رواية فرصه استثنائية الفصل السابع 7 بقلم دودو محمد
رواية فرصه استثنائية الجزء السابع
رواية فرصه استثنائية البارت السابع
رواية فرصه استثنائية الحلقة السابعة
فى شقة حكمت
صحى مراد على صوت عالى بص على السرير جمبه لاقى مهند لسه نايم قام قعد وقال
مراد :- مهند يا مهند انت يا ابنى اصحى
مهند :- امممم عايز ايه يا مراد
مراد :- قوم كده اسمع فيه صوت بره
مهند :- فتح عينه وسمع الصوت وقال دى البومه اختك
مراد :- اختك ايه هيجيبها دلوقتى وهى لسه والده
مهند :- وربنا هى روح اتأكد بنفسك
مراد :- قام خرج من الاوضه ولاقها فعلا مريم بصلها بأستغراب وقال مريم ايه اللى جابك دلوقتى خير
مريم :- عبدالرحمن طردني من البيت وعايز يطلقنى
مراد :- ليه ايه اللى حصل
مريم :- علشان معاذ بيعيط طول الليل ومش عارف ينام من صوت عياطه
مراد :- سبب مش مقنع الصراحه
مهند :- خرج من الاوضه وقال تلاقى الراجل فاض بيه وما صدق يتلكك على حاجه علشان يرتاح منك والصراحة عنده حق
مريم :- سامعه يا ماما ابنك بيقول ايه
مهند :- بقول ايه ؟ بقول الحقيقه طبعآ ده ربنا نجده من وشك الفقر والله
مريم :- ليه كنت سمر ووشى يقطع الخميره من البيت
مهند :- شيلى سمر من دماغك يا غلاويه ده انتى هتولعى منها يا شيخه
مريم :- ليه كان فيها ايه زياده عنى علشان اتغاظ منها على الأقل انا اتجوزت وخلفت مش زيها قاعده فى البيت زى قرد قطع
حكمت :- بس انت وهى وانت يا مراد ابقى اقعد مع جوز اختك وحاول تهدى الأمور ما بينهم
مراد :- حاضر يا ماما
حكمت :- عرفه أن ما بينهم عيال يفكروا فيهم شويه ويسيبهم من لعب العيال ده
مراد :- ماشى
حكمت :- واعمل حسابك انت وهو هنروح نشوف عروسة مهند وبعد كده هنطلع على بيت ام ساره
مراد :- بص لمهند ورجع بص لامه وقال هنعمل ايه عند ام ساره
حكمت :- هنخطبها ليك
مهند :- قولتلك فكك من الموضوع ده يا اما علشان انا مش هتجوز غير سمر ومراد مش هيتجوز غير علياء
حكمت :- انا صبرت عليكم بما فيه الكفايه انتو قربتوا تدخلوا على الأربعين سنه ايه ناوين تتجوزا امته لما يكون عندكم مية سنه
مراد :- العمر مش هيفرق يا ماما المهم اللى احنا هنكمل معاهم باقى عمرنا وعلياء بدأت تلين وهتوافق أننا نتجوز قريب اوى
حكمت :- علياء مش حاطه فى دماغها الجواز تانى هى جربت حياتها واتجوزت وبقى معاها طفلين الدور والباقى عليك موقف حياتك عليها ومعشتش حياتك زى اى شاب فى سنك والبيه التانى مستنى البرنسيسه لما تحن عليه وتوافق تتجوزه كأن البنات كلها انتهت من العالم
مهند :- بالنسبالى الدنيا دى كلها مفيهاش غير سمر وعينى مش شايفه غيرها يا اما
مريم :- ده ايه فقع المراره اللى الواحد عايش فيها دى انتوا محسسنى انكم بتحبوا ملكات جمال العالم مع انهم عادى وأقل من العادى كمان وفيه احلى واجمل منهم وإذا كان دى ولا دى الاتنين ميستحقوش شباب زى الورد زيكم انا مش عارفه ايه اللى عجبكم فيهم الصراحه
