رواية قلبي ومفتاحه الفصل السابع عشر 17 بقلم روز أمين

رواية قلبي ومفتاحه الجزء السابع عشر

رواية قلبي ومفتاحه البارت السابع عشر

رواية قلبي ومفتاحه الحلقة السابعة عشر

وجد أدهم أمامه،، آخر شخص تخيل أن يأتي لزيارته،،
نظر بإستغراب وضيق عيناه قائلآ ٠٠٠عماد ؟؟
عماد متحدثآ٠٠٠أيه يا دكتور،، هتسبني واقف على الباب كده كتير !!
أيه ،،قعدتك في القاهرة لوحدك نستك كرم ضيافة أهل الصعيد ولا أيه ؟؟
أدهم مشيرآ بيده للداخل٠٠٠ لا إزاي إتفضل يا باشمهندس !!!
دلف عماد للداخل وهو ينظر للشقه متلفتآ يمينآ ويسارآ وتحدث٠٠٠ ٠٠لاء بس شقتك حلوه يا دكتور،، أحسن وأشيك من الشقه الأولي بكتير !!!
أدهم بوجه مبهم وإستغراب٠٠٠٠٠مٌتشكر يا باشمهندس،، بس ما أظنش إنك جاي من التجمع للمعادي في نص الليل علشان تتفرج علي شقتي،، وتقولي رأيك فيها !!
هنا جلس عماد علي الأريكة ووضع ساق علي الأخري بتفاخر ونظر ل أدهم بإيماء وتحدث٠٠٠٠٠طول عمرك ذكي يا إبن عمتي !!
أنا فعلآ مش جاي علشان كده !!
أدهم بنفاذ صبر٠٠٠يبقي تدخل في الموضوع علطول يا باشمهندس !!
أظن لا أنا ولا أنت عندنا وقت نضيعه،، أنا أساسآ كنت داخل أنام،، فاياريت تتكلم بسرعه !!
عماد بسخريه٠٠٠٠٠٠ ما تقلقش يا أدهم،، مش هأخرك علي ميعاد نومك٠٠
وتحدث ٠٠٠٠من زمااان أوي يا أدهم وأنت كل الناس شيفاك حد محترم جدآ،،
إلا أنا،، طول عمري شايفك علي حقيقتك،، إنسان مغرور وحاسس دايمآ بالنقص من ناحيتي !!
كنت بتبص عليا وأنت تحت،، بتبص لفوق،، لفوق أوي علي ،عماد علي ،الشاب إللي الدنيا كلها تحت رجليه !!
كان أدهم ينظر له مٌضيقآ عَيناهٌ بإستغراب،، ولكنه فضل الصمت ليخرج عماد كل ما في جوفه دفعتآ واحدهْ !!
عماد بتفاخر وغرور٠٠٠٠٠ باصصلي دايمآ إني أحسن وأذكي منك يا أدهم !!
تحدث بغرور٠٠٠ أخدت الثانويه بإمتياز وبأقل مجهود مني دخلت كلية الهندسة،، وأخدتها من أعرق جامعات العالم !!
جامعة،، كامبريدج البريطانية،، وبردو حاولت تقلدني،، وماعرفتش تجيب مجموع الهندسة !!
إتمردت علي عيشتك وبلدك،، وجيت هنا تعيش وتشتغل علشان بس،، تبقي زيي !!
فتحت مكتبك علشان تبقي شبهي،، بس نسيت إني صاحب شركة كبيرة أوي ،،
وأكمل بإستخفاف وسخريه٠٠٠٠٠مش مجرد مكتب محاسبات !!!
حتي تعيينك،، جه في كليه تانيه،، حاربت لحد ما وصلت للكلية إللي أنا متعين فيها،، علشان ماتحسش إنك أقل مني !!
وأختي،، حاولت تقرب منها وعلقتها بيك علشان تبقي قريب مننا وشبهنا،،
لكن حتي دي فشلت فيها،، والبنت ماقدرتش تطيقك من عقدك !!
ورفع يداه لأعلي وأكمل ٠٠٠كل ده معنديش مانع فيه !!!
وتحدث بتحذير وصوت عالي٠٠٠لكن غبائك وخيالك المريض،، يصورلك إنك ممكن تاخد حاجه بتاعتي !!
