رواية فتاة انحنت من أجل الحب الفصل التاسع والأربعون 49 بقلم دودو محمد

فى فيلا امير

فى اوضت امير

خرجت زهراء من الحمام وهى لابسه البورنص وبصت لامير وقالت

زهراء / مش هتدخل تاخد شاور
امير / قام من على السرير وراح عند زهره وحضنها من ضهرها وبسها فى رقابتها وقال واحشتينى
زهراء /بعدت عنه وقالت احم ر.ر.روح خد شاور علشان ننزل تحت ناكل
امير / قربها ليه وقال ننزل فين مفيش نزول انتى معمول ليكى هنا حبس انفرادى
زهراء / والله والانفرادى ده هينتهى امته
امير / امممم انا بفكر مينتهيش خالص وقرب منها اكتر
زهراء / زقته وقالت بس بقى يا امير بلاش دلع ويلا ادخل الحمام
امير / طيب ما تيجى معايا
زهراء / عااااااا بطل غلاسه بقى يا امير
أمير / ههههههههه خلاص خلاص وسابها ودخل الحمام
زهراء / هههههههه مجنون بس بموت فيه
وشويه وخرج امير من الحمام وكانت زهراء سرحت شعرها ولبست هدومها
امير / ايه ده
زهراء / ايه فى ايه
امير / انتى لابسه كده ورايحه فين
زهراء / هننزل تحت
أمير / وانا قولت مفيش نزول هخليهم يجيبو الاكل هنا
زهراء / يا سلام وهنفضل كده لحد امته إن شاءالله
امير / لحد ما اشبع منك
زهراء / وهتشبع منى امته بقى
امير / عمرى ما اشبع منك
زهراء / انت هتشلنى يا أمير
امير / عيون امير قلب امير من جوه تعالى بس
زهراء / اجى فين
امير / تعالى اقعدى وانا هلبس هدومى واخليهم يطلعو الاكل
زهراء / بصت ليه بزعل وقالت ماشى ولسه هتمشى
امير / شدها فى حضنه وقال يا زوزو مش عايزك تزعلى بس احنا بقالنا قد ايه بنحلم باليوم اللى هيتقفل علينا باب واحد وما صدقنا ده يحصل الايام جايه كتير وهننزل نقعد معاهم تحت كتير بس الاول خلينا نقعد مع بعض لوحدينا شويه نعوض اللى فات من عمرنا فى البعد
زهراء / ماشى يا امير كنا نزلنا نقعد شويه تحت وطلعنا قعدنا مع بعض براحتنا
أمير / برضه يا زوزو اللى فى دماغك فى دماغك
زهراء / ماشى خلاص يا أمير هنقعد هنا
امير /شدها فى حضنه وقال بحبك يا زوزو
زهراء / ضحكة وقالت وانا كمان بحبك
امير / انتى جعانه اوى اوى يعنى
زهراء / ايوه ليه
أمير / شالها وقال انا بقول فيه حاجات تانيه اهم من الاكل
زهراء / لالالا نزلنى يا أمير تانى لاء
أمير / حطها على السرير وقال اعمل ايه مش بشبع منك
زهراء / لاااااااا يا أمير
أمير / ههههههههههة خلاص يا روح امير الحكم صدر ههههههههه وقرب من شفايفها وبسها و(سكتت شهرزاد عن الكلام الغير مباح 😉😉)
____________________________
عند سامح

