رواية لعنة الفراعنة الفصل السادس والعشرون 26 بقلم رحمة نبيل
رواية لعنة الفراعنة الجزء السادس والعشرون
رواية لعنة الفراعنة البارت السادس والعشرون
رواية لعنة الفراعنة الحلقة السادسة والعشرون
” مرت الايام ومرت الساعات ولم تُبرد نار قلبي بلقياك، لو تعلم كم اشتاق لك هذا القلب ما كنت لتبتعد عنه ولو للحظه وآحده، صرت ابحث عنك في جميع الأوجه وجميع الأماكن، أصبح هذا القلب مجنونك، يريدك وبشده بجواره لتطيب جراحه، مازالت صورتك في رأسي تؤرق نومي، كلما اغمضت عيني رأيتك تبتسم لي، ويالها من ابتسامة تشعل النيران في قلبي، بُعدك ادمي قلبي فلاتبخل علي هذا القلب المسكين بثواني يداوي فيها جراحه برؤية ابتسامتك، أخبرتني انني شمسك التي تنير حياتك اذا الم تمل الظلام يا حبيب القلب لقد انطفأت شمسك وأصبح الجو غائم وسقطت الأمطار حزنا لفراقك، اليوم سأتم شهرا دون رؤيتك الا يكفي هذا الوقت لعذاب قلبي الا تسمع صراخه كل ليله طلبا لك ولحبك لذا اشفق بقلبي يا سيدي وعد سريعا فهذا القلب تعب كثيرا دونك، احبك
التوقيع / ميسره ”
اغلقت ميسره دفترها وارتمت علي الفراش وهي تغمض عينها التي ذابت من كثره الدموع نعم مر شهر علي فراقها لابريس قلبها لاتعلم كيف ولكن استطاعت العيش ولكن بلا روح لم تعد تلك المشاكسه لم تعد تمزح او تضحك لم تبتسم منذ ذلك اليوم، فقط تحبس نفسها في الغرفه وتنتظر الموت برحابه صدر تتذكر ذلك اليوم عندما استيقظت في المشفي وادركت ان كل ذلك لم يكن حلما انهارت كليا وأخذت تصرخ باسمه وتبكي بشده وتصرخ وكأنها جنت كانت تصرخ به الا يتركها الا يؤلمها ببعده عنها سقطت دموعها اكثر عند تذكر تلك الحظات دفنت وجهها في الوساده وأخذت تصرخ بألم / اااااااااااااااااااه ياااااارب ياااااااارب
اخذت تبكي بشده / وحشتني اوي يا ابريس وحشتني اوي انت فين يا ابريس وحشتني
ثم وكالعاده بعد بكاء طويل تسقط في النوم ولكن هذه المره كانت مختلفه فقد حلمت به
كانت تسير في مكان ملئ بالضباب وهي تنظر حولها برعب فجأه سمعت صوته وهو ينادي عليها بينما هي بكل لهفه /ابريس انت فين يا ابريس انا هنا رد عليا يا ابريس
بينما أصبح صوته يتردد في اذنها / لا يا ميسره مش هتشوفيني لان ميسره حبيبتي ماتت خلاص
ميسره ببكاء وصراخ / لا لا انا عايشه اهو يا ابريس ارجوك ارجع
ابريس / لا ميسره حبيبيتي اللي كانت دايما بتضحك ومبتسمه ماتت مش باقي منها غير شبح وبس ميسره ماتت ميسره المشاكسه خلاص ماتت ميسره إللي حبيتها وهي بتعمل مشاكل وتضحك دايما ماتت هرجع لمين
ميسره بصراخ وبكاء / لا لا يا ابريس انا اهو والله
ابريس / بصي لنفسك في المرايه يا ميسره هتعرفي انك بقيتي مجرد شبح وبس فين ميسره إللي كانت ضحكتها بترن في المكان فين ميسره إللي كانت كل ثانيه تعمل مشكله ميسره دي ماتت
ميسره وهي تمسح دموعها وتضحك بألم / طب ارجع ارجع والله وهعمل مشاكل اكثر ههههههه بس ارجع يا ابريس
ابريس وهو اخيرا يظهر امامها ويقترب منها ثم يمسح دموعها برقه / هرجع وقريب آوي يا قلب ابريس هرجع بس لميسره القديمه حبيبتي العبيطه المجنونه قريب آوي قريب يا ميسره بس استنيني
ميسره ببسمه وهي تمسك يده تقبلها/ مستنياك لآخر نفس
اقترب منها ابريس بشده وكاد…..
