رواية فقيد قلبي الفصل الثالث 3 بقلم رويدا القاضي
رواية فقيد قلبي الجزء الثالث
رواية فقيد قلبي البارت الثالث
رواية فقيد قلبي الحلقة الثالثة
جاء جنبي لاقاني راقدة كيف ماكان يتخايل هو قرب من الدولاب متعه غرق نفسه بالعطر …
وطلع ونسمع فيه يقولها عديمة الكرامة في العالم الاخر جايك ياحبي…
كانت كلمته زي الموس تقطع في قلبي ومع هذا قررت نتصرف صح …لانه هذا كله رح ننهيه بطريقتي الخاصة….
رندا:اشتقتلك امتا تعلن للكل انه احنا متزوجين…خلي تهبل وتنجن
عماد:ساكت مش خوف منها بل خوف من ردة فعل خوتي….
رندا:هانت ايام وينقسم الورث وبعدها معاش عندك علاش تخاف…..
يقين:فقت اتصلت بتقوى وسبحان الله ربي نزل عليا صبر غريب ولادمعة نزلت وكأنه خاينته كانت الكف للي فيقني وخلاني نشوف الدنيا صح ….
تقوى:ولا تعبيره اصلا ….كنت متوقعة منه أكثر من هكي انا…
يقين:لما نخليه يبكي بدل الدموع دم …
تقوى:توا ارقدي وارتاحي…والصبح ساهل..
يقين:لالا سلوى كلمتني تبي تصاميم …جوي رايق بنمشي اندير مق قهوة ونقعمز نبدع…
تقوى:كنت خايفة عليها من نكسة تصيبها لانها كمدت حزنها…ياريتها عيطت وبكت درات اي ردة فعل….
يقين:قعدت لعند الساعة 4الفجر وانا مقعمزة نرسم لين سمعت صوت الباب فتح خش طبعا كان مصدوم لما لاقاني فايقة…
عماد:شن اديري فايقة توا
يقين:نخربش ع قولتك ….وبعدين علاش تسأل ولا في قانونك ممنوع انفيق ونسهر في حوشي…
عماد:قعد يشوف وخايف انه اطلع فهمت شن كان ادير…
يقين:كيف حال طارق….
عماد:شن خيرك بتهبلي….
يقين:مش كنت تزور فيه في المقبرة ولا كنت في مكان ثاني….
عماد:خيرك هكي تحكي فيه حاجة ….تعالي كان بترقدي…
يقين:شبعت من النووم ولو نبي نرقد اهو غرفة مهاب موجودة ماتفكرش فيا….
خش عماد وهو مش فاهم شئ لو عرفت كانت رح تنهار وتبكي والدنيا تلقبها….لكن كلامها فيه نبرة شك وتلقيح….
فاضل:اسمع راجل اختك يقين هذا للي مايتسمى يبي قرصة وذن…
علاء:علاش شن فيه
فاضل:يومها جابها لوحها ومعاش يرد عليها لين روحت بها انا…
علاء:هذا علاش انقول معاش ايجو…وتشد حوشها…
حاتم:مش حل اهو كلام مجانين للي تقول فيه شن الغلط للي داراته باش مع اتجئ …هذا كله باش الافندي ياخد راحته …
علاء:تبي يقولو اختهم مطلقة…شن تبي اديرلنا العار…
حاتم:نسيبتك مطلقة وديما كل ماحد يتكلم عليها تقول مظلومة واختك طلعتها بديرلك العار خليك حقاني مرة في حياتك….
علاء:سمعت خوك شن قال وساكت…
فاضل:ماهو للي قاله حاتم حق مش كذب…
يقين:وهو راقد بديت نفتش في السيارة لين طحت في ظرف فيه ورق واضح انه تحليل …
قلت يالا خلي نفتح قوقل ….ونترجمه …وهنيا كانت الصدمة كان تحليل نسب …لصغار عماد…
طول اتصلت بحاتم خوي وقررت نصراحه بكل شئ عرفته طلب نصور الاوراق ونبعثهومله وتس باش يسحبهم وهذا للي درته فعلا…بعد يومين كانت الصدمة انه معتز ومعتصم صغار ….