مهند :- اطلعى منها انتى يا ولعه لاء ولعه ايه ده انتى بوتاجاز متنقل يا شيخه
مريم :- الحق عليا ان خايفه عليكم وعايزه مصلحتكم
مهند :- لاء خليكى فى حالك ملكيش دعوه
حكمت :- قسمآ عظمآ لو منفذتوش اللى قولتلكم عليه لكون غضبانه عليكم ليوم موقف عظيم
مراد :- مش انتى كل اللى يهمك أن انا اتجوز حاضر هنفذلك اللى انتى عايزاه بس مع البنى ادمه اللى بحبها وقلبى اختارها اوعدك اخر الشهر ده هكون متجوز علياء يا ماما
حكمت :- ماشى يا مراد من هنا لاخر الشهر لو منفذتش اللى قولته يبقى كلامى هو اللى هيمشى
مراد :- بص لمهند ورجع بص لامه وقال إن شاءالله
حكمت :- وانت يا آخرة صبرى
مهند :- اهو انتى قولتيها آخرة صبرك وربنا يصبرك على الابتلاء وان لله وان إليه راجعون وان شاءالله والف الف مبروك
حكمت :- وحياة امك
مهند :- وحياتك انتى يا غاليه
حكمت :- هتيجى بليل نروح نشوف العروسه
مهند :- وهو انتى يا اما محرمتيش بعد انهيار
حكمت :- لاء البت المرادى فلقت قمر ومؤدبه ودمها خفيف
مهند :- احبوش انا ليا بس فى النكديه ام بوز البطه دى
حكمت :- انت يا ولا هتتعدل ولا اعدلك
مهند :- وربنا زى ما بقولك البت سمر بقت نكديه و بوزها علطول شيبرين بس بحبها وبموت فيها ومش هتجوز غيرها، انا بقى لا هقولك اخر الشهر ولا أوله لأن انا لسه مش عارف هتحن عليا امته بنت المضايقه دى
مريم :- الله يرحمك يا رجوله
مهند :- ليه ما انتى عايشه اهو وبصلها بقرف ودخل الحمام
مراد :- اصبرى على مهند يا ماما شويه هو بيحب سمر ومش هيقدر يعيش مع غيرها وسابهم ودخل الاوضه
مريم :- سيبك منهم الاتنين دول انا هخليهم يتجوزا اللى انتى اختارتيهم
حكمت :- ازاى
مريم :- متشغليش بالك هما بنفسهم هيجوا يقولوا عايزن نتجوز البنات اللى انتى قولتى عليهم يا ماما
حكمت :- بت انتى انا بخاف من افكارك الشيطانيه دى
مريم :- خلاص انتى حره انا كنت عايزه راحتك
حكمت :- طيب ناويه تعملى ايه
مريم :- كنت هخلي الاتنين اخوات عبده يشوفوا مهند ومراد وهما هيمانين فى العرايس ويبعدوا عنهم بقى
حكمت :- لالالا اصبرى عليهم لاخر الشهر انا اهم حاجه عندى سعادة اخواتك برضه
مريم :-اهى طيبه قلبك دى اللى هدوديكى فى داهيه
حكمت :- ضربتها على كتفها وقالت داهيه تشيلك فيه بنت محترمه تقول كده لامها
مريم :- انتى حره خيرآ تعمل شرآ تلقى انا داخله اوضى يلا يا بت امشى قدامى ودخلت الاوضه هى والعيال
~•~•~•~•~•~•~•~•~•~•~•~•~•~•~•
فى فيلا علياء
صحيت علياء من نومها وقامت قعدت على السرير وهى حاسه بصداع شديد فى راسها حطت ايديها على راسها وقالت
