رواية قلبي ومفتاحه الفصل الخامس عشر 15 بقلم روز أمين

رواية قلبي ومفتاحه الجزء الخامس عشر

رواية قلبي ومفتاحه البارت الخامس عشر

رواية قلبي ومفتاحه الحلقة الخامسة عشر

بعد مرور يومين ،،كانت مها تجلس علي مكتبها تدرس٠٠
أتت أيه وجلست في مواجهتها وتحدثت
أيه بوجه عابث وخجول٠٠٠٠٠مها أنا أسفه،، بجد صدقيني ماكنتش أقصد أزعلك،، وماكنتش أعرف إنك هتاخدي الموضوع بحساسيه بالشكل ده ؟؟
نظرت لها مها وتحدثت٠٠٠٠٠الزعل بيكون على أد الغلاوه يا أيه،، وأنا لو ما بحبكيش ماكنش فرق معايا كلامك نهائي،،
وأكملت ٠٠ إحنا مشتركين في أوضه واحده يا أيه،،
أنا بقعد معاكي أكتر ما بقعد مع أهلي،، ودا إللي خلاني زعلت منك بالشكل ده،،
المفروض تكوني عارفاني أكتر من كده !!
أيه بأسي٠٠٠خلاص يا مها حقك عليا،، صدقيني زعلانه جدآ من نفسي إني إتسببت في زعلك !!
مها بقلبِ صادق ٠٠٠٠خلاص يا أيه صدقيني مش زعلانه !!
في هذه اللحظات شعرت مها بالذنب لأنها خبأت عن صديقتها أمر أدهم،، فقررت البوح لها بهذا السر !!
مها بإحراج ٠٠٠٠أيه، فيه موضوع كده كنت عايزه أكلمك فيه،، بس ما كنش عندي الشجاعه إني أفاتحك !!!!
وبصراحه متضايقه جدآ من نفسي علشان مخبياه عنك !!
أيه بتأكيد٠٠٠أنا كمان حاسه إنك مخبيه عني حاجه ،،أنا مش غبيه للدرجادي يا مها،،
نزولك الجنينه ومكالماتك إللي في نص الليل وكل ما أدخل عليكي وإنت بتتكلمي تتخضي،،
وأكملت بمداعبه٠٠٠٠ يلا إعترفي،، فيه أيه؟؟
مها بنظرات مليئه بالحب٠٠٠٠بصراحة أنا و أدهم بنحب بعض !!
أيه بصدمة٠٠٠٠٠أدهم مين؟؟ قصدك دكتور أدهم سليم بتاعنا؟؟
مها وهي تبتسم وتهز رأسها بتأكيد ٠٠٠٠أيوه هو يا أيه،، دكتور أدهم !!
أيه وحسره إمتلكت قلبها،، فهو حبيبها هي،،كيف وأين ومتي خلق هذا العشق ؟؟
فهي دائمآ تحاول الوصول إلي قلبه،، وبدأت تهتم بمادته وتتجاوب معه مثل مها،،
وهو أيضا بدء يعاملها بلطف وإهتمام!!
فما تفسير ضحكاته ومداعبته لها !!
أكان هذا وهمآ؟؟ أم لمجرد أنها صديقة مدللته مها ؟؟
تحدثت أيه وهي تحاول تخبأة ما في داخلها من حسرة ٠٠٠٠بتحبوا بعض إزاي يعني ؟؟مش يمكن بيتهيأليك ؟؟
مها بفرحه وأبتسامه ساحره علي صغريها٠٠٠٠٠بيتهيألي أيه بس،، هو بنفسه إعترفلي بحبه،، ولينا فتره بنتكلم فون !!
أيه بتساؤل ٠٠٠٠حصل أمتي؟؟ وأنا فين من كل ده،، وعرف رقمك منين أصلآ ؟؟
مها٠٠٠٠٠أنا هحكيلك كل حاجة من الأول،،
وبدأت تقص عليها ولكن إحتفظت ببعض التفاصيل الخاصه بها وحبيبها لنفسها ،،
فا مها من النوع التي لا تبوح بكل ما بداخلها لأي شخص كان،،
يوجد بعض اللحظات تحتفظ بها لنفسها فقط!!
