رواية نصيب الورد الفصل الثالث 3 بقلم الكاتبة تانيا محسن

رواية نصيب الورد الفصل الثالث 3 بقلم الكاتبة تانيا محسن

رواية نصيب الورد البارت الثالث

رواية نصيب الورد الجزء الثالث

رواية نصيب الورد الحلقة الثالثة

٣- طلب مستعجل!
دخلت ‘حنان’ بيتها بلهفة و جريت تحضن اخوها بقوة و هي فرحانة بزيارته المفاجأة ..
و في نفس الوقت سمعوا صوت وصول باص مدرسة بنات ‘حنان’ ..
نزلوا بناتها ‘فرح’ و ‘سارة’ من الباص و دخلوا البيت و جريوا يحضنوا خالهم مبسوطين بوجوده لانه دايما حنون معاهم وبيديهم مبلغ كويس لإسعادهم ..
دخل ‘فادي’ الصالة و نادى عليهم ..
‘فادي’ : – يلا الغداء جاهز و مستنيكم على السفرة و أنتوا يا بناتي الامورات تعالوا أساعدكم تغيروا هدومكم و تغسلوا أيديكم قبل ما تاكلوا !!
أخذ ‘فادي’ بناته و ترك ‘عبد الحميد’ مع ‘حنان’ في الصالة لوحدهم ..
‘عبد الحميد’ – بإعجاب – : – ما شاء الله معاكي راجل حقيقي مايقدرش بثمن !!!
و في شبابنا كنا في المدرسة بنحترمه لألتزامه و أخلاقه العالية!!

‘ حنان ‘ – بابتسامة – : – الحمدلله ربنا رزقني بزوج متفاهم و عمري ما شفت منه حاجة تزعلني و لا حتى بكلمة واحدة !!
‘عبد الحميد’ – بحسرة – : – ما شاء الله ربنا يخليكم لبعض !!
طب تعالي دلوقتي و خلينا نقعد أنا عايز أتكلم معاكي في موضوع مهم بسرعة قبل ما يرجعوا البنات و يقاطعونا !!!
‘حنان’ – باستغراب – : – حاضر !!
دخلت ‘حنان’ مع ‘عبد الحميد’ أوضة الصالون و قعدت جنبه في أكبر كنبه في الاوضة ..
‘حنان’ : – أتكلم يا اخويا !!
قولي إيه هو الموضوع المهم !!
سكت ‘ عبد الحميد ‘ لحظات و تردد إنه يفتح الموضوع و لكن حسم أمره لما افتكر عمايل مراته ‘نرجس’ المغرورة ..
‘عبد الحميد’ – ببطء – : – ‘حنان’ !!!
أنا عايز اتجوز !!
قامت ‘حنان’ من مكانها بفرحه و حماس ..
‘حنان’ : – يعني أنت خلاص طلقت ‘نرجس’ بنت الإيه مش قادره انطق و اقول عنها أنها كانت مراتك !!
لو تعرف يا أخويا انا كنت مستنيه اللحظة دي من زمان مش مصدقة إنك خلاص خلصت من مراتك المجنونة دي خلت عيشتك طينه مهببه !!!
نفسي اخرج دلوقتي و اوزع حلاوة طلاقك لكل واحد اقابله في الشارع دا أنا من فرحتي عايزه ازغرط !!
رفعت ‘حنان’ إيدها فوق شفايفها تستعد لزغروطه طويلة لكن ‘عبد الحميد’ مسك إيد اخته بسرعة و نزلها قبل ما تزغرط و يسمعها حد و يسأل عن السبب ..
‘عبد الحميد’ – بغضب – : – اقعدي إنتي عايزه تعملي إيه و إيه الكلام اللي أنتي بتقوليه !!
اسمعيني اول حاجة أنا ماطلقتش ‘ نرجس ‘ و مش بفكر اطلقها علشان ولادي مش عايز أحرمهم من أمهم وثانيا لاني بحترم والدها اللي أخد بإيدي واعتبرني زي إبنه بالضبط !!!
‘حنان’ – بعصبيه – : – و يعني هي من أمتى كانت أم لولادك !!
ماتقلقش يا أخويا ولادك مش هيشوفوا فرق في وجودها او من غير وجودها !!
‘عبد الحميد’ : – ‘حنان’ !!!
‘حنان’ – بقهر – : – طيب خلينا في المهم مادامك انت ما طلقتش ‘نرجس’ فإيه اللي أنت عاوزه مني دلوقتي ؟!
‘عبد الحميد’ : – زي ما قولتلك عايزك تدوري لي على واحدة اتجوزها !!
‘حنان’ – بسخرية – : – بس كده !!
من سوق إيه عايز ادورها لسيادتك ؟!
‘عبد الحميد’ : – أنا ما بهزرش أنا بتكلم جد انا هتجوز علشان بس أإدب ‘نرجس’ !!