روح اخد شاور وغير هدومه ونزل وقف تاكسى وراح عند فيلا جهاد رن الجرس وفتح ليه أحمد وقال
أحمد / سامح تعال اتفضل
سامح / معلش يا ابو حميد مره تانيه بس ممكن تخلى روز تنزل ليا
أحمد / طيب تعال ريح شويه وبالمره اشرب شربات نجاح جهاد
سامح / مش هينفع والله والف مبروك نجاح جهاد
أحمد / الله يبارك فيك يا سامح ومبروك نجاح روز
سامح / الله يبارك فيك
أحمد / ثوانى اخلى ساره تنادى عليها من اوضت جهاد ودخل وشويه وجت روز وباست سامح من خده وقالت
روز / هاى
سامح / هاى ورحمة الله وبركاته يلا بينا
روز / على فين
سامح / عزمك على الغدا
روز / بصت على نفسها وقالت هروح معاك كده طيب مش لما اغير هدومى واجهز نفسى
سامح / انتى حلوه كده مش لازم
روز / ايه لا طبعآ لازم مينفعش اخرج معاك بالهدوم دى روحنى الفيلا اغير هدومى واظبط نفسى وأخرج معاك
سامح / وليه وجع القلب ده
روز / بليززززززز يا سموحتى
سامح / اتنهد وقال ماشى يا آخرة صبرى امشى يلا
روز / ههههههههه حبيب قلبى والله ومشيت معاه ركبو تاكسى وراحو على الفيلا عند روز ودخل سامح قعد تحت وطلعت روز اوضتها غيرت هدومها وحطت ميكب رقيق وهادى ونزلت
سامح / اول ما شاف روز وقف وهو مبلم وسرح فى جمالها
روز / راحت عنده ووقفت قدامه وضحكت على منظره وقالت ايه ده مالك فيه ايه هههههههه
سامح / سرحان فيها ومردش عليها
روز / سامح يا سامح
سامح / ها ا.ا ايوه
روز/ بكلمك وانت ولا هنا
سامح / انتى ازاى حلوه اوى كده
روز / اتكسفت وضحكة ليه وبصت فى الارض
سامح / قرب منها ووقف قصادها ورفع وشها ليه وبص على شفايفها وقرب منهم ولسه هيبوسها
روز / بعدت عنه وقالت احم م.م.مينفعش
سامح / اتنهد وقال ليه بس اعتبريها مباركه ليكى على النجاح
روز / لاء برضه خلي تصميمك على تأجيل الفرح ينفعك ويلا بينا بقى ومشيت وسابته
سامح / بغيظ وحياة امك لاطلع عليكى القديم والجديد منك لله يا شيخه على اللى عامله فيا ده واخد نفس عميق وخرجه براحه ومشى وراها وخرج وقف تاكسى واخدها المطعم وطلبو الغدا
سامح / طلع علبه قطيفه من جيبه ومد أيده بيها وقال مبروك يا قلبى على النجاح
روز / بفرحه الله يبارك فيك يا عمرى واخدت العلبه فتحتها وقالت الله السلسله دى شكلها حلو اوى ميرسى يا سامح انا بحبك اوى اوى
سامح / وانا بموت فيكى يا عمرى معلش هديه بسيطه كده على قدى ربنا يرزقنى واجبلك احلى منها بكتير
روز / بلعكس عجبتنى اوى شكلها رقيقه جدآ ويكفى أن صورتك فيها ربنا يخليك ليا
سامح / وميحرمنيش منك يا عمرى
روز / مدت ايديها بالسلسله وقالت لبسهانى
سامح / قام وقف واخد من ايديها السلسله لبسها ليها ورجع قعد مكانه وهو بينهج
روز / بأستغراب مالك بتنهج كده
سامح / ها و.و.ولا حاجه ووقف وقال عن اذنك هدخل الحمام بسرعه وجاى
روز / اوك
سامح / راح الحمام بسرعه وبعد شويه رجع تانى وقعد
روز / كل يلا قبل ما اكل يبرد جه وانت فى الحمام