كريمه بصراخ / ميسره يا كلبه آنتي بتبوسي مين يا قليله الحيا
استيقظت ميسره بفزع ونظرت حولها برعب أين هي ثم هدأت لتتذكر أين هي ولكن ثواني وسمعت صوت وكلام ابريس يتكرر مجددا في اذنها
نظرت ميسره لكريمه ثم ضربتها في وجهها / يا شيخه ابو ام فصلانك يعني حبكت تيجي وقت البوسه
كريمه وهي ترد لها الضربه / بوسه ياللي مشوفتيش ربع ساعه تربيه يا كلبه
ميسره بضحك / آه فعلا انا متربتش أصل اهلي مكنوش فاضيين بس هما ربوه هو، وهو هيربيني
ثم غمزت لكريمه ونهضت وهي تضحك بشده بينما كريمه تنظر لها بتعجب وفرح شديد ميسره تضحك بعد كل هذه الفتره وهي تبدو كالاموات هي الآن تضحك
ميسره وهي تخرج من الحمام وتضع منشفه علي وجهها / في إيه يابت بتبصي كده ليه مش مطمنة للنظرات دي
كريمه وهي تنهض بسرعه وتعانقها وهي تدمع / اخيرا ياميسره اخيرا وحشتيني اوي
بيننا ميسره ضحكت عليها ثم ضمتها / وحشتك ايه بس يا كرميلا منا معاكم علي طول
كريمه وهي تبتعد عنها وتبتسم / بس اللي كانت معانا دي كانت شبح ميسره مش ميسره
ابتسمت ميسره علي كلمتها ثم استمعت ثواني لصوت غناء يأتي من الخارج
ميسره وهي ترهف السمع / إيه التلوث السمعي ده
كريمة بضحك / دي تلاقيها الهبله نيرة ماهي كل يوم تقلب البيت مسرح the voice
خرجت ميسره وخلفها كريمه ثم هبطت للأسفل وجدت نيره تشغل موسيقي وتغني معها
نيره بصوت عالي مزعج/ يا ليلي ويا ليلا وشبشبششبشب شكيكشكي يا ما وجالولي ليله صغيره وفي قلبي غمه
ميسره / جاك غمه تاخدك ايه التلوث السمعي ده ده انتي لو التونسيين عتروا فيك هيحرقوكي حيه علي اللي بتقوليه ده
نيره بتذمر / فيه إيه ياحجه بغني مع الاغنيه وهو بيقول كده
ميسره وهي تقلد نيرة / شبشبشبشب شكيكشكي هي الاغنيه بتقول كده بزمتك ليه الشريط سف
نيره / آه هي بتقول كده حتي اسمعيها وهتلاقيها بتقول كده
ميسره / يا غبيه الاغنيه بتقول وش باش نشكيلك ياما يعني هشكيلك ايه ولا ايه يا ما… هتنيل اقولك ايه ولا ايه يا حجه فهمتي يا طوره
نيرة / اااااااااااااااااااه مبعدناش آوي شبه اللي بقوله
هزت ميسره رأسها بيأس
بينما نسرين كانت تضحك بشده عليهم
ميسره / هي طمطم في الجلسه
هزت نسرين رأسها / آيوه هي ومراد مشيوا من شويه
ميسره / طب حلو اوي لما ترجع عايزاكم في مصلحه
كريمة بتعجب / مصلحة ايه
ميسره ببسمه خبيثه / تصفيه حساب قديم مش عارفه بس افتكرته مره واحده المهم حد يوصل للبت دانه عشان تكون معانا هي فين دلوقتي
كريمة / كلمتني امبارح انها راحت بيت أهلها عشان التجمع الاسبوعي بتاعهم
هزت ميسره رأسها ونظرت لهم ببسمه / ياتري كل وآحده فيكم هتعرف تقنع جوزها بأنها تروح مشوار سريع كده للقاهرة ولا إيه
كريمة وهي تجلس وتضع قدم علي قدم / يابنتي انا لو قولت لصلاح ابو صلاح هروح مشوار سريع للقاهره اقل حاجه يعملها هيعلقني علي باب البيت وكل اللي رايح واللي جاي يديني بالقلم لغايه ما يبانلي صاحب
ميسره وهي تنظر لنيرة ونسرين / وانتم
نيرة /لا اشطا انا دايسه معاكي حسام مش هيقول حاجه لانه عارف اني برضو هروح فهيجيبها من قصيرها ويقولي في ستين داهيه يا روح الفؤاد
نسرين /والله مش عارفه مجربتش الموضوع ده جاسر هيوافق ولا لا
نيره وهي تنظر لها / هو كده كده في القاهره هو حسام عشان التصميمات الجديده اللي هتتعرض بكره تعالي وبعدين نقوله حبينا نعمل مفاجأه ليكم عشان وحشتونا
نسرين وهي تنظر لها بخوف / مش مطمنه ليكي يا زفته انتي هتلبسيني في حيطه شكلك يابلوه
نيره / عيب عليكي انتي تعالي معانا وبعد المهمه القوميه دي هنروح نطب عليهم في الشركه
نسرين / توكلنا علي الله طلاقي علي ايدكي
ميسره وهي تضحك / لا متخافيش يا بنتي فيه رجاله في ضهرك
ثم نظرت لكريمة / وإنتي يا كرميلا
كريمة / يعني هو انتم كلكم هتروحوا وانا لا انا هكلمه متقلقوش وكمان نخلي البت طمطم تكلم مراد لما ترجع علي الاقل تشم هوا وتستفسح شويه
ضحكت ميسره بشده / تستفسح اشطا
دخلت طمطم / امممم علي إيه المصيبه اليوم
نظرت لها كريمه ببسمه ثم ساعدتها لتجلس فهي بعد كل جلسه يصبح جسدها ضعيف
كريمه / اهدي بس وارتاحي بعدين احكيلك
هزت طمطم رأسها ثم جعلتها كريمه تتسطع علي الاريكه لترتاح اكثر
بينما ميسره تركتهم ثم صعدت لغرفتها وفتحت الخزانة وأخرجت الصندوق الذي كانت تحتفظ فيه بأشياء عائلتها ونظرت بحزن لكل شئ ثم امسكت تلك العين التي كانت السبب في ذهابها هناك وتنهدت بتعب ثم قبلتها / رغم كل حاجه حصلتلي اللي لحد الان مش مصدقه انها حقيقه بس بشكرك علي لحظه عيشتها هناك بشكرك على كل دقه قلب خرجت للشخص الصح بشكرك
ثم وضعتها ونهضت لترتدي ثيابها فيجب ان تصفي حسابها هناك
دانه بصراخ / اقسم بالله اللي هيقرب من عيالي لكون فرماه وابعد ابنك يا مراد عشان ميتعملش عجوه