ده بقا إللي عمري ما هسمحلك بيه،، فوق يا أدهم وإلزم حدودك وإحلم علي قدك !!
أدهم ٠٠٠٠أدهم مصفقآ بيديه يبدي إعجابه مع إبتسامة مصطنعه ٠٠٠٠براااافو
وقف وأشاح بيده بسخريه٠٠٠أعظم وأكبر باشمهندس في الدنيا كلها ،،
أدائك رائع ،، كمل،، كمل يا فنان،، أنا كلي أذانآ صاغيه !!!
عماد بغضب٠٠٠ أنا مش جاي علشان سيادتك تنبهر بأدائي يا أدهم بيه !!
أنا جاي أحذرك،، أبعد عن حبيبتي وإلا ورحمة أبويا هاندمك !!
أدهم مضيقآ عيناه وبسخريه٠٠٠حبيبتك،، أنت أكيد غلطان يا عماد !
لأني ببساطة،، ماأعرفش بنات شمال،، وإنت الشهادة لله،، كل سككك مع البنات الشمال،،
ونظر له بسخريه وقال ٠٠٠٠ولا أقول النسوان الشمال،، بما إن كل اللي تعرفهم بتضرب معاهم ورقه عرفي !!
وتحدث ساخرآ٠٠٠٠أااااه إفتكرت،، أيه أخبارك مع العرفي،،
يا تري عمك لسه بيجري وراك في الأقسام أنت والنسوان الشمال،، إللي كانو بيتمسكو معاك في العربيه ؟؟
قالها مبتسمآ بإستهزاء ٠٠وأشار بيده علي نفسه٠٠٠أنا إللي بغير منك يا عماد؟؟
أنا إللي كانو أعمامي وعماتي في كل مناسبة يقعدوا يقولولي،،،
أعقل بقا يا إبني،، بص لأدهم إبن عمتك شوف عقله،، قلده في إحترامه !!
وضحك وأكمل ٠٠٠يا أخي ده كفايه إني مابهدلتش أبويا معايا في الأقسام ،،وأنا شارب وسكران ومتخانق في الكباريهات،، وسط الرقصات والحشاشين والسكريه !!
وأكمل بصوت عالي غاضب٠٠٠فوق،، فوق وشوف نفسك بتقول أيه يا عماد !!
وتحدث بغرور٠٠٠أنا أدهم سليم ،،إبن سليم رضوان ،، كبير أعيان سوهاج ،،
أراضينا وفلوسنا تشتري المدينة اللي أنت ساكن فيها باللي عليها !!
وأكمل بنفس الغضب٠٠٠ولا نسيت أبوك الله يرحمه،، هو وعمك حسين لما جم يأسسوا شركتهم وفلوسهم ماكفتش،،
ساعتها جم ل سليم رضوان،، وعرضوا عليه يسلفهم أو يشاركهم٠٠
وأبويا من أصله وكرمه رفض ،،وإداهم الفلوس وقالهم رجعوها وقت ما تقدرو،،
ولو ماقدرتوش مش مهم،، إحنا أهل !!
أنا أدهم سليم يا عماد،، أوزن كلامك وفوق لنفسك قبل ما تتكلم !!!
عماد بغضب٠٠٠٠وأيه كمان يا أدهم يا سليم،، يلا خرج السواد والحقد إللي جواك بقاله سنين !!
بص يا أدهم٠٠ وأشار بأصبعه في وجهه ٠٠٠من الآخر كده ،،كله كوم ،،ومها كوم تاني !!
وتحدث بتهديد٠٠٠٠ إلا مها ،،تبعد عنها خالص،، أقسم بالله أمسحك من علي وش الٌدنيا !!
إنصدم أدهم علي ذكر إسمها،، بما يهذي هذا المعتوه ؟؟ أيقصد مها لا غيرها ؟؟
وما علاقة هذا التافه بحبيبتي ؟؟
تحدث بعدم فهم٠٠٠مها مين،، قصدك أيه؟؟
عماد بغضب٠٠مها رأفت ياأدهم ،،حبيبتي وتعتبر خطيبتي ٠٠
أدهم مضيقآ عيناه بتساؤل٠٠٠٠٠وإنت أيه علاقتك ب مها،، ثم إني أعرف إنك خاطب أصلآ !!
