رواية فرصة عمر الفصل الثاني 2 بقلم سارة بكري
رواية فرصة عمر الجزء الثاني
رواية فرصة عمر البارت الثاني
رواية فرصة عمر الحلقة الثانية
مروة دخلت بيت الزوجية و ما كنتش تعرف إن دى أولى خطواتها لـ الجحيم!!
مروة اتكلمت بـ صوت متردد: انا هتكون فين أوضتى؟!
فجأة سمعت صوت قهقهة عالية و لف حواليها عشان يبقى قدامها و يرفع راسها:
أوضتك؟؟…
إنتي صدقتى نفسك يا روح امك… فكرانى جايبك هنا و دافع فيكى عشان أعلقك جنب أى برواز
شهقت فجأة لما مسك دراعها و برق: انا لما عوزت اشترى أختك فـ ده عشان هـ اتسلى
مروة بربشت لما أتكلم فجأة بـ شر..
واحدة هـ أعيش معاها تحدى و أكسر ضلوعها اللى بـ تتباهى بيها بس هى نجيت بـ نفسها
و انا دفعت و مش هـ أرميكى غير لما أمّل أو أكتفي
قرب منها و همس: بلاش تخلينى أمّل بـ سرعة عشان ده مش لـ صالحك… فاهمة!!
مروة هزت راسها بـ رعب: فـ… فااهمة
زين زقها جامد: خشى ألبسى أى حاجة يلا… عاوز ملكة جمال قدامى و أعملى حسابك لو ما نفذتيش خلال عشر دقايق هـ تشوفى أسوأ وش ليا!!
جريت بـ قوة و كأنها قررت تسحب روحها من جسدها يمكن تكون حرة من كل معانى القسوة اللى أتعرضت لها، وقفت فجأة و أفتكرت الشباب اللى حاولوا يعتدوا عليها، لولا قدرتها على الضرب ما كنتش فلتت..
شوق: و بعدين هـ تعملى اى يا بت يا شوق… الشارع مليان كلاب سعرانة و إنتى لوحدك…
أرجعى يا أختى و ماله أتجوزيه أهو كله قرف
فى عربية غالية جدًا تظهر لـ صاحبها الثراء الفاحش، شاب فى منتصف العشرينات باين عليه الغضب و هو بيتكلم فى التليفون:
_يعنى إيه اللى بـ تقوليه ده يا داليا هو جدك ده قبل ما يموت كان أتجنن؟؟… انا مش فاهم إزاى الوصية مش هـ تتنفذ إلا لما نلاقى ست الهانم حفيدته… انا زهقت و….. لاااا حاسبييي
قال كده و هو بـ يحاول يفرمل قبل ما يخبط البنت اللى قدامه عشان تتقلب على العربية!!
في شقة زين، خرجت مروة بـ تربص و قلق و هي بـ تحاول تدارى جسـ ـمها اللى ظاهر أغلبه.
زين بص و بان عليه الدهشة لكنه قام و حاول يتكلم عادى: جدعة يا بت كده تعجبينى… يلا ورينى بـ تعرفي تعملى اى
مروة: أعر.. ف اى
زين: انتى هـ تعمليهم عليا يا بت ما تنجزى… أقول لك انا اللى هـ أكتشفك تعالى
شدها لكن هى وقفت: مــ… ممكن تسيبنى النهاردة أبوس إيدك… انا خايفة أصل دى اول مرة و…
زين ضحك جامد و بص لها من فوق لـ تحت: خايفة و أول مرة اه… بـ أقول لك اى مش عليا انا عارف إن كلكم صنف واحد… كلكم ****
مروة أترعشت بـ حرج و عينيها لمعت بـ حزن
و اتفاجأت أكتر لما لقيته قرب و وزع قبلاته على وشها و بعدين همس:
_لما نشوف الفلوس اللى دفعتها فيكي ليها لازمة ولا لاء
و سحبها لـ أوضته اللى بـ مثابة شقة من كتر فخامته عشان ينتشلها من كونها بنت عادية لـ زوجة زين طاهر أهم ظابط فى الداخلية أو من المآساة لـ الجحيم!!
…..
فتحت عينيها بـ العافية و اللى توقعته أنها مـ. ـاتت و بـ تتحاسب، شوق قالت بـ توهان:
انا فين؟؟
رد عليها الشاب بـ قلق : إنتى عايشة؟؟… الحمد لله
شوق بصت له شوية: هو اى اللى حصل و انت مين
الشاب: انا لؤى العزمى من عيلة العزمى أكيد تسمعي عنها
شوق: يا اخويا مش ناقصة لوية بوظ انا تعبانة اااه
لؤى قلق جدا: هو انتى يعنى حاسة بـ اى الدكتور قال إنك هـ تكونى كويسة
شوق: انت شايف اى… ترقد رقدتى يا شيخ
لؤى أتحرج و قال: انا آسف فعلا يا أنسة ا…
هو انتي إسمك اى؟
شوق: إسمي…
شوق أفتكرت ابوها فجأة و اللى ممكن يعمله خصوصًا إن أكيد عدى وقت الفرح و هي دلوقتى ملهاش مآوى
لؤى: ها
شوق: ها… انا… مش فاكرة… انا مش فاكرة أى حاجه انا هـ أوديك فى داهية فاهم!؟
لؤى: لاء لو سمحتي انا مستعد أعمل لك اللى انتي عاوزاه بس ياريت لاء
شوق: تشوف لى مكنة أسبوع كده
لؤى أستغرب من ألفاظها: مُكنة
لحقت نفسها بـ سرعة و قالت: مكان يعنى… مكان… عقبال ما أفتكر انا مين و ألاقى اهلى.. أكيد بابى و مامى بـ يدوروا عليا و…
فجأة تليفونه رن، بص لها و قال: سورى لازم ارد
قام من جنبها و اتكلم فى تليفونه: ها يا داليا فى جديد؟؟
ردت بنت عشرينية: اه زين رجع مصر و اتجوز
لؤى بـ غيظ: ما يتجوز ولا يتنيل… صِبا معاه؟؟
داليا.. لاء يا لؤى شكلنا حسبناها غلط و هو فعلا مش مخبيها… لؤى لازم نلاقى حل بـ الشكل ده الورث هـ يتوزع على الجمعيات الخيرية!!
لؤى مش هـ يحصل يا داليا… مش هـ يحصل… حتى لو أضطريت…!!
و بص على شوق اللى بـ تلمس جروحها بـ مكر!!
يا ترى هـ يحصل اى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فرصة عمر)