وبعد مرور بعض الوقت تحدثت أيه بصدمه ٠٠٠يعني أريج كمان تعرف كل حاجه ؟؟
أخص عليكى يا مها ،،للدرجادي معتبراني غريبه عنك ؟؟
مها بنفي وتبرير٠٠٠ ٠٠لا والله يا أيه،، كل الحكايه إن أريج بالصدفه شافت أدهم وهو بيعترفلي بحبه أول مرة !!
وأنا اللي طلبت منها إنها ماتقولكيش حاجه غير لما أنا أقولك بنفسي،،،
وأنا والله كنت هحكيلك ،،بس لو تفتكري إنك حظرتيني من أدهم ونظراته ليا وخوفتيني منه ،،فكنت محرجه أفاتحك في الموضوع إزاي ؟؟
وأكملت بندم وأسي٠٠٠٠أرجوكي يا أيه متزعليش وبجد أنا أسفه !!!
أيه بلؤم٠٠٠٠ أنا مش زعلانه يا مها،، أنا بس كنت حابه أكون أول حد يعرف وأفرحلك،،
إنتي عارفه إحنا يعتبر إخوات،، وأنا أقربلك من أريج،، إحنا عشرة أربع سنين،،
يومنا كله بنقضيه مع بعض،، طول عمرنا مع بعض،، فرحنا وحزننا،، جرحك وحزنك في موضوع عماد !!
كنت أنا معاكي وإتخطيناه سوا ،،وأنا لما سبت محمد خطيبي، إنتي أكتر حد وقف جنبي ودعمني نفسيآ لحد ما إتخطيت الموضوع،،
وأكملت٠٠٠٠٠إحنا أكتر من الأخوات يا مها،، وياريت ماتخبيش عني حاجه تانيه !!!
إحتضنتها مها بحب وقالت٠٠٠٠٠خالص يا أيه، صدقيني دي هتكون آخر مرة أخبي عليكي فيها حاجه !!!
وتحدثت بحب وبرائه٠٠٠٠٠أنا بحبك أوي يا أيه،، وبجد هاأفتقدك جدآ ،لما نخلص ونروح بيوتنا !!!
أيه ٠٠٠٠وأنا كمان بحبك جدآ يا مها ،،وأكيد هانتقابل دايمآ بعد ما نخلص !!!
🌸٠٠٠٠٠🌸٠٠٠٠٠🌸٠٠٠٠🌸🌸٠٠٠٠٠🌸٠٠٠٠٠🌸٠٠٠٠٠🌸٠٠٠🌸
صباح اليوم التالي ٠٠ذهبت مها وأيه إلي جامعتهم ،،كانت تجلس وسط أيه وأريج كعادتها وكانت محاضرة دكتور أدهم،،
ولكنها لاحظت غضبه من لحظة دخوله والنظر إليها ،،
لا تعلم لما هو غاضب منها هكذا ،،ولما يتجاهلها ،، أحزنها هذا كثيرآ وهو لاحظ ذلك،،
فاستدعاها للحضور إليه،، ذهبت علي مرأي جميع الطلاب !!!
أدهم بغضب ووجهٍ عابثْ٠٠٠أيه يا هانم الزفت اللي إنتي لابساه ده؟؟
مها بإستغراب ٠٠٠ماله لبسي؟؟
نظر لها بغضب ٠٠٠٠٠الشميز إللي هايتفرتك من علي صدرك يا هانم،، أيه مش واخده بالك أنه مجسم صدرك كله؟؟
نزلت عليها كلماته كاصفعه علي وجهها،، أحرجتها كلماته الجريئة،، وجعلت الدماء تهرب من وجهها !!!
أحس هو بخجلها من نطق كلماته الجريئه،، فقرر أن يخرجها من تلك الحاله !!!
أدهم بحزم ٠٠٠٠٠مها،، اللبس ده آخر مرة يتلبس !!
نظرت له وتحدثت بكل طاعه لإرضائه ٠٠٠٠حاضر يا دكتور،، إللي إنت تؤمر بيه أنا هانفذه !!!
نظر لها بكل حب وقال ٠٠٠٠أعذريني يا قلبي،، أنا بغير عليكي أوي،، مها لو حد بصلك كده ولا كده أنا ممكن أرتكب فيه جناية !!
