رواية عوض الخوف الفصل الأول 1 بقلم ضحى أشرف
رواية عوض الخوف الجزء الأول
رواية عوض الخوف البارت الأول
رواية عوض الخوف الحلقة الأولى
هو انا عارفه انك انت مبتحبنيش، عشان كده قررت اكتبلك ديما من ورا الشاشه من غير ما تعرفني، يمكن بحبك ويمكن لا، من كتر ترددي وخوفي من اني احبك النهارده وانساك بكره، مش عايزة أظهر عشان مخذلكش فيا، حتي لو كنت بتحبني انا مشاعري مش مضمونه، وبخاف عليك من نفسي
‘ابنة نعمان’..
-ياابراهيم انا زهقت بجد كل يوم نفس الرساله من نفس الحد المجهول، بنفس الامضة دي، يبني انا بقيت اخاف ارتبط أو احب بجد، خوفا على مشاعر البنت إلى معرفهاش، انا بحس بالذنب لو بكلم حد اكني بخونها انا بقيت عبيط بجد!
– اهدي يا اسلام، هي اكيد انت بتتعامل معاها يعني، ممكن تكونوا زملاء أو حاجه، أو ممكن حتي تكون هيا عمرها مابينتلك لان من كلامها، مش بتحب تكون ضعيفه أو مشاعرها تترفض يعني، صاحبه عزه نفس زي مابتقول
انا مش عارف اعمل اي ، انا هروح انزل الكورس كده اشوف اي الدنيا وابقي اكلمك لما اجي
____
ازيك يا جميلة عامله اي
-الحمدلله ف نعمه انت عامل اي يغيث
بخير الحمدلله
بقولك، متعرفش اسلام اتاخر ليه؟
معرفش يجميلة والله يبنتي ده انتي صاحبته اتصلي بيه اساليه..، اهو شرف البيه.
ازيك يجميله ازيك يغيث، عاملين اي، كنتو بتكلموا عليا بتقولوا اي انا عارف الحركات دي
غيث:- لا بس انسه جميلة كانت بتسال عليك، الظاهر هتبقي حبها الجديد
يعم جميله تسال براحتها، دي اقرب صديقه واخت ليا اصلا
جميلة:- يكسفتك يغيث، قولتلك يبني أن اسلام اخ وبس يعني
اسلام:- اوعي تكوني انتي يجميله صاحبة الرسايل المجهوله دي
رسايل اي؟
اسلام:- بهزر بهزر، يبنتي انا بقيت اشك في كل الناس إلى حوليا خلاص ، انتي شايفه قضايا الحب ملت البلد ازاي !
– وانت مصدق يا اسلام، أن الى بيحب ممكن يأذي، الى بيحب يااسلام بجد، بيخاف على الى قدامه اكتر من نفسه الى بيحب مبيعرفش يكرهه، إلى بياذي الى قدامه ده محبش الا نفسه، أنه ميخسرش، أنه هو إلى يقول امتي يبعد وامتي لا، مش مستقبل فكرة أن الطرف التاني مش مرتاح، مش مطمن ، خايف طول الوقت، إلى بياذي مبيحبش حاجه غير الاذي، عشان الى بيحب بجد، بيشتريك وبيطمنك، ومش بيشتريك، معني ألفلوس، إلى بيشتريك بيشتري خاطرك وحبك، حاجات متعرفهاش فلوس..
الله عليكي يجميلة والله بس انا مضطر امشي النهارده، عشان قراية فاتحتي علي بنت خالتي.
جميله:- بعد عشر دقايق من السكوت والثبات، يندل ومقولتليش انت طلعت حيوان اوي علفكرا
بيتدخل غيث ف الحوار
-انتي مالك سكتي كده ليه يجميله انتي عايزة اسلام طول العمر جمبك صحاب وبس ولا اي
– اكيد مش كده, بس اصلا جميلة اتعودت عليا كا اخ في حياتها بتعمل اي حاجه وتيجي تقولي حتي لو غلط بتستشيرني في كل حاجه، وديما ف اوقات زعلها، بتختارني عشان تحكيلي
غيث بمكر:- الله الله، الاخوات بقت حاجه جميلة اوي ف الزمن ده
اسلام :- يبني ايوة جميلة، انا مشوفتش أنها غير اخت وصاحبة بجد ، هي حد كويس اوي
جميله:- عن اذنكم انا لازم امشي .
اسلام:- خلاص يجميله روحي انتي شكلك تعبتي انهارده، وابقي روحي اختاري فستان بقا عشان خطوبتي إلى هتبقي بعد شهر ولا حاجه
______
قبل الزواج بيومين”
” اليوم اعفيتك مني، ومن رسائلي المرسله، للشخص الذي طالما أحببته بصدق، لم يكون للكلام حقاً عليك، أخفت نفسي من خوفي عليك، وانا أخشي البعاد عنك، بعدت عنك، اليوم انا اتمني السعاده وانا اخبرك، أن الذي يحب لا يمكنه أن يؤذي، أنه لما ينوي أن يحب، أو حتي كان يريد الدخول في ساحه حرب، احبتتك من بعيد، احببتك دون اذي، ستمر الحياة وعوض الله قادم ، قبلت بابتعادك عني، ويكفي، أن تكون في حياتك كل السعاده والخير، مبارك الزواج يونيس قلبي الاول
‘أبنة نعمان’ “
انا فعلا مبسوط بالزواج يابراهيم، بس أكن في حاجه نقصاني، حاسس اني زعلت ومش عارف ده أنانية مني عشان مش هشوف رسايل البنت دي تاني ولا عشان انا حاسس انها قريبه مني
يبني انت لسه بتفكر كلها يومين ويبقي فرحك متشغلش بالك بحاجه بقا خلاص، والبنت كويسه ومش هتبعت رسايل تاني خلاص
-ياريتها تبعت
-بقيت تشككني في غرورك ي اخي انت عايز الناس كلها تحبك ولا اي
____
بارك الله لكما وبارك عليكما وجمع بينكما في خير’
انا ياليلي حاسس ان انا بحلم، احنا اتجوزنا خلاص.
انا بحبك اوي يااسلام بجد، بحبك من زمان، من طفولتنا لحد دلوقتي وانا بحبك، بحبك وبحب عيونك، عيونك إلى بحب اشوفها علطول ودلوقتي هتكون قدامي دايما، جايز متعرفنيش اوي، غير صله قرايب، بس كفاية تعرف ان كنت في كل ليله كنت عايزاك انت وبس، بتمني وجودك انت وبس
بقينا مع بعض يحبيبتي، بقينا مع بعض لطول العمر.
غيث بتقاطع:- مبارك للعروسين وكفاية رغي بقا ابقوا ارغوا في بيتكم
الله يبارك فيك يمعلم عقبالك بحد يستحمل غلاستك
لا عادي يبابا انا اختارت خلاص بس يارب توافق
– مين يعم سعيده الحظ إلى بتتمنالها توافق دي ؟
“جميلة سيد نعمان”
اسلام بتعجب’ مين جميلة سيد نعمان؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عوض الخوف)