سامح / احم ماشى
وقعدو ياكلو الاتنين وبعد وقت انتهو الاتنين من الاكل وحاسب سامح على الاكل ومسك ايد روز وخرجو من المطعم
روز / هنروح فين تانى
سامح / اللى انتى تقولى عليه اليوم يومك يا قلبى
روز / اممممم انا عايزه اروح الملاهى
سامح / بأستغراب تروحى فين
روز / هههههه الملاهى مش انت قولتلى اليوم يومى
سامح / وانا واخد بنت اختى معايا انا بقولك مكان رومانسى نروح نقعد نتكلم فيه بهدوء زى اى اتنين متجوزين مش نروح مكان نلعب فيه ونسمع فيه صويت
روز / مليش دعوه انت قولتلى اقول المكان اللى نروح فيه وانا عايزه اروح الملاهى
سامح / اتنهد وقال يا رورو يا حبيبتى عندى كلمتين عايزه اقولهم ليكى ومش هينفع اقولهم ليكى فى المكان ده
روز/ قولهم هنا دلوقتى ونروح برضه الملاهى
سامح / انا ابن جذمه اساسآ أن طلبت منك تقولى المكان اللى نروح فيه نسيت أن انا متجوز طفله وهتطلب منى نروح مكان زى ده
روز / ها هنروح ولا لاء
سامح / هنروح بس الاول تعالى نقعد نشرب حاجه فى اى زفت طين وبعد كده نروح الزفته اللى عايزه تروحى فيها دى
روز / اسمه كافيه مش زفت طين واسمها ملاهى مش زفته
سامح / ماشى يا اختى امشى
روز / بفرحه حبيب قلبى يا سموحتى
سامح / بصلها بغيظ وقال كلى بعقل امى الحلاوه يا اختى ووقف تاكسى وركبو وراحو على كافيه وقعدو الاتنين وطلب واحد قهوه وواحد عصير فراوله
روز / ها كنت عايز تكلمنى فى ايه
سامح / شرب من القهوه ورجعها تانى مكانها وبص لروز وقال مش انتى كان نفسك تقدمى معاد الفرح
روز / ايوه بس اعمل ايه فى دماغك ودماغ دادى
سامح / واللى يحقق ليكى الطلب ده تعملى معاه ايه
روز / بأندفاع اقطعه بوس وربنا
سامح / حلو قطعينى بوس بقى
روز / بعدم فهم مش فاهمه قصدك ايه
سامح / يعنى انا قدمت الفرح وخليته السنه دى قبل ما تبدء الدراسه
روز / ها لاء انت بتهزر صح
سامح / هههههههه لاء مش بهزر انا بتكلم جد مش انتى نفسك فى كده والصراحه يعنى وانا كمان مش هقدر استحمل كل ده انا بموت كل ما بتبقى قدامى ومش قادر اطولك
روز / بفرحه انا بحبك اوى اوى يا سموحتى اخيرآ هنتجوز بقى
سامح / لاء يا حلوه فين المكافئه اللى قولتى عليها
روز / مكافئت ايه دى
سامح / مش انتى قولتى اللى هيقدم الفرح هتقطعيه بوس يلا انا مستعد
روز / س.س.سامح متستعبطش
سامح / لاء انتى اللى متستعبطيش مترجعيش فى كلامك اللى قولتيه
روز / ا.ا انا كنت بقول كده متوقعتش انك فعلا هتقدم الفرح
سامح / وانا مليش دعوه قطعينى بوس يلا
روز / سامح احنا فى الشارع اتلم بقى
سامح / اممممم ماشى انا هتلم دلوقتى بس خليكى عارفه انك هتقطعينى بوس زى ما قولتى
روز / وشها احمر من الكسوف وشربت العصير وقالت ي.ي يلا بينا بقى الملاهى
سامح / هههههههههه ماشى يلا ودفع الحساب وخرجو وركبو تاكسى وراحو على الملاهى
____________________________
فى فيلا امير

