رواية قطتي الشقيه الفصل السادس 6 بقلم همس كاتبة
رواية قطتي الشقيه الجزء السادس
رواية قطتي الشقيه البارت السادس
رواية قطتي الشقيه الحلقة السادسة
خالد : اممم عشان كدة كنتي بتحاولي تلفتي انتباه اسد مش كدة ؟
رزان بصدمة : نعم ؟
خالد : تكونيش فاكرة انه مش واخد باله ؟ او يعني انا مش شايف الحركات دي ؟ رزان انتي عمرك ما كنتي كدة .. دلوقتي اسد بقا لمليكة .. و انا و انتي عارفين كويس اوي انه عايزها هي من اول ما جات هنا …. و هو شايف تصرفاتك و مش سائل فيكي لانه معجب بمليكة
رزان بهدوء : خالد ممكن ما نتكلمش بالحكاية دي .. عشان هو دلوقتي بقا جوز اختى و انا اختى اهم من اي حد بالدنيا و سعادتها هي سعادتي .. انا كنت فاهمة غلط .. بس حاليا الي عايزاه اني ارجع لاختي حقها و اربي شادي الكلب
خالد بابتسامة : هي دي رزان الي انا اعرفها .. ما تنجريش ورا كلام دنيا .. انا عارف انها هي صاحبة الفكرة الغبية دي اصل انا عارف طريقة تفكيرها
دنيا من وراه : و حياة امك ؟؟؟
التفت لها بصدمة و قال بضحك: تنكري انه كلامي صح ؟
دنيا بخجل : لا
و قعدت جنبهم
دنيا بحنق : و انا اش عرفني انه عايز مليكة .. كان بيسألني كتير عن بنات عمو مهران و انا كنت زي الهبلة فاكراه بيسأل عن رزان فقولت بيحبها
رزان بضحك : واطية … بس خلاص مش مشكلة دلوقتي مسحنا اسد عن القائمة الدور على سليم
دنيا بضحك : ده واد صايع فكك منه .. فراس احسن
رزان بصدمة : يععع عايزاني ابص لاخو الصرصار و الله ما حد هيربي شادي الواطي غيري
خالد بصدمة : يخربيوتكم عاملين ليستا ؟؟ ايييه احترمو اني عمكم و قاعد معاكم !! انتو لسا مطلعتوش من البيضة و بتعملو كدة .. لما تكبرو شوية هتعملو ايه ؟؟
رزان بضحك : هنعمل جمعية للبحث عن عريس .. يرضيك اخواتي اتجوزو و انا لا
دنيا بضحك : خلاص متزعليش هروح اقول لباباكي ان سليم خدش حيائك و نجوزهولك زي اسد و مليكة
خالد بشلل : اه يا واطية انتي و هي .. قومو ذاكرولكم حاجة تنفعكم بدل الهبل ده
دنيا : ماشي يا اسطا
خالد بتحذير : و الله لو ما اتعدلتي يا دنيا لقول لهشام يربيكي
دنيا بخوف : لا و الله يا خالد انا اسفة
خالد باستغراب : مالك في ايه ؟ بهزر
دنيا بتوتر : بابا هيزعقلي جامد لو عرف اني بهزر كدة
ابتسم خالد و قرب منها و اخذها بحضنه و باليد الاخرى حضن رزان
سليم : الله ايه الحنية دي يعيال .. خدوني وسطكو .. احضنوني يا جدعان
خالد بضحك : تعال يسطا عشان يجوزونا احنا كمان
سليم بضحك : حزرو النهاردة كنت فين
خالد : ها فين
سليم : عند اسد
رزان بلهفة : شوفت مليكة ؟ عاملة ايه ؟
سليم باستغراب : لا مشوفتهاش بس اسد قالي انها كويسة جدا .. و بتذاكر
زران بارتياح : الحمدلله .. طب ليه ما كلمتنا ؟ ع الاقل تطمن ماما قلقانة عليها اوي
سليم : انا النهاردة اديته موبايلها اكيد هتكلمكم لما تهدى
رزان : ان شاء الله
اتت غدير
غدير : تيتة بتقولوكو تعالو اتغدو
خالد : يلا يا جماعة
***************
عند اسد
كان ماسك ايدها و بيمشي بس هي بتتحرك كتير
اسد بضحك : يا بنتي اهدي شوية .. هو انا واخد بنت اختي معايا
مليكة بعبوس : عايزة انزل صور حلوة على الإنستغرام .. تعالا نتصور
اسد : اممم طيب ..
