رواية عودة إبليس الفصل السادس عشر 16 بقلم رشا منصور

رواية عودة إبليس الجزء السادس عشر

رواية عودة إبليس البارت السادس عشر

رواية عودة إبليس الحلقة السادسة عشر

عزيز….
روحت عند أمير ولقيته كان بدء ينام قولت له أنا ع الفجر هروح أشوف الأولاد وهقضي بعض الوقت معاهم ياريت لو حد سأل عليا تقول إنى روحت المستشفى علشان عندى شغل مهم
ورجعت تاني أوضتي في أنتظار ظهور نورين
نورين…
كنت متابعه تصروفات عزيز وحاسه بوجود جن آخر في المكان والغريب ان مافيش حد منهم متابع سهي
معقول يكونوا شاكين فى تصروفات عزيز ولا ياتري بيحموا عزيز مننا في أسئلة كتير محتاجه أجوبة
حان وقت الظهور … عزيز جئت في الموعد المحدد مستعد
عزيز. ..
أكيد أنا في انتظارك من بدري ومشتاق أقضي بعض الوقت في عالمك ..
سهي….
صحيت من النوم الفجر وقومت خرجت من الاوضه اللى نايمة فيها أنا وماما علشان اتوضى ولمحت ضوء قوى خارج من تحت باب اوضه الدكتور عزيز وبعد كدا الضوء اختفي تماما
روحت اتوضيت وصليت الفجر وفضلت أقول الأذكار
وبعدين وأنا قاعدة ابتديت احس بحركه بره خرجت أشوف مين
جدتى….
صباح الخير يا سهي صاحية بدري ليه محتاجه حاجه أعملها لكي قولي يابنتي أوعي تتكسفي مني
سهي…
صباح العسل يا تيتا أنا متعودة اصحي بدري أصلي الفجر واقرء القرآن بس لحظت ان مافيش مصحف في الاوضه ولا فى الصاله
جدتى…
مافيش غير مصحف واحد بس في أوضتي محدش بيقرأ قرآن ولا بيشغله غيري بس لما يكون عزيز مش موجود
سهي…. ليه هو الدكتور عزيز مانع القرآن
جدتى..
لآ ابدا ده موضوع قديم كدا بصي أنا هقولك بأختصار بس ده سر بينا متحكيش عليه لحد لأن عزيز بيضايق
مامت عزيز كانت ست مبروكة ربنا أداها الهبه تقدر تعالج الناس من السحر والجن وفى مرة قدرت تكشف عن مكان كنز وخدت شهادة تقدير من الدولة حارس الكنز ده فضل معاها علشان يحميها من الناس اللي كانت عاوزة تطمع فى الكنز ولما ولدت عزيز اكتشفنا أنه ورث شويه من مامته بيقدر يحس او بيعرف حاجه قديمة حصلت ومن وقتها كنت بلاحظ أنه بيتعب لما بيسمع صوت القرآن علشان كدا بطلت اشغله خالص طول ما هو موجود
سهي….
اة ربنا يحفظه ع العموم اعتبريني معرفش حاجه وشوفي لو محتاجه حاجه أعملها قبل ما نمشي أنا هصحي ماما ونروح
أمير. ..
واضح ان فى ناس بتاخد قرارات من نفسها
طب مش ع الأقل الناس اللى اخدتك من البيت هى اللى توصلك
جدتى….
هو فى حد ضايقك يابنتي ده أنا نفسي تفضلوا ع طول العيال دى هيسافرو وهفضل لوحدى ده أنا مبسوطة بوجودكم معايا
سهي….
لآ والله يا تيتا بالعكس أنا مبسوطة بوجودي معاكم بس بصراحة أنا محتاجه حاجات خاصه علشان كدا قولت نروح بيتنا
وع فكرة يا أمير أنا مكنتش هخرج ألا لما أقولك الأول
جدتى….
أنسي الكلام ده ويلا روحى حضري الفطار وبعد كدا تبقي خدى أميرة وهاتي كل اللي محتاجاه وانت يا أمير روح صحي أخواتك وامك يلا وفكروا في فسحة حلوة كدا
أمير….