قرصة ودن يعني !!
‘حنان’ : – اه و بعدين هطلق العروسة !!!
يعني أنت عاوز القرصة لكم شهر ؟!
‘عبدالحميد’ : – على حسب الوقت اللي هتحتاجه ‘نرجس’ علشان تتعلم إزاي تحترم جوزها !!
‘حنان’ : – ‘عبد الحميد’ أنت عارف إنه حرام الجوازه و أنت ناوي على الطلاق !!
أسمع أنا مش هشترك معاك في الذنب يا باشمهندس !!
و لو سيادتك عاوز تأدب مراتك شوف لك على طريقة ثانية أسهل لك و سيب فكرة الجواز بالمرة !!!
بنات الناس مش لعبة تتجوزها و بعدين تطلقها !!!
‘عبد الحميد’ : – طب خلاص اطمني اوعدك إني مش هطلق أنا هخليها تبقى في ذمتي و هصرف عليها طول عمرها بس على شرط !!!
‘حنان’ : – و كمان في شرط على المسكينة قصدي على العروسة يلا قول سمعني !!
‘عبد الحميد’ : – الشرط إنها ما تحاولش تتعرف عليا لاني مش عايز أتعرف عليها اقصد هي تعيش في مكانها في بيت اسرتها و مصروفها هيوصل لحد عندها كل أول شهر !!
‘حنان’ – بذهول – : – و مين هي اللي هتقبل على نفسها إنها تتجوز و هي عايشه في بيت ابوها ؟!!
‘عبد الحميد’ : – و اللهِ في ستات كثير هتوافق !!
‘حنان’ – بإستهزاء – : – و مين دي المجنونة !!
‘عبد الحميد’ : – ايوااا هو ده اللي مطلوب منك !!
‘حنان’ – بدهشة – : – اجيب لك عروسة مجنونة !!!
‘عبد الحميد’ : – اسمعي انتي يا مجنونة الامر بكل بساطة أنك هتنقي لي أبشع عروسة تشوفيها !!
فتحت ‘حنان’ فمها ببلاهة مستغربة من مواصفات طلب اخوها ل العروسة ..
‘عبد الحميد’ : – قفلي بقك !!
عايزه تعرفي ليه !!
لأني عايز اضرب العصفورتين بحجر واحد !!
‘حنان’ : – ازاي تضرب ‘نرجس’ و العروسة في وقت واحد !!!

