ياسين من داخل البوابه الحديديه بإبتسامه وإشراقه وسحر فتاه في بداية إنوثتها،، فقد تخطت الرابعة عشر من عمرها
أيسل بإبتسامه٠٠٠٠٠هاااي !!!!
مليكه بإبتسامه ووجهِ بشوش ٠٠٠٠٠إزيك يا سيلا،،وحشاني جدآ !!
أيسل بوجهِ سعيد٠٠٠٠٠إنتي كمان يا ليكه وحشاني كتيرررر أوي،، لكن أنا زعلانه منك !!!
ردت مليكه بتساؤل٠٠٠٠زعلانه مني أنا،،ليه يا سيلا،، وبعدين أنا أقدر بردوا أزعل برنسيس عيلة المغربي ؟؟
أيسل وهي تمد شفتاها بدلال٠٠٠أيوه قدرتي،،كام مره طلبت منك ترجعي تعمليني الرسم من تاني زي زمان،،وإنتي طنشتيني خالص ولا كأني قولتلك أي حاجة!!!
تحدثت ليالي بضحك٠٠٠٠كل الزعل ده علشان تتعلمي الرسم،،طب ليه ماقولتليش وأنا أجبلك أفضل مدرسين هنا ويعلموكي !!!
أيسل٠٠٠٠لا يا مامي أنا حابه أتعلمه من مليكه،،أصلك مشفتيش رسوماتها وجمالهم يا مامي،،يجننوا
إبتسمت مليكه وهي تنظر إلي أيسل بحب ٠٠٠٠من عيوني يا سيلا ،،إن شاء الله الأسبوع ده نرجع نتدرب تاني وأعلمك وتبقي أعظم من بيكاسو كمان !!
ضحكت أيسل ببرائه وسحر !!!!
◇◇◇◇◇¤◇◇◇◇◇
وقت غروب اليوم التالي !!!
في منزل عبدالرحمن المجاور لمنزل رائف وعز
كان وليد يجلس داخل حديقة منزله ينفث سيجارته بشراهه أتت إليه والدتهٌ وتحدثت
راقيه بتهكم٠٠٠٠وأنتَ هتفضل قاعدلي كده زي خيبتهم ؟؟
نفخ بضيق وتحدث٠٠٠٠وعيزاني أعمل أيه إن شاء الله، ،ما خلاص قفلها ياسين بيه زي الدٌومنه !!!
تحدثت راقيه بخبث٠٠٠٠لسه متقفلتش ولا حاجة ،،الحل عند مليكه،،روحلها وأفتح الموضوع وأقلب الدنيا علي دماغ ياسين،،حسسها إن قلبك علي مصلحتها هي وولادها،،،دي في النهايه ست يعني بكلمتين هتاكل عقلها وتبلفها !!!
وأكملت بإبتسامة سخريه٠٠٠٠وبعدين إطمن أنا متأكده إن منال وبنت أخوها لايمكن يسمحوا إن ده يحصل أبداً ،،
منال ست قويه ومفتريه ،،وإللي ماقبلتهوش علي نفسها ومنعته إنه يحصل زمان،، أكيد مش هتيجي وتقبله علي بنت أخوها دالوقتي !!!
إنفرجت أسارير وليد وتحدث ببلاهه وجشع٠٠٠٠تفتكري كده ؟؟
أجابتهٌ راقيه بتأكيد ٠٠٠٠أكيد ،، وبعدين لازم تحاول يا وليد الموضوع بجد يستاهل ،،ده مال سايب وملوش أصحاب،، كلهم ولايا والعيال لسه صغيرين !!!!
وأكملت بلؤم٠٠٠٠٠ وإنت لاسمح الله مش هتأذيهم في حاجه بالعكس ،،دانت هتتجوزها وتحافظلها هي وولادها علي فلوسهم وتحميها من أي حد طمعان فيها ،،،
وأكملت بتمني ٠٠٠٠٠٠وواحده واحده لما ثريا ويسرا يطمنولك هتلاقي نفسك حاطط إيدك علي مغارة علي بابا كلها،، وساعتها بقا هتبقي أعلي من ياسين وطارق إللي الكل طالعلي بيهم السما ،،
وأكملت بتمني وجشع ظهر علي ملامحها ٠٠٠٠٠يااااااا لو ده إتحقق يا وليد تبقي أبواب السما اتفتحتلنا والروس إتساوت،،
وتبقي رفعتلي راسي وعملتلي قيمه قدامهم كلهم بدل أبوك إللي وكسنا معاه وراح بهدل فلوسه وخسرها علي مشاريع خايبه وهبله زيه !!!!