قربت منه و حطت رأسها على كتفه و ابتسمت ثم التقطت الصورة .. و نزلتها بوست
اسد : خلصتي ؟؟
مليكة بابتسامة : ايوة يلا بينا .. اسد
اسد : ايوة
مليكة بدلع : مش عايزة نروح
اسد ضيق عنيه و قال : و المذاكرة يا هانم
مليكة ببراءة : بعديين .. انا زمان اوي ما خرجت و عمري ما اخدت لفة بمصر .. بليييز
اسد : اممم ماشي .. تحبي تروحي فين
مليكة : مش عارفة لو عايز نقعد بالشارع معنديش مشكلة بس البيت لا
اسد بضحك : طيب ماشي.. هنروح نشتري لبس عشان خطوبة ايمان
مليكة بصدمة : اييه ؟؟ هما حددوها
و نظرت للفراغ بحزن
حط ايديه بهدوء على كتفها و قال : ملوكة الي انا اعرفها ممنوع تزعل .. خطوبتها الخميس و هما عملوها بالتوقيت ده عشان عايزين يصالحوكي .. لو مش حابة تروحي انا معنديش مشكلة .. بس دي اختك و انا عارف غلاوتها عندك
مليكة بدموع : مستحيل حتى لو هما مش عايزيني هروح غصب عنهم .. انا ما صدقت اختى تتخطب عشان نفرح .. مستحيل اسيبها بيوم زي ده
اسد بابتسامة : طب ليه زعلانة ؟
مليكة : عشان كان نفسي اكون معاها من دلوقتي و نشتري الفساتين مع بعض و نجهز كل حاجة و احنا مع بعض
شدها اسد و حضنها و قال : طيب و ما ينفعش تشتري فستانك مع جوزك ؟
رفعت نظرها له و ابتسمت بخجل
اسد : يلا تعالي .. هشتريلك احلا فستان فيكي يا مصر
مليكة بسعادة : اوكيه
***************
في المساء
في الريسبشن كان كل واحد قاعد على موبايله
ايمان : ماما ايمته هننزل نشتري فساتين الخطوبة
نهال : بكرا يحببتي
رزان بصدمة و هي بتبص بالموبايل : ايمان شوفتي الي شوفته ؟
ايمان باستغراب: ايه
رزان : مليكة نزلت بوست ع الإنستغرام… صورتها مع اسد
جلست نهال جنب رزان و قالت : وريني
تجمعت النسا حولها
شافت نهال الصورة و ابتسمت و كذلك زينب و نظرو لبعض بسعادة
ايمان بصدمة : لا مش معقول
رضوى : الله لايقين على بعض اوي
خالد و هو ماسك موبايله: اه والله اهيي .. الله ايه الحلاوة دي فعلا لايقين على بعض
نهال بدموع : مليكة خاسة اوي و وشها اصفر يحبة عين امها اكيد مش بتاكل كويس
ايمان : هي لحقت يماما ؟!