مراد ببرود / وانا مالي لمي انتي عيالك الأول
دانه بسخريه / نزل رجلك وانت بتكلمني انا الكبيره يا حيوان ثم إن ابنك هو اللي بيغيظ عيالي بأم البرود ده
ثم نظرت لسمر / يرضيكي كده يا سمر حفيدك واللي بيعمله
سمر بنظره متقززه لمراد / ده ولا حفيدي ولا اعرفه ده خرج عن المله الكلب تخيلي يا دانه مره قالي حضرتك
دانه برعب / لا
سمر وهي تهز رأسهأ /وقالي يا تيته الاعمي انا تيتيه الكلب ابن مراد ده
دانه بشهقه وهي تضم سمر / يا مسكينه فلت من ايدك إزاي ده بس الكلب مشافش عيال ناري وخالد بسم الله ما شاء الله غوازي قد الدنيا ربنا يبارك فيهم يارب ويبعد عنهم بوليس الآداب قادر ياكريم
سمر وهي تدعي الحزن / يلا الله يسامحه ابوه بعد حفيدي عني وخرجه عن طوعي شوفي حبايب قلبي ديما وريما قدوه لأي بنت في سنهم دي البت ديما عليها هزه وسط ولا فيفي عبده والله
دانه وهي تربت عليها / عارفه يا قلبي عارفه يلا ربنا يعوض عليكي في حازم الكلب ابن مراد البارد
مراد بقرف / إيه المشهد المبتذل ده بعدين يا سمر ابني مش هيكون زي بنات خالد وناري انسي
خالد وهو يجلس وينظر له بحنق / الله مالهم بنات خالد يا خويا ناقصين ايد ولارجل ولا بتلات عيون ولا يكونش بيمشوا علي أيدهم ورجليه ولا شايفهم بيمشوا علي السقف
مراد ببسمه بارده / لا ناقصين تربيه ياباشا
خالد وهو يهز كتفه ببرود / عادي منا أسد مربنيش وعايش اهو زي الفل حصل حاجه؟؟؟
أسد وهو يجلس ويلقي قبله في الهواء / حبيب قلب بابا اللي مشفش ريحه التربيه
خالد وهو يضع يده علي رأسه / حبيبي يا عم الناس
ناري وهي تجلس علي يد مقعد خالد / ههههههههه ايوه فعلا احنا عيله متربتش ههههههه
خالد/ ايه ام الهدوء ده هولعها شويه
خالد وهو ينهض ويذهب لمسجل الصوت ثم قام بوضع مهرجانات وأغاني فتجمع الجميع واخذ يرقص وهو يغيظ مراد بحركات غبيه
بينما دانه تضحك بشده ثم انطلقت وهي ترقص معهم مستغله غياب ليث فهو لا سيأتي عندما ينهي عمله
ودخل عبده وهو يمسك رحمه ويرقصها وسمر أيضا
بينما سراج وضع يده علي وجهه / ولا اعرفها
بينما ديما وريما أخذن يرقصن باحتراف
وسمر تصفر لهم
ومراد يزفر بضيق / ناس معندهاش ريحه المخ والله…. هارررسود
كان يتحدث ثم صرخ وهو يري روجي ترقص معهم بحركات غبيه
وضع مراد يده علي وجه ابنه حازم وهو ينظر لروجي بصدمه وهو يكاد يذهب لقتلها
جذب أسد جميله وضمها ثم اخذ يراقصها فجذبت سمر جميله / مش سلو هو يا اخويا ده رقص كلابي
ثم نظرت لخالد وحركاته الشبابيه المجنونه / آيوه زي الكابتن اللي هناك كده بصوا ارفعوا ايدكم وهيصوا وخلاص
اخذ الجميع يصرخ بجنون ودانه تزغرط / دي جي مالك حاحا يرحب بالساده الزائرين
دانه وهي تضحك تنظر لهم / عيله ضاربه منها
نور وهي تهبط من الأعلي ببسمه / بحب آوي يوم التجمع ده عشان اللمه الزباله دي منورين يا جماعه والله الله فين عمر والعيال
عمر وهو يدخل ويحمل تالا الصغيره ابنه حسام وسما / أنا هنا اهو بس العيال أخروني
دخل حسام وهو يضحك وينزل ابنه الصغير عمر / خلاص يا بوب محسسني انك مربي أجيال دي هي تالا بس والبت أخلاقها زفت
عمر بسخريه / بس ياض أنا بتعب برضو بعدين أنا دي سمر اللي بوظت أخلاقها
سمر وهي تنظر لهم بملل / كل واحد ابنه مش متربي يقولك سمر
دانه بلهفه / عمر هو ادم فين؟؟؟
ادم من الخلف ببسمه كبيره وهي يفتح زراعه / دانه و…. وحشتيني
دانه وهي تركض بسرعه له وتعانقه بشده وهي تدمع / دومي حبيبي يااااه وحشتني يا بني والله وحشتني اوي اوي اوي يا دومي
ادم ببسمه وهو يربت عليها بحنان / وا… ا….نتي وحشتني اك…. آكتر يا ر…. روح ادم
جائت من خلفهم ونظرت له بتذمر / في إيه يابا هو مش فيه وآحده بتغير هنا
ادم وهو يجذبها لحضنه بحب / ا… انتي ق… قلبي يا رحيل
رحيل ببسمه وهي تعانقه / وانت حياتي يا باشا
ضحك ادم علي غيرتها فرغم انهم تم عقد قرانهم منذ شهور وهي تعرف جيدا علاقته بدانه الا انها دائما ما تغار من اي فتاه حوله ابتسم ادم بشده فرحيل منذ الصغر وهي متعلقه به دائما حتي أصبحت كبيره فشعر انها ليست فقط كفلته الصغيره بل حبيبته لذلك لم يتردد في الزواج بها
نرمين وهي تدخل مع غيث / حبايب قلب ماما متجمعين دايما يارب
دانه وهي تضمها / نيرو يا قلبي وحشتيني
نرمين / وإنتي اكتر يا مانجتي
خرج مالك من غرفه المكتب مع سراج ومازن وهو يضحك ابتسم بسعاده وهو يري عائلته جميعها موجوده لا ينقصهم احد نور وسمر وساره يتحدثون وجنه وجميله يضحكون علي سمر
ومراد يتشاجر مع خالد وحسام يهدئ الأمور بينهم وعمر وغيث كالعاده هادئين ودانه والفتيات تتحدثن ببسمه كبيره والصغار جميعهم يضحكون بمرح فقط ينقصهم زينه وآدم ولكنهم حاليا في الخارج بسبب عمل ادم