علياء :- ايه الصداع الرهيب ده ياربى انا مش قادره افتح عينى من كتر الالم ورجعت شعرها لوراه وقالت كله بسببك انت يا مراد خلى ساره تنفعك انا غلطانه اصلا أن فكرت فيك و سامحتك ومسكت تليفونها فتحته ووصلت ليها رسايل كتير من مراد مبصتش فيها وسابت التليفون على السرير وقامت دخلت الحمام اخدت شاور واتوضت وخرجت لبست هدومها وأدت فرضها وفى الوقت ده تليفونها رن بصت فيه لاقيته مراد كنسلت عليه ونزلت من فوق لاقيت سمر بتفطر قالت صباح الخير
سمر :- صباح النور مال عينك
علياء :- ملهاش
سمر :- عينك وارمه خالص كأنك كنتى بتعيطى فتره كبيره
علياء :- لاء وانا هعيط ليه هى بس عامله كده علشان منمتش كويس
سمر :- جايز وقامت وقفت وقالت أنا هتأخر شويه النهارده
علياء :- ليه رايحه فين
سمر :- رايحه عند انجى
علياء :- ماشى خلى بالك على نفسك
سمر :- ماشى باى وخرجت ركبت عربيتها وراحت على شغلها
علياء :- تليفونها رن تانى برقم مراد كنسلت عليه تانى وقامت وقفت خرجت وركبت عربيتها وراحت عند الدكتور بتاعها وطلبت أنها تشوفه ودخلت ليه وقالت السلام عليكم
الدكتور :- وعليكم السلام ورحمه الله وبركاته اتفضلى يا مدام علياء عامله ايه
علياء :- قعدت وقالت تعبانه اوى يا دكتور
الدكتور :- عرفت أن استاذ عمر مات من فتره كبيره
علياء :- ايوه بقاله كذا سنه
الدكتور :- الله يرحمه قوليلى بقى ايه رجعك تتعالجى تانى
علياء :- بصت ليه وقالت مراد
الدكتور :- على ما اعتقد مراد ده اللى اغتصبك صح
علياء :- بصت ليه وقالت ايوه هو رجع بعد موت عمر علطول
الدكتور :- وكان أول لقاء ما بينكم عامل ازاى
علياء :- اصعب لحظه فى حياتى كنت مكسوره من موت عمر واول ما شوفته شوفت كل حاجه حصلت ما بينا حسيت بلمسة أيده على جسمى وهو بيقرب منى علشان يغتبصنى عيشت كل حاجه حصلت ما بينا فى اللحظه اللى شوفته فيها
الدكتور :- ها وبعدين
علياء :- بس وبعد كده حصل ما بينا مواقف كتير استحمل منى اهانه مفيش راجل فى الدنيا دى يستحملها مرت علينا مواقف صعبه كتير وقف جمبى رغم اهانتى المستمرة ليه حتى بعد ما عرفت الحقيقه وان هو عمل فيا كده غصب عنه بسبب حبايه اخدها من أمه على أساس حباية صداع وطلعت مخدره من بتوع اخوه واستمريت فى إهانته ووجعه بالكلام لحد ما عرف أن منار بنته بس رغم كده محاولش يخدها منى غصب عنى كان بيترجاني اكتبها بأسمه رغم أن كان معاه إثبات قوى وكان فى إمكانه أن يكتبها بأسمه بس معملش كده علشان خاطرى انا ومن هنا بدأت اثق فيه شويه بشويه وقدرت اسامحه طلب منى اديلو فرصه ونعيش مع بعض رفض
الدكتور :- مدام سامحتيه ليه رفضى تديله فرصه
علياء :- اتنهدت بوجع وقالت علشان انا لحد دلوقتى مش متقبله لمسته ليا حتى لو لمسنى من غير قصد جسمى كله بيرتعش وبفتكر كل حاجه وبنهار
الدكتور :- بس ده شئ طبيعى ومع الوقت هتتعودى عليه لأن جسمك الاول كان رافض اى لمسه من اى راجل ومع العلاج قدرتى تعيشى حياتك الزوجيه طبيعى جدآ
