رواية قلبي تحداني الفصل الخامس 5 بقلم زهرة الربيع
رواية قلبي تحداني الجزء الخامس
رواية قلبي تحداني البارت الخامس
رواية قلبي تحداني الحلقة الخامسة
قربت منو بطريقه وقحه وكانت طبعا ظابطه توقيتها على وصول ملاك
ملاك اول ما شافتهم كانت هتقع من طولها ..حطت ايدها على بقها بصدمه ونزلت دموع عينيها وهي مش مصدقه اللي بيحصل قدامها بعد كل اللي قالهولها فضلت واقفه تبص لهم بدموع وهي بتفتكر وعده ليها انه مش هيعرف غيرها مشيت وهي مش قادره تقف على رجليها…. وراحت على البيت وهي بتعيط
خالد استغرب وقال… ايه اتخانقتوا ولا ايه
بس ملاك ما سمعتوش حتى ولا ردت وطلعت على اوضتها بصدمه وبعد شويه نور دخل بعد ما قدر يمشي داليا وقال لخالد معقوله ملاك ما نزلتش كل ده
خال. قال.. يا ابني ما طلعتلك من شويه راحتلك الجنينه
نور اتسعت عنيه بزهول شديد وقال… امتى
خالد قال من شويه ورجعت معيطه افتكرتكم اتخانقتوا
نور غمض عينيه بحزن رهيب لما قال كده وفهم انها اكيد شافتهم لسه هيطلع وراها وصل شاب في سن ال 28 بملامح هاديه وقال..السلام عليكم ..صبري باشا موجود
طبعا يقصد والد نور
نور اتقدم عليه وقال اه موجود هنادي له حالا اقوله مين معلش
الشاب مد ايده وقال انا ..علي معيد عند ملاك في الجامعه وجاي اطلب ايدها
نور عنيه اسودت من الغضب وسلم عليه بغل..وقال يا اهلا وفضل ماسك ايده بغضب
والد نور اتوتر لما طلع من مكتبو وسمع حديثهم قال…سيب ايد الراجل يا نور
نور لسه بيضغط عليها ويبص له بغل شديد
وعلي كان مندهش من طريقته وابوه قال تاني ..نوووور بقول لك سيبه حالا
نور شده بغل ودفعوا كان هيقع بس وقع على الكرسي وقعد قصاده بغضب وقال.. يا اهلا بيك انا مش عايز احرجك واستناك تطلب علشان كده هفهمك من البدايه ملاك مخطوبه ..بس اكيد هنعزمك علي الفرح باذن الله
علي لسه هيتكلم سمعوا صوت ملاك بتقول .بس موافقه على دكتور علي..ومش هاتجوز غيره
الكل بصلها بذهول ونور اتنهد لانه عارف هيه بتعمل كده ليه قال… بعدين يا ملاك هنتفاهم
بس اتجاهلتو ووقفت قدان عمها وقالت ..عمي انا بعتبرك ابويا اللي معنديش غيره..و عشان كده هطلب منك الطلب ده …انا موفقه على دكتور علي وشيفاه مناسب ليا عايزاك توافق عليه وتحميني لحد ما اتجوزه ده اذا اعنيلك وفعلابتعتبرني زي بنتك زي ما دايما بتقول..لو ما وافقتش بقى وفضلت ابنك عليا ابقى مليش مكان هنا والموضوع غير قابل للنقاش
عمها اتنهد وقالت بدموع انتي بنتي مش زي بنتي يا ملاك واللي انتي عايزاه يا لنتي هيتم انتي حره في اختيارك
ملاك بصت لعلي وقالت انا عايزه الفرح يبقى خلال الاسبوع ده قبل الدراسه يا دكتور علي قالت كده وطلعت على اوضتها بدموع.
نور كان بيبصلهم بزهول من اللي حصل ولسه هبطلع وراها ابوه مسكو من ذراعه وقال بدموع انت سمعتها يا نور قالتلي ايه قالت لو بعتبرها بنتي احميها وتقصدك انت انا اديتها كلمه فلو عايز تفضل ابني ملكش دعوه بيها ولا حتى تطلع وراها سيبها في حالها قال كده واخد الدكتور علي على المكتب علشان يتفقو على التفاصيل
حدى الاسبوع ده بتاع تجهيزات الفرح بحزن على الجميع
ملاك كانت قاعده في اوضتها ومش بتخرج ولا بتاكل ولا تشرب معاهم واغلبيه وقتها بتبكي لانها كانت بتتمنى يكون اتخلى عن الكل علشانها كانت بتتمنى يكون صادق معاها
اما نور كان بيحاول بكل الطرق يوصل لها ويكلمها ورغم انهم في بيت واحد لكن كان ممنوع عنها طول الوقت وكان ابوه مراقبه لان كلام ملاك مزعله جدا وحسسه انه فعلا ما عرفش يحميها من ابنه
يوم الفرح كان الكل مجتمع وملاك جهزت وبقت عروسه زي القمر بس كان دموعها ما نشفتش رغم كل اللي حصل لكن اتمنت لو مستسلمش واتمنت لو رفض ومنع الجوازه
بعد وقت كانت قاعده هي وعلي جمب المأذون اللي قال… ما اسمك يا ابنتي
قالت ملاك بدموع.. ملاك
علي ادلو البطايق فورا وقال وانا علي يلا اكتب بسرعه