عماد٠٠٠موضوع خاطب ده شيئ ما يخصكش !!
أما علاقتي ب مها،، فأظن إنك تعرفها وكويس أوي،، لأن مافيش حد في الكليه كلها مايعرفش حكايتي مع مها !!
وأنا واثق ومٌتأكد إنك قربتلها بس،، علشان تنتقم مني فاللي عملته ريهام فيك زمان !!
وأكمل بتحذير ٠٠٠٠بس ورحمة أبويا يا أدهم لو قربت تاني لمها لأنسفك من علي وش الدنيا !!
أدهم بعصبيه وصياح٠٠٠وإنت بقا يا دكر جاي تقولي أنا الكلام ده،، ماتروح تقولهولها هي !!
وأكمل بتشكيك٠٠٠٠ده لو إنت مٌتأكد إنها بتحبك زي ما بتقول !!
عماد بغضب وتهديد٠٠٠إفتكر إني حذرتك،، والله يا أدهم ماهارحمك !!
وهنا غضب أدهم بشده وتحدث ٠٠٠٠٠مش أدهم سليم إللي ييجي عيل فرفور زيك ويهدده !!
والزم حدودك وأتكلم علي أدك يا عماد ،،
وإلا والله هاأنسي صلة الرحم إللي بينا،، وأدفنك مكانك هنا !!
ولو علي موضوع مها،،فاماأظنش كلامك صح،، مها أنضف من إنها تكون مع واحد نسونجي زيك !!
عماد بتحدي٠٠٠ولو طلع كلامي صح،، أيه هيكون رد فعلك يا دكتور ؟؟
أدهم بدون تفكير ٠٠٠يبقي ما يشرفنيش أعرف واحده كانت معاك في يوم من الأيام !!
ودالوقتي يلا يا شاطر،، روح حل عقدك ومشاكلك بعيد عني،، وياريت الزيارة دي ما تتكررش تاني !!!
ذهب أدهم إلي الباب وفتحه وأشار بيده إلي الخارج !!
عماد بغضب رفع إصبعه في وجه أدهم بتهديد٠٠٠ياريت تبقي راجل وأد كلمتك وتنفذ وعدك ،،وأنا متأكد إن مها مش هتنكر حبنا لما تسألها !!
وياريت يا أدهم ماتلومش غير نفسك لو غلط معايا تاني !! وخرج
أدهم صفق الباب خلفه بقوه كادت تخلعه من مكانه !!
جن جنونه،، أمسك بفاز كريستال كانت بجانبه ورماها بكل قوته علي الحائط تكسرت لمائة قطعة !!
جري علي هاتفهه وكاد أن يتصل بها،، لكن الوقت قد تأخر كثيرآ !!
لا أدهم،، هذا الكلام لن يجدي علي الهاتف،،
لابد أن أري عيناها وأنظر بداخلهم،، لأري كم خدعتني،، وكيف جعلت مني أضحوكة ولعبت بي !!
يا الله إرحمني !!
تمني في نفسه أن يكون كلام هذا المعتوة غير صحيح،، لأنه لن يرحمها إذا كان حقيقيآ !!!
إنتظر حتي طلوع الشمس، ولم يجف له عين طوال الليل من شدة التفكير والغضب !!
إرتدي ملابسه وقاد سيارته ذاهبآ إلي جامعتة،، هاتفها !!
ردت عليه فرحه٠٠٠أدهم صباح الخير كنت لسه هكلمك ٠٠
إنتي فين ٠٠قالها بغضب إنتابها شعور سيئ،، وقالت٠٠ أنا في الطريق رايحه الجامعه !!
قال بإقتضاب٠٠٠٠ تمام ،،أنا قربت أوصل عايزك في مكتبي حالآ أول ما أطلع !!
مها بتساؤل وقلق٠٠٠أدهم هو فيه حاجه؟؟ صوتك مش مريحني،، إنت كويس؟؟
لما تيجي هتعرفي،، قالها وأغلق الهاتف مباشرتآ دون إنتظار ردها !!
وتركها لتتخيل ماذا حدث؟؟ ولو تخيلت أسوء كوابيسها لَمَا تخيلت أنه علم بأمر عماد !!