فى اوضت محمود وريم

وصل محمود الفيلا وطلع على اوضه ودخل لاقه ريم قاعده على السرير وحزينه مدهاش اى اهتمام وقلع الجاكت بتاع البدله وحدفه على الكنبه ودخل الحمام اخد شاور وخرج وهو حاطط الفوطه حاولين وسطه وصدره عريان راح علشان يطلع من الدولاب هدوم يلبسها قامت ريم وراحت وقفت قصاده وقالت
ريم / بزعل ثوانى اطلعلك هدوم
محمود / شكرآ مش عايز منك حاجه انا هطلع لنفسى
ريم / بدموع محمود بالله عليك بلاش تعاملنى كده
محمود / انتى اللى اختارتى يا ريم متجيش تلومى عليا دلوقتى
ريم / وقفت قدامه وحطت ايديها على على صدره العريان وقالت يا محمود انا عصبيتى دى غصب عنى انت عارف ان انا مش كده بس الحمل هو اللى عامل فيا كده ارجوك سامحنى انا بحبك يا محمود مقدرش اعيش من غيرك
محمود / غمض عينه واتنهد وقال انا معنديش اى مشكله فى العصبيه بتاعتك وكنت مستحمل وساكت واقول ده من الحمل وتغير الهرمونات بس اعتقد الحمل ملهوش دعوه بالكلام اللى انتى قولتيه امبارح ان انا واحد شهوانى ومتجوزك علشان الحاجه دى وبس كلامك كسر فيا حاجات كتير يا ريم من نحيتك وصعب تتصلح ونزل ايديها من على صدره وراح قعد على الكنبه
ريم / راحت قعدت جنبه ومسكت أيده وبستها وقالت حقك عليا متزعلش امبارح مكنتش عارفه بقول ايه وازاى قولت ليك كلام زى ده
محمود / لاء يا ريم انتى كنتى عارفه بتقولى ايه كويس اوى
ريم / انا اسفه يا محمود وحطت أيده على بطنها وقالت علشان خاطر ابننا سامحنى
محمود / سحب أيده من ايديها وقال سبينى يا ريم وانا لما احس ان انا قدرت اسامحك على الكلام اللى قولتيه ليا هبقى اكلمك
ريم / بدموع حاضر بس بالله عليك مطولش عليا انا مش هقدر على خصامك كتير ولا هقدر انام غير فى حضنك
محمود / ربنا يسهل ممكن تقومى على سريرك بقى
ريم / بصت ليه بدموع وقالت حاضر وقامت من على الكنبه وراحت قعدت على السرير وهى دموعها نازله منها
محمود / كان بيتقطع من جواه عليها بس بيحاول يظهر أن هو مش هامه قام وراح عند الدولاب فتحه طلع هدوم لبسها وخرج من الاوضه ونزل تحت
ريم / بصت عليه وهو خارج واترمت على السرير وقعدت تعيط
____________________________
مر اكثر من شهر بدون احداث تذكر