نظر مالك لنور بعشق فهي وبفضل الله أولا منحته هذه السعاده وهذه العائله الجميله ضحك بشده وهو يسمع سباب عبده وهو يهبط الدرج ويحمل في كل يد احد أبناء دانه ويصرخ / والله يا دانه المره ده لهرميهم في الحجز ولاد القرود دول خربوا اللاب توب كله اللي عليه الشغل
ركضت دانه له
بينما إياد نظر له ببرود / أنا مش عايز اعلي صوتي عشان عامل حساب انك خالي والخال والد برضو
عبده/ صدق اتأثرت وهعيط اهو لا علي والنبي لتعلي صوتك يابن ليث انت وهو
زياد وهو يضحك بسخريه / طب خاف علي بنتك بقي عشان هي خلاص بقت في الريد زوون
نظر عبدالرحمن لاخته بتعجب / عيالك بيهددوني دول زعماء مافيا دول مش أطفال أبدا
ضحكت دانه وهي تجذبهم منها / حبايب ماما يا مشرفني
أسد بحنان لجميله / إيه الحلاوه دي يا جيمي بس مقدرش علي كده بقولك ايه ما تسيبي العيال هنا عند مالك وتيجي نطلع رحله سوا
سمر / يا أخي احترم سنك يا أخي يموت الزمار صحيح
أسد وهو يضم جميله له ويبتسم بغيظ / وإنتي مالك يا سمر مراتي وبدلعها خلي سراج يدلعك
سراج وهي يضحك ويغلق فم سمر التي كانت علي وشك إطلاق سباب لاذع لهم
سراج / قسما بالله لو ما سكت هتسيب عليك لسانها
رحمه وهي تجلس بجانبهم / وحياه امك يا سراج لتسيبه بحب الشتايم بتاعتها آوي
ضحك عبده وهو يجلس بجانبها ويضمها / بس ياماما دي شتايمها +18
سمر وهي ترفع يد سراج عن فمهاىط وتصرخ بهم / جرا ايه منك ليها له انتم عاميلني تسليه ياض انت وهي
بعدين يا أسد يا عجوز ياراجل بطل قله ادب ده انت رجل في الدنيا والباقي في القبر
كانت سمر تقول ذلك وهي غير مقتنعه فرجال العائلة ورغم سنهم الكبير مازالو يحتفظون بجمالهم
جميله بقرف / مين ده ياختي االي عجوز ده شكله اصغر من عياله والواد خالد ده حتي أسد صغير مازن هو اللي كبير
ساره وهي تدخل في الشجار / يا حبيبتي جوزي مش باين عليه حاجه ده لسه قمر
غمز لها مازن بمشاكسه فقبلته في الهواء / باشا والله علي وضعك
ثواني وارتفع صوت الشجار في المنزل والجميع يتشاجر كالعاده
قاطع هذا الجو المشحون جرس الباب ارهف الجميع سمعه وهم الصمت فجأه
نور وهي تنظر لهم بقلق / تفتكروا الجيران بلغوا عننا تآني بتهمه الازعاج
سمر وهي تتحدث ببراءه / جماعه انتم مش هاديين زي ليه
نور وهي تنظر لمالك / احم مالك شوف كده لو الشرطه اصرفهم ياباشا
مالك بملل /لا ولو البوليس انا هشهد عليكم واحد واحد من اول سمر لحد إياد وزياد
تحدث خالد / اخص عليك يا مالك مكنش العشم قوم انت يا والدي وقولهم انك مالك يلا
أسد بضحكه / مكنش يتعز يابني بس من اول كلمه بسخسخ من الضحك مش بعرف ابقي بارد زي عمك كده أصل أنا تافهه فصعب والله عليا اتكلم بجد لثواني حتي
سمر وهي تنهض / خليكم انا هتصرف
سراج وهي يمسكها / لا ابوس ايدك كده مش هتبقي تهمه ازعاج وبس هتبقي تهمه تعدي علي شرطي أثناء عمله اقعدي
سمر وهي تدفع يده عنها / يا جدع اوعي ايدي بس متقلقش كده ياباشا هكون محترمه ومش همد ايدي علي حد
ثم خرجت سمر وفتحت الباب ونظرت وجدت خمس فتيات نظرت للداخل بسرعه / هما طلبوا بنات ولا إيه يكونش عمولها تآني وجايبين نسوان
نظرت لهم بشك /جبتوا خمره
نيره وهي تغمز لها / وبانجو كمان
سمر وهي تنظر خلفها مجددا / حد راقبكم
نيره / اطمن يا كبير كله في السليم
سمر وهي تنظر حولهم ثم افسحت لهم الطريق / طب ادخلوا بسرعه
دخلت الفتيات وطمطم تمسك في نسرين/ هو فيه ايه وخمره وبانجو ايه
نسرين وهي تنظر لنيرة / هو فيه ايه
نيرة وهي تهز كتفها بجهل / معرفش انا قولت امشي معاها في الخط وخلاص
دخلت الفتيات خلف سمر
سمر / مين طلب نسوان
نظر الجميع لخالد بشك
خالد وهو ينظر لهم بتعجب / فيه إيه بس والله ما عملت حاجه
ناري / عارف يا خالد أقتلك والله لو انت
خالد وهو يشير لاسد / تلاقيه أسد
أسد وهو يخلع حذائه ويرميه به ولكن تفاداه / أنا يا جذمه اجيب نسوان يا قليل الادب وفين في بيت مالك الطاهر انا يوم ما اجيب نسوان اجيبهم في شقه مفروشه
ضربته جميله علي كتفه فضحك / بهزر يا جيمي يخربيت ايدك تقيله
سمر وهي تمر عليهم مثل المخبر / يعني مش هتعترفوا
يكونش مالك اخيرا عملها وقرر يخون نور
مالك برود / بلاش انا عشان انتي عارفه رد فعلي
سمر / احم احم يبقي سراج او مازن لو مش انتم هنتنقل علي الجيل اللي بعده وهكذا
عبده وهو يشير علي إياد وزياد / هما الكلبين دول
زياد وهو ينظر لميسره ويغمز لها بشقاوه / أنا موافق يا باشا اني أخدهم لو كلكم مش عايزين
ضربه إياد علي رأسه / ولد احترم نفسك مش قدامهم كده احنا ناخدهم علي سطح الواد حماده
ميسره وهي تنظر لهم بصدمه / احيييه ايه ده براعم المستقبل بقت جرجير فاسد
كريمه وهي تصفر ليهدأ الجميع / صلوا علي النبي انتم بتوزعوا هدايا كله عمال يمررنا لغيره
