رواية فرحة الفارس الفصل الأول 1 بقلم جمانة صفوت
رواية فرحة الفارس الجزء الأول
رواية فرحة الفارس البارت الأول
رواية فرحة الفارس الحلقة الأولى
فرح:يا ماماااا تعالي خدي ابنك
(الأم)مي:سيب اختك في حالها يا سيف
سيف:يا ماما دي غيبوبه عايزها في موضوع مهم هو في حد بينام 13 ساعه كل يوم !؟
انت ايش حشرك يا اخينا لا اله الا الله بنام في اوضتك مثلا ايه المرازيه اللي على الصبح دي!؟ اعرفكم على عيلتي العسليه انا فرح عندي 22 كليه آثار اخر سنه ليا فيها أن شاء الله اعديها على خير و الغلس العسل ده سيفوا اخويا اكبر مني ب 3 سنين مخلص كليه اداره اعمال و بيشتغل في شركه كويسه و السكر دي ماما ميوش عاقله و سكره خالص بابا سابنا و انا في اعدادي و سيف في ثانوي و ماما من ساعتها شايله المسؤوله و كانت قدها ربنا يخليها لينا نرجع لموضوعنا.
فوقت ما هو اكيد مش هعرف انام بعد المرازيه دي اتوضيت و صليت و خرجت عشان أفطر مع ماما و سيف سيف:اهلا اهلا غيبوبه هانم ممكن اتفضل اقولك على موضوع لو مش هضايق حضرتك يعني ؟
فرح:حتي النوم باصصلي فيه! حسبي الله
مي:بس يا ولاد منتكلموش على الأكل خلصوا و قوموا اتكلموا براحتكم.
همهموا بالموافقه
في البلكونه سيف: انا مش عارف اعمل ايه والله انا حاولت اكلم باباها رافض يديني وقت من غير حاجه رسميه و انا خايف و في نفس الوقت مش عايز اعمل حاجه حرام و حتي مش بكلمها و مش عايزها تضيع مني كل اللي عايزه وقت احاول أتجاوز خوفي و انسي تجربه بابا و ماما مش عايز عيالي يكونوا مش سويين الحمدلله ماما طلعتنا احسن ناس بس برضوا انا خايف مش عارف اعمل ايه ؟!
فرح:معاك حق انك تخاف بس لازم تتجاوز خوفك و لو ب خطوه بسيطه عشان تعرف تعديها كلم باباها و قولوا انك عايز تخطبها و اكيد باباها مش هيمانع اتفق مع باباها على خطوبه و الجواز كمان سنه او كام شهر ع الأقل تكون قدرت تتجاوز شويه من الخوف و هي معاك و اكيد هتساعدك و انا في ضهرك و معاك و ميوش كمان بس سيبها على الله كله هيمشي متقلقش
سيف حضنها(بأمتنان): شكراً يا فروحه مع أن انتِ الصغيره الا انك بتعرفي تحكمي و تفهمي الموضوع.
فرح:العفو يا سي سيفوا احنا نطول اما نساعدك بس هتخرجني دلوقتي مليش دعوه
سيف:مصلجيه بس ماشي يلا تعالي نشوف ميوش و ننزل كلنا
فرح:يلا بينا
نزلوا الأتنين مي منزلتش معاهم و هما بيتمشوا كان في حد مركز مع فرح و فرح خدت بالها بس ما اهتمتش بس كان بصص بعصبيه
فرح:الا قولي يا سيفوا هتروح لفريده حفلة التخرج؟
سيف:مش عارف بس تقريباً لا عشان مش هينفع هروح بصفتي ايه !