أجابها وليد بعيون سعيده ٠٠٠٠٠إن شاء الله هيحصل يا ماما،،أنا شويه كده وهروح لعمتي ثريا ومليكه وأتكلم معاهم في الموضوع،،، وأوعدك مش هخرج من عندهم غير وهما موافقين !!!!
◇◇◇◇◇¤◇◇◇◇◇
مساءً
في فيلا رائف: تجلس مليكه فوق الأريكه تقرأ قصه لطفليها لتسليتهم ،،وتجلس بجانبها ثريا ويسرا يستمعان أيضآ ويداعبان الطفلان في جو أسري دافئ ،،
خرجت عليهم عَليه من داخل المطبخ تخبرهم٠٠٠٠ست ثريا،،عصام بتاع الأمن إتصل وبيبلغ حضرتك إن وليد بيه بره وبيستأذن للدخول ،،
أخذت ثريا حجابها من جانبها وأحكمتهٌ علي رأسها ،،
أما يسرا دلفت لغرفتها لإرتداء ملابس محتشمه تليق بحجابها فقد كانت ثريا ومليكه ويسرا هم الثلاثه المحجبات فقط من العائله أما باقي نساء عائلة المغربي يتحررن بلباسهنَ ولن يلتزمن بالثياب الشرعيه الواجبه علي المسلمه،،
هبت مليكه مٌستأذنه٠٠٠٠بعد إذنك يا ماما أنا هاخد الولاد وأطلع أكملهم الحكايه فوق !!
وافقت ثريا بتفهم لعلمها عدم رغبة مليكه بالجلوس مع وليد ولعدم إرتياحها له٠٠٠براحتك يا حبيبتي، ،لكن إبقي نزليلي أنس علشان ينام معايا !!!
أمائت لها بالموافقه وصعدت بصحبة طفليها للأعلي وهاتفت عَليه حارس المنزل بالسماح إلي وليد بالدخول !!!!
دلف وليد وعلي صغرهِ إبتسامه سمجه وتحدث٠٠٠٠مساء الخير يا عمتي،،أخبارك ايه ؟؟
أجابتهٌ ثريا بوجهٍ بشوش٠٠٠أهلا يا وليد،،إتفضل يا حبيبي !!
نظر وليد إلي يسرا٠٠٠٠أزيك يا يسرا،، أخبارك ايه !!
ردت عليه يسرا بإبتسامة شكر٠٠٠٠الحمدلله يا وليد أنا كويسه !!!
نظر حولهٌ مٌستطلعاً المكان وتسائل بفضول٠٠٠٠٠أومال فين مليكه ؟؟
تحدثت ثريا بإستغراب من سؤاله٠٠٠٠مليكه فوق مع ولادها بتنيمهم !!
تحدثَ وليد٠٠٠٠طب لو سمحتي يا عمتي أنا كنت عاوزكم في موضوع مهم ولازم مليكه تكون موجوده ،،فا بعد إذنك تبعتي تندهيلها !!!
تبادلت ثريا ويسرا نظرات الإستغراب بينهما من حديث وليد
وتحدثت ثريا٠٠٠خير يا أبني ،،موضوع أيه ده إللي عايزنا كلنا كده فيه ؟؟
أجابها وليد بإبتسامتهٌ السمجه٠٠٠لما مليكه تنزل يا عمتي هاتعرفي !!!
إستسلمت ثريا له وأبلغت الفتاه المساعده ل عَليه لتبلغ مليكه بالهبوط للأسفل وبالفعل وافقت !!!
بعد مده نزلت مليكه الدرج،، أسرعَ وليد بالوقوف لإستقبال مليكه ،،ولكنها تحاشتهٌ وحولت بصرها إلي ثريا حتي لا تعطهِ الفرصه ل يصافحها،، فهي لا تتقبله ودائماً ما يراودها شعور بعدم الإرتياح في حَضرتهْ،،
جلست مليكه بجانب ثريا ثم نظرت إلي وليد الذي مازال واقفآ بإحراج وتحدثت٠٠٠٠خير يا أستاذ وليد ،،بلغوني إن حضرتك عاوزني في موضوع مهم،،إتفضل أنا سمعاك ؟؟
جلس وليد وحدث حاله ،،لما تلك المعامله أيتها الجميله ،،ماعليكي عزيزتي،، لم أحزن حالي الآن سأنتظر حتي أنول مقصدي،،وهو أنتي أيتها الحسناء وفوقك ثروة رائف وأبنائه الطائله ،،
تحدث وليد بمداعبه وأبتسامه سمجه٠٠٠طب الأول طمنيني عليكي يا مليكه،، وبعدين أتكلم !!