نيرة وهي تشير لاسد ومالك / هو الشخص ده فيه منه نسختين نسخه باين عليها فرفوشه ونسخه اللهم احفظنا ليه كده
سمر وهي تنظر معها بتعجب ثم قالت وهي تفكر / يمكن عشان تؤام بس سبحان الخالق واحد ميعرفش ريحه الاحترام ونازل معاكسه في مراته وواحد قفل وابعدي عن القفل عشان بيعض
نظر لها مالك بسخريه /لم مراتك يا سراج بدل ما اطلع القفل عليها
أسد وهو يغمز لنيره / أنا الصغير علي فكره
سمر / كداب ده مالك
أسد بتذمر / بس انا اللي لسه صغير عنه أصل الضحكه بتطول العمر
ضحكت كريمة / طب والله إنت عسل
خالد / جرا ايه يا والدي عيني عينك كده
مراد وهو ينظر لهم بملل / ياربنا هتجيبوا لينا شبهه بكلامكم ده
كريمة بضحك / والله شكلنا دخلنا بيت غلط اكيد ده مش البيت اللي احنا عايزينه اسفين يا جماعه والله
سمر وهي تمسكهم/ لا استنوا انتم
ثم نظرت للرجال / لو محدش نطق وقال البنات دي بتعمل ايه هنا هتباتوا بره البيوت انهارده
عبده / خرببتك يا سمر يا جماعه انطقوا انتم جايين لمين دي دماغها فيها نص شمال بس انتم غلطانين في العنوان
ميسره وهي تنظر لهم بتعجب / هو فعلا الظاهر اننا غلطنا في العنوان
مالك بهدوء/ عايزين مين
ميسره بضحكه / الراجل الكباره ده بيفكرني بليث جوز دانه سبحان الله نفس البرود والثقه والهدوء
رفع مالك حاجبه بينما تحدث عبده / جايين لدانه
نيرة / آيوه بس تقريبا غلطنا في العنوان
عبده وهو يضع يده علي فمه بصدمه / اوميجاد دانه هي اللي جايبه بنات في بيتنا الطاهر الشريف العفيف
نيره بتعجب / يعني ده بيت دانه
ضحك خالد بشده / آيوه يابنتي حظك انك جيتي في يوم التجمع ده كان نفسنا تشوفينا في ظروف احسن من كده
سمر وهي تنظر لهم بتذمر / عجبكم كده اهو اخدوا فكره صح عننا من اول مره عرتونا
نسرين وهي تهز رأسهأ / اهو انا عرفت ليه دانه ماتت ضحك لما قولتي إن عيلتها شديده
خرجت دانه مع ادم من المطبخ وهم يحملون الفاكهة
نظرت بتعجب لهم ثم صرخت بفرحه / بنات بتعملوا ايه هنا
مالك بهدوء / تعرفيهم
دانه هي تضع الفاكهة علي الطاوله وتعانقهم / امال يا مالك باشا دول صحباتي اللي عرفتهم في الاقصر
عبده بتعحب/ دانه مصاحبه بنات غريبه آوي
ميسره بتعجب / امال هي بتصاحب صبيان ولا إيه
عبده وهو يأكل تفاح ببرود / لا بس هي اي بنت بتعرفها لازم تتخانق معاها لأنها بتبقي عينها علي توم كروز بتاعها
ضحكت دانه / سيبكم منه ده عبده اخويا التؤام
كريمه وهي تجذبها وتهمس لها / هو رجاله العيله كلهم بينورا ليه كده يخربيت حلاوتهم
ضحكت دانه بشده /طب خلي بالك عشان ستات العيله بتعض
كريمه بضحك / وعلي ايه يا كبير القلب مش هيبص غير لابو صلاح برضو
ابتسمت دانه / استنو هعرفكم
ده مالك بابا ونور امي وعبده اخويا ومازن عمي ومراته ساره واسد عمي ومراته جميله وعمر خالي ومراته جنه وتبقي برضو اخت عمي مازن وعمي سراج ومراته اكيد عارفينها سمر
نظرت نيره لسمر /باشا البشوات
سمر بضحكه / عرفتك نيرة صح عجبتني البت دي اوي حساها شبهي في شبابي
نيره وهي تلقي لها قبلي / باشا قلبي وباشا مصر
دانه بضحكه وهي تكمل / البنات دول بقي يبقوا بنات عمي ومنهم بنات خالي ومتجوزين عيال عمي
كريمة / إيه العيله الملغبطه دي
ضحكت دانه وهي تنظر لهم / دول بقي الجيل التالت هنا ودول اللي هناك عيالي إياد وزياد
ميسره / احب اقولك يا دانه عيالك مشافوش خمس ثواني تربيه ماشاء الله عليهم
دانه بضحك / قلبي تسلمي يارب المهم في إيه يعني جيتوا كلكم. مره واحده
ميسره بضحكه / محتاجاكم في مصلحه كده
دانه بتعجب /مصلحه ايه
ابتسمت ميسره بخبث / هقولك تعالي معانا
بعد مرور ساعه في سياره دانه
نظرت ميسره خلفها وتحدث بجديه / اقسم بالله اللي هتطلع عن النص هعلقها هنا وكل اللي رايح واللي جاي يتف عليها لغايه مايبنالها صاحب فاهمين
دانه ببرود يشبه برود بلاك / الكلام ده ليا انا
ميسره / احم لا انتي لا جوزك ايده تقيله آوي لسه القفا اللي واخداه منه معلم
نيره بصراخ/ ما خلاص يا باشا قولنا هنربي امه وريني ابن المدايقه ده
ضربتها ميسره علي رقبتها من الخلف / نلم لسانا ماشي انا عمتك يا كلبة انتي
طمطم وهي ترفع يدها بهدوء / ممكن اقول حاجه
ميسره / قولي يا اميره يابنت الامره انتي الوحيده اللي مش تعباني
طمطم وهي تبتسم بغباء / هو احنا هنعمل ايه
مدت ميسره يدها وخلعت حذائها / ده انتم جذم وعايزين تتربوا وآحده وآحده
كريمه وهي تشير بيدها وكأنها اذكي الأذكياء / دول اغبيه اسمعي مني انا هفهمهم
ثم نظرت لهم / اسمعي يا جالوس الطين منك ليها فيه وآحد هنا مزعل البركه بتاعتنا ميسره احنا بقي هنعمل ايه
نسرين وهي ترفع يدها / نسيب عليه نيره
نيره وهي تضربها / هو ايه نسيب دي هو أنا كلب يا معفنه اقسم بالله ل….