عزيز نزل من بدري راح المستشفي اتصلوا عليه علشان فى حالة مهمه وروحت اصحي ماما وأميرة
عزيز….
وإنا بتكلم مع نورين لقيت نور قوى مكنتش قادر أفتح عيني وبعدها لقيت نفسي في مكان بتفوح منه رائحة تشبه العطر وزهور في كل مكان
ولقيت بوابه بعيدة وفضلنا ماشين أنا ونورين ولقيت شكلي اتحول ل عزازيل معرفش ازاى حاولت أرجع لشكلي البشري معرفتش
حاولت أطير مش قادر حسيت بالعجز بصيت ل نورين لقيتها مبتسمة سألتها إيه اللي بيحصل
نورين ….
الأرض اللي ماشي عليها بتظهر حقيقه كل واحد بجانب انت ع أرض الجن المسلم وأي حد غيرنا بيفقد قدرته تماما
واول ما وصلنا ل بوابه المملكة خليته يلبس حذاء وعبائه ودخلنا مع بعض علشان يقدر يعدى من البوابه دون ان يصعق
عزيز….
ممكن تفسير للي بيحصل ده واستغربت لما قالت ليا بعدين هتفهم
واتفاجات بكائنات وأنواع كتير من الجان متقدرش تميز ملامحهم من قوة النور ودخلت من بوابات كتير لحد ما وصلت قدام باب ب لون الفضة ومجسم فيه أشكال زوهور وكلام كتير
تقريبا كدا دى الأسماء الحسني كنت بشوفها منتشرة فى عالم الأنس
ولقيت نورين قالت ليا أنتظر إلي ان يأذن لك بالدخول
نورين…
دخلت لمجلس الحكماء وكان الحكيم لقمان فى الأنتظار
سيدى لقد وصل الهجين ولكن لي سؤال أتمني أن أجد تفسيره عندك
الحكيم لقمان … اتفضلي
نورين….
عند وصولنا ع أرض البيان تحول عزيز إلي عزازيل في الحال مع العلم أنه هجين وكان المفروض يحتفظ بشكلة البشري
الحكيم لقمان ….
لإنه هجين المفروض يكون 50% بشري والنصف الآخر جني
لكن بتحويل شكله ده معناه أنه اكتسب قوة من الجن جعلت نسبة الأنس أقل وأصبح جني مكتسب شكل البشر فقط
واضح ان إبليس اللعين. راضي عنه ومعني أنه يطلب المقابله ده معناه أنه طلب إبليس. أو لعبه لصالحه
كل حاجه هتبان عند وقوفه ع بساط الحقيقة خليه يدخل ويقعد ع الكرسي اللى فوق البساط وانصرفي
نورين….
استأذنت وخرجت علشان امر بدخول عزازيل وبعد التحية طلبت منه الجلوس ع الكرسي
عزازيل….
فضلت منتظرأمام البوابة لحد ما دخلتني نورين ولقيت واحد عجوز ولكن تحس من شكله انه قوى وفى نور أبيض محاوطه او خارج منه مش عارف ولابس عبائه بيضاء وله دقن ناصعه البياض
قولت له لك مني التحية لذو الطلعه القويه
نورين…. قول سلام الله عليك ورحمته وبركاته
عزازيل…. مين !
ولقيته شاور ل نورين وبعدها خرجت وأشار لي بالجلوس
قعدت ع الكرسي وفضلت ساكت مش عارف المفروض إيه اللقب بتاعه ولا اسمه
الحكيم لقمان….
أنا الحكيم لقمان بلغني أنك تريد التعلم والمعرفة وهذا أمر غريب عليكم يا تري إيه اللي عاوز تعرفه وليه
عزازيل….