سليم بخبث : لا يمكن من الجواز دي لسا عروسة
نظرت زينب و نهال الى بعض بصدمة و تتراود لهن افكار عجيبة
غدير : كل الكومنتات بيسألوهم امته ارتبطو
رزان : صحيح مهو الموضوع جيه فجأة .. بس الحمدلله انها كاتبة انه خطيبها عشان مش ناقصنا فضايح
اتى مهران و هشام و ابراهيم
ابراهيم باستغراب : في ايه متجمعين كدة ليه
رضوى بخبث : اصل مليكة ناشرة صورة ليها هي و اسد جوزها يا بابا … بص يجننو ازاي
قرب و اخذ الموبايل و نظر للصورة بابتسامة
ابراهيم : بص يا مهران .. بنتك اهي مبسوطة مع اسد .. ما تقلقش بقا
نظر مهران للصورة باشتياق لطفلته الصغيرة و ندم على تسرعه … بينما اعاد النظر مجددا بعدم رضا و قال : اممم … ربنا يحميها
خالد بخبث : واضح ان في حد هنا بيغير على بنته الصغننة من جوزها
ايمان بخبث اكبر : يحميها هي بس يا بابا ولا هي و جوزها ؟
نظر لها بطرف عينه بينما هشام كتم ضحكته على تصرفات اخيه المجنونة
********************
في فيلا اسد
ارتدت بجامة بيضاء و عليها كرز بكل مكان اشترتها مع اسد من السوق … و فردت شعرها و نزلت
مليكة بسعادة : الفستان يجنن يا اسد و على مقاسي بالضبط
اسد : المهم تبقى مبسوطة يملوكتي
مليكة بخجل حاولت تخفيه : بس ايه كعوب رجليا وجعوني اوي
اسد بضحكة : منتي الي حيرتيني معاكي
قربت منه مليكة و قالت بدلع : ميرسي جدا انك جيت معايا و نقيتهولي بنفسك
حط ايده على وشها وهو سرحان بتفاصيله و مغيب تماما .. شدها لحضنه و دفن رأسه في عنقها و استنشق عبيرها
بينما مليكة مصدومة و تشعر بالخجل الشديد و مع ذلك بادلته الحضن
رفع رأسه لها و هي ما زالت بحضنه و قال : انتي ازاي حلوة كدة ؟
ابتسمت بخجل شديد و قالت ببجة : ممكن اطلع انام ؟
نظر لها بابتسامة ثم حملها و هي تنظر له بصدمة
مليكة : اسد .. نزلني
اسد : هششش
نظرت له بسرحان و دفنت راسها في عنقه
وصل اوضتها و حطها على السرير و رجع خصلات شعرها ورا …. امسك الغطاء و قربه منها بهدوء و غطاها
ابتسمت له بخجل و قالت : شكراً
قرب منها بهدوء و قبلها على شفتيها بلطف و قال ببحة : تصبحي على خير
كانت مغمضة عنيها و مصدومة و تشعر كأنها تحلم
بعد عنها بهدوء و خرج من الاوضة و اغلق الباب بلطف
فتحت عنيها و بتحاول تستوعب الي حصل .. حطت ايدها على شفتيها و ابتسمت بخجل شديد
***************************
بعد يومين
رزان بخبث : و انت فاكر يعني مش هوصلك
شادي بصدمة : رزان ؟؟ ايه الي جابك و عرفتي مكاني ازاي
رزان : اممم …ذكاء … انا دلوقتي جاية ارجع حق اختي منك و اعلمك ازاي تقرب لحد تبعي
شادي بضحكة خبيثة : هتعمليلي بيها دكر ؟؟ انا اقدر دلوقتي اعمل فيكي الي مقدرتش اعمله فاختك
خبطته كف على وشه و قالت بضحكة خبيثة : يا نسواااان شوفو شغلوكو
تقدمت مجموعة من النساء من شادي و بدأو بضربه ضربا مبرحاً و حطمو له عربيته
رزان : انا كلمت الاسعاف ما تقلقش .. عشان مش من مصلحتي اخش السجن بواحد زيك يا زبالة