وصلت الجامعة وذهبت إليه وهي تشعر بشعور سيئ لا تعلم مصدرة ،،ولكنها كانت علي يقين أن اليوم سيكون فارق في علاقتها به !!
طرقت بابه بيد مرتعشه،، أتاها صوته بالسماح لها بالدخول فدخلت٠٠
وجدته واقفآ يضع يداه في جيب بنطاله وينظر لها بوجة مبهم !!
أين أدهم حبيبها،، أين لهفته عليها،، أين عشقه،، جنونه،، حنانه،،
من ذلك الرجل ؟؟
🌸 يا الله ساعدني أرجوك 🌸
قالت بصوت مبحوح قلق٠٠٠٠صباح الخير !!
أدهم بدون مقدمات،، ناظرآ لها بنظرة غريبة مبهمه٠٠٠٠إنتي عارفه إني هاخد أجازه الأسبوع ده،، علشان أسافر أكلم أبويا في موضوع خطوبتنا !!
مها هزت رأسها بتأكيد وقلق ٠٠٠٠٠أه عارفه !!
أدهم ببرود ونظرة تساؤل٠٠٠٠٠مفيش حاجه عاوزه تقوليهالي ،، يعني،، المفروض إني هبقي خطيبك !!
وأظن من حقي أعرف كل حاجه عن البنت إللي هتبقي مراتي،، وهاتشيل إسمي !!
مها باتت مٌتأكده الآن ما سر هذا التغير التي تراه أمامها ،، ولكن بما يفيد الكلام حاليآ ،،لقد فات أوانه !!
مها برعشه في صوتها٠٠٠حاجه زي أيه ؟؟
أدهم بغضب٠٠٠٠زي عماد علي مثلآ !!
وكأنه بجوابه هذا حجب عنها الهواء،، فأصبحت غير قادرة علي التنفس !!
في هذه اللحظة لم تعٌد ساقيها قادرتآ علي حملها !!
إرتمت على أقرب كرسي منها !!
تأكد أدهم من شحوب وجهها الذي يشبه الموتي،، أن كلام عماد للأسف،، حقيقه !!!
مها بتساؤل وهي تنظر بشرود للأسفل ٠٠مين إللي قالك؟؟
أدهم ناظرآ لها بخيبة أمل وبصوتٍ يكسوهٌ الألم ٠٠٠٠تفتكري هتفرق !! ماأظنش إن ده سؤال في محلة !!
تحدثت مها بصوت مهزوز وضعيف٠٠٠٠اأاانا،، أنا كنت هاحكيلك من الأول،، بس قولت ملوش لازمه،، موضوع تافه وعدي،، والكلام فيه زي عدمه !!
كان ينظر لها بحزن،، وتمني أن يفيق من نومه وأن يكون هذا مجرد كابوسآ ليس إلا،، ويجري عليها يأخذها بين أحضانه وينتهي الأمر !!
تكلم بصوت يكاد يخرج منه يكسوة الحزن ٠٠٠موضوع تافه؟؟
مين إللي قال إنه موضوع تافه ،،لما حبيبتي تبقي عايشه قصة حب قبلي ومع مين ،، ونظر إليها نظرة ذات معني !!
مع عماد علي،، إللي مافيش بنت طلعت من بين أيده سالمة،، مفيش بنت طلعت إلا وورقة العرفي مدمراها !!
نظرت إليه بصدمه وتحدثت٠٠٠٠أدهم أيه اللي بتقوله ده،، أنت فاكرني أيه،، أنا مها يا أدهم،، بٌوصلي !!
وأكملت بتأكيد٠٠٠وحياة بابا والله العظيم ما مسك حتي أيدي !!
نظر لها بغضب٠٠٠بالنسبالي حصل،، وحصل اللي أكتر من كدة !!
ونظر لها بتساؤل وأتهام ٠٠٠٠السؤال بقا،، أنا إزاي إنخدعت فيكي للدرجادي !!
إزاي مشيت وراكي وعيوني مغمضين،، أنا حبيتك بجد !!
أنا إتحايلت عليكي لما زعلتي مني وأتأسفتلك،، ودي أول مرة تحصل في حياتي كلها !!
مها بدموع ٠٠٠٠أدهم أنت كده بتظلمني !!