امير وزهراء / عايشين اسعد ايام عمرهم ونزلو الشركه مع بعض

شريف ولميس / حبهم بيزيد كل يوم اكتر من اليوم اللى قبله بس موضوع تأخير الحمل عامل ازعاج لشريف ولميس بتحاول تصبره بالكلام وتحتويه وظروفه الماديه اتحسنت

ريم ومحمود / مازلت العلاقه متوتره ما بينهم وكل واحد بينام فى مكان وريم بتحاول تحنن قلب محمود عليها بس هو رافض يسامحها

ساره وأحمد / عصافير الحب السعاده لا تتركهم ابدآ

جهاد/ دخلت كلية الطب حلم عمرها ومش مصدقه نفسها أن هى حققته ولسه رافضه الخطوبه من اسلام وخايفه توافق

اسلام / فرح جدآ بنجاح جهاد وبيحاول يخليها توافق على الخطوبه

عبير / نجحت ودخلت كلية العلوم اللى نفسها فيها واسلام وافق على خطوبتها واتخطبت لحسام وسعيده جدآ معاه

ملك / عايشه مع اولادها فى الفيلا بتاعة اسكندريه وبتزور عاطف كل يوم فى مستشفى الامراض العقليه ومتخلتش عنه ولا ثانيه

عاطف / دخل مستشفى الامراض العقليه وبدأ يتعالج وبدأ يحب ملك ويتشد ليها

ريان وسهى / قررو امير وزهره يسامحوهم ويتنازلو عن القضيه ويديهم فرصه يبدأو حياتهم من اول وجديد

سامح وروز / روز دخلت كلية الطب مع جهاد علشان تفضل معاها وجنبها وسعيده جدآ مع سامح وحبهم لبعض بيزيد اكتر من الاول رغم جنان روز وعصبية سامح وجهزو كل حاجه للفرح وابوها شرط أنهم يعيشو معاهم فى الفيلا لأنها بنتهم الوحيده وسامح وافق بصعوبه شديده واليوم فراحهم
____________________________
اشرقت شمس صباح يوم جديد بنورها الساطع فى سماء العاصمه لتبدأ روز بفتح عيونها على صوت تليفونها ضحكت وردت وقالت
روز / صباح الخير
سامح / صباح السعاده والهنا قومى يلا يا عروسه
روز / هى الساعه كام
سامح / الساعه عشره يا قلبى
روز / يااااه ده انا اتأخرت اوى فى النوم يلا هقوم انا اجهز نفسى بسرعه على ما تيجى تخدنى
سامح / ماشى يا قلبى نفسى بقى يخلص الفرح بسرعه واخدك واطير على اوضتنا
روز / احم ط ط.طيب انا هقفل بقى عايز حاجه
سامح / عايز بوسه
روز / سامح اتلم
سامح / اتلم من بوسه امال هتعملى ايه بليل
روز / بضحكه خبيثه ههههه كل خير يا قلبى باى
سامح / باى يا عمرى
روز / هههههههه يلا يعيش وياخد غيرها المهم دلوقتى الحق اجهز علشان متأخرش وقامت دخلت الحمام واخدت شاور وخرجت لبست هدومها وقعدت تستنى سامح لحد ما جه واخدها وصلها الفندق وطلعها الاوضه ومشى وسابها
___________________________
فى فيلا احمد