قال المأدون بغضب.. ماذا علي اسمك علي وتريد الزواج استغفر الله العظيم وانتي الا تخجلين من الزواج بعلي مثله
ملاك ضحكت وقالت وهخجل ليه يا سيدنا هو اسمه ابليس
الماذون قال لا يا ابنتي انتي صاحبة اسم مرموق لا يليق بك اي اسم..اعتقد يليق بكي اسم عادل او احسان او ربما نور مثلا.. هذا الاسم المناسب يا ملاكي
ملاك اتصدمت وبصتلو بزهول خصوصا لما قال ملاكي وهو غمز لها ووقف وقال…هذا الجواز لا يجوز لا يجوز..انا لم ادرس ٧ سنوات مأذنه لارتكب الفواحش
علي استغربه وقال …يا سدنا الشيخ ده اسمي هغيره يعني ..وبعدين ايه اللي سبع سنين دارسة ..وهو فيه جامعه بتدرس مئذنه اصلا ايه المأذنه دي كمان
قال..اي نعم يوجد وندرس بها عقد القران وانا لا اريد ان اعقد قرنك يا اخي اعقده وحدك
ملاك كانت عايزه تضحك وعلي لسه هيتكلم خالد قال ما قالك ما ينفعش يعقد قرنك هي ناقصه اما انك قرن صحيح
علي بصلهم بغضب وبقى ينادي على عم ملاك ..و نور غمز لخالد
قام خالد قطع الكهرباء عن المكان كله والدنيا بقت ضلمه جدا
نور مسك ايد ملاك وهي ما منعتش ابدا وطلعت معاها بسرعه من المكان وبقوم يجروا شويه لحد ما وصلوا عند عربيته وركبت معاه وهي مش فاهمه ليه متكلمتش ولا فضحته من اول ما عرفته
نور قلع العمه والعبايه والشنب والدقن التركيب وبصلها وقال بحب..وحشتيني يا ملاكي اخيرا بقينا لوحدنا
ملاك قالت بارتباك ..انت هببت ايه رجعني يا نور مش هينفع كده ابدا
بقلم…زهرة الربيع
بس نور طلع بيها بسرعه وكأنو مش سامعها.
على الطريق قالت بغضب عايزه ارجع انت خاطفني على فكره
نور ضحك وقال احلى خطفه دي ولا ايه..بس ايه رايك فيها وانا ماذون
ضحكت و قالت …اهبل قوي على فكره ..وبعدين اصلا مهنه ساميه زي دي ما تلقش بواحد ذيك
نور اتنهد وقال انا عارف بتلمحي الايه لو كنتي قبلتي تسمعيني كنت هفهمك ان اللي شوفتيه ده هي قصدت توريهولك مش اكتر …وغلاوتك عندي انا بهدلتها ومشيتها وقطعت علاقتي بيها ويعلم ربنا اني ما خلفتش بوعد ليكي ابدا
ملاك قالت مش هصدقك تاني يا نور رجعني فرحي
نور وقف العربيه وشدها ليه وقال تمام..بس خليكي معايا شويه عايز اشبع منك ..وهعمل لك كل اللي انتي عايزاه..وحشتيني قوي قوي يا ملاكي
ملاك قالت بدموع ..بس انت موحشتنيش يا نور ..انا مش قادر على تعب القلب ده مش قادره اشوفك مع غيري ..مش قادره اتخيل انك ممكن تخوني وتلمس غيري قلبي واجعني قوي من اللي بتعمله
نور نزلت الدموع من عيونه وقال بحب…اقسم بالله بحبك من قلبي ..والله كان غصب عني فاجئتني ..ارجوكي يا ملاك ما تعمليش فيا كده ما تسيبنيش انا محتاج لك قوي انا كنت هتجنن اليومين اللي فاتوا دول وانتي عايزه تسيبيني العمر كله
ملاك قالت.. انا كنت ….
بس قاطعها وقال..متقوليش حاجه..انا قاري كل الي في قلبك …وعايزك جمبي يا ملاك عايزك تحبيني اكتر واكتر وانا هعمل كل جهدي علشان اسعدك وانسيكي كل ده ويحرم على قلبي اي دقه لغيرك ووعد يا ملاكي
ملاك ابتسمت من كلامو الي ديما بيرضي انوثتها ويحسسها انها غير الكل واستسلمت لعيونه وقالت عارف رغم كل ده كنت حاسه انك جاي كنت متاكده انك مش هتسيبني..لو كنت عملتها معرفش كنت هعيش ازاي
نور قربها ليه اكتر وقال بس انا عارف هتعيشي ازاي لاني عمري ما كنت هسيبك …انتي مكانك جمبي العمر كله
ملاك ابتسمت ابتسامه قمر ونور اتنهد وقال …بينا على أقرب مأذون حقيقي..عشان اكتر من كده يا بنت عمي هننسى الدنيا وهتبقى فضايح
ملاك ضحكت وقالت..مجنون قوي بس بعشق جنانك
نور ايتسم وقال…ومين يعشق عيونك ويفضل عاقل وضمها لقلبه اكتر وقال… بعشقك يا ملاكي اللي غير حياتي وخلاني بجد حسيت اني انسان
ابتسمتلو بسعاده وقالت مش قد ماحبيتك قلبي تحداني فيك والحمد لله كسب التحدي ❤🌹
كنتم مع قلبي تحداني… بقلم زهرة الربيع زهرتكم تحييكم ودمتم في امان الله مع من تحبون❤🌹
لقراءة الرواية كاملة اضغط على : (رواية قلبي تحداني)
