رواية قدري الحلو الفصل الأول 1 بقلم هاجر

رواية قدري الحلو الجزء الأول

رواية قدري الحلو البارت الأول

رواية قدري الحلو الحلقة الأولى

بس أنتِ سبتيني سنه، سنه كامله بقول ليه وازاي كنت جايلك عيونك كانت صادقه
انا مسيبتكش
لا سبتيني فضلتي كل حاجه عليا
لو تدري حاولت اهرب كام مرّه عشان اكون معاك
مش عايز اسمع ولا عايز مبررات جايه دلوقتي وعايزه نرجع
احنا مكناش مع بعض احنا كل اللي كان بينا مشاعر مكنونه مشاعر بتحرك قلبنا بس مبوحناش بيها
عيونك كانت بتقولي اني صح وفجأه لقيتك انسحبتي
وانا هنا واقفه قصادك بقولك اني ابيع العالم كله واشتريك انت وبس
بعد ايه خايف منك مش واثق هتختاريني ولا بردو هتمشي
صدقني انا عرفت حقيقة مشاعري مقدرش امشي المرادي غير
أنتِ فقتي وانا كمان فقت ومش شايف اني لازم اغامر تاني
يعني ايه!!
يعني زي ما سمعتي انا مش هغامر تاني مش عايز قلبي يوجعني تاني يعني انا مش موجود تاني افهمي
افتكرت حديثنا اول وآخر مرّه نتقابل عيوني دمعت وابتسمت ابتسامه كلها حزن ضيعته من ايدي بتسرعي شربت آخر شوية نسكافيه وفتحت اللاب بتاعي بضيق عندي تاسك مش قادره اعمل فيه حرف حتى قفلته تاني ومكست النوت بتاعتي وكتبت رساله مش عارفه الكام
“لسه ملامحك محفوره في قلبي مش قادره اتخطاك قابلت كتير كتير اوي ملقتش ونيس لوحدتي زيك اه ما دارش بينا قبل كده كلام بس كنت دايما ونيسي حتى احلامي اللي كنت فيها كانت بتطمني مش عارفه امتى هقابلك واجبرك على قراءة كل الرسايل دي انت عارف انا لسه بحبك زي اول يوم عيني وقعت عليك عيوني لما بتيجي سيرتك بتطلع قلوب موصلتش للمرحله دي مع حد غيرك اتمنى نتقابل .
اه لو اناله، اه لو انا له”
دره تعالي عايزاكي
حاضر يا جدتي ، اتفضلي
دره انا شايفه انك متغيره اليومين دول ثم اني شفتلك رؤيه الله ينچيكي منها بسم الله على قلبك حتى يشفى ولا يصيبه مكروه
يسلم لسانك يا عائشه يا قمر بس انا الحمد لله كويسه
مداومه على اذكارك؟
مش ملتزمه بيها الفتره الاخيره اوي
طبعا امال الشيطان يسيطر عليكي ازاي ويدخلك في جو الوحده والحزن ده ازاي
اسفه خلاص هداوم عليها
تعالي ارقيكي يا نور عيني
تيته والدة امي من اسوان ملامحها هاديه وجميله مش سمرا اوي بس سمارها يهوس عيونها عسلي جميل ضحكتها زي السكر مش واخده من ملامحها شئ الا عيونها الواسعه العسلي ورموشها الكثيفه انا قمحاويه بردو لكن هي احلى كتير بحسدها على جمالها ده قاعدين في القاهره هي وجدو كل اجازه انزلهم بحس براحه غير طبيعيه معاهم جدو بقى ده سكر لسه بيغازل جدتي احيانا بغير بقول ليه عبيده مش موجود هو كمان ويتعلم الغزل من جدو وازاي لسه محافظ على حبه ليها لحد دلوقتي اه يا عبيده لو تعرف حبي ليك
محمد: درتي تاكلي بطيخ
دره: لو انت اللي هتقطعه وتظبطه يبقى موافقه اصلك متعرفش تقطيع البطيخ ده فن وانت يا جدو فنان وطعمه بيفرق لما تقطعه انت
محمد: يا بكاشه كل ده عشان متقوميش تقطعي أنتِ
دره: لا ازاي تقول كده إطلاقا
محمد: طب ادخلي ظبطي البلكونه عقبال ما اشوف عائشتي ونيجي
دره: متقدرش تقعد في مكان من غيرها انت
محمد: دي روحي دي أنتِ ايش فهمك في أمور الحب دي
كإنه ضغط على قلبي اكتر ما هو مضغوط حسيت ان قلبي بيعيط خفت احسدهم فقلت في عقلي ربنا يبارك في زواجهم وحياتهم وما يفترقوش ابدا
وقفت في البلكونه ببص للقمر لسعة الهوا جميله تشعرك بالامتنان ياه امال الجنه شكلها ازاي غمضت عيونها واستحضرت صورته ياه لو كنت هنا وكنا بنتسامر على روعة الجو اللطيف ده وشكل القمر وهو بدر ازاي في إنسان كده
عائشه: البطيخ الساقع وصل
دره: تسلم ايدك يا آش يا قمر