علياء :- عارفه وعلشان كده انا جيت لحضرتك عايزه اتقبله كزوج ونعيش مع بعض طبيعى زى اى زوجين
الدكتور :- افهم من كلامك ده انك متقبله فكرة الزوج منه وعايزه تديله فرصه
علياء :- هزت راسها وقالت ايوه
الدكتور :- طيب انتى فيه اى مشاعر جواكى ليه
علياء :- بصت ليه ومردتش عليه
الدكتور :- لو مش حابه تجاوبى براحتك
علياء :- انا بحبه يا دكتور
الدكتور :- كويس جدآ وخطوة انك تعترفى بحبه دى خطوه ممتازه منك يا مدام علياء
علياء :- هو يستحق الفرصه دى يا دكتور، هو صعب ان واحده تسامح اللى اغتصابها يا دكتور؟
الدكتور :- هو معروف عندنا أن أى واحده تسامح مغتصبها ده شئ غير سوى مفيش واحده هتقبل تسامح واحد انتهك شرفها واخده منها بالغصب ده بيبقى فى الافلام والروايات وبس إنما فى حالتك دى اسمها فرصه استثنائية بمعنى انك انتى ذكرتى ليا سابقآ أن هو كان انسان محترم جدآ وعلى خلق وان عمره ما قرب منك ولا رفع عينه فيكى ومع ذكر الاسباب دلوقتى اللى وصلته يعمل كده فده شئ طبيعى ان انتى تديله فرصه وتعيشوا مع بعض بصفحه جديده وتربوا الاولاد فى جو أسرى هادى لأن واضح من كلامك أن هو بيحبك لان مفيش راجل يستحمل الاهانه من اى واحده مهما كانت الا اذا بيحبها ومستعد يغفر اى حاجه فى سبيل أن يشوفها سعيده ومبسوطه
علياء :- انا متأكده أنه بيحبنى يا دكتور وعارفه أنه عاش عمره كله بيحبنى انا وبس مفكرش يقرب طول السنين اللى فاتت دى لأى واحده غيرى بس للاسف ظهرت واحده فى حياته واضح عليها جدآ أنها بتحبه وأمه كمان عايزه تجوزها ليه
الدكتور :- المهم هو بيحب مين
علياء :- بيحبنى انا بس مع الرفض المستمر منى اكيد هيسمع كلام أمه ويتجوزها
الدكتور :- مدام بيحبك وعاش عمره كله مفكرش يقرب لواحده غيرك يبقى مستحيل هيقبل يعيش مع حد غيرك وهيعيش على أمل انك تسامحيه وتديله فرصه تانيه
علياء :- بجد يا دكتور
الدكتور :- ايوه
علياء :- طيب اعمل ايه علشان يفضل جمبى واتقبله كزوج
الدكتور :- اولا لازم يتم الزواج علشان نقدر نبدء العلاج بمعنى لازم يقرب منك علشان تعرفى رد فعلك بالظبط ايه وتقوليه ليا وابدء اعالجك بناءً عليه وده طبعآ مش هينفع غير بالزواج وواحده واحده هتم العلاقه الزوجيه بعد العلاج أن شاءالله
علياء :- نتجوز
الدكتور:- ايوه
علياء :- الفكره مرعبه بالنسبه ليا اوى يا دكتور
الدكتور :- عارف بس شخصيه زيك قويه هتقدر تاخد الخطوه دى رغم خوفها
علياء :- اتنهدت وقالت هحاول
الدكتور :-بأبتسامه ومتأكد انك هتقدرى
علياء :- وقفت وابتسمت لدكتور وقالت شكرآ يا دكتور ارتحت كتير كالعاده بعد ما بقابل حضرتك
الدكتور :- ده شغلى انا معملتش حاجه اكتر من شغلى يا مدام علياء
علياء :- عن اذن حضرتك وخرجت من عنده ونزلت ركبت العربيه وراحت على الشركه بتاعتها وطلعت على المكتب بتاعها واول ما دخلت لاقت مراد قاعد ومتعصب وراح عندها بغيظ وقال