فرح:خلاص اخطبها عشان تروح بصفتك خطيبها
سيف:خلاص بقي يا فروحه ما قولت هكلم باباها ده انتِ زنانه
فرح نطت بفرحه:آيس كريم آيس كريم يلا روح هات يا سيفوا
سيف بضحك:هبله والله ماشي خليكي هنا و هاجي على طول
فرح:اشطا يا كبير فضلت ثواني في صمت بتتفرج على منظر السما و بعدين سمعت صوت شخص وراها
الشخص:هو انتِ فعلاً هتروحي الرحله دي ؟
فرح:افندم!؟
الشخص:قولت أنتِ هتروحي الرحله دي ؟
فرح:مين حضرتك و رحلة ايه؟
الشخص:انا فارس و الرحلة اللي الكليه مطلعاها
فرح:مين فارس يعني
فارس:جوزك المستقبلي يا فروحه
فرح:انت عبيط ولا ايه
فارس:عيب لما تقولي لجوزك المستقبلي عبيط أنتِ بنت محترمه يا فروحه
فرح:لا اله الا روح يا ابني شوف حد تاني ترازي فيه
فارس:بس انا مش برازي و اصلا أنتِ مجاوبتيش على السؤال بتاعي ؟
فرح:هروح اكيد كده تمام
فارس:لا مش هاتروحي
فرح:يارب صبرني يا ابن الناس ابعد عني و سيبني في حالي الله يسترك
فارس:انا بتكلم جد على فكره أنتِ مش هاتروحي في حته و كمان اما اتجوزك هعرفك تتعاملي ازاي مع اخوكي اللي ماشيه حضناه طول الطريق و قال بسخرية(آيس كريم آيس كريم يلا روح هات يا سيفوا)
فرح:انت مالك يا بني آدم واحده و اخوها انت بتتحشر لييييه!؟
فارس:مراتي المستقبليه مثلاً ؟
فرح:اللهم طولك يا روح
فارس:خلاصه الكلام انتِ مش هتروحي الرحله سلام لحد اللقاء التاني و لو عرفت انك روحتي هاتشوفي وش تاني و سابها و مشي
كان وصل سيف و شافه و هو ماشي و سألها
سيف:مين ده يا فرح
فرح:ده واحد غريب جاي يقولي مش هتروحي الرحله يا فرح و انا جوزك المستقبلي يا فروحه وحاجه اخر عبيط يعني فكك المهم هات الآيس كريم يا سيفوا
سيف بأستغراب: خدي
و كملوا مش بس فرح اللي قلقانه من كلام فارس و سيف كذالك
وصلوا البيت و دخلوا يناموا عشان بكره يفاتحوا مي في موضوع خطوبة سيف و فرح تجهز الشنطه عشان تمشي تاني يوم الصبح
صحيت فرح و اتوضت و صلت و خرجت تجهز الفطار مع مامتها بعد اما جهز دخلت صحت سيف بس بطريقتها ضحكت بخبث و دخلت قفلت الستاره في اوضه سيف و ضلمت الدنيا و نزلت شعرها على وشها و فتحت صوت ضحكه شريرة على الفون و صرخت جامد
سيف قام مفزوع و اتخض:قعد يردد بسم الله الرحمن الرحيم بسم الله الرحمن الرحيم اعوذ بالله من الشيطان الرجيم و يردد و فرح تقرب و فجأة مي فتحت الباب و النور دخلت و سيف عرف انها فرح
سيف:والله ما هسيبك يا فرح
فرح بأستفزاز:كما تدين تدان يا سيفوا
و سيف بيجري وراها اتكعبلت و وقعت و سيف مسكها من التي شيرت و بيقول:من شر اعمالكم بقىٰ انا يا فرح الكلب تعملي معايا كده
فرح:بنهزروا يا رمضان ايه مبتهزرش
مي بضحك :خلاص يا ولاد بقىٰ اكبروا شويه و يلا عشان الفطار زمانه برد
و مي بتتكلم فرح جريت من سيف:تعالي هنا يا بت أنتِ
فرح:ماعيحصلش واااصل
و كلهم ضحكوا دي صباحبتهم على طول ضحك و فرحه
سيف:ماما انا قررت أخطب
مي:فريده؟
سيف: عرفتي منين ؟
مي:هو انا اي حد ولا ايه ده انا مي يا واد
فرح:ايوه يا ميوش يا جامد
مي بضحك :بس يا بنت
سيف:طب بما انك عارفه ايه رأيك؟
مي:توكل على الله و كلم باباها
سيف و فرح في نفس الوقت:ايوه بقىٰ
سيف قام كلم وائل والد فريده و اتفقوا على معاد قرايه الفتحه مع الخطوبه
و كانت بعد اسبوع فرحوا كلهم و قاموا سيف نزل الشغل و مي نزلت تشتري حاجات و فرح بتحضر الشنطه اتصلت عليها زهره صاحبتها و اتكلموا كتير و كانت فرح خلصت الشنطه و رجعت تنام تاني
مي كانت عملت الغدا و دخلت صحت فرح و كان سيف وصل و خلص باقي اليوم في سلام
تاني يوم سيف كان بيوصل فرح
سيف:خلي بالك من نفسك يا فروحه و ملكيش دعوه بحد مع اني مش موافق عشان الأختلاط ده بس مش عايزك تزعلي
فرح:ماتخفش يا سيفوا بنتكوا راجل كل شويه هرن اطمنكوا و بعدين دي مش اول مره اروح يعني
سيف:بس اول مره تكون مختلطة
فرح:ماتقلقش هكون تمام يلا هنزل انا عشان الأوتوبيس هيتحرك سيف حضنها و نزلت ركبت الأوتوبيس
غنوا شويه و بعدين الكل نام
و هي سانده على الشباك جات رساله من رقم مش معروف
(الرساله)انا مش قولت أنتِ مش هاتروحي الرحله دي
فرح: يا دي النيله هو انت تاني
فارس:انا تاني و تالت مش قولت زفت رحله لا
فرح:انت مين اصلا عشان تقول ولا ماتقولش كنت ولي آمري ولا حاجه و مش جوزي لا المستقبلي ولا الحالي و مش خطيبي بتتكلم ليه
فارس:أولاً اتكلمي معايا بأسلوب احسن من كده أنتِ محترمه يا فروحه ثانياً خطيبك حالياً و جوزك المستقبلي و قولت متروحيش و روحتي يبقي اعمل في دماغك دي ؟
فرح:في احلامك الكلام ده
فارس:هنشوف
فرح:هنشوف و قفلت الفون و نامت
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية فرحة الفارس)
