رواية فرصه ثانيه الفصل الرابع 4 بقلم وعد حامد
رواية فرصه ثانيه البارت الرابع
رواية فرصه ثانيه الجزء الرابع
رواية فرصه ثانيه الحلقة الرابعة
لقيتها بتقول : اهو العريس المنتظر نور اهو !!
بصتلها بصدمه وانا مش مصدق ان دي هاجر اللي كانت بتغير عليا من نفسها بتقول كده بمنتهي السهوله حتي لو كانت بتهزر قولت وانا لسه صدمتي مقلتش : قصدك ايه ؟
مسكتني وهي علي وشها لامباله وبتضحك بخفه وبتقولي بمرح : انا عزمت ريم تقعد معايا شويه واقنعتها ترجعوا لبعض تاني وانا اللي امشي من حياتكوا انا ميرضنيش برضو افرق ما بين اتنين بيحبوا بعض وانت عارف انا بحبك قد ايه واتمنالك تبقي سعيد في حياتك يا جوجو
بصتلها بصدمه حقيقه وانا مش مصدق هي بتقول ايه وعايز اضربها قلم يمكن تفوق من اللي هي فيه يعني عشان سمعت كلامي عليها مع صاحبي مرة بقت كده ومرة واحدة حبها انتهي ليا يمكن لو كنت سمعت كلامها ده من فتره قريبه كنت هموت من الفرحه من غير ما اهتم ليها ولا لمشاعرها وكل اللي هفكر فيه ريم وحياتي معاها اللي هنقضيها بالطول والعرض لكن دلوقتي هي كل اللي هماني معرفش ازاي قدرت فجأة تستحوذ تفكيري بالشكل ده !!!
لفت انتباهي ريم اللي بتبصلي باستفهام وهي مستنيه اي رد فعل مني يبين اني مبسوط بصتلها وانا بحاول ابتسم وبعد كده وجهت نظري لهاجر اللي كانت بتبصلنا احنا الاثنين بابتسامه موجوعة وبعدها قالت : الف مبروك يا حبيبي تتهنوا ببعض يارب انا مش مصدقه ازاي انا وانت خلصنا كده انت كان نفسك تخلص مني وانا كمان والحمد لله دلوقتي مفيش عائق ما بينا وتقدر دلوقتي تتطلقني وتتجوزوا يا احلي عرسان
كنت عارف انها هتقول كده كل تصرفاتها اللي فاتت دي تدل علي انها قفلت من ناحيتي وكانت دي الخطوة اللي بتجهزلها الفترة اللي فاتت دي كلها بصتلها وانا بحاول ارجعها عن قرارها باي حجه ومش عارف انا بعمل كده ليه وانا بقول : طب واحنا بعد لما نتطلق هتعملي ايه ولا هتروحي فين اهلك صاعبين وممكن يعملوا فيكي حاجه
قالت بنبرة اشبه بالسخريه : لا متخافش عليا اوي كده انا هعرف اهتم بنفسي كويس اوي ودي حاجه اعتقد معدتش تهمك ولا تخصك دلوقتي لانك هتطلقني وريم هتبقي كل اولاوياتك
اتعصبت من طريقه كلامها وقولت بغضب وضيق : انت قريبتي وطبيعي اخاف عليكي مش عشان دايب فيكي ولا حاجه
ردت وهي بتبصلي ببرود : اديك قولتها قريبتك يعني كل اللي ليك اني قريبتك بس والمفروض تتطمن عليا وتخاف عليا وانا بعفيك من المسوؤليه دي وبقولك معدتش يخصك دلوقتي يا جاسر وياريت لو سمحت تخلصني وتخلص نفسك من الهم اللي عليك اللي زهقت منه ولا ايه ؟
حسيت بندم شويه من كلامي وانا لقيت عنيها اتملت دموع علي وشك انها تنزل صعبت عليا وحسيت ان قلبي اتحرك لما شوفتها هتعيط لكنها فجأة رجع وشها للجمود وهي بتكرر تاني بإصرار:طلقني !! ملقتش مفر قدامي ولا مبرر هاجر اللي قدامي مش دي هاجر اللي كانت معايا من شهرين مقدرش ارجعها عن قرارها بس انا مش عايزها امشي فجأة ريم حب عمري بقيت شايفها عاديه ومتستاهلش كل اللي انا عملته عشانها وهاجر كأنها كنز من كنوز الدنيا اللي انا بإيدي ضيعتها دلوقتي قولت بحزن عميق وانا مدرك اني مش هعرف اشوفها تاني ولا هتبقي معايا : هاجر انت طالق !!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فرصه ثانيه)
