رواية قصر المغربي الفصل الثالث 3 بقلم ريل محمد
رواية قصر المغربي الجزء الثالث
رواية قصر المغربي البارت الثالث
رواية قصر المغربي الحلقة الثالثة
كانت تنتظر بملل إلى أن خرج من مكتبه
:جيتي امتا و ليه مدخلتيش
:جيت من بدري بس الانسة قالت لي انك مشغول
توترت السكرتيرة و كانت تريد التبرير
:مدام ملك تيجي في اي وقت تدخليها يا إسراء و مش عايز أكرر كلامي
بصت إسراء لي ملك بحقد
:اللي تؤمر بيه
بص على ملك
: يلا بينا
ذهبو معا الا احد المطاعم
******************************
في القصر
كان ادهم يلعب في تليفونه و مسدسه على الطاولة أمامه و فاتت هي و مدت يدها لتأخذ المسدس
:ايدك
:يا ابيه اشوفو بس مش هعمل بيه حاجة
:قلت ايه يا منة اوعى فمرة اشوفك بتمدي ايدك عليه
بصت له بزعل
:متكلمنيش تاني
و قامت بزعل راحت اوضتها و هي بتقول ماشي اما وريتك هسرقو منه
***********************************
عند ياسين و ملك
:ها تاكلي ايه
:اي حاجة
:انت هتتكسفي اطلبي و لا أطلب لك على مزاجي
:ماشي
اتنهد و نده الجرسون وطلب الاكل
كان بيحاول يفتح معاها مواضيع بس هي مش بتتكلم كتير و باين انها مكسوفة منه خلصو اكل و رجعه القصر
:بكرة هتروحو تنقو الشبكة انا هكلم ماما
:هو انت مش هتيجي معانا
:مش عارف عندي شغل كتير هاحاول اخلص و الحقكو
:مفيش مشكلة ..و شكرا على الغدء
ابتسم لها : مفيش مبينا شكرا يا حلوة
اتكسفت فكمل :على فكرة كسوفك دا مينفعش كلها كام يوم هتكوني على زمتي
ردت بكسوف :ان شاءالله
و طلعت على اوضتها و هو بيبصلها راح اوضته غير هدومه و قعد يشتغل بس مكنش مركز و حاسس انه عايزها تكون معاه و قدامه الان مع انها بتفضل ساكتة و مكسوفة ومش بتتكلم بس عجبته قفل اللاب اللي فايديه و كلم نفسه ..ايه ياعم انت هتقع ولا ايه …و ماله لو وقعت هو دا المطلوب اني احبها كلها كام يوم وتكون مراتي .
اما هي راحت بدلت هدومها و نامت عالسرير وهي بتفكر فيه و قامت صلت ودعت الله انه يقسم لها الخير و يختارلها ولا يخيرها
دخلت عليها منة قالت لها بحماس
:ها عملته ايه ورحتو فين وقالك ايه عايزة كله بتفاصيل المملة
ضحكت عليها ملك
: مفيش يا ستي رحنا مطعم اتغدينا و جينا
بصت لها منة بحسرة و قالت : صبرني يارب على المتخلفين اللي عايشه معاهم دا موصياه بس هقول ايه
:لا هو حاول يتكلم بس انا كنت مكسوفة
:مكسوفة من ايه دا جوزك ان شاءالله
:روحي وسبيني فحالي
:تصدقي انا غلطانة انه جاية استفسر عن حالتك العاطفيه انا رايحة اشوف لي حاجة اعملها فحياتي
:روحي يختي ربنا يسهل لك
:بت انتي مش بتحبيني انا عارفة بس مش مشكلة هنتقم منك مع ابيه ادهم
: وماله ابيه ادهم عايزة تنتقمي منه إيه مبيحبكيش هو كمان
:هاا نينيني على فكرة انا كل العالم بيحبني .. بس مش،موضوعنا .ابيه ادهم الحقير رفض يديني مسدسه و زعق فيا بس على خفيف
ضحكت عليها :ياختي اتوكسي عايزة ايه بالمسدس يا هبلة
:انا هبلة ماشي يا ملك بكرة شوفي حد يمشي معاكي عشان تجيبي شبكتك
بصت لها بصدمة :انت عرفتي منين الكلام دا
قامت وهي طالعة :ليا مصادري الخاصة انا كل حاجة بتحصل في القصر دا انا اعرفها
ضحكت عليها ملك …
حد ضرب على باب أوضة ملك
:ميين
:انا يحببتي
:ماما نرمين ادخلي
:مبروك يا حببتي
:الله يبارك فيكي
:انا قلت اجي اشوفك عشان تجهيزات الفرح بكرة هنروح نجيب الشبكة و بعده نجيب لك فستان الفرح و كل اللي محتاجه يا عروسة و انا امك مش حماتك يعني كل حاجة هتحتاجيها انا موجودة و مش هسيبك ابدا دا انتي وصية الغالية
حضنتها ملك بتاثر :شكرا اوي يا ماما انا بحبك جدا
:وانا كمان بحبك و مش هسيب ياسين في يوم يزعلك مع انه انا متأكدة انه مش هيزعلك ابدا و هيشيلك جوا عنيه ياسين طيب و حنين اوي و هتشوفي دا بنفسك ….يلا انا هجيب لك تصميمات تختاري منها انتي وياسين اللي هيعجبكم عشان الجناح بتاعكم
قالت بفرحة :احنا هنعيش هنا
:اكيد جدك مش هيوافق تطلعو برة القصر
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قصر المغربي)