طارق مش عماد….تقززت من كمية الحقارة للي هما فيها ….طلبت من حاتم يقعد ساكت لين ننتقم منه….
العيشة اتصلت بسلافاتي أحلام واسماء …قوتلهم تعالوا اشربوا عندي قهوة وهيا معاهم…
اسماء:قداش لينا ع اللمة هاذي بصراحة…
رندا:حق
احلام:دوم حوشك عامر يقونتي …
يقين:بعد شربنا قهوتنا وضيفتهم بدينا نحكو …تعرفوا اتصلت بيا وحدة من الجارات وقتلي في وحدة في الشارع …استغفر الله تخون في راجلها مع سلفها….
رندا:من الصدمة شرقت بالقهوة ….الكل قعدوا يشوفولها كيف خايفة وكأنه الكلام عليها….
احلام:حي ع الحقارة …هاذي مفروض يفضحوها باش الكل يتجنبها …
اسماء:والله صدقتي هاذي شيطانة …مش بشر…مش سادها انه الزنا من الكبائر وتزيد فوقها مع سلفها ….يهودية هاذي….
رندا:مرات كذب وتبلي قال الله تعالى{( ياأيها الذين آمنوا إن جاءكم فاسق بنبإ فتبينوا أن تصيبوا قوما بجهالة فتصبحوا على ما فعلتم نادمين ( 6 )}}…..سورة الحجرات
يقين:في خاطري خاينة وتستشهدي بالقرآن حبيبتي مافيش نار بلا دخان والمثل يقول اخنب تنجى اخنب تحصل….
احلام:الدنيا جابت ماعندها معقولة هذا كله في شارعنا واحنا غافلين…
يقين:ماتخافيش بكرا يبدوب الثلج ويبان المرج…
رندا:نستأذن انا مخليه معتز ومعتصم بروحهم…
يقين:ماتخافيش عليه معاهم مهاب خوت مع بعض…
الكلام كان يتوقع كلمة خوت تشيبه للعلاقة للي تربطهم لكن انا نحكي في الواقع…
طلعوا هما روحوا وهيا معاهم شوية وجاء طارق غولة وفي يدها غربال….يسأل ويقصقص من الجارة للي تكلمت وقالت الكلام هذا…
يقين:ههههه وصلاتك سخونة كنت متوقعتها اذكى من هكي ….شن بينك وبينها توا نبي نعرف…
عماد:من هيا …
يقين:للي ترقد فيا ع خاطرها …وتحطلي في المنوم باش تقدر تمشيلها…
عماد:في البداية مصدوم وبعدها …بدأ يضحك
ههههه سهلتي عليا الموضوع هلبااااا نحبها ونبيها وصغار خوي مانبيش نخليهم يربيهم
الغريب…والشرع محلل اربعة …بتقعدي اقعدي
تبي تتطلقي اطلقي…
يقين:نعرفك بلا ضمير لكن الوقاحة زادت واطورت عندك اصلا للي ماتعرفاش انه لا انت ولا هيا تهموني ….الوسخ مايلم غير الوسخ للي زيه…
اتصلت بأمي وقولتلها يبي يتزوج مرت خوه كان علاء معاها شوية وجاني للحوش قدام الحقير عماد قالي الراجل بارك الله فيه يبي يحافظ
ع صغار خوه بدل ماتشكريه تهزبي فيه ماعنداش بنات تتطلق ومن حوش راجلك للقبر بس نشوف في عيون عماد الفخر انه تغلب عليا كسرني كلام خوي ولكن اصلا كنت مقررة ننتقم منهم ع نار هادئة ….مش رح ننسحب المرة هاذي رح نواجهه ونواجها….طبعا بعد يومين جت لانهم
يجهزوا للفاتحة هيا وياه يتكلموا …..وللي سمعته كان صدمة…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فقيد قلبي)