تحدثت ثريا بنفاذ صبر٠٠٠٠خير يا أبني فيه أيه قلقتنا ؟؟
تحدث وليد بجديه٠٠٠٠بصي يا عمتي،، أنا طول عمري راجل دٌغري وماليش في اللوع والمراوغه،، علشان كده هادخل في الموضوع علي طول،،
أنا فكرت مع نفسي في أمر مليكه وولادها وحضرتك وشفت إن ماينفعش حضرتك ومليكه ويسرا تقعدوا لوحدكم في الفيلا الطويله العريضه دي من غير راجل يحميكم ويشوف مصالحكم ،،
واكمل بتشكيك٠٠٠٠٠وحضرتك عارفه إن المال السايب بيعلم السرقه،،وماينفعش خالص تسيبوا نصيبكم في الشركه كده ل طارق من غير ما تديروه بنفسكم !!!
نظرت لهٌ ثريا بإستغراب وتحدثت بحده٠٠٠٠٠أيه يا وليد الكلام إللي بتقوله ده ،،طارق يتأمن علي الدهب ،،ومش هو أبداً إللي يتشكك في ذمته ،،ده طارق عز المغربي يا وليد !!!
أجابها وليد بإرتباك ٠٠٠أه طبعآ يا عمتي أنا ما أقصدش إللي حضرتك فهمتيه ،،أنا أقصد إن المال لازمله حد يحميه وياخد باله منه ،،وإلا النفوس كده ممكن تتغير !!!
تحدثت مليكه بنفاذ صبر٠٠٠٠ياريت يا أستاذ وليد تدخل في الموضوع علي طول ،،وبلاش المقدمات الطويله دي،، أنا سايبه ولادي مع الناني لوحدهم فوق وعاوزه ألحقهم قبل ماينامو !!!!
أجابها وليد بإبتسامه بارده٠٠٠٠٠حاضر يا مليكه،،أنا بصراحه كده قررت أكون راجلكم وسندكم و طلبت إيدك من بباكي ،،لكن للأسف الأستاذ ياسين كاالعاده مش عاوز يدي لحد فرصه يعمل حاجه كويسه،،غروره دايمآ بيصورله إن مافيش راجل يقدر يتحمل المسؤليه غيره ،،
بباكي كان هيوافق لولا ياسين قال قدام إللي موجودين كلهم إنه طلبك من بباكي ،،
وللأسف عمي عز موافقه علي كده وبباكي كمان وافق ،،فاأنا بصراحه شايف إن ياسين مش مناسب ليكي خالص،،ده راجل عدي ال 40 سنه ،،
يعني أكبر منك علي الاقل ب 12 سنه ،،
وأكملَ بتفاخر ٠٠٠٠٠لكن أنا راجل في عز شبابي عندي 33 سنه،، وأظن إني زوج مناسب جداً ليكي،، أنا قولت أجيلك إنتي ومتأكد إنك هاتختاري صح !!!
كانت تستمع له بذهول وقلبٍ مفتور ،،ماذا تهذي أيها المعتوه،،أواعٍ أنت لما تنطق به شِفاكَ،،أجننت؟
أحقآ تطلب مني أن أدخلك حياتي بديلآ عن رائف،، أجننت يا رجل؟؟
أما ثريا كانت تتحسر علي صغيرها وأطفاله وزوجته التي يريد هذا الطامع نهب ثرواتهم دون خجل !!!
ويسرا التي كانت تستمع له والدموع تحجرت بعيناها وقلبها الذي ينزفٌ دمآ علي عزيز عيناها،، أخاها الغالي !!!
إنتفضت مليكه من جلستها ووقفت بغضب قائله ٠٠٠إنت أتجننت ،،إنت سامع نفسك بتقول أيه؟؟
إنتَ إزاي جاتلك الجرأه تفاتحني في موضوع زي ده،،تفتكر إني ممكن أوافق أدخل أي راجل لحياتي تاني من بعد ما كنت متجوزه سيدهم ؟؟
نهض وليد وتحدث ببرود٠٠٠٠إهدي يا مليكه وفكري بالعقل !!
إنتفضت يسرا من جلستها وتحدثت بدموع٠٠٠٠عقل ،،هو أنت خليت فيها عقل ،،بقا تبقي سنوية أخويا لسه إمبارح وإحنا قلبنا محروق عليه ،،وسيادتك جاي تتكلم في جوازك من مراته ؟؟
تحدث وليد مهدئاً الوضع٠٠٠٠يا جماعه إهدوا وفكروا،، أنا قولت أجي أقولكم علشان تبقوا في الصوره قبل ما ياسين يلعب لعبته ويجيب سالم بيه ومليكه تلاقي نفسها متجوزه ياسين غصب عنها،،
لو مليكه وافقت بجوازنا كده نبقا إحنا إللي فاجأنا ياسين مش هو !!!
