رواية قدري الفصل السابع 7 بقلم ملك شكري
رواية قدري الجزء السابع
رواية قدري البارت السابع
رواية قدري الحلقة السابعة
فهد دخل جوا الڤيلا لقاها طلعت فوق بص ل جدته الي بصتله بعتاب ومتكلمتش
فهد طلع على فوق ودخل اوضتها من غير ما يخبط لقاها منهاره من البكاء
فهد بتردد طبطب عليها
زقت قدر ايدو بضعف: شكرا انك بينتلي حقيقتي واني زي اي بنت بالنسبالك وكمان انك مش بتطيقني يا ياخساره يافهد
فهد عيونه اتملت بالدموع ودموعه على وشك النزول لسه هينطق اسمها
قامت من على السرير وخرجت بره وبتسرع خطواتها ووراها فهد
فهد: قدر قدر رايحه فين
قدر نزلت تحت كان مراد وخديجه قاعدين
قدر وجهت كلامها ل خديجه وادتها نظره بمعنى كل شيئ انتها
قدر: شكرا ياتيته عل. وقفتك جمبي وحبك ليا وكأني حفيدتك بجد او من عيلتك وعاملتيني معامله كويسه وكنتي بتحبيني حب محدش اداهوني قبل كده بصت ل فهد وكملت كلامها: انتي الوحيده الي وثقتي فيا وفهمتيني بجد
بصت ل مراد: وانت يامراد اكتر حد سندني ووقف جمبي وعرفني يعني اي يبقا ليا ضهر ف الدنيا انت الي عرفتني يعني اي ضحك ومرح واني ارمي كل همومي ورايا وربنا هيحلها
بصت ل فهد: اما انت ف مش لاقيه حاجه اشكرك عليها غير حاجه واحده بس انك جبتني هنا وعرفتني على اهم واحسن شخصين ف حياتي بس للأسف علاقتنا مش هتدوم جبتني هنا وجمعتني بيهم بسببك وبردو همشي من هنا وهتفرق عنهم بسببك
لفت ضهرها ولسه هتمشي بصتله تاني وقالت: واه صح انا ومراد مكناش هنتخطب ولا هنتجوز مراد اخويا واكتر من اخ ده الي عندي والي هقولهولك
بصت ل مراد وخديجه: ارجوكو لو بتحبوني بجد هطلب طلب واحد قبل ما امشي محدش يقولو سبب الي خلاني اكدب الكدبه دي انا ومراد ارجوكو
ولفت ضهرها ومشيت
مقدروش يحوشوها ولا فهد لأنه كان تحت تأثير صدمه نزلت عليه زي الصاعقه ازاي مكانوش هيتجوزو واي معنى كلامها ده وليه ميقلولوش فاق من صدمته وطلع يجري وراها بأقصى سرعته
هي جريت جامد لحد ما وصلت على الطريق وعربيات رايحه وجايه
بتجري ووراها فهد
فهد: قدر استني ارجوكي هفهمك قدرررررر
صرخ بأسمها لما شاحنه كبيره جت وخبطتها بقوى ووقعت قدر غرقانه في دمها وبتنذف من كل انحاء جسدها ساكنه بلا حركه حواليها دائره من اللأشخاص ينظرون اليها بشفقه
واحد يقول: لاحول ولا قوه الا بالله خبطها وجري منه لله
غيره بيقول: اطلبو الأسعاف
مراد كان طلع يجري وراهم لحد ما وصل وشاف ناس ملفوفه حوالين بعض وفي حد ف النص وفهد واقف مبرق وباصص ناحيه الناس دي
قرب مراد بأيد مرتجفه وبيزق الناس اول ماشاف قدر شهق جامد
راح ناحيه فهد وفضل يزق فيه يمين وشمال عشان يفوق وعرف ان جاتله الحاله فهد من صغره بسبب حادثه حصلتله اي حد بيحبه او متعلق بيه حصله حاجه بيفضل متسمر مكانه وايده بترتعش ووشه بيصفر
مفاقش غير لما لقا قلم نازل على وشه من مراد خلاه يفوق اول ما فاق جري على قدر شالها ودموعه نازله جري على عربيته حطها ورا وقعد جمبها ومراد بيسوق فهد حاضن راسها وبيبكي بشده: ق قدر ارجوكي قومي عشان خاطري قومي قومي ومش هأذيكي وهسيبك براحتك بس اطمن انك بخير قومي ياقدر يلا بسرعههههه يامرااااد
سرع مراد اكتر لحد ما وصلو المستشفى
دخل فهد وهو شايلها وبيصرخ: عايز دكتوره يابهاااايمممم
جت ممرضه ودكتور ومعاهم الترولي
فهد: عااايز دكتوره مش دكتور هااا
الدكتور: حضرتك حالتها خطر مينفعش نستنى
فهد: الي قولتلك عليههه يتعملل
جت دكتوره وهي بتجري خوفا منه وخدو قدر ودخلو اوضه العمليات
فهد قعد على الأرض وضم رجله على جسمه ودموعه نازله
ومراد واقف جمب اوضه العمليات بيدعي انها تبقا بخير
فهد وقف مكانه والغضب متملك منه اتصل بشخص ف التلفون وقال بصوت يرعب: العربيه بالسواق يجو على مخزن المعادي بكره الصبح والا اعتبر نفسك ميت راجع كاميرات الشارع وتجيبه
قفل ف وشه وعدا ساعه واتنين وتلاته بعد تلت ساعات ونص خرجت الدكتوره وعلى ملامحها الأرهاق
وقف فهد ومراد بسرعه
اتكلم فهد بالهفه: خير يادكتوره
الدكتوره: حاليا احنا تخطينا مرحله الخطر كانت حياتها ف خطر لو اتأخرتو دقيقه كمان اربع ساعات وهتفوق من البنج واضح جدا ان جسمها ضعيف وده زود الخدوش والكسور الي ف جسمها عندها ضلع مكسور وشويه كدمات في جسمها وف وشها ولو عدا الاربع ساعات دول وفاقت فكراكم او حتى عارفه شخص منكم يبقا خير لكن…
فهد بقلق: لكن اي
الدكتوره: لكن لو مفتكرتش يبقا جالها فقدان ذاكره مؤقت من اثر الخبطه هتفوق منه بعد يوم اسبوع شهر سنه دي بقا من عند ربنا عن اذنكم
فهد اتصدم من كلامها جدا
مراد: متسبقش الأحداث يافهد بأذن الله هتفوق فاكرانا وكله هيعدي
بعد خمس ساعات جت الممرضه وقالت: المريضه فاقت
دخل مراد وفهد بسرعه على اوضه قدر الي كانت باصه ف نقطه بشرود
فهد: ق قدر انتي كويسه
بصتله قدر واترسم على وشها علامات استفهام: انتو مين
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدري)