مراد :- انتى كنتى فين كده وبرن عليكى التليفون مش بتردى ليه قلقتينى عليكى ومحدش عارف انتى روحتى فين
علياء :- بصت ليه وسابته من غير ولا كلمه وقعدت على الكرسى بتاعها
مراد :- بصلها بغيظ وقال بلاش اسلوبك المستفز ده وردى عليا يا علياء
علياء :- كنت فين انا حره حاجه متخصكش روح انت لست الحسن والجمال بتاعتك بره
مراد :- علياء انتى عارفه ومتأكده أن انا بحبك انتى وعمرى ما هحب ولا اكون لغيرك فبلاش شغل العيال الصغيره ده ارجوكى
علياء :- لو عايز تثبت ليا كلامك تمشيها من هنا و ملكش دعوه بيها تانى
مراد :- يا علياء افهمى البنت غلبانه وملهاش دعوه بأى حاجه بتحصل
علياء :- والله ما تعملها تمثال احسن
مراد :- اتنهد وراح عندها وقرب منها ومسك ايديها ولسه هيتكلم
علياء :- جسمها كله انتفض وسحبت ايديها من ايد مراد ورجعت لوراه
مراد :- غمض عينه وقال افهمينى يا علياء ارجوك وبصلها وقال فى ايديك انتى كل حاجه وافقى على جوازنا وساعتها محدش هيكون ليه عندنا حاجه والكل هيتأكد من حبنا لبعض
علياء :- ازاى يا مراد وانا مش قادره استحمل حتى لمسة ايدك ليا
مراد :- كل ده مش مشكله بعد الجواز نتعالج منه محدش هيبقى عارف ايه اللى بيحصل ما بينا المهم دلوقتى أننا نتجوز
علياء :- بصت ليه ومردتش عليه
مراد :- لازم توافقى يا علياء انا قولت لامى أن انا مش هتجوز غيرك انتى بس مفيش وقت لو متجوزناش قبل اخر الشهر امى هتنفذ اللى فى دماغها وتجوزنى ساره
علياء :- مردتش عليه
مراد :- هز راسه يمين وشمال ومشى
علياء :- قبل ما يخرج من الباب قالت م.م.موافقه
مراد :- بصلها بصدمه وهو مش مصدق نفسه وقال ا.ا.انتى قولتى ايه
علياء :- هزت راسها بدموع وقالت موافقه
مراد :- رجع تانى عندها وقال قوليها تانى يا علياء انا مش مصدق نفسى
علياء :- موافقه بس مش هتقرب منى ولا تلمسنى
مراد :- مش مشكله يا علياء المهم اننا نبقى مع بعض
علياء :- بصت ليه بحب وابتسمت
مراد :- بعد ما نرجع من السفر نكتب الكتاب ايه رأيك
علياء :- هزت راسها بالموافقه
مراد :- بحبك يا علياء بحبك
علياء :- بصت ليه بكسوف وبصت على الأرض
مراد :- هروح اكلم امى و ابلغها
علياء :- م.م.ماشى
مراد :- بصلها واتنهد بحب وخرج من عندها وراح على مكتبه
علياء :- قعدت على الكرسى بفرحه وابتسمت وقالت يارب قوينى على الخطوه دى يارب
~•~•~•~•~•~•~•~•~•~•~•~•~•~•
عند مياده
خلصت شغلها وخرجت من المدرسه وانتظرت الاتوبيس لاقت مجدى واقف جمبها بصلها بحب وقال
مجدى :- عامله ايه يا مياده
مياده :- كويسه
مجدى :- انتى زعلانه منى
مياده :- ليه
مجدى :- علشان الكلام اللى قولته ليكى