ميسره وهي تنظر لكريمة / أنا اتحملت كتير وده عكس طبيعتي اتصرفي انتي
كريمه بصراخ / متسمعي يابنت المركوب منك ليها احنا هنشوف الواد ده وتنفذ الخطه اللي اتفقنا عليها ليه هو والجذمه اللي كانت معاه
ميسره وهي تنظر لها بفخر / مليش غيرك يا كرميلا يا مشرفاني
كريمه / حبيبي ها بقي ايه هي الخطه اللي اتفقنا عليها
ميسره وهي تكاد تصاب بالشلل ثم تخرج رأسها من نافذه السياره / يا ناس الحقوني يا ناس هنشل الحقوني هموووت يا ناس يا ام نياظي صحي نياظي وقوليله ميسره هتنشل
دانه وهي تجذبها للداخل / ادخلي يابت خلينا نخلص عشان في اجتماع لليث مع بنت فعايزه اخلص واطلع اطربقها علي دماغه
كريمه وهي تنظر لها ببسمه بتصحيح / نطربقها علي دماغه
ميسره / اشطا نخلص المصلحه ونروح نخربها علي دماغ اللي خلفو جوزك
ثم نظرت لهم بدقه / عرفتوا هنعمل ايه
الجميع معا ببسمه غباء / لا
ميسره وهي تهبط من السياره / توكلنا علي الله
دخلت الفتيات للجامعه طبعا بواسطه دانه وميسره
دخلت واشارت لهم دانه علس شخص يجلس في الكافتيريا ويضحك بقوه
فنظرت لهم ميسره وغمزت
ابتسمت نيره بشره ثم دخلت للكافتيريا ومرت بجانبها واصتدمت به وسقطت أرضا متعمده فنظرت له بحده / جرا يا اعمي انتي مش تفتح
ياسر / أنا برضو اللي افتح انتي هبله
نيره وهي تنهض / انا هبله ياروح امك طب خد
ثم أعطته روسيه برأسها شديده بينما ياسر امسك رأسه بألم وهو يصرخ / يخربيك امك دي مش دماغ بنت أبدا
نيره بصراخ / يالهوي الحقوني الكلب ده بيعاكسني
ركضت كريمه له وهي تنظر لها / مالك يا نيره
نيره وهي تشير لحسام / الكلب ده بيعاكسني
كريمه / حلو غلط وانا كنت مستنيه يغلط
ثم نظرت له بنظره مرعبه / تعالالي بقي يا كبير
ثم انقضت عليه كلا من كريمه ونيره تحت صراخه حاول أصدقائه التدخل ولكن نيره تكفلت بهم وأخذت تضربهم بحده من يراهم لا يظن انهم فتيات
نظرت وعد لما يحدث لياسر ورفاقه برعب
بينما كانت دانه اتجهت لتلك الفتاه المسماه وعد ومعها نسرين وطمطم وقفت طمطم بعيدا بينما دانه ذهبت عندها وتحدث معها في أمر ثواني وكانت الفتاه تحت يد دانه تصرخ من الألم
بينما ميسره ذهبت لتنهي اخر ما يجب فعله
نظرت دانه لوعده المدمره تماما
ثم أخرجت هاتفها وتحدثت وهي تتصنع البكاء / عبده الحقني في شله اتهجمت عليا انا وصحابي واحنا قاعدين في امان الله اعااااااااااا
بينما ميسره ذهبت وقامت بتأجيل السنه فهي فاتها الكثير والكثير من المحاضرات لذا قامت بتأجيل السنه كما حدثت جاسر ليقوم بنقل جامعتها للاقصر
خرجت ميسره من مبني الشئون بعدما انتهت من جميع الإجراءات نظرت وجدت ياسر يضرخ بنيرة ونيرة تنظر له ببرود شديد
ياسر / أنتم مش عارفين انا مين ولا إيه أنا هوريكم مين هو ياسر بسيوني يا كلاب
كريمه / يامي يامي يامي خاف يا عيد
نيرة / يامي يامي
ياسر وهي يكاد يقترب منهم وهو يبتسم بخبث / أنا بقي هوريكم ثم رفع يده ولكن شعر بشخص يمسكها له بشده
نظر وجدها ميسره عاد بفزع للخلف بينما وعد شهقت بقوه
ميسره وهي تبتسم له ببرود /surprise
ثم أعادت رأسهأ للخلف وضربته بها ثم امسكت يده وجذبته بحده / تعرف باللي عملته ده خالفت كام قانون منهم قوانين تتعلق باثار الدوله ها أنا هسيب لخيالك العنان بقي تفكر في مخرج وخلي بابي يحاول يخرجك يا ننوس عين بابي بس تعرف اللي يشفعلك عندي ويخليني مقتلكش هو انك باللي عملته من غير ماتحس خلتني اكسب حجات كتير آوي
ياسر وهو يهتف بها في رعب / مش هتقدري تعملي حاجه انتي متعرفيش مين هو والدي ها أنا انا
ميسره وهي تهمس له / لو تفتكر آول يوم حذرتك انك تقرب مني بس مسمعتش كلامي خلي بقي بابي ينفعك
نظرت ميسره وجدت أمن الجامعه يأتي ثواني ولحق بهم الشركه نظرت ميسره لدانه فهزت دانه رأسها ببسمه
جائت الشرطه وأخذت الجميع للقسم بينما ميسره في الطريق اجرت اتصال بجاسر / آيوه يا جاسر حصلني علي قسم……….
