رواية عمياء وسط الذئاب الجزء الثاني الفصل الحادي والعشرون 21 بقلم محمد طه

_نوره_
مين ده..
_(وقربت من الكرسي المتحرك وكشفت الغطا..
وشافت علي وعرفت انو مي.ت)_
_الدكتوره_