مها بتفهم لوجهة نظرهِ وغضبهِ٠٠٠٠خلاص يا أدهم حقك عليا،، وصدقني هراعي الموضوع ده بعد كده !!
أدهم ٠٠٠٠خلاص يا حبيبي أدخلي علشان الطلبه عينهم علينا !!
ذهبت بطاعه عمياء،، فقد باتت تعشق كل ما فيه حتي تحكمه بها وبملابسها٠
♡ عاشقتآ هي حتي النخاع ♡،،لا تري من كل العالم سوي عشقه وغرامة وفقط🌸
جلست في مكانها وأستأنف أدهم شرحه،، ولكن بوجه بشوش فرح !!!
مما أستغربه الطلبه،، ولكن لما الإستغراب،، وهم باتوا جميعآ يدركون أن ذلك الفتي عاشق من رأسه لقدمه !!
قالت أحدي الفتيات لصديقتها٠٠٠٠يا حرام ،،يظهر الباشمهندس عماد راحت عليه خلاص !!
ردت الفتاه الأخري عليها٠٠٠٠٠يا نهار أبيض لو يعرف هايخرب الدنيا،، ده بقاله تلات سنين مابيسمحش لحد يقرب منها ،،
ودكتور أدهم جه خطفها منه بكل سهوله !!
أجابت الفتاه الأولي ٠٠٠٠بصراحه دكتور أدهم يستاهل الواحده تسيب الدنيا كلها علشانه،،
دي كفايه عيونه ولا دقنه يااااي !!!
الفتاه الثانيه بهيام ٠٠٠٠ولا شخصيته تجنن ،،عنده كاريزما وااو، زي أبطال السينما ،،بصراحه مها دي محظوظه أوي !!
الفتاه الأولي بسخريه٠٠ ٠٠محظوظه؟؟؟
إنتي غلبانه أوي،، ده لعب علي مستوي عالي يا ماما،،
الأول تشاكسه وتعانده وتشغله ب كده، وهو يحاول يضايقها،، وبعدين ترمي شباكها عليه وتجيبه تحت رجلها،، تخطيط عالي علي مستوي،، تخطيط أٌستاذه ورئيسة قسم !!!
الفتاه الثانيه بنفي وإستنكار٠٠٠٠لا ،،ماأظنش مها من النوع ده ،،مها بنت محترمه مش كده خالص !!!
ثم أكملوا نميمتهم عليها !!
أدهم ناظرآ إليها بجديه٠٠٠٠مها من فضلك إجمعيلي باقي الأبحاث من الطلبه وهاتيهم علي مكتبي !!!
مها بطاعه وإحترام ٠٠٠٠٠تحت أمر حضرتك يا دكتور !!!
🌸٠٠٠٠٠🌸٠٠٠٠🌸٠٠٠٠٠🌸🌸٠٠٠٠٠🌸🌸٠٠٠٠🌸٠٠٠🌸٠٠٠🌸
بعد مدة قصيره طرقت باب مكتبه ،،أتاها رده بالسماح لها بالدخول ،،دخلت ووقف لها بلهفتهٍ المعهوده ،،وقبل يدها بشغف وأجلسها !!!
نظر لعيونها بفرحة قائلآ٠٠٠٠٠ليلي عايزه تشوفك !!
قالت بإبتسامه ساحره وهي تشير بيدها علي حالها ٠٠٠٠ كلمتها عني،، قلتلها أيه ،أحكيلي ؟؟
أدهم بحب وفرحه تملئ عيونه٠٠٠٠٠هي عرفت لوحدها،، إمبارح كلمتها فيديو كول،، أول ما شافتني قالتلي حبيت يا أدهم؟؟
قلتلها حصل يا لوله،،مش عاوزه تشوفي مرات أبنك؟؟
نزلت عليها كلماته كانسمة هواء بارده في ليل صيف ساخن ♡
كادت تسقط مغشيآ عليها من أثر الكلمه !!!
🌸يا الله 🌸 أكانت الدنيا تكنز لي نصيبي من الفرح والسعادة ،لتعطيني إياه دفعتآ واحدتآ،،
وها هي الآن تقول لي هيا مها ،،هذا مخزن الحب والسعادة 🌸
هيا مدي يداكي وخذي منه ما تريدين،،
خذي حتي تكتفي مها ،،فالدنيا تفتح لكي ذراعيها علي مصرعيها ،،
🌸والحظ يحوم حولك جميلتي 🌸
أكمل أدهم بحماس٠٠٠٠٠بصي هي مش قادرة تصبر لحد ما أكلم بابا ونجيلكم البيت،، هي عايزه تشوفك حالآ !!!