بعد مرور نصف ساعه كان يدخل للقسم عبده وهو غاضب بشده لظنه ان هناك من اذي أخته وخلفه كان كلا من جاسر وحسام وخلفهم رجلين يظهر من ثيابهم انهم محاميان
دخل عسكري للغرفه وابلغ الشرطي بوجود المقدم عبدالرحمن مالك في الخارج فامره بإدخالة
دخل عبدالرحمن بوجه غاضب وركض لدانه وضمها بشدة / قلبي آنتي كويسه
دانه بحنان فمهما مر الوقت لم يتوقف عبدالرحمن عن خوفه عليها / أنا كويسه يا عبده بس هي خناقه بسيطه
ثواني وكان جاسر يدخل مع حسام والمحاميان
تفاجئ كلا من حسام وجاسر من وجود نيره ونسرين
نظر جاسر للشرطي / ممكن اعرف حضرتك اخواتي وزوجتي هنا بتهمه ايه
الشرطي وهو يشير له بالجلوس فمن لا يعرف جاسر الشافعي / أتفضل يا فندم البنات هنا عشان مقدمين محضر في دول
قال كلامه وهو يشير للشباب
نظر جاسر لهم وجد مجموعه من الشباب وفتاه بهم جروح سطحيه / آيوه وايه هو البلاغ
نظر الشرطي في الورق امامه / الأنسه ميسره عبدالمنعم قدمت شكوي في المدعو ياسر كاظم بسيوني في قواضي كتير منهم ازاعجها ومحاوله التحرش بها سواء باليد او بالحديث اكثر من مره بشهاده الزملاء في الجامعه
نظر جاسر لياسر بغضب شديد وضغط علي كفه بشده قربت حسام علي كتفه ليهدأه
اكمل الشرطي / وكمان اتهمته في تزوير مستنداتها في الجامعه وتغيير مشروعها وإرسالها للبحث عن مقبره خرجت تقارير انها حاليا مغلقه لأسباب غير معروفه ومش وغيره كتير من قواضي الاغتصاب والتحرش ببنات معاه
جاسر نظر للمحامي وهمس له / امشي في الموضوع ده مش عايز الولد ده يشوف النور تآني انت سامع حتي لو اضطريت تلبسه تهمه قتل واعرفلي مين والده ده واشتري كل اسهمه عايز املاكه تتساوى بالتراب
هز المحامي رأسه بينما عبده تحدث / طب طالما مش هما المذنبين ليه جايين هنا وكمان في بوكس انت عارف لو جوز اللي واقفه هناك دي عرف انها ركبت بوكس ممكن يعمل ايه
الشرطي بخوف هو لا يعرف زوج دانه ولكن نبره عبدالرحمن مخيفه وبشده / احم حضرتك البنات اتهجموا علي الشباب دول زي ما حضرتك شايف وهو قدم فيهم محضر
حسام بسخريه / وهو كمان عنده عين يقدم محضر فيهم
عبدالرحمن بسخريه / حضرتك كان دفاع عن النفس يعني زي ما حضرتك قولت معروف بالاغتصاب يعني حضرتك اكيد عارف الإجراءات اللي بتتاخد في الظروف دي مش هقولك شغلك يا حضره الظابط
الشرطي وهو يبتلع ريقه / تمام يا فندم كل شئ هخلص دلوقتي.
بعد مرور دقائق كان الجميع يخرج من غرفه الشرطي نظر عبده لدانه / لأول مره استخدم واسطه عشان اعمل حاجه عاجبك ده انتي عارفه اني آكتر حاجه اكرها هي الوسايط واني استخدم اسمي عشان أخلص اي حاجه
نظرت له دانه بحزن / إيه يا عبده انت شوفت بعينك هما عملوا ايه
كان جاسر يضم اليه ميسره بحنان / بعتذر يا سياده المقدم علي الموقف اللي اتحطيت فيه بسبب اختي
اخذ عبدالرحمن نفسه بهدوء ثم ابتسم له / ولا يهمك حمدلله علي سلامتها
ثم اقترب من دانه وضمها لاحضانه بحب كبير وهو يقبل رأسها / خلاص يا دانه متلويش خلقتك كده بيبقي شكلك وحش
ضحكت دانه وضربته فضحك هو بصخب / بس إيه يابنتي ده دي العيال متشوهه خالص
حسام وهو ينظر لنيرة / عملتها يا أشرف وضربت العيال
نيره وهي تنظر له ببراءه / أنا أبدا ده انا حتي كنت بسلك بينهم
ضحكت كريمه بصخب / علي يدي
دانه هي تخرج من احضانه / طب يابنات يلا عشان نلحق نخلص اخر حاجه
عبده بتعجب /رايحين فين
دانه بغمزه / هنخربها علي دماغ صاحبك
ضحك عبده بشده / والله في مره هيجبلك الأمن يرموكي بره الشركه
دانه وهي تذهب مع الفتيات / ميقدرش ياباشا
نظر جاسر لهم بملل حسنا سيتفاهم لاحقا مع نسرين ثم نظر لعبده ومد يده / بشكرك تآني يا سياده المقدم
عبده ببسمه / قولي عبدالرحمن عادي
جاسر ببسمه / تشرفت بحضرتك
⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
*عاوزه تخش روام روايات علي 📌واتس خش علي الينك كده 💞🥀*
*https://wa.me/+201288715026?text=ممكن-ادخل-جروب-الروايات-
*روايات ابو تولين👧*
~روايات جامده ممتعه 🥰~
“`اي روايه عاوزها هتلاقيه علي
الجروب 🤍💞“`⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
بينما قبل يومين علي الجانب الاخر كان يقف امام تمثاله وهو ينظر له بكل حب / آه يا ازي اشتقت لك يا فتي اشتقت كثيرا لك يا صديق
شعر بيد توضع علي كتفه نظر وجده ابريس تحدث ابريس بدموع / لقد أصبح ازي من ابطال كمت لقد خلد التاريخ اسمه لذا لا تحزن بيك
بيك وهو يمسح دموعه وينظر التمثال العملاق الذي صنعه ست لازي ووضعه في منتصف الساحه الرئيسيه وايضا اطلق اسمه علي القصر فأصبح قصر ازي كما أن الجميع هنا جعل منه ومن نازيا رمز للعشاق والحب
ابتسم بيك ودموعه تهبط بشده / اتمني فقط لو اسمع ولو لمره وآحده صوته وهو يناديني ويخبرني انت اخي يا احمق ولست صديقي
نظر بيك لابريس ثم بكي بشده / اشتاق اليه كثيرا يا ابريس اشتاق اليه كثيرا
ضمه ابريس بحنان لصدره وهو يبكي علي صديقه الذي فقده لقد خسر الكثير والكثير في هذه الحرب