فى اوضت أحمد وساره

صحي أحمد من نومه وقام دخل الحمام اخد شاور واتوضه وخرج لبس هدومه وادى فرضه وبص على ساره بأستغراب وراح عندها وقال
أحمد / ساره اصحى يا قلبى ساره يا ساره
ساره / اممم عايز ايه يا احمد سبنى انام بقى
أحمد / فيه ايه يا ساره انتى بقيتى تنامى كتير اوى ونومك بقى تقيل اوى
ساره / يعنى اعملك ايه يا أحمد ابوس ايدك سبنى انام بقى
أحمد / ما هو مش وضع ده علطول نايمه وكل ما اكلمك تتعصبى عليا
ساره / قامت قعدت بغيظ وقالت انت بقالك كذا يوم مستفز بتتكلم كتير اوى فيها ايه لما بنام الدنيا اتهدت ولا ورايا الديوان
أحمد / لا ده ولا ده بس عايزك تقعدى معايا مش كل ما ادخل الاوضه الاقيكى نايمه
ساره / نامت على المخده وقالت ربنا يسهل اطفى النور واطلع بقى من الاوضه وسبنى انام براحتى
أحمد / بصلها بغيظ وقام وهو متعصب وخرج من الاوضه ورزع الباب وراه ونزل
ام أحمد / مالك يا حبيبى
أحمد / بعصبيه مفيش
جهاد / ازاى مفيش شكلك باين عليه أن انت متعصب
أم أحمد / اختك عندها حق وبعدين فين مراتك
أحمد / نايمه فى الاوضه فوق ما هى دلوقتى مش وراها غير النوم اربعه وعشرين ساعه
ام أحمد / بفرحه وهى بقالها قد ايه على الوضع ده
أحمد / ده ايه الفرحه اللى اترسمت على وشك دى يا ماما
ام أحمد / رد عليا بس بقالها قد ايه على الوضع ده
أحمد / دخلنا فى أسبوع على كده
أم أحمد / بفرحه يا الف نهار مبروك يا حبيبى
أحمد / بص لجهاد بأستغراب وقال على ايه يا ماما
أم أحمد / مراتك حامل يا حبيبى والنوم ده من الوحم
أحمد / بفرحه ها ا.ا انتى متأكده يا ماما يعنى انا هبقى اب
أم أحمد / ايوه يا حبيبى دى اعراض وحم انا كنت كده فيك
أحمد / هييييييا هبقى اب وراح بأس أمه فى خدها وباس جهاد فى خدها وطلع يجرى على اوضه
جهاد / هههههههه الولا اتجن يا عين امه بس بجد عنده حق وانا فرحانه اوى هبقى عمتو وافضل اضرب فيه واطلع عينه بس هحبه
ام أحمد /ربنا يسعدك يا حبيبتى انتى كمان ونفرح بيكى يارب
جهاد/ احم ا.ا أن شاءالله وقامت دخلت اوضتها
أحمد / طلع يجرى على اوضه وفتح الباب ودخل على ساره وقعد يبوس فى وشها
ساره / يوووووه عايز ايه بقى يا احمد
أحمد / بفرحه قومى يا قلبى ماما بتقولى اللى عندك ده اعراض حمل
ساره / طيب شكرآ اطلع بقى وسبنى انام
أحمد / لاء شكرآ ايه انا بعزم عليكى بكوباية شاى قومى يا حبيبتى واسمعينى كويس بقولك هنبقى اب وام
ساره / يعنى اعملك ايه يا احمد اقوم اتحزم وارقص سبنى انام بقى ابوس ايدك
أحمد / ماشى يا صرصور هسيبك تنامى براحتك انا عارف ان ده غصب عنك من الوحم
ساره / طيب طيب اطلع بقى
أحمد / بسها من راسها وخرج وسابها تنام
___________________________
فى فيلا امير