أدهم بعيون مشتعله ٠٠٠٠إنتي إللي ظلمتيني لما خلتيني أحبك !!
وهنا هب غاضبآ وتحدث بصوتٍ مخيف ونظرة غاضبه٠٠٠٠لما خليتي أدهم سليم يحب واحده من حريم عماد علي !!
مها بغضب ودموع تنهمر من عينيها٠٠٠٠٠أنا ما أسمحلكش !!
صرخ بها ٠٠٠ ما تسمحيليش،، زعلانه علشان بقولك الحقيقه !!
عايزاني أقول أيه لواحدة كانت ماشيه مع واحد نسونجي !!
ونظر بغضب٠٠٠٠٠ فاهمة يعني أيه نسونجي يا هانم،، يعني بينام مع كلاب السكك،، تقدري تقوليلي كنت بتعملي أيه مع واحد زي ده ،،
إنطقي،، قالها بصراخ أرعبها٠٠٠
مها بدموع غزيرة وتبرير٠٠٠٠٠أدهم أنت فاهم الموضوع غلط إديني فرصه أشرح لك !!
أدهم بصوت غاضب٠٠٠تشرحيلي أيه يا محترمة !!
تشرحيلي إزاي قرطستيني وخلتيني مهزله قدام الجامعه كلها !!
إزاي خليتي واحد حقير زي عماد يبصلي وهو بيضحك في نفسه علي إني واخد فياضته !!
هنا فتحت مها عينيها وفمها من هول ما إستمعت من كلمات أقل ما يقال عنها أنها حقيرة وقذرة !!
هنا إنفجرت به ٠٠٠إحترم نفسك ،،أنا ما أسمحلكيش تكلمني بالطريقه دي !!
٠ونظرت له وقالت بصراخ٠٠٠ أدهم أنت بتكلمني أنا كده؟؟
بتكلم مها كده !!
كان ينظر لها ويبتسم بخيبة أمل وقال ٠٠٠أخرجي يا مها،، أخرجي ومش عاوز أشوف وشك قدامي تاني ،، ورقم فوني تبلكيه من عندك !!
ونظر لها بسخريه وقال ٠٠٠٠ااااه بالمناسبه،، شكلك غاليه عند الباشمهندس أوي ،،علشان يديكي أسرار التكنولوجيا اللي بتستخدميها في فونك !!
برااااافو عليكي،، شاطره يا مها،، شاطرة ومقنعه جدآ للأغبياء،، بس أنا خلاص،، مش هكون غبي بعد إنهاردة !!
مها بترجي ودموع ٠٠٠أكيد مش هتضيع حبنا بالسهوله دي،،
وتكلمت برجاء وأمل٠٠٠بص أنا هسيبك دلوقتي علشان أنت عصبي،، ومش عارف أنت بتقول أيه !!
لما نهدي خالص نقعد ونتكلم،، تمام !!
صرخ بها بغضب أرعبها٠٠٠٠إنتي مابتفهميش !!
ليه مصرة تخليني أهينك وأجرحك ،،أنا خلاص مش عايزك تاني في حياتي !!
مابقاش يشرفني وجودك معايا إفهمي بقاااااا
أنا مش عاوز أهينك أكتر من كده !!
أرجوكي أخرجي وإنسيني،، وياريت ماتصعبهاش عليا أكتر من كده !!!
نقطق كلماته وأعطاها ظهرة،، لعدم قدرته النظر لعيونها ودموعها المنهمرة منها بغزارة !!
كانت شاردة تحادث نفسها بصوت مسموع ٠٠٠٠لاء أكيد موضوعنا ماخلصش، أكيد مش هتسبني بسهولة كده يا أدهم،، أكيد هتسامحني ،،صح أيوه،، صح هتسامحني !!
كان يستمع لكلماتها ولم يفهم منها شيئ،، ولكن فاض به،، لم يعد قادرآ علي التحمل أكثر من ذلك !!
نظر لها بغضب كاد أن يتحدث،، لكن حينما رأي هيئتها لم يستطع إخراج حرفآ واحدآ !!
نظرت له بشرود وخرجت دون أن تتفوه بكلمة واحدة !!