اغمض عينه وهو يسمع صوته في رأسه
_ ازي الصغير /ابريس ارجوك لاتضع هذا الرجل السئ يقتلني كما قتل اهلي انا خائف
_ازي بضحكه عاليه / انظروا يا حمقي ماذا وجدت احم لا اقصدك انت ياقائد بالاحمق بل اقصد بيك ههههههه
_ ازي وهو ينظر لهم ببسمه / الحياه مثل درجات السلم يصعد عليها الإنسان ليصل لنهاية الدرج ولكن لا تخطئ ابدا وتتوقف لي أحدي الدرجات وتقول لقد وصلت للنهايه فقط اصعد درجه درجه حتي تصل للنهايه وانا درجي ينتهي بنازيا يا صديقي وهي تستقبلني بين احضانها يوما ما سأذهب إليها
نظر ابريس الآمال ودموعه تشتد / ها أنت قد وصلت لنهاية الدرج ازي لقد وصلت يا صديقي
ثم ضم بيك اكثر وهم يبكون عليه
بعد مرور الوقت كانوا يجلسون في القصر نظر ابريس لاحمس /مستعد
احمس / ارجوك يا ابريس فكر ثانيا هذا القرار لا رجعه فيه
ابريس ببسمه / فكرت يا احمس جيدا لا مكان لي بعيدا عن شمسي مصيري مرتبط بها والان لنبدأ
عادت الفتيات للاقصر ثانيا وهن يتذكرن ما حدث مع ليث ويضحكن بشده علي ذلك
كريمة بضحكه عاليه / ده انا كنت هموت من بصته بس البت دانه ايه جبل ولا اتهزلها شعره شوفتي كانت بتبص للعميله إزاي
نيره بضحكه / يا عيني والله صعبت عليا اوي مالك يابت يا نسرين
نسرين بتذمر / جاسر زعلان مني
كريمه ببسمه / جاسر بيحبك فمتقلقيش
نيره بتعجب لكريمة / تصدقي يا بت يا كريمة انا نسيت خالص هو خطيبك ده اللي اسمه محسن راح فين
كريمه بضحكه / وإنتي ايه اللي فكرك بيه
نيرة / معرفش مره واحده جه علي بالي
كريمة ببساطه / فاكره اليوم اللي أسر سجنك فيه في اليوم ده هو أول ما شاف البوليس جري ومكنش علي بعضه وبعد بحث مني كده عرفت انه مهرب اثار قد الدنيا ماشاء الله فبابا عرف وراح بهدله وفسخ بس وقتها انا طلبت منه مايقولش لحد عشان كنت عايزه اولع صلاح كده المهم هو نسي وأنا كمان نسي وصلاح قبل الجواز سألني عليه فقولتله واتجوزنا اهو
نظرت كريمه بتعجب لميسره التي منذ عادت وهي تنظر للنافذه بشرود
بينما ميسره كانت تنظر للقمر المكمل ففي ليله كهذه افترقت عنه سقطت دموعها بشده وهي تتذكر اخر كلماته
_إذا حدث وخسرتك اعلمي اني اعشقك أكثر من روحي يا ميسره اكثر من روحي يا شمسي
_بعشقك يا ميسره لآخر نفس بعشقك
_لااااااااااااااا اتركني ست روحي تبتعد عني يا ست ارجوك اتركني لااااااااااااااا ميسره ارجوووووووك يا أخي سأموووووت يا أخي اتركنييييي لااا
_لااااااااااااااا ميسرررررررررررره
اغمضت ميسره عيونها بألم والذكريات تتدفق بشده وبلا رحمه في رأسها بكت بشده فاقتربت منها كريمه وهي تضمها بحنان / اشششش يا قلبي اهدي كده واصبري
ميسره بشهقات عاليه / مش قادره حاولت يا كريمه كول اليوم بحاول اضحك واهزر بس مش عارفه حاسه ان روحي فضلت معاه مش قادره وحشني اوي وحشني يا كريمه ااااااااااه قلبي بيوجعني
سمعت كريمه طرق الباب فدخل جاسر ومسحت ميسره دموعها فاقترب هو وقبل رأسها قلبي زعلان ليه كده
ميسره ببسمه حتي لا تحمله هموم فهي سبق وحملته الكثير منها / لا مفيش يا قلبي مفيش بس عيني بتوجعني
جاسر وهو يقبل رأسها مجددا / الف سلامه ياقمري طب خلاص استريحي دلوقتي
ميسره بتعجب / كنت عايز تقول حاجه
جاسر بخجل / لا خلاص مش مهم بقي بعدين
ميسره وهي تمسك / في إيه يا جاسر مالك
جاسر وهو يتنهد بتعب شديد ويمسح وجهه / المفروض التصاميم الجديده اللي بنشتغل عليها بتاعته حسام تتعرض قريب لي مسابقه دبي تعرفيها
ميسره / آه سمعت عنها طب وايه المشكله
جاسر / المشكله ان احنا اتفقنا مع عارضه روسيه من الفرع اللي هناك بس هي اعتذرت علي آخر لحظه بسبب ظروف عندها ف
ميسره ببسمه / ولا يهمك لو ينفع انا اعمله
نظر لها جاسر ببسمه / بجد يا ميسره
ميسره ببسمه / اكيد ياباشا بعدين أنا فاشيونسيتا من يوم يومي
ضحك جاسر عليها بشده / اكيد ياقلبي
ميسره / هو ايه قصه التصاميم
جاسر بتفكير / والله حسام استغل المده اللي قضيناها هنا واستوحي منها اللبس فعمل ملابس خروج فيها ريحه الصعيد المصري وبعض الثياب فيها طابع فرعوني وملابس رجالي كمان واه في نهايه العرض هيكون في فستان زفاف وده بقي مفاجأه حسام اللي بيراهن عليها
ميسره وهي تهز رأسهأ / تمام ياباشا بكر هكون جاهزه هتصورا فين
جاسر / في المعبد اللي قريب من هنا احنا ظبطنا كل حاجه وبكره المغرب كده عشان شكل الغروب يظهر معانا هيبقي حلو فهنصور فيه
هزت ميسره رأسها ببسمه / تمام
ابتسم جاسر براحه / طب اسيبكم تناموا
ثم نظر لنسرين وابتسم لها / تصبحي علي خير يا سكرتي
ابتسمت نسرين بفرحه فيبدو انها سامحها
بينما ميسره عادت ونظرت للقمر مجددا / وحشتني يا ابريس وحشتني اوي
في مكان قريب منها كان يقف علي النيل وهو ينظر للقمر ويبتسم بعشق / حان الوقت يا شمسي حان الوقت لتتجمع قلوبنامع اكتمال القمر انتهي الانتظار وغدا ستصبحين ملكي وللابد يا شمسي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعنة الفراعنة)