عائشه: تؤ تؤ تسلم ايد محمد حلو العمر
دره: شوقتوني اتزوج عشان احس بكم المشاعر الحلوه دي
عائشه: مش هتحسي بالمشاعر دي غير أما تحسني الاختيار شوفي انا منين ومحمد منين واتقابلنا كانت اجمل صدفه كانت غريبه وخناقه وكنت هفتح دماغه بس اهو بقينا تحت سقف بيت واحد ما نقدرش على بعد بعض
دره: احكيلي بالتفصيل بسرعه
محمد: سيبيلي انا احكي اصل انا بحب الفتره دي اوي وبحب كمان الموقف اللي كانت هتموتني فيه هي اه موتتني بس في حبها
دره: الله يا جدو يا جامد
عائشه: بس يا بنت متكسفيناش الله
محمد: كنت طالع رحله مع زمايلي بما اني بحب ازور الاماكن الاثريه وانا كلية آثار شفت شغلهم والبيوت اتهبلت ايه الجمال ده والحلاوه دي مكنتش مصدق عيني المهم يا ستي سرحت في البيوت ومخدتش بالي اني سبت اصحابي ومشيت بعيد عنهم لسه بكلم واحد صاحبي ملقتش حد اتخضيت بقى واتوترت هعمل ايه واتصرف ازاي معرفتش والجو كان حر بشكل لا يوصف يعني والمايه بتاعتي كانت خلصت ومش معايا اي شنطه طبعا سبتها مع الجماعه المهم فضلت ماشي لحد بيت صغير بس جميل اوي وقدامه قُلل قلت اشرب يعني مفيش مشكله لقيت بنوته قاعده بتعمل حاجات بالفخار ومن طبعا بنحب الغزل بقى شباب وكده “زاد جمال الفخار عندما لمسته يد سمراء ناعمة ليتني الفخار وليتك حبيبتي”
فجأه بدون مقدمات لقيتها قامت ملحقتش اشوفها خبطتي بطوبه على دماغي من شدتها الطوبه اتكسرت وصوتت ولمت عليا الناس وانا سايح في دمي بقى وهما مكملين وهيودوني القسم قلتلهم اني تايه وجاي في رحلة علم سكتوا لوهله وبنتنا تصوت ليه وتلمنا اقولهم مين اللي يصوت ده انا دماغي عايزه يجي خمس غرز سمعت صوت من بعيد بيقول احسن عشان تحرم تتغزل في بنات الناس وبعدين اكتشفت انها هي اللي قالت كده المهم الحمد لله صدقوا كلامي وسابوني طب يا جماعه محدش هيدلني على مستشفى ولا هفضل كده بنزف هموت كده رد واحد وقال عائشه ممرضه ،طب مين يا جماعه عائشه دي لقيتها بكل غيظ وشرار انا عائشه وانا مش هنضف حرجك شوف حد تاني فاكره فاكره الذل اللي عيشتيني فيه وحرارتي ارتفعت بسببك
عائشه: وانا مالي مش انت اللي ماشي تبص على البنات
محمد: مين قالك بس ده انا كنت بحاول افتح معاكي كلام عشان اوصل لأصحابي
عائشه: ليه فاكرني زي البنات التانيه
محمد: مفيش زيك يا حبيبتي
عائشه: مش داويتك
محمد: كنتي الداء والدواء لقلبي يا ست الكل
عائشه بكسوف: خلاص كمل
محمد بضحك: حاضر هحكيلها عن الذل اللي اتعرضتله حاضر
المهم فضلت ماسك القماشه اللي خدتها منهم وحاسس ان دماغي بتلف بيا ومش قادر اقف على رجلي قلتلها بتعب انا اكيد مقصدش اضايقك انا مشفتكيش اصلا كنت بفتح معاكي كلام عشان تدليني على الطريق مكنتش اعرف انك هتضايقي كده مردتش عليا استجمعت قوتي وقمت اكلمها عشان هي بعدت عن المكان اللي قاعد فيه وراحت تكمل شغلها والجو حر وضغطي بقى وحوار لسه بتكلم لقيتني على الأرض ولما فقت لقيتني في اوضه على السرير وكمادات بقى والم شديد في دماغي بسأل حصلي ايه او انا فين ردت قالتلي بتتحاسب انت مت واعمالك دخلتك النار مش حاسس انك بتغلي انا اتفزعت مت!! مت امتى وازاي لا لا دي بتضحك عليا جت وبكل قوتها ضغطت على الغرز صرخت من الالم قالتلي بكل برود ايه مالك حاسس بوجع بصيت لها ولسه هتخانق لقيتها بتلمع زي النجوم قلبي دق جامد ووشي ورد عشان بشرتي فاتحه بان فيها فأتكسفت هي وخرجت جري المهم معرفتش انام الليله دي خالص من الالم والحب بقيت اسأل نفسي ازاي حبيتها في ثواني كده يا الله السمار طلع كل الجمال مش نصه بس
دره: هااا وبعدين
محمد: كلي البطيخ هيسخن
دره: بطيخ ايه دلوقتي وقابلت اصحابك ازاي بعدها