٠٠٠٠٠٠٠
بعد خروجها إرتمي علي مقعده ،،فقد إنهارت قواه المٌفتعله !!
لم يعد لقناع القوة الذي رسمه أمامها لزوم !!
سقطت دمعة من عيناه ولأول مرة بحياته 💔
🌸 يا آلله 🌸أدهم يبكي
بكي علي حلم عمرة الذي إنتظرة كثيرآ ،،ولكنه لم يدم طويلآ !!!
ليته دام أكثر،،
مازالت توجد أشياء لم نفعلها بعد !!
ذهب سريعآ قبل الأوان !!
🌸قابل حلمة ببسمه وودعه بدمعه💔
فهكذا الحياة ماذا عسانا فاعلين !!
فليساعده الله علي ما هو آت !!!
◇◇◇◇◇◇◇◇◇◇◇◇◇
خرجت محطمة الفؤاد تجرٌ أزيال خَيبة أملها ،،
وبالكاد وعت علي حالتها ،،أخرجت نظارتها الشمسيه وأرتدتها،، لتخفي بها دموعها وأنهيارها ،،لملمت شتاتها وذهبت !!
ذهبت سريعآ غير واعيه بشيء ،،
كانت تتخبط طوال الطريق حتي وصلت إلي البيت،، حمدت الله أنها لم تلتقي بأي شخصآ كان !!
وصلت لغرفتها وأرتمت أرضآ وأطلقت العنان لدموعها،، بكت بحرقه من أعماق قلبها ،،علي خراب حياتها التي لم تبدأ بعد !!
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
في الجامعه كانت تجلس أريج مع أيه ينتظرا مها لدخولهم المحاضرة التي لم يبقي إلا القليل علي ميعادها !!!
أريج بقلق٠٠٠أيه،، مها اتأخرت أوي،، إنتي متأكده إنها كل ده عند دكتور أدهم !!
أيه بتأكيد٠٠٠أيوه يا بنتي،، بقولك كلمها وإحنا جايين وهي أول موصلنا طلعتله !!
أريج ٠٠٠٠أنا هكلمها ،، مش مطمنه بصراحه
أخرجت هاتفها رنت عليها ردت مها بصوت منهار وصريخ٠٠٠أدهم سابني يا أريج ،، سابني من غير حتي ما يسمعني وصرخت !!
تحدثت أريج بهلع ٠٠٠مها إنتي فين؟؟
إستمعت لها وقالت٠٠٠ خلاص خليكي مكانك أنا جيالك حالآ !!
جرت أيه وأريج وصلا إليها في وقتآ قياسيآ !!
فتحت أريج الباب وجدتها ترتمي علي الأرض في حاله من الإنهيار التام ،،أتت خلفهم نور التي رأتهم يهروعون إلي غرفتها فأرتعبت٠٠
نظرو جميعهم بصدمة من الحالة التي وجدوها عليها من الشتات والإنهيار💔
أريج بصدمة٠٠٠مها أيه اللي حصل،، مالك فيكي أيه ؟؟
لم تٌجب،، كانت تبكي بحرقة من أعماق قلبها،، كا من مات لها “”عَزيزٌ غَاليْ”” في التو !!
كانت شبه غائبه عن العالم،، أسندتها أريج ونور وأيه أجلسوها علي سريرها،،
كانت تنظر في شرود وتردد بلا وعي٠٠٠أدهم سابني،، سابني خلاص،، من غير حتي ما يسمعني !!
إحتضنتها أريج بقوة٠٠٠٠ أهدي يا قلبي أهدي !!
٠٠٠٠٠٠٠٠٠٠٠٠٠٠
كانت تشاهد ألمها وبكاء قلبها الحارق للقلوب ،،ولم تهتز لها شعرة علي تلك المسكينة !!!
محدثتآ نفسها٠٠٠٠هذا خيرآ لكي مها،، عماد يحبك كثيرآ،، سيتزوجك وتنسين معه ألامك وأحزانك،،
أنا لم أفعل لكي إلا الخير،، أنا لست سيئه بالعكس،، ما فعلته خيرا لكي،، ولنا جميعآ !!
تري من هذه التي هدمت أحلام الفتاه،،
دون شفقتآ أو رحمة منها علي حال تلك المسكينه محطمة الفؤاد 💔