رواية قرار حور الفصل الثامن 8 بقلم نور محمد

رواية قرار حور الجزء الثامن

رواية قرار حور البارت الثامن

رواية قرار حور الحلقة الثامنة

انتي مين؟؟وعاوز مني ايه؟!!!
قربت منها البنت وهي بتبص عليها بقرف وقالت
:انا ابقى ضرتك ياحلوه مرات حسن جوزك
بصدمه:لا مستحيل انتي بتقولي ايه؟!
قربت منها البنت ببرود وقالت
:دي الحقيقه ياحلوه انا ابقى مرات حسن الاولي وانتي رقم اتنين في حياته
حور انصدمت بشده منها وقالت:انتي كذابه لو حسن كان مجوز بجد كان قلي من زمان انا مش مصدقاكي ابدا
بعدت عنها البنت بسخريه وقالت:تمام هتشوفي بعينك الحقيقه وهتصدقي كمان كل حاجه
وعند حسن فضل يدور على حور بدون فايده ولما تعب قدم بلاغ في الشرطه ورجع البيت بتعب وخوف على حور
:حسن انت رجعت ياحبيبي اخيرا
وبصت خلفه بقلق وكملت:فين حور مراتك ياحسن هي مش كانت معاك يابني
حسن سمعها وحضنها بقوه ودموع وقال
:معرفش ياماما كانت معايا وسبتها خمس دقايق بس واختفت معرفش فيه وانا هموت من الخوف عليها
طبطبت عليه سلمي بقلق وقالت
:اهدي يابني اكيد خرجت تجيب حاجه بس وهترجع تاني حور بتحبك اوي ومستحيل تسيبك ابدا
:انا عارف ياماما بس انا دورت عليها في كل مكان بدون فايده والله وقدمت بلاغ بختفائها كمان بس انا خايف اوي عليها
:طيب تعال كل لقمه الاول وانزل دور عليها تاني ياحبيبي تعال معايا
سلمي اخدت حسن ابنها معاها بحزن على حالته وبقلق على حور مراته وحطت ليه الاكل وقالت
:كل ياحبيبي انت وشك بقى اصفر اكيد مأكلتش حاجه من الصبح
بدموع:مش قادر والله ياماما خايف عليها اوي
: اهدي وبأذن الله هتاجي حالا دلوقتي و
قاطعها صوت جرس الباب فقامت بفرحه وحماسه وقالت
:اهو مش قولتلك هترجع اكيد هي ياحسن
حسن وقف بفرحه كبيره وهو بيبص على الباب وفجأه دخلت وحده تاني فقال بصدمه
:ليلى؟!!
دخلت ليلى ووقفت قدامه بدلال وقالت
:وحشتني اوي ياحسن اجيت اشوفك ياحبيبي
دخلت سلمي خلفها بغضب ومسكتها من ايدها بعنف وقالت
:انتي ازاي تدخلي هنا يازباله اخرجي بره فورا
ليلى سحبت ايدها من سلمى بكل برود وقالت
:كده ياحماتي دي معامله تليق بمرات ابنك الوحيد حسن و
قاطعها حسن بعضب رهيب وقال
:انا طلقتك من زمان ياليلى والا انتي نسيتي ده
قربت منه ليلي بدلال اكتر وحطت ايدها على صدره بخبث وقالت
:لا منستش ياحسن لاني مستحيل اقدر انساك ابدا ياحبيبي علشان انا بحبك اوي اوي
بعد حسن ايدها عنه بقرف منها وقال بحده
:ابعدي ايدك الو’سخه دي عني واخرجي بره فورا ياليلى انا بقيت بقرف منك اوي
ليلى سمعته بغضب شديد وقالت بحده
:تمام ياحسن براحتك بس احب اقولك ان حبيبه قلبك دلوقتي بقت معايا انا واقدر اخلص عليها حالا قولت ايه؟!
حسن سمعها بصدمه كبيره وكمان سلمي وسعوا عنيها بصدمه وخوف وقال
:انتي بتقولي ايه حور معاكي انتي؟!
ضحكت ليلى على صدمته وقالت
:ايوه ياحبيب قلبي حور مراتك عندي في الحفظ والصون بس انا بفكر اخلص منها لانها بصراحه مش من مقامك ياحسن
حسن عنيه بقت حمره من شده الغضب وقرب منها بغضب رهيب ومسكها بقوه وقال
:وديني لو لمستي شعره وحده منها ياليلى انا هدفنك في مكانك هنا سامعه
ليلى خافت من شكله المرعب قدامها بس قالت ببرود
:تمام ياحسن انا هسيبها بس بشرط واحد
ضغط حسن عليها اقوى بغضب كبير وقال
:موافق عاوزه ايه ياليلى وتسيبي حور حالا
ليلى رغم ألمها منه قربت منه بخبث ولمست وجهه بحب وقالت
:انا عاوزك انت بس ياحسن ومش عاوزه حاجه تاني منك
حسن الدم غلى في عروقه بشده وكان هيرد عليها بس سلمى سحبتها منه بعنف وضربتها كف قوي رن في المكان كله وقالت
:انتي بتحلمي بس ياليلى انا ابني مستحيل يرجع لوحده خاينه زيك باعه شرفه بتراب علشان شويه فلوس ياحيوانه
ليلى حطت ايدها على خدها بألم وبصت على سلمي بغضب وتوعد وقالت
:هتدفعي تمن القلم ده غالي اوي ياحماتي اوعدك
وبصت عليها بسخريه وقالت
:وبعدين ياحماتي مش انتي اللي حاولتي تخلصي من مرات ابنك من فتره كده علشان مش من مقامه كمان مش كده
سلمي بصت عليها بحده وقالت بندم
:ايوه حصل بس انا كونت غلطانه كونت فاكره انها هطلع زيك خاينه وتوجعه بعدين بس طلعت غلطانه اوي لان حور ظفرها بمليون وحده خاينه وخسيسه زيك
ليلى سمعتها بغضب رهيب بس تصنعت البرود قدامهم وقالت
:تمام ياحماتي براحتك وانا قولت اللي عندي حسن يرجع لحضني انا تاني ووقتها هسيب حور تخرج غير كده انا هخلص عليها النهاردا قبل بكره
حسن جز على سنانه بغضب بس تمالك نفسه قدامها وقال بخبث
: وانا موافق ياليلى بس لازم اشوف حور الاول
سلمى سمعته بغيظ وقالت بحده
: انت بتقول ايه ياحسن ده وحده خاينه وكلبه يابني متضيعش نفسك تاني معاها
حسن بص على امه وغمز لها بدون ماتاخد ليلى بالها منه وقال
:لا ياامي انا مستعد اعمل أي حاجه مقابل سلامه حور مراتي
ليلى سمعته بفرحه كبيره وقربت منه وقالت بخبث
:عين العقل ياحبيبي انت كده بتعمل الصح امتي بقى اجيب المأزون ونكتب الكتاب
حسن بص عليها بضيق وقال
:بعد مااطمن على حور الاول وبعدها هعملك اللي انتي عاوزاه
ابتسمت ليلى بانتصار كبير وقالت
:من عنيا تعال معايا نروح سوى نشوفها
حسن هز رأسه بهدووء وليلى طلعت خلفه وسلمي جرت معاهم بخوف وقلق
وعند حور كانت لسه مكانها وهي خايفه اوي ودموعها ملت وجهها بألم وهي بتقول
:لا مستحيل حسن مستحيل يكذب عليا انا متأكده ايوه البنت دي اكيد كذابه بس و
قاطعها صوت الباب قدامها ودخل شاب بملامح جميله جدا وجذابه وقرب منها بهدووء وبدأ يفك الحبل بتاعها وقال
:قومي معايا بسرعه قبل ما ليلى ترجع ياله ياحور مفيش وقت
حور بصت عليه بصدمه وعدم فهم وقالت
:انت مين وتعرف اسمي منين؟!
خلص الشاب فكها ومسك ايدها بسرعه وقال
:تعالي معايا مفيش وقت كتير وهتعرفي كل حاجه بعدين
وشدها بسرعه معاه وخرج من الغرفه كلها
وعند ليلى وحسن وصلت لمكان وجود حور وفتحت الباب ودخلت بكل ثقه وقالت
:اهه قدامك ياحسن ولسه بخير كمان و
قبل ماتكمل جملتها قاطعها حسن اللي قال بحده
: ليلى انتي بتلعبي معايا مفيش حد هنا حور مراتي فين ؟!!
ليلى بصت في الغرفه بصدمه وقالت
:والله كانت هنا من ساعه بس ياحسن صدقني انا سبتها هنا و
قرب منها حسن بغضب ومسكها بقوه وقال
:وديني ياليلى دي لو كانت لعبه منك وحور حصل معاها حاجه بسببك انا هطلع روحك في ايدي حالا وبدون تردد كمان
ليلى بلعت ريقها برعب من شكله وقالت
:والله انا بقول الحقيقه سبتها هنا مربوطه بس معرفش هربت ازاي صدقني
حسن سابها وسحب شعره بغضب وخوف على حور وبقى بيلف حور نفسه بتوتر وقلق وفجأه اجه ليه رساله على الفون
اول مافتحها عنيه وسعت بصدمه كبير من محتواها اللي بيقول
:مراتك حور بقت معايا انا يابشمهندس حسن ولو عاوزها ترجع ليك سليمه لازم تقتل ليلى الاول وووو