أنا رشامنصورعمري ما سمعت عنكم وحتى لما ظهرت نورين مكنتش عارف هى تطلع إيه أول مرة أشوف جن فيه نور أبيض حواليه ولما سألت عرفت ان الجن المسلم أقوي منا
القوى دى فى أيه يعني الطيران ولا فى السحر ولا إيه بالظبط
ومين اللي بيمنحكم القوى
أنا قوتى من إبليس المخلد لكن انتوا مين إلهكم اللى عنده القوى وياتري لو طلبت منه لازم اقدم له قربا.ن ولا له طلبات وطلاسم. مختلفه
الحكيم لقمان…
طول ما عزازيل بيكلم عيني ع بساط البيان هى سجادة ذو اللون الأخضر وعند الكذب بتبدأ تتغير لونها بالتدريج حسب حجم الكذب
والغريب ان البساط لم يتغير لونه ده معناه أنه صادق
قولت له أريد ان اعلم أولا أذا امتلكت المعرفه ماذا ستفعل بها
عزازيل. ..
أتعلم أكون قوي زيكم ويبقي معايا قوة إبليس وقوتكم
الحكيم لقمان…
وهل ستعلم إبليس قوتنا إم ستعطيه قوتك
عزازيل…. أفضل الاحتفاظ بالإجابة عن السؤال لنفسي
الحكيم لقمان…
لك ما تريد ولكن أريدك ان تعلم أنه لايمكن لنسل إبليس الدخول هنا ولولا العبائه والحذاء ودخول نورين معك كان زمانك صعقت.
عزازيل.. يعني أنا دلوقتي مش متراقب منهم ولا من …
الحكيم لقمان.. لا منهم ولا من إبليس نفسه انت هنا وحدك فقط
عزازيل… اطمنت وقولت له علمني أنا محتاج القوة ضروري
الحكيم لقمان….
موافق أعلمك ولكن بشرط تجاوبني ع اسألتي بصراحة
عزازيل… موافق
الحكيم لقمان ….
لو امتلكت قوتنا بالإضافه إلي قوتك ولكن كان تمنها ان ناخد من عمر كل واحد من أولادك خمسين سنه
ويموت. اولادك وتحصل ع أعمارهم بجانب القوة وتتزوج وترزق بأولاد وتاخذ من أعمارهم وهكذا ماذا ستفعل بكل هذه القوة
عزازيل….
انت بتقول إيه عاوز تديني القوة ع حساب اولادى لآ مش تلزمنى قوتك اولادى عندى بعشيرتك كلها ولا يلزمني تعليمك اتعصبت عليه وقومت وجيت اخرج
لقيت حاجه مثبته رجلي في الأرض وفجأة لقيت الحكيم لقمان واقف أمامي وقالي مش من الأدب أنك تنصرف بدون إذن منى
ولقيت نفسي ارتفعت عن الأرض واتحدفت ع الكرسي بقوة. وحسيت إنى مكتف مش قادر اتحرك أنا ضعيف جدا مش عارف حتى احرك جناحي
الحكيم لقمان.. ..
متحاولش تقاوم انت أضعف مما تتخيل أنا سألت السؤال ده علشان أعرفك حاجه واحدة بس
ان كل اب مستعد يضحي. علشان يحافظ علي حياة اولادة تقدر تقولي أذا كان إبليس قوى زى ما أنت معتقد ليه مش قادر يمد فى حياة أولاده وبيسيبهم بيموتوا.
إذا كان آله بصحيح ليه مش قادر يبعد الموت عن أولاده ليه مش قادر يمنحهم الخلود ويعيشوا معاه ع طول
عزازيل….. معرفش بس يمكن مش عاوز حد يشاركه الالهيه.
الحكيم لقمان…
أفهم من كدا ان كل واحد قوي يموت أولاده علشان مش يشاركوا الملك طب كان بيخلفهم ليه
عزازيل…..
قصدك أن إبليس معندوش القدرة أن يمنح أولاده الخلود بس هو قدر يمنح ل نفسه الحياة الابدايه
فجأة لقيت نفسي قادر أتحرك تاني ولقيت الحكيم بيبتسم لي
الحكيم لقمان….
أنا خلصت اسألتي ووافقت ع تعليمك ابتداء من الغد والآن انصرف
عزازيل….
انحيت رأسي وقولت شكرا ولقيته بيقولى الشكر لله
خرجت وأنا مش فاهم إيه المقصود ولقيت نورين واقفه عند البوابه وفجأة لقيت نفسي في أوضتي بس حسيت اني ضعيف ودايخ وعاوز اناااااام 😪😪😪