مياده :- انا قولت لحضرتك انا واحده متجوزه وبتحب جوزها وانا بحترمك كزميل مش اكتر فياريت حضرتك تحافظ على الحدود ما بينا علشان مش هقبل انك تتخطاها وياريت يكون دى اخر مره انبه حضرتك بالكلام ده
مجدى :- مياده انا بحترمك جدآ والله بس مشاعرى مش بأيدى حاولت كتير بس مش قادر وحياتى واقفه عليكى والله
مياده :- تانى يا مستر مجدى ارجوك بترجاك متخلنيش اخد اجراء مش فى صالحك ابعد عن طريقى لو سمحت
مجدى :- مش قادر انا بحبك وفى الوقت ده مياده اتفاجئت بمروان واقف قصادها وبيبص ليها والشرار بينط من عينيه بصت ليه بصدمه وقالت م.م.مروان
مروان :- بص لمجدى وبص ليها ومسكها من دراعها وسحبها وراه
مياده :- مروان سيب دراعى هفهمك والله
مروان :- مردش عليها وراح فتح باب العربيه وحدفها جوه ورزع الباب وراح ركب العربيه وشغلها ومشى بيها
مياده :- بدموع اسمعنى يا مروان والله العظيم ما فيه ما بينا حاجه
مروان :- شغل العربيه ومشى بيها على البيت من غير ولا كلمه
مياده :- بدموع مروان رد عليا ارجوك
مروان :- سرع العربيه اكتر ووصل عند البيت ونزل من العربيه وفتح الباب ومسكها من دراعها ونزلها وقفل باب العربيه وشدها من دراعها لحد فوق وفتح باب الشقه ودخل
ام مروان :- اول ما شافت كده قالت مروان فيه ايه يا ابنى
مروان :- مردش عليها ودخل الاوضه بتاعته وهو ساحب مياده من دراعها وقفل الباب بالمفتاح وقلع الحزام وبص ليها بعصبيه وقال انا هعرفك ازاى تخونينى يا و****
مياده :- والله العظيم ما خونتك انت فاهم غلط
مروان :- رفع الحزام ونزل بيه على جسمها
مياده :- بألم اااااه والله العظيم ما فيه حاجه ما بينا اسمعنى طيب هقولك ايه
مروان :- ضربها بالحزام وقال انا هربيكى يا و*** انا هعرفك ازاى تخونى جوزك وتمشى مع راجل تانى يا مياده وقعد يضرب فيها بالحزام
ام مروان:- قعدت تخبط على الباب وقالت افتح يا مروان البت هتموت فى ايدك افتح يا ابنى وغلاوتى عندك افتح يا مرووووان
مروان :- خلص ضرب فيها وبصلها بقرف وتف على وشها
مياده :- قعدت وضمت رجليها عند صدرها وجسمها كله كان ازرق وعماله تعيط
مروان :- فتح الباب وخرج وقفل الباب وراه بالمفتاح وقال محدش يفتح ليها الباب وتفضل كده من غير اكل وشرب ومفيش نزول من البيت تانى مهما حصل
ام مروان :- طيب يا ابنى فهمنى فيه ايه
مروان :- يا اما خلااااااص مش عايز كلام كتير وقعد على الكنبه وحط راسه ما بين ايديه ودموعه نزلت منه
ام مروان :- قعدت جمبه وطبطبت على كتفه وقالت يا حبيبى مفيش واحده تستاهل دمعه من عيونك طلقها وسبها تروح عند اهلها وبلاش دموعك دى
مروان :- اترمى فى حضن امه وقال مقدرش أطلقها يا ماما انا بحبها ومقدرش اعيش من غيرها
ام مروان :- ضمته فى حضنها وقالت لا حولا ولا قوة الا بالله اهدا يا حبيبى بس ده شيطان ودخل ما بينكم وقعدت تطبطب عليه
مياده :- قامت بصعوبه من على الأرض ودموعها على خدها ودخلت الحمام وقلعت هدومها وفتحت الميه ونزلت على جسمها حست بألم جامد وبعدت عن الميه وقالت بدموع اااااه وقعدت على حرف البانيو بألم وقعدت تعيط وتصرخ
~•~•~•~•~•~•~•~•~•~•~•~•~•~•
عند سمر
خرجت من الشغل وجات تركب عربيتها تليفونها رن برقم غريب استغربت الرقم وردت عليه وقالت
سمر :- السلام عليكم
حازم :- واحشتينى يا مزه
سمر :- انت! جبت رقمى منين
حازم :- دى حاجه سهله عليا اوى يا روحى
سمر :- عايز منى ايه يا حازم ابعد عن طريقى بقى يا شيخ
حازم :- هبعد عن طريقك بس بشرط
سمر :- ايه هو
حازم :- تيجى تقابلينى
سمر :- اجى اقابلك فين
حازم :- فى شقتى
سمر :- انت زباله وحيوان ولو مبعدش عن سكتى يا حازم هقتلك
حازم :- ضحك وقال خوفتيني اوى وركبى بتخبط فى بعض هو انتى تقدرى تقتلى نمله
سمر :- فكر تجر شكلى تانى يا حازم وهتشوف وقفلت السكه فى وشه وركبت عربيتها وراحت عند مكان شغل انجى وانتظرت خروجها واول ما شافتها نزلت تجرى من العربيه واترمت فى حضنها
انجى :- مالك يا سمر
سمر :- تعبت يا انجى والله العظيم تعبت
انجى :- زفت الطين حازم برضه
سمر :- ايوه مش سايبنى فى حالى وشكله مش ناوى على خير
انجى :- قولتلك يا سمر لازم تقولى لمهند هو الوحيد اللى هيقدر يوقف ليه
سمر :- لاء يا انجى مهند لاء
انجى :- ليه مهند بيحبك واكيد مش هيعمل معاكى زى ما عمل قبل كده لانه اتعلم من غلطه صدقينى هو الوحيد دلوقتى اللى لازم تروحى تقوليله
سمر :- تعالى اركبى هروح معاكى مش عايزه اروح البيت
انجى :- ماشى يلا
سمر :- وهيثم
انجى :- لسه عنده شغل كتير وركبت العربيه
سمر :- شغلت العربيه ولسه هتمشى تليفونها رن برقم حازم بصت وقالت الحيوان حازم
انجى :- مترديش عليه
سمر :- ما انا هعمل كده وانتهت الرنه وشويه ووصلت رساله ليها بصت لانجى بأستغراب وقالت دى رساله بعتها
انجى :- طيب افتحيها
سمر :- فتحتها ودموعها نزلت منها وحطت ايديها على بؤقها
انجى :- فيه ايه يا سمر
سمر :- مدت ايديها بالتليفون لانجى
انجى :- اخدت التليفون وبصت فيه وقالت بصدمه الواطى السافل باعت صورك وانتى نايمه فى حضنه زمان بجد ده طلع بنى أدم زباله
سمر :- بدموع قوليلى اعمل ايه الماضى مش راضى يسيبنى فى حالى يا انجى
انجى :- اسمعى كلامى يا سمر الزفت ده مش هيبعد عن طريقك غير لو راجل وقف ليه لازم تقولى لمهند
سمر :- يارب حلها من عندك احسن والله العظيم تعبت
انجى :- اتنهدت وقالت امشى دلوقتى وفى البيت نبقى نفكر نعمل ايه
سمر :- مسحت دموعها وشغلت العربيه وراحت على بيت انجى
~•~•~•~•~•~•~•~•~•~•~•~•~•~•
فى فيلا أدم
رجع أدم من الشغل وبص على سلوى وعمر لاقهم فى الجنينه راح عندهم وشال عمر وقال
أدم :- حبيب بابا عامل ايه وباسه وبص لسلوى وقال مساء الخير
سلوى :- وهى باصه فى الارض قالت مساء النور عن اذن حضرتك ولسه هتمشى
أدم :- مسكها من دراعها وقال بأستغراب سلوى مالك
سلوى :- سحبت دراعها وقالت لو سمحت متلمسنيش تانى
أدم :- طيب افهم بس فيه ايه انا ماشى الصبح وكنتى كويسه
سلوى :- حضرتك اكون كويسه ولا لاء ده يشغل حضرتك فى ايه انا مجرد مربيه لابنك وانت ابو الطفل اللى باخد بالى منه ومسموح لحضرتك انك تعلق على اى حاجه تخص ابنك غير كده مش هسمح بأى تجاوزات من حضرتك ليا
أدم :- بأستغراب تجاوزات ليه حصل ايه منى
سلوى :- شايفه حضرتك مفكرنى واحده سهله وسامح لنفسك تلمس ايدى ودراعى وطريقة كلامك معايا تسبيل و ايحاءات وده مش هسمح بي انا مش شبه حد
أدم :- فهم كلامها وعرف تقصد ايه بصلها وقال اااااه انتى مفكرانى هموت عليكى وعايز جسمك وكده لاء متقلقيش احب اطمنك انك انتى مش ذوقى خالص ويوم ما افكر ابص لواحده اكيد مش هبصلك انتى ياريت بس متنسيش نفسك ودماغك تروح لبعيد مش معنى بتعامل معاكى بأسلوب راقى ابقى عايز منك حاجه انا بس متعود اتعامل مع كل الخدامين كده ونزل عمر وبصلها مده وسابها وطلع على اوضه
سلوى :- كلام أدم جرحها قعدت على الكرسى ودموعها نزلت منها وشالت عمر وحطته على رجليها وحضنته وقعدت تعيط بوجع
~•~•~•~•~•~•~•~•~•~•~•~•~•~•
فى شقة حكمت
اول ما روح مراد البيت بلغ أمه بموافقة علياء على الجواز ودخل اوضه خرجت مريم من اوضتها وقالت
مريم :- يا اما خلى بالك من العيال انا نازله تحت وجايه
حكمت :- خرجت من المطبخ وقالت رايحه فين
مريم :- ها هجيب حاجه من الشارع وجايه وفتحت الباب ونزلت وراحت عند بيت ام ساره وفتحت ليها ساره وسلمت عليها وقالت
ساره :- مريم عامله ايه ادخلى
مريم :- دخلت وقالت انا الحمدالله تعالى عايزاكى فى كلمتين وبصت على ام ساره وقالت ازيك يا خالتى ودخلت اوضة ساره وقالت اقعدى عايزاكى
ساره :- قعدت جمبها وقالت خير يا مريم
مريم :- ايه رأيك فى اخويا مراد
ساره :- ابتسمت بحب وبصت على الأرض بكسوف
مريم :- لاء مش وقت كسوف خالص انطقى ايه رأيك فى اخويا مراد
ساره :- مفيش زيه فى الدنيا دى كلها حاجه نادره
مريم :- يعنى بتحبيه
ساره :- بصت ليها بكسوف وهزت راسها بمعنى ايوه
مريم :- طيب واللى تخليه يتجوزك
ساره :- ازاى وهو بيحب علياء وقرر أنه يتجوزها
مريم :- لو بتحبيه بجد هتخليه ميشوفش غيرك انتى
ساره :- ازاى
مريم :- يا حزنى هو انتى مش بتعرفى تعملى اى حاجه خالص
ساره :- لاء وهعرف منين
مريم :- الصبر هقولك مش انتوا مسافرين بكره
ساره :- ايوه
مريم :- هو قرر يتجوز علياء بعد ما يرجع من السفر يعنى فرصتك الوحيده السفر لو معرفتيش تخليه يحبك انتى ويبقى ليكى يبقى انسي خالص بعد كده
ساره :- طيب مفروض اعمل ايه ما انا مش عارفه
مريم :- هقولك يا آخرة صبرى
~•~•~•~•~•~•~•~•~•~•~•~•~•~•~•
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فرصه استثنائية)