نظرت لهٌ مليكه بإشمئزاز وتحدثت٠٠٠٠لا داأنت فعلآ مش طبيعي ،، إنت مين أصلآ علشان تتجرأ وتطلب مني طلب زي ده،،
وأكملت بعدم تصديق٠٠٠٠٠وعلي فكره بقا،، أنا مش مصدقه ولا كلمه من إللي إنتَ قولتها دي ،،أبيه ياسين لا يمكن يفكر بالطريقه الرخيصه دي،،ده كان روحه في رائف ،،وهو عارف ومتأكد إني مستحيل أفكر أتجوز بعد رائف !!!
أجابها بثقه٠٠٠٠طب ما تسألي سالم بيه وساعتها هاتعرفي إني بقولك الحقيقه فعلآ !!!
وأخيرآ ثريا قررت أن تخرج من صمتها وتحدثت بحزن٠٠٠٠ما كانش ليه لزوم تفتح الموضوع ده دالوقتي يا وليد،،علي الأقل كنت أحترمت حزننا علي رائف وصبرت كمان إسبوع،،وأظن ياسين إمبارح نهي الكلام معاك في الموضوع ده هو وسالم بيه وعمك عز !!!
نظرت لها مليكه بتسائل وحيره٠٠٠معناه أيه كلام حضرتك ده يا ماما،،أفهم منه أيه جاوبيني أرجوكي !!!
أجابتها ثريا بضعف وأنكسار وقلبٍ مفتور٠٠٠٠٠مش وقته الكلام ده يا مليكه ،،بعدين هاأبقي أقولك !!!
نطقت يسرا بتسائل ناظره إلي ثريا٠٠٠٠أفهم من كلامك إن إللي قاله وليد ده حقيقي يا ماما،،هو فعلآ ياسين طلب إيد مليكه من بباها ؟؟
صاح وليد بتهليل٠٠٠علشان تعرفوا إن كلامي حقيقي،،وأهي كمان عمتي ثريا طلع عندها علم بالموضوع !!!
هزت مليكه رأسها بحزن وإنكار ٠٠٠٠أنا أكيد بحلم،، ماهو مش طبيعي إن إللي أنا بسمعه ده يكون حقيقي ،،
أخر حد ممكن أتخيل إنه يعمل كده هو أبيه ياسين ،،لا والأفظع من كده إن حضرتك تبقي عارفه الموضوع وساكته !!!
ثم نظرت لها بإستجواب قائله بسخريه٠٠٠٠وياتري بقا حضرتك إنتي كمان موافقه علي جوازي من ياسين بيه ولا لسه بتفكري ؟؟
هٌنا إنفجرت دموع ثريا ولم تتمالك حالها وتحدثت بتألٌم٠٠٠٠٠حرام عليكم ،،أرحموني ،، أنا أم فقدت أعز ما ليها في الدنيا ولسه قلبي بينزف عليه ومطلوب مني أفكر وأقرر في أكتر حاجه ممكن تدبحني ،،
محتوطه بين سلاح ذو حدين،،ياأما أوافق إن راجل تاني غير إبني يتجوز حبيبته إللي كان بيعشقها وأشوفها بعيني في حضن راجل غيره
يا أما بباكي ياخدك وياخد ولاد رائف من حضني وتروحوا تعيشوا معاه في بيته وأنا أموت هنا بالبطئ كل يوم ألف مره من غير أنس ومروان !!
وصرخت ٠٠٠٠إرحموني بقا ماحدش فيكم حاسس بالنار إللي بتحرق في قلبي ،،
كلكم بتتغطوا علي جرحي وهو بينزف من غير رحمه ،،
ناسيين إني لولا عندي إيمان بربنا ويقين برحمته،،كان زماني ميته وراه أو مرميه في مستشفي أمراض نفسيه ،،
وأكملت بصوتٍ حزين وضعيف٠٠٠أنا ماحدش مصبرني علي مصيبتي غير أنس ومروان ووجودهم في حضني هو إللي بيعوضني عن الغالي وبشوفه في عيونهم وبشم ريحته فيهم،،وعلشان كده ممكن أعمل أي حاجه علشان مايبعدوش عن حضني !!
ثم نظرت إلي مليكه وتحدثت بمراره وضعف٠٠٠٠شفتي يا ست