قالت بعدم فهم٠٠٠٠تشوفني؟؟هي ماما هنا في القاهره؟؟
أدهم بإبتسامه ٠٠٠ ٠٠لاء يا روحي هي في سوهاج،، لكن حاليآ فيه حلين قدامنا،، أول حل نكلمها دالوقتي فيديو كول،، أو أبعتلها صورك !!!
كان يتحدث بحماس ووجه ضاحك !!
فجأه تلاشي الفرح من وجهها !!
فا مها رغم حبها الشديد ل أدهم إلا أنها فتاة ذكية وعاقلة إلي أبعد الحدود،، هي ليست بالفتاه الغبيه التي ترتكب مثل هذا خطأ !!
خطأ كبير يحسب عليها !!
فقد علمتها الحياه أن لا تؤامن لأحد أيآ كان علي وجه الأرض،، وخصوصآ أنها لا تربطها به علاقة رسمية !!
فمن يعلم ما يخبأه القدر لنا؟؟
فاأحباء اليوم من الممكن أن يصبحو أعداء الغد !!!
تحدثت بعد تفكير بوجه عابث٠٠٠٠أدهم أنا أسفه بس أصلي مش معايا صور علي فوني حاليآ !!!
قال بحذر وقد إنتابه شعور بالقلق٠٠٠٠عادي أنا ممكن أصورك دالوقتي حالآ ؟؟
مها بحرج وأسف٠٠٠٠أنا أسفه يا أدهم،، بس بجد مش هينفع !!
وبلحظه تلاشت سعادته هو الآخر وقال بوجه مبهم٠٠٠هو أيه إللي مش هاينفع ؟؟
تحدثت مها بحرج ووجه ناظر للأسفل ٠٠٠٠٠أدهم حاول تفهمني،، أنا ليا ثوابت في حياتي ومبادئ مابحبش أتعداها !!
صرخ بها فأسكتها ٠٠٠٠ثوابت، ثوابت أيه؟؟
إنتي ليه كل مرة بتتعمدي توصليلي إحساسك بعدم ثقتك فيا؟؟
وأكمل بوجه عابث٠٠٠٠للدرجادي شيفاني حد حقير ومايأتمنش؟؟
مها وهي تحاول أن تفهمه٠٠٠٠أدهم الحكاية مش كده خالص !!
صرخ بوجهها ٠٠٠٠أومال إزاي؟؟
فهميني إزاي،، يا حبيبتي،، يا روحي،، يا فرحة عمري ،،قالها بإنكسار عاشق ثم أشاح بوجهه عنها !!
مها بدموع وترجي٠٠٠٠أدهم أرجوك حاول تفهمني !!!
وقف بكل شموخ أمام النافذة وَوَالاَها ظهره ووضع يداهٌ بجيب بنطاله،،
ثم تحدث بكل غرور ٠٠٠٠المقابله إنتهت يا أنسه،،
أتفضلي بره لو سمحتي !!
نظرت له مها بصدمه وعيون متسعه٠٠٠٠أدهم إنتَ بتطردني؟؟
إعتدل ونظر لها بكل غرور وكبرياء ،،ثم إتجهَ لمكتبهِ وجلس علي كرسييهِ وأمسك بدفتر وقلم وبدء بكتابة بعض الأشياء متجاهلآ إياها !!!
كانت مها في موقف لا تحسد عليه،فقد وصلت لقمة إحراجها !!
قالت بصوت مبحوح من خجلها٠٠٠٠أدهم آحنا لازم نتكلم !!
رد عليها بصوتٍ بارد ٠٠٠٠بره يا أنسه من فضلك،، عندي شغل، مش فاضي للتفهات دي !!
أحست بطعنه في كبريائها،، نظرت له بغضب وخرجت دون كلام ،،صفقت الباب خلفها بقوه أغضبته !!