فى اوضت امير

صحيت زهراء من نومها وبصت جنبها ملاقتش امير وسمعت صوت فى الحمام عرفت أن هو بياخد شاور قامت من على السرير ورتبته وفى الوقت ده خرج امير وحضن زهراء من ضهرها وبسها فى خدها وقال
أمير/ صباح الجمال على عيونك يا قلبى
زهراء / حضنت أيده اللى حضنها وقالت صباح الخير يا حبى
أمير / لفها ليه وقال هو انتى ازاى كده
زهراء / كده ايه
أمير / بتبقى حلوه اوى فى اى وقت حتى وانتى لسه صاحيه من النوم
زهراء / علشان اللى شيفانى احلى عيون فى الكون كله
أمير / بسها من مناخيرها وقال انا محتاج مليون قلب على قلبى علشان اقدر احبك بيهم
زهراء / هههههههه انا حافظه الدخله دى ههههه
امير / تصدقى انك غلسه يعنى انا علشان بقولك كلمتين حلوين ابقى علشان حاجه
زهراء / هههههههه لا خالص انا ظلماك يلا بقة اجهز على ما ادخل اخد شاور على السريع
امير / احم بقولك ايه يا زوزو
زهراء / اممممم
امير / ما تيجى نريح شويه على السرير لسه بدرى
زهراء / هههههههههه لاء يا أمير انا حافظه طريقتك صم
امير / ليه بس يا زوزو هنقول كلمتين فى السريع مش هنتأخر والله
زهراء / لاء واوعى بقى خلينى ادخل الحمام
امير / كده يا زوزو طيب انا زعلان منك
زهراء / مقدرش على زعلك يا حبيبى
امير / بفرحه يعنى موافقه
زهراء / وهى بتقرب منه اكتر قالت لاء وزقته وقعته على السرير ودخلت تجرى على الحمام وهى بتضحك
امير / كده يا زوزو ماشى براحتك بس وقت ما الهوا يرميكى مش هسأل فيكى
زهراء / فتحت الباب وقالت ههههههههه ولا تقدر بأشاره واحده منى هتيجى وقفلت الباب بسرعه وقعدت تضحك
أمير / ربنا على المفترى وراح لبس هدومه واستنا لحد ما خرجت زهره ودخل الحمام اتوضه و صلى بزهره ونزلو الاتنين مع بعض
____________________________
فى اوضت ريم ومحمود

صحى محمود من نومه وكانت ريم لسه نايمه والغطا واقع من عليها والقميص مرفوع لحد رجليها من فوق بس عليها محمود وبلع ريقه بصعوبه وقال
محمود / الله يحرقك على الصبح مش كفايه الواحد بيحاول يبقى ثابت قدام عنيكى اعمل ايه انا دلوقتى بس وقام براحه وراح عند السرير ومد أيده عند رجل ريم وبعدين انتبه بعد أيده وقال اجمد يا محمود اجمد كده وخليك ثابت على موقفك ولسه هيمشى ريم اتقلبت ونامت على ضهرها وشعرها اتفرط على المخده قال وهو متوتر لا كده كتير والله على واحد محروم زى، وقرب اكتر وقعد جنب ريم على السرير ومشى أيده براحه على شعرها ونزل بأيده على كتفها وقرب من شفايفها ولسه هيبوسها حس بأيد ريم بتلف حاولين رقبته وبتقربه اكتر ليها غمض عينه وبسها من شفايفها وبعد وقت طويل بعد عنها وهو بينهج وقام بسرعه من على السرير
ريم / قامت وراه وقالت ليه بعد تانى يا محمود
محمود / علشان انا راجل شهوانى وقربى ليكى بالطريقه دى هيبقى علشان شهوتى وبس وهتفضل نقطه سوده فى حياتنا يا ريم
ريم / وقفت قصاده وقالت بدموع حقك عليا يا محمود عارفه أن انا جراحتك وظلمتك بكلامى علشان انا واحده غبيه بس ابوس ايدك كفايه بعد مش قادره استحمل اكتر من كده
محمود / أداها ضهره ومردش عليها
ريم / لفت ليه تانى ووقفت قصاده وقالت محمود وحياة اغلى حاجه عندك سامحنى انشالله يارب لو مسمحتنيش اموت وترتاح منى
محمود / بلهفه بعد الشر عليكى يا ريم
ريم / يعنى سامحتنى
محمود / سكت شويه وقال خلاص يا ريم بس صدقينى لو الكلام ده اتكرر منك تانى مفيش مسامحه وهتبقى فيها طلاق علطول
ريم / حطت ايديها على بؤقه وقالت بعد الشر ربنا ما يجيب ما بنا طلاق ابدآ انا مقدرش اعيش من غيرك يا محمود واترمت فى حضنه وقالت بدموع انا اسفه بجد حقك عليا متزعلش
محمود / طبطب عليها وقال خلاص يا ريم مش زعلان
ريم / بعدت عنه وقالت احلف انك مش زعلان
محمود / والله العظيم مش زعلان
ريم / احم طيب اثبت انك مش زعلان
محمود / ههههههههه ماشى وقرب من شفايفها وبسها بوسه طويله
ريم / اتشعلقت فيه اكتر
محمود / بعد عنها وهو بينهج وقال اظن كده اثبتلك أن انا مش زعلان
ريم / هزت راسها بمعنى لاء
محمود / رفع حاجبه بأستغراب وقال لاء ايه
ريم / مدت ايديها ورفعت التيشرت بتاعه وقلعته ليه وبسته فى صدره العريان
محمود / نفسه سرع وقرب ريم اكتر ليه وبسها بوسه طويله وميل عليها وشالها وحطها على السرير و(سكتت شهرزاد عن الكلام الغير مباح 😉😉)
____________________________
فى شقة شريف

صحى شريف من نومه بص على لميس لاقها لسه نايمه قرب من خدها وبسها براحه وقام من جنبها دخل اخد شاور واتوضه وخرج لبس هدومه واده فرضه وخرج من الاوضه راح المطبخ وحضر الفطار وحطه فى صنيه وحط العصير وراح الاوضه وحط الصينيه جنبه على السرير وقال
شريف / ميسو يا قلبى
لميس / فتحت عينيها وضحكت
شريف / صباح الحب يا عمرى وقرب من شفايفها وبسها برقه
لميس / بحب صباح النور يا احلى حاجه فى دنيتى
شريف / قومى يلا حضرتلك الفطار
لميس / وليه يا قلبى تتعب نفسك كنت صحتنى وانا قومت حضرت
شريف / وانا وانتى ايه مش واحد وبعدين دى حاجه بسيطه افرحك بيها انا مهما اعمل مش هرد ليكى لو جزء صغير من السعاده اللى انتى محسسهانى
لميس / قعدت وحطت ايديها على خد شريف وقالت انا بحبك يا شريف وسعادك هى سعادى وطول ما انا عايشه على الأرض هعيش علشان اسعدك وبس
شريف / مسك ايديها اللى على خده وقربها على شفايفه وبسها وقال ربنا يخليكى ليا وميحرمنيش منك يارب يلا يا عمرى افطرى وحط الصينيه على رجليها
لميس / ماشى بس تفطر معايا
شريف / هههههههه ماشى يا قلبى وقعدو الاتنين يفطرو مع بعض وبعد وقت اكلو وقامت لميس دخلت الحمام اخدت شاور واتوضت وخرجت لبست هدومها وأدت فرضها ونزلت هى وشريف راحو عند سامح فى الشقه علشان يجهزو
_____________________________
انتهى اليوم وبدأت المعازيم تتجمع فى القاعه وراح سامح عند اوضت روز وخبط على الباب وفتحت مادلين الباب وقالت
مادلين / ماشاءالله يا عريس طالع زى القمر
سامح / ربنا يخليكى روز خلصت ولا لسه
مادلين / اه خلصت تعال ادخل
ودخل سامح وخرجت مادلين وسابتهم لوحدهم
سامح / بص مكان ما روز واقفه واتصدم وقال نهارك اسود ومنيل
روز / ايه فيه ايه
سامح / ايه اللى انتى لابسه ده انتى ناويه تحضرى الفرح بقميص النوم يا روز علشان كده كنتى رافضه تورينى الزفت ده
روز / ايه اللى انت بتقولو ده يا سامح وبعدين مالو الفستان ما شكله حلو اهو وشيك
سامح / حل وسطك يا بعيده مستحيل تحضرى الفرح بالمسخره دى
روز / ليه بقى إن شاءالله
سامح / هو ايه ليه انتى مش شايفه منظرك مش انا اللى اخلى جسم مراتى فرجه لرجاله يا روز
روز / يا سلااااااام وانا اول واحده تلبس فستان بالشكل ده وكل الستات اللى لبست زيه قبل كده اجوزها مش رجاله
سامح / مليش دعوه بحد يا روز نزول بالمنظر ده مش هيحصل
روز / عااااااا والعمل دلوقتى
وفى الوقت ده الباب خبط راح سامح فتح لاقها زهره وريم
سامح / بعصبيه ادخلوا
زهراء / بصت لريم بأستغراب ودخلو وقالت فيه ايه مالك
سامح / شوفو الهانم لابسه ايه
ريم / نهار اسود ومنيل ده قميص نوم يا منيله ده انا اتكسف البسه لجوزى وربنا
سامح / اقوليلها اللى بتقولى وفيها ايه
روز / على فكره الفستان عادى انتو اللى مكبرين الموضوع
زهراء / خفى يا ريم الموضوع مش مستحمل وبعدين بصت لروز وقالت يا حبيبتى احنا مقدرين انك عيشى طول عمرك فى أمريكا وان اللبس ده عادى هناك إنما احنا هنا نختلف خالص احنا كمجتمع شرقى مينفعش يتلبس فيه لبس بالمنظر ده الرجاله الشرقيه مش بتقبل بكده
روز / والعمل إن شاءالله نلغى الفرح بقى
سامح / انا عندى الفرح يتلغى ولا انك تنزلى بالمنظر ده
وفى الوقت ده الباب خبط وفتحت زهره ودخلت جهاد وعبير
عبير/ مبروك يا عروسه
جهاد / يخربيت سنينك ايه ده
سامح / رد عليها قوليلها ايه ده
روز / هيكون ايه يا جهاد فستان فرح
عبير / طيب والله شكله حلو وشيك
سامح / بص لعبير بقرف ونفخ بزهق
جهاد/ حلو ايه بس الله يحرقك
ريم / طيب ايه الناس مستنيه تحت شوفو هتتصرفو ازاى
زهراء / مش عارفه الصراحه طيب سيبها تنزل كده وخلاص يا سامح
سامح / والله ما يحصل
جهاد / اممممم طيب سيبنا معاها نص ساعه وان شاءالله هتتحل
سامح / ماشى وخرج من الاوضه وهو متعصب
جهاد / انا مش عارفه عقلك كان فين وانتى بتجيبى فستان بالمنظر ده
روز / على فكره شكله شيك بس انتو اللى مش عندكم زوق
ريم / زوق ايه يا مفضوحه انتى كل امكانياتك ظهره يا حبيبتى انتى البير والمنور منفذين على بعض عندك
الكل / ضحك على كلام ريم
زهراء / انتى ايه اللى حصلك يا بنتى مكنتيش كده فين ريم الكيوت الجواز غيرك اوى وربنا
ريم / ما كلامها ينرفز بتقولك معندناش زوق
جهاد / وحدو الله بس يا جماعه انا عندى فكره
عبير / قوليها طيب
جهاد / ريم أو ساره جسمهم فى جسم روز حد ياخد العربيه بسرعه ويجيب فستان حد فيهم ويجى تانى
زهراء / انا ربع ساعه من هنا للفيلا اجيب فستان ريم واجى
روز / لا فستانها مش حلو ومقفول اوى
ريم / تصدقى تستاهلى اللى سامح بيعملوا فيكى
روز / هوووووف بقى
زهراء / خلاص هجيب بتاع ساره
روز / ده حلو شويه
جهاد / خليكى انتى يا زهره هروح انا الفيلا بسرعه وهاجى
زهراء / ماشى بس متغبيش
جهاد / بسرعه وخرجت من الاوضه
سامح / رايحه فين كده
جهاد / متقلقش اتحلت بس نص ساعه وتكون جاهزه
سامح / نفخ وقال ماشى
جهاد / عن اذنك ونزلت تجرى اخدت مفتاح العربيه من أحمد وركبتها وراحت الفيلا دخلت تجرى على اوضت احمد وساره اخدت الفستان وطلعت من الاوضه تجرى بس شافت خيال حد تحت نزلت براحه وبصت على الخيال بس اتفاجئت بأيد على كتفها صرخت واغمى عليها

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية فتاة انحنت من أجل الحب)