أنت اليوم مش طبيعي !!
هي ايه الحاجة اللي هيكونوا مشتركين فيها !!
‘عبد الحميد’ : – لو تشغلي مخك الصغير معايا شويه هتفهميني بسرعة !!
اول حاجة ‘نرجس’ هتموت لما تعرف اني فضلت عليها واحدة بشعة مش من مستوى جمالها و هينكسر غرورها !!!
و ثاني حاجة ‘العروسة البشعة’ مش عايزها تجي لي في يوم و تقولي أني حرمتها من الجواز و الخلفة بجوازتها مني و هي في الاصل ماكانتش تحلم تلاقي راجل يقبل بيها !!
هزت ‘حنان’ رأسها بأسف من تفكير اخوها ..
‘حنان’ : – و هو في ست بشعة في الأيام دي مع العمليات و الميك اب !!
‘عبد الحميد’ : – مش أي واحدة تقدر تدفع ثمن عمليه سمكرة و تجديد !!
يعني مش صعبة تلاقيها !!!
‘حنان’ : – طيب نورني و قول لي الاقيها فين ؟!
‘عبد الحميد’ : – سهلة جدااا !!!
‘حنان’ : – و جداً !!
طب سهلها عليا الله يسهل عليك !!
لعلمك انا ماشيه وراك بس لأني عايزه أشوف ‘نرجس’ و هي ميته من القهر زي ما هي بتقهرني و بتحرق قلبي عليك !!!
‘عبد الحميد’ : – هاهاها طب إسمعي يا مقهوره إنتي هدوري لي على واحدة فيها تشوهات خلقية و بكدا هتلاقي العروسة المطلوبة منك !!
‘حنان’ : – يعني انت عاوزني أقول لكل خاطبه هاتي عروسة مليانه عاهات ايه اللي أنت بتقوله !!!
هيفكروا العاهة موجودة في دماغي أنا !!
اسمع يا أخويا واضح انك دلوقتي جعان قوي و مش داري باللي انت بتقولوه !!
‘عبد الحميد’ – بطفح – : – يووووه جيت لعبد المعين يعن …!!
‘حنان’ – مقاطعه بحماس – : – لا لا خلاص يا اخويا اطمن انا لقيت لك العروسة و على حسب طلبك بالضبط !!
‘عبد الحميد’ – بلهفة – : – يعني هقدر اتجوز الليلة ؟!
ما هي اكيد هتوافق بسرعة تتجوز !!
‘حنان’ – لنفسها – … ” انا هجوزك صحبتي ‘توليب’ لأني عارفة بأخلاقها و أدبها و كمان لأني عايزاك تعرف إيه معنى الزوجة الصالحة و تقدر تعرف الفرق
بين الجواز المستورد و الجواز البلدي الأصيل !!! ” …
‘عبد الحميد’ : – يلا قولي هو أنتي تعرفيها !!
و إمتى هتروحي تكتبي الكتاب مع جوزك ؟!
‘حنان’ – بفزع – : – يالهوي و جوزي ماله !!!

انت بتفكر تجوزه معاك !!!
‘عبد الحميد’ : – اجوزه ايه ؟!
افهمي أنا بس هأعمل له توكيل و هو يروح يكتب كتابي عليها بالتوكيل ده !!!
لأني زي ما قولت لك مش عايز اشوفها و لا هي تشوفني !!!
على الاقل في الوقت الحاضر يمكن هحتاج اشوفها مستقبلاَ يعني لو ماقدرتش اسيب ‘نرجس’ تروح تشوف ضرتها لوحدها !!
‘ حنان ‘ : – افهم منك إنك مش ناوي تعمل لها فرح !!!
‘ عبد الحميد ‘ : – هاهاها تعرفي شكلك جميل و انتي بتنكتي !!
و هو مين يا بنتي اللي عايز يحضر فرح واحدة مليانه عاهات و بوش يقطع النفس !!
‘حنان’ : – أستغفر الله العظيم من كلامك !!
النصيب لما بيجي على الواحد ما بيعرفش لا عاهة و لا سليم كله نصيب !!
‘عبد الحميد’ : – حاضر يا حضرة الشيخة !!
يلا روحي هاتي جوزك نخرج أعمل له التوكيل و أنتي خلصي لي الموضوع في أقل وقت !!
‘حنان’ – بخبث – : و انت مستجعل ليه !!
مش عايز تعرف على الاقل اسم العروسة ؟!!
‘عبد الحميد’ : – مايهمنيش أعرف اسمها لكن يلا مادام انك لقيتي العروسة الحسناء اللي هتتشرف بأسمي فقولي لي علشان أتعرف على أسم عيلتها !!
‘حنان’ – بسرعة – : – هي من عيلة معروفه و يشرفك النسب !!
هجوزك ب ‘توليب’ صحبتي بنت العم ‘عبد الصبور’ الله يرحمه !!
‘عبد الحميد’ – بعصبيه – : – عايزه تجوزيني بصحبتك ‘توليب’ ما تفكريش إنك هتقدري تعلقيني فيها ما أنا فولت لك مش عايز بنت عادية !!
‘حنان’ – بمكر – : – و مين قال لك إنها بنت عادية !!!
‘عبد الحميد’ : تقصدي ايه ؟!
‘ حنان ‘ : – ‘توليب’ دلوقتي بقى عمرها ٣٦ سنة زي عمري تقريباً يعني ما سالتش نفسك هي ليه ما تجوزتش لحد دلوقتي ؟!!
‘عبد الحميد’ : – فسري كلامك ؟!!
فكرت ‘حنان’ بأفكار تقدر تجذب انتباه ‘عبدالحميد’ ل ‘توليب’ ..
‘حنان’ : أول حاجة ‘توليب’ ما فيهاش اي ملامح جمال خالص !!
ثاني حاجة والدها مات النهارده الفجر و ما بقاش معاها حد يكون سند ليها يعني انت لو حبيت في يوم تطلقها هتقدر تطلقها و أنت مطمن أنه ماحدش هيجي عندك يسألك ليه طلقتها و تدخل معاهم في محاكم و قضايا لو هي ماقبلتش بالطلاق مثلاً !!!
‘حنان’ – لنفسها – … ” بس ده بعدك يا اخويا مش هسيبك تفرط فيها دي ملاك بيمشي على الارض !! ” …
كملت ‘حنان’ كلامها ..
‘حنان’ : – و ثالث حاجة هي مليانه عاهات زي ما انت عاوزها بالضبط !!
‘عبد الحميد’ – بحذر – : – بس إنتي عمرك ما قولتي لي إن فيها حاجة !!!
‘حنان’ : و انت من امتى كنت فاضي و تسمعني او توافق تتعرف عليها !!