٠٠٠٠🌟٠٠٠٠🌟٠٠٠٠٠🌟٠٠٠🌟٠٠٠🌟٠٠٠🌟٠٠٠٠🌟٠٠٠٠🌟
خرجت من مكتبه كالبركان الغاضب الثائر وهي تحدث حالها ٠٠٠٠ أدهم سليم،، أنت ينقصك الأدب،، وأقسم بربي لأكمله لك !!
يالك من متكبر مغرور ومتقلب المزاج ،،
نعم أدهم، أنا مها رأفت،، أقسم بربي سأٌلقنكَ درسآ لن تنساهٌ مديَ حياتك !!
ذهبت لمحاضرتها وبعد الإنتهاء منها ذهبت مع أريج وأيه وبعض الأصدقاء وجلسوا سويآ في الكافيتريا ٠٠
جلسوا يتسامرون ويأكلون بعض الأطعمة والمشروبات !!
دلف هو وجلس ولم يعيرها أي إهتمام طلب بعضآ من الطعام والقهوة خاصته !!
كانت تتبادل النكات والحكايات هي وصديقاتها وتضحك بصوت أنثوي ملفت للنظر،، مماجعل كل من في المكان ينظر إليها بإعجاب،،
فكانت حقآ ساحرة بضحكتها الأنثويه الرقيقه !!!
نظر لها بغضب وأقسم بربي لو كانت النظرات تحرق،، لأحترقت الفتاه وأصبحت رمادآ وأنتهي أمرٌها !!
كان ينظر لها علها تنظر إليه ويبعث لها إشاراته التي تخرسها وتجعلها تصمت للأبد !!
لكنها كانت مستفزه لأبعد الحدود كانت تقصد كل فعل تفعله بإستمتاع !!
كاد يجن وبات يحدث حَالهْ ٠٠٠٠أيتها اللعينه الماكرة،،٠كيف لكي أن تفعلي هذا بي؟؟
وربي مها لأٌكسر عظامك وأسحقها حين تتح لي الفرصة !!
أنا، أنا تفعلي بي كل هذا ،،فليكن ما تريدين !!
خرج من المكان كالمجنون وصل مكتبه وأخرج هاتفه وأتصل بها مرة لم ترد ،،كرر الإتصال مرة أخرى لم ترد !!
الويل لكي أيتها اللعينه سأقضي عليكي !!
كرر الإتصال للمرة الثالثة٠٠٠٠نظرت بهاتفها
وضحكت وأخذته وخرجت من الكافيتريا وردت عليه !!
مها ببرود٠٠٠٠ أفندم،، عاوز أيه ؟؟
أدهم بصوت أرعبها٠٠٠٠٠ إنتي واعيه للي بتعمليه ده،، للدرجادي مش همك عمرك؟؟
وأكمل بغضب وصياح٠٠٠٠هاقتلك يا مها والله لأقتلك،،
وأكمل بأمر ٠٠٠٠٠تبطلي الهبل اللي بتعمليه ده وتخرجي من عندك حالآ !!!
تحدثت مها بكل غرور وكبرياء٠٠٠٠ وبصفتك أيه إن شاء الله بتؤمرني وتقولي أعمل إيه وماأعملش أيه ؟؟
أدهم بصراخ٠٠٠٠٠مهاااااا ،،ماتخلنيش أتجنن عليكي ،،إللي بقوله يتنفذ بدون كلام !!
مها بعناد٠٠٠٠٠مش خارجه،، واللي عندك أعمله،، وبعدين إنت مين أصلآ علشان تكلمني بالطريقه دي ؟؟
أدهم بغرور ٠٠٠٠جوزك يا هانم ،،جوزك يا غبيه،، ولو ما خرجتيش من عندك حالآ هاجيلك،، ومش هاقولك علي اللي هيحصلك لو جتلك ،،،قسما بالله هابهدلك !!!
ضحكت بسخريه وقالت ٠٠٠٠جوزي،، لا حلوة النكته دي،، إنت سامع إللي أنت بتقوله يا دكتور !!!
أدهم بتأكيد وتملك وغرور ٠٠٠٠أيوه يا غبيه مراتي وملكي،، من يوم ما شفتك وإنتي مراتي ،،مجرد وقت وهاتكوني مرات أدهم سليم !!
