رواية عهد الفاروق الفصل الاول 1 بقلم دعاء زينة

رواية عهد الفاروق البارت الاول

رواية عهد الفاروق الجزء الاول

رواية عهد الفاروق الحلقة الاولى

/صوت ايه ده ي عطر
_مش عارفة ي بنتي والله مالناش دعوة يلا متأخرين
/استني بس ليكون فيه حاجه
وسبت عطر، وأتحركت ناحية القاعة اللي جاي منها الصوت، وهنا اتمنيت أني كنت سمعت كلامها ومشيت ومهتمتش، شوفت أخر حاجه كانت ممكن تخطر على بالي، حاجه قطعت قلبي، وشلت تفكيري، وعقدت لساني، وجمعت سيول من الدموع في عيني اللي رافضة تنزل…. بقلم #دعاء_زينة
_ي بنتي في ايه
/ولقتها قطعت كلامها بعد ماعينها شافت اللي شوفته، وشدتني وأتحركنا بعيد شوية
_عهد عهد حبيتي أهدي، خدي نفسك براحة محصلش حاجه لكل ده
/في سري… محصلش حاجه، هي إزاي قادرة تقولها بالسهولة دي، ازاااي، إزاي محصلش حاجه وأنا شايفة الشخص الوحيد اللي اتمنيته دون عن رجالة الدنيا واقف وواحدة بترقصله وبيعملوا حركات أقل ما يقال عنها قذ”رة، إزاي محصلش حاجه وأنا من ساعة ما عيني وقعت عليه مبدعيش بحاجه غير بيه، تلات سنين جامعة تلات سنين وأنا صاينه قلبه لأجله، لساني لا كل ولا مل عن الدعوة بيه وليه، وفي الأخر ايه بالسهولة دي محصلش حاجه، بصيت ل عطر وسكت وأنا حرفياً مش قادرة أنطق بكلمة بقلم #دعاء_زينة
_عهد حبيبتي أنا عارفة أنتي حاسة بإيه بس والله هو مش شبهك ولا ينفعك أصلا، ده واحد مستهتر، ضارب الدنيا جزمة، كل يوم مع بنت، مينفعكيش وأنتي عهد زينة البنات كلهم، ملتزمة بشرعك وعارفة حدودك ايه كويس، صدقيني ميستهلكيش…
/وهنا قررت أنطق…. طب ليه ليه ي عطر ليه ربنا بلاني بحبه، ورمي في قلبي محبته، وغلف عيني عن اي راجل تاني، مدامه مش ليا ولا ينفعني، لييييييه…
ليه وأنا واخدة عهد علي نفسي لربنا أني محبش غير اللي هيكون شريكي في الرحلة، لييييه ربنا ممكن يتعبني كده مع أني بحبه أنا بحب ربنا والله ليه يعمل معايا كده
في الوقت ده حستني في حضنها بتطبطب علي…
_وربنا بيحبك ي عهد وعشان بيحبك كشفه ليكي في الوقت المناسب، عشان يقولك كفاية وفوقي مش ده اللي يناسبك ولا اللي ينفع تكملي معاه حياتك، ربنا غار عليكي ي عهد لأن اللي حطيته في قلبك خد مساحة كبيرة منه ومن تفكيرك وانشغالك بيه، ف ربنا قرر أنه يفوقك قبل ما تتعذبي أكتر في حبه
/بعدت عنها وبصيت ليه وسكت، وسبتها وروحت، دخلت اوضتي علطول وقفت قدام المراية، خلعت نقابي، وبصيت لنفسي وعيوني الوارمة من كتر العياط، حطيت إيدي علي قلبي حسيته بينز’ف ونبضه عبارة عن وجع بينغز في روحي وبس…. بقلم #دعاء_زينة
مسحت عيوني ونمت، نومي مكنش تعب اد ما كان هروب من التفكير، تفكيري في أن فعلاً أنا اديت ل فاروق حب أكبر من اللازم في قلبي، شغلت عقلي وأنا مفيش اي حاجه رسمية بينا، لييه….
كنت حاسة أني خا”ينة، خا”ينة للعهد اللي بيني وبين ربنا، وخا”ينة للشخص اللي اسمي هيرتبط بإسمه في يوم…
روحت في النوم أخيرًا بعد كم هائل من الصراعات وإحساسي اللي مش بيخلص بالذنب تجاه كل حاجه حواليا…
صحيت ببص حواليا مش فاهمة أنا فين، ولا بعمل ايه، ولا أنا الصبح ولا بالليل، من كتر وجع قلبي، والصداع اللي كان هيفرتك دماغي، قمت بصبت لنفسي في المرايا مرة تانية، حسيت إن الهم سكن القسمات في وشي، وحزني طبع علي ملامحي خلاها زي الشجرة اللي صابها الخريف في عز زهوتها ونمو أغصانها، وعيوني دبلت كما لو استنفزت كل دموع الحزن اللي جواها…
حسيت كأني مهزومة من الدنيا، كأن العالم أجمع أتفق أني لازم أخسر في أهم معركة دخلتها في حياتي….
بقلم
#دعاء_زينة
★**********★
الباب خبط ودخلت أمي…
=مالك ي نور عيني
/ماليش ي ست الكل تعبانة بس شوية
=سلامة قلبك ي عين أمك، عندي ليكي حتة خبر إنما ايه هيطير من الفرحة وهينسيكي كل التعب
/افرحيني ي غالية
=معتز أخوكي راجع النهاردة بالليل
/عيوني دمعت وكأني استغلبت الفرصة، بجد ي ماما
=اتخضت عليا ومسحت عيوني وخدتني في حضنها، بجد ي عيون أمك مالك
/مفيش بس هو وحشني اوووي
=اهو جاي اهو ي ستي واشبعي منه براحتك، هو كان عاوز يعملها ليكي مفاجأة بس مقدرتش أخبي عليكي
/تسلميلي ي غالية بجد كنت محتاجة خبر زي ده اووي
=طيب أسيبك تقومي تصلي العصر قبل ما المغرب يأذن، وترتاحي لحد ميعاد وصوله
بقلم دعاء زينة
/هزيت دماغي ب حاضر وسابتني وخرجت، اتنهدت بفرح ممزوج بالوجع اللي قلبي حاسس بيه، كنت محتاجه معتز اووي أخويا الكبير سندي في الدنيا أنا وأمي بعد مو*ت بابا الله يرحمه من تلت سنين، حاسة أني هلاقي في حضنه الراحة والأمان اللي خسرتهم مرة واحدة النهاردة…
المغرب أذن ويدوبك خلصت صلاة وسمعت صوته برره، خرجت بسررعة، أترميت في حضنه شلني ولف بيا وأنا الدنيا مش مساعني من الفرحة حرفياً
/حمدالله على السلامه يا معتز
^يسلملي قلبك ي عين معتز، عندي ليكي حتة خبر
/خير
^عريس
=بجد ي ابني
^لا ومش اي عريس ي ماما ده ابن صاحب الشركة اللي أنا شغال فيها كمان
=واسمه ايه وبيشتغل ايه
^اسمه فاروق طارق الألفي، وبيشتغل ايه فهو لس
/قطعته بصريخ… مستحييييييل
ماما ومعتز بصدمة….😳