و ايام دراستنا انت كنت مسافر في فرنسا !!
فإزاي أنت كنت هتشوفها أو تعرف اللي فيها ؟!
‘عبد الحميد’ : – و هو ايه اللي فيها !!!
أنا مش عاوز منها تجيني في يوم و تقول إني ضيعت لها شبابها !!!
افتكرت ‘حنان’ صديقتها ‘توليب’ معاها عين واحدة فيها ضعف بصر شديد ..
‘ حنان ‘ : – بص هي عمياء !!
‘عبد الحميد’ : – هاهاها ضحكتيني اومال هي درست و تخرجت إزاي !!!
‘حنان’ : – هي مش عمياء بالضبط !!
هي شبه عمياء !!!
و اللهِ أنا بقول لك على الحقيقة !!
إسترخى ‘عبد الحميد’ بظهره على الكنبة و حط رجل فوق رجل ..
‘عبد الحميد’ : – كملي بدأتي تقنعيني !!!
افتكرت ‘ حنان ‘ ‘توليب’ مرة كلمتها إنه حصل لها خطأ طبي عند ولادتها سبب لها قصر في رجلها الشمال علشان كدا هي بتمتلك مشية غريبة لكن من يشوفها بيفكر انها بتمشي دلع !!
و بتملك حذاء طبي يرفع من طول رجلها !!
‘حنان’ : – و كمان هي عرجاء يكفيك كدا !!!
‘عبد الحميد’ : – أنتي مش بتكذبي عليا !!
‘حنان’ : – و الله كل اللي قولت عليه حقيقة !!
دا انت اخويا الوحيد معقولة اخدعك و افكر اجيب لك عروسة سليمه !!!
انفجر ‘عبد الحميد’ ضحك من اسلوب اخته ..
‘عبد الحميد ‘ : – هاهاها حلوه دي خلاص انا هسيب لك كل حاجة !!
و عايز منك بس تبعثي لي ورقة عقد القران و خذي ده الشيك هوقع لك على بياض و أنتي اكتبي عليه المبلغ اللي هتحتاجيه في مصاريف الجواز !!!
وقع ‘ عبد الحميد ‘ على الشيك و ناوله ل ‘حنان’ و هي اخذت منه الشيك بلهفه و ابتسمت بخبث ..
‘حنان’ : – إبشر يا اخويا دا اللي قولت لك عليه هي العيوب الظاهرة و ما خفي كان أعظم دي العاهات هتخرج منها كل يوم و هتنبسط منها قوي و من اختياري !!!
‘عبد الحميد’ : – هاه انا مش عايز مشاكل !!
من البداية فهميها بكل حاجة !!
دخلت ‘ حنان ‘ الشيك في شنطتها و قامت ..
‘حنان’ : – حاضر يلا دلوقتي خلينا نقوم نتغدا أنا ما اكلتش حاجة من الصبح !!
آه لكن في حاجة !!!

‘عبد الحميد’ : – إيه رأسها أقرع !!!
‘حنان’ : – مش هنقدر نكتب كتابكم غير بعد أسبوع على الأقل أقصد علشان ظروفها !!
‘عبد الحميد’ : – و هو كذلك !!
يعني انتي شايفاني اني هموت نفسي عليها هاهاها !!
‘حنان’ : – خلاص على بركة الله يا عريس !!!
# * # * # * # * #
. . . – في فرنسا – . . .
خرجت ‘ايزابيل’ والدة ‘ نرجس’ من غرفة جوزها ‘جمال’ في المستشفى ..
… ” ‘ايزابيل’ ٥٥ سنة ، جميلة ، رشيقة ، طويلة ، بعيون خضراء مسحوبة شوي للخلف ، و بشعر أصفر قصير كاريه ” …
و شافت بنتها ‘نرجس’ واقفة سرحانه قدام ماكينة الشراء ..
‘ايزابيل’ : – مالك !!
زعلانه !!
‘نرجس’ : – انا رحت للدكتور اعرف ايه اللي تاعب بابا !!
‘ايزابيل’ : – يعني انتي عرفتي باباكي مريض بالسرطان !!
‘نرجس’ : – إيوه !!!
‘إيزابيل’ : – هو أنتي بجد زعلانه عليه !!
‘نرجس’ – بلا مبالاة – : – اللي مزعلني ان الدكتور رافض ابلغ بابا بحالته !!!
يعني قولي لي ؟!
اقول لبابا ايه علشان يوافق يكتب كل حاجة بإسمي !!
لو هو مات أعمامي هيشاركوني بكل حاجه !!!
و كمان ‘عبد الحميد’ مش هيوافق نبيع القرية و نستقر هنا في فرنسا !!
عارفه يا ماما مافيش احلى من أني ادخل لبابا و اقوله على الحقيقة !!
انا هدخل له دلوقتي اتكلم معاه !!
و أنتي هتساعديني و تطلبي المحامي يجي يكتب عقد بيع أملاك بابا ليا أنا !!
ما إحنا مش ضامنين بابا هيعيش كم يوم !!
جريت ‘نرجس’ بحماس و دخلت غرفة والدها مرت دقيقتين و سمعت ‘ايزابيل’ صراخ ‘جمال’ ..
‘جمال’ : – برا براااا !!!
أنتي كذابة أنا مش مريض بالسرطان !!

ليه يتقولي كده في وشي !!
أنتي شايفه الفلوس أغلى من أبوكي دي خطة عملتيها مع مامتك علشان تاخذوا كل حاجة !!
أنا دلوقتي هتصل ل ‘عبد الحميد’ يرجعني مصر بسرعة قبل ماتتفقوا مع الدكاترة و تقتلوني !!
براااا !!
خرجت ‘نرجس’ من غرفة والدها و وقفت قدام الجدار تتنفس بعصبيه تتمالك أعصابها ..
‘نرجس’ : – هنعمل إيه يا ماما دلوقتي بابا مش متفهم خالص ؟!
قربت ‘إيزابيل’ من خلف ‘نرجس’ و حضنت كتفها و بدأت تهمس في إذنها زي الشيطان ..
‘إيزابيل’ : – معلش احنا هنرجع معاه لمصر و هناك هنشوف طريقة نقدر نأخذ فيها حقنا بشطارتنا !!
# * # * # * # * #

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية نصيب الورد)