و ذهبت من امامه
بعد شوية تم اسعافه الى المشفى
في مكان بعيد عنه شوية
رزان : اتفضلو دي اجرتكم و اوعو تحيبو سيرتي ابدا بالي حصل
الست بسعادة و هي بتعد الفلوس : ولا يهمك يا هانم
******************
خرجت مليكة للحديقة وجدت اسد يمشي و يتحدث بالهاتف
قربت منه بهدوء و وقفت وراه
استدار و انصدم من وجودها و قال : طيب يا علي هكلمك بعدين
و قفل الخط
اسد باستغراب : مالك يا مليكة ؟
اخذت نفس و حضنته جامد
استغرب من حركتها بس حضنتها بقوة و بدا يملس على شعرها
خرجت من حضنه بهدوء
اسد : في ايه مالك ؟
مليكة بسرحان : و بعدين يا اسد … انا مش فاهمة حاجة … هو احنا مصيرنا ايه ؟ … انا اهلي وحشوني اوي .. و ايمان خطوبتها بعد بكرة ….. اسد انا مش فاهمة حياتنا رايحة لفين … انا مش قادرة اركز بحاجة .. هو انت امته هتطلقني ؟
امسكها من خصرها بتملك و قال : مش عايز اسمع كلمة طلاق على لسانك تاني فاهمة ؟ .. انتي مراتي و هتفضلي مراتي .. مش هيبعدني عنك غير المو..ت يا مليكة .. مش هسيبك .. انتي خلاص بقيتي ليا .
نظرت له بسعادة و قلبها بيدق بعنف … رفعت نفسها ووقفت على رؤوس اصابعها .. و احاطت ايديها رقبته
اما هو ابتسم قربها منه اكتر و اخذ شفاتيها بقبلة طويلة و هادئة
مرت دقائق .. افلتها بهدوء .. كانت تتنفس بسرعة .. الى ان احتضنته بقوة و هو شدد على حضنها و رفع رأسه للسماء
اسد : مليكة .. انا بحبك
ارتعشت اطرافها و بدات تتنفس بسرعة اكبر
ابتسمت بسعادة و قالت بخجل : و انا كمان
رفع وجهها له بهدوء و قال بسعادة : انتي كمان ايه ؟
مليكة بخجل : بحبك
باسها بحب و عشق شديد و بعدين حضنها بقوة و هي شددت على حضنه
**********************
مهران بقلق : كل ده و مليكة مكلمتش حد فينا
نهال بحنق : و عايزها تكلمنا ازاي و انت غلطت بحقا و ظلمتها و محدش فينا قدر يوقف جنبها
مهران بشك : تعالي هنا .. انتي كلمتيها
نهال بتوتر : لا
مهران : نهااال ما تكدبيش
نهال : ايوة كلمتها و اطمنت عليها
مهران بلهفة : هي كويسة ؟
نهال : اه الحمدلله بتذاكر على طول و اسد بيهتم بيها كويس
مهران : هو قربلها ؟ انا خايف ع البنت اوي
نهال : انا ما سألتهاش .. بس حتى لو قربلها دي مراته .. وانت بنفسك جوزتهاله و ما اتفقتوش انها تفضل خطيبته … انت اديته البنت و قولت مش عايز تشوف وشهم
مهران : في خطوبة ايمان اقعدي مع مليكة و افهمي منها
نهال باستغراب : ليه احنا مالنا دي مراته هو حر بيها
مهران : يا وليه افهمي .. انا عايز اطلقها منه و اخدها اسكندرية .. مش عايز اربطها بيه خالص
نهال بحنق : والله ده قرار بنتك مش قرارنا .. هي الي تقرر لو هتفضل معاه او لا
مهران : حتى لو وافقت تفضل مراته انا مش هرتاح الا لما اعملها فرح يليق بيها
نهال بسخرية : و ما فطنتش غير دلوقتي
مهران بغضب : نهاااال
نهال : اهو سكتنا خلاص ….….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قطتي الشقيه)