مها بعناد٠٠٠٠ سيبك من الكلام الفاضي ده،، ومين قالك أصلآ إني أوفق أتجوز واحد مغرور متكبر زيك،،
وتحدثت بإستنكار٠٠٠٠٠ أهو ده اللي كان ناقصني،، أرتبط بواحد نرجسي ينكد عليا حياتي ،،
أنا حره يا أستاذ مش عبده عندك؟؟
وأيه اللي يجبرني أشتري لنفسي الهم والنكد أصلآ !!!
أدهم وقد تغيرت نبرة صوتهِ من غضب إلي حزن ٠٠٠٠أنا هم ونكد يا مها ؟؟
هم ونكد علشان بحبك وبغير عليكي ؟؟
وأكمل بحنان وصوتٍ هادئ٠٠٠٠يا مها أنا بحبك أوي، أرجوكي ما تعمليش فيا كده، أنا أدهم حبيبك، نور عيونك !!!
لانَ قلبٌها لهٌ ورقْ،، لكن تماسكت وردت بتماسك وغضب وثبات٠٠٠٠أدهم أنت عاوز أيه دالوقت؟؟
أدهم بحنان ٠٠٠٠عاوزك تنسي كل إللي حصل ده وكأنه ماحصلش،، تعالي يا مها ،،تعالي علي مكتبي نتفاهم وأنا هاصالحك وأراضيكي !!
ردت مها بكبرياء وقوه٠٠٠أسفه يا دكتور،، بس أنا مش هادخل مكان سبق وأتطردت منه !!
أدهم بنفي وتراجع٠٠٠٠٠لاء يا قلبي أوعي تقولي كده،، أنا ماأقدرش أطردك،، يا مها أنا بس كنت غضبان وخفت عليكي من غضبي،،
فافضلت إنك تمشي ونتكلم في وقت تاني نكون فيه أهدي !!
وأكمل بحنان محاولآ إرضائها ٠٠٠٠إنتي فهمتيني غلط يا مها صدقيني !!!
مها بتحدي وقوه٠٠٠٠ مش هاجي يا أدهم،،
ومن فضلك ما تضغطش عليا أكتر من كده،، أنا تعبانه وهروح علشان أنام !!
تحدث بأدب ٠٠٠٠خلاص يا حبيبي روحي نامي وإرتاحي٠
وأول ما تقومي من النوم كلميني علشان أطمن عليكي !!
ثم أكمل بحب ٠٠٠٠أنا بحبك يا مها،، بعشقك،، أرجوكي إفهميني ،،وما تحاسبنيش علي غيرتي وحبي ليكي !!
أرجوكي ماتعمليش فيا كده تاني؟؟
وأكمل ٠٠٠ إنتي مش متخيله أنا كنت حاسس بأيه وأنا شايفك بتضحكي وبتدلعي،، وعيون الدكاتره والطلبه عليكي !!
ثم أخذ نفسآ عميقآ وأخرجه يحاول أن يمتص به غضبه الثائر حتي لا يصبه عليها من جديد ويخسرها !!
تماسك وقال٠٠٠٠٠أرجوكي يا نور عيوني ماتعمليش فيا كده تاني !!!
مها بتجاهل مقصود لما قال٠٠٠أدهم ،،أنا هقفل ونبقا نتكلم بعدين في الموضوع ده ،،. أنا بجد تعبانه ومش حابه أتكلم،، مع السلامه !!!
وأغلقت الخط معه وضحكت بإنتصار إمرأه ،،علي هزيمة رجل أهان كرامتها !!
لقد هزمت غروره ونجحت ختطها في كبح كبريائه وعناده !!
أغلق الخط معها محدثآ نفسه٠٠٠٠٠ماذا أنت فاعل مع هذه العنيدة أدهم؟؟
ولما يرق قلبك لها بهذه الطريقه المهينة !!
أنتبه لأفعالك يا فتي،، يجب أن تصمد أمامها أكثر من ذلك،،
أنتي كامهرةٍ جامحه،، وأنا سأٌرودكي مها !!
آه يا فتي،، كم سيذلك الحب بعد،، أيتها الساحره اللعينه ماذا فعلتي بي ؟؟
لقد جعلتي مني عبدآ طائع لكي !!
ولكن الغريب إني متقبل وراضي بل وسعيد بهذا الإحساس٠٠
غريب حقآ أيها العشق،، تجعلنا نتخلي عن ثوابت كنا نظنها لن تزول إلا بزوالٌنا شخصيآ ♡♡