رواية قدر قلبي الفصل الرابع 4 بقلم ندى أحمد
رواية قدر قلبي الجزء الرابع
رواية قدر قلبي البارت الرابع
رواية قدر قلبي الحلقة الرابعة
> انا قررت اخطبها ليك يا مروان بس متقولش ل دوروك .. هنقوله بكرا لما الموضوع يكمل و ابوها يوافق
مروان حضن باباه
~ شكرا خالص يا بابا وصدقني انت اخترت الصح
*اليوم الي بعدو*
دوروك راح لباباه قبل لما ينزل الشركه
= بابا .. رايحين نتقدملها الساعه كام عشان اخرج من الشركه بدري
>انا مشغول النهارده ف ينفع بكرا ؟
= اه طبعا ينفع
دوروك بعدها راح الشركه وهو مبسوط ومستني بكرا بفارغ الصبر و بمجرد م دوروك قفل باب الڤيله مروان جري علي باباه
~ ها يا بابا جاهز ؟ ايه رأيك فالبدله
> تحفه يا حبيبي .. استني عشر دقايق بس البس واجيلك
~ خد وقتك يا بابا
و فالاثناء دي مروان اتصل علي ابو ندي .. هو كان اخد رقمه من معلوماتها الي فالشركه وبلغه انهم جايين يتقدمو و رغم ان الاب كان رافض لان طبعا العريس الكبير فالسن خلاص هيتجوز بنته بعد يومين الا انه وافق يقابل مروان لما قاله انه ابن حسام السيوفي و لما مروان قفل معاه عالتليفون الاب قال لندي متنزلش الشغل النهارده لان فيه عريس جاي بعد شويه
-عريس ايه يا بابا .. مش خلاص هتجوزني للراجل الي اكبر منك ؟!
¥ يا بنت المحظوظه
-ايه يا بابا فيه ايه
¥ هتعرفي لما يجي العريس
و بدأ يكلم نفسه
¥ بنت المحظوظه هيتقدملها ابن حسام السيوفي
قعدت فالبيت وهي بتدعي ربنا ان العريس دا يكون دوروك بس كان احتماليه دا صفر اصلا بس مع ذلك فضلت تدعي
وبعدها بساعه الباب خبط والاب فتحلهم
¥ اهلا اهلا نورتونا
> دا بنورك
وقعدو عالانتريه
¥ انا وافقت اقعد معاكم النهارده رغم اني مشغول جدا
> واحنا طبعا مقدرين دا .. ندخل فالموضوع علطول .. جايين النهارده عشان اطلب ايد بنتك ل ابني مروان
¥ هو طبعا انا يشرفني ان اناسب عيله زيكم بس الاول نتفق عالمهر .. كام المهر الي هتدفعوه
> هندفع ٢ مليون ونص
ابو ندي عينه طلعت من مكانها اول لما سمع المبلغ ..
¥ اه طبعا موافق موافق
> مش هتاخد رأي بنتك الاول ؟
بصوت عالي ¥ تعالي يا ندي بالشربات
ندي طلعتلهم وهي باصه فالارض وخايفه ترفع عينها تشوف واحد تاني كبير فالسن
~ مش هتبصي علي الي متقدملك ؟!
اول لما سمعت الصوت عرفته انه مروان و بصت علي مروان وهي مصدومه لدرجه ان الصينيه وقعت من ايدها
بغضب ¥ايه الي عملتيه دا !!!
> اهدي بنتك معملتش حاجه عادي دا من التوتر
¥ كسفتيني قدام الناس ؟!!!
وبصلها بتوعد كأنه بيقولها هوريكي لما يمشو الناس
¥المهم ردكم هيوصلكم بالليل ان شاء الله
و راح معاهم لغايه الباب عشان يودعهم
واول لما مروان و ابوه مشيو
¥ انتي هتوافقي عالعريس دا و ايدك فوق رقبتك
-بس انا مش عايزاه يا بابا !!
¥ لو مستنيه حبيب القلب الفقير الي جه يتقدملك المره الفاتت يجي يتقدم تاني ف انا بقولك اهو اني هرفضه تالت وخامس
وعاشر و اصلا دا لو جه اتقدم تاني واحب اقولك انه لو بيحبك زي مبتحبيه كان حاول تاني عالاقل
بعياط-بردو مش هتجوز ولا مروان ولا العريس الكبير فالسن
الاب مسكها من شعرها جامد و راح بيها للمطبخ وهي بتصرخ
-سبني يا بابا سيبني !!!!
مسك سكينه وقربها من رقبتها جامد
¥يا توافقي علي واحد فيهم يا هدبحك !! واحمدي ربنا اصلا اني بخيرك !!
بعياط -خلاص موافقه علي مروان ..
¥ ايوا كدا خلي عندك مخ
ومشي و راح اوضته و كلم اهل مروان الي استغربو انه رن عليهم بالسرعه دي
و مروان وباباه راحو بيتهم وهما مبسوطين
و قعدو يتغدو مع دوروك
= شايفكم فرحانين اوي النهارده بالذات انت يا مروان .. خير حصل حاجه؟
~ لا عادي صاحي وانا مبسوط
= ومجتش ليه الشركه النهارده طالما صاحي مبسوط
~ اتصلت بساره و استأذنتها اخد النهارده اجازه وهي وافقت
= اهاا .. بابا احنا علي معادنا بكرا صح
الاب اتوتر جامد
> دوروك انا اسف بس ينفع نروحلها بعد بكرا ؟ اصل بكرا خطوبه مروان
بفرحه= ايه دا يا مروان هتخطب بكرا ؟!
~ ايوه
= حد نعرفه ؟
~ اها بس بكرا هتعرفها
= تماام متشوق اني اعرفها
وخلص اليوم علي كدا
اليوم الي بعدو مروان خرج من البيت بدري و اشترالها فستان الخطوبه و راح لبيت ندي و سابهولها قدام الباب وهو محطوط ف علبه فاخره
اول لما فتحت الباب عشان تروح الشركه شافت البوكس و فتحته وشافت الفستان وجمبه ورقه فيها كلام
‘اليوم دا انا اتمنيته كل يوم’
رمت الورقه فالزباله و حطت البوكس ف اوضتها و نزلت الشارع .. وهي بتمشي فالشارع كانت بتكلم نفسها
-مش هو دا يندي الي كان عاجبك سنه كامله و كان نفسك يكون اعجاب متبادل .. ليه دلوقتي زعلانه انه هيبقا خطيبك و جوزك .. مشكلتي ان مشاعري من ناحيته كانت اعجاب وخلصت فوقتها و حاليا انا حابه دوروك بس هو مش بيحبني .. حاول مره واحده بس و مجاش اتقدم تاني بعدها وكمان بيتجنبني .. ليه يارب كل لما اعجب بحد مش بيبادلني نفس الشعور غير لما خلاص كل مشاعري ناحيته تكون خلصت
و بعدها كانت وصلت الشركه
وعدي اليوم وكان يوم عادي ومكنش فيه حاجه تاني مميزه لغايه لما جه بالليل
كانت طبعا الخطوبه بالليل ف مروان و دوروك وباباهم كانو بيتجهزو فبيتهم و كل واحد بيلبس احلي حاجه عنده .. دوروك كان فرحان لاخوه وفرحان كمان انه هيبعد عن طريقه هو وندي
مروان نزل قبلهم عشان يروح يجيب العروسه من الكوافير
راح جابها و طول الطريق وهما رايحين القاعه كانت ساكته
~ احم
-ازيك يا مروان
مروان ضحك
~ للدرجادي مش لاقيه حاجه تقوليها
-الحقيقه اه
~ عموما هنتكلم كتير لما نروح .. كدا كدا خلاص بقيتي خطيبتي و هنتكلم كتير
-عندك حق
وصلو القاعه و دخلو .. كان دوروك و ابوه واصلين قبلهم طبعا
واول لما دخلو دوروك اتصدم صدمه عمره لما شاف ان خطيبته هي ندي
بصلها كدا بصدمه كام دقيقه وهو مش مصدق
و الاب كان مراقب رده فعله
بعدها دوروك كانت عينه بدأت تدمع ف ساب القاعه ومشي والاب راح وراه
> دوروك استني !!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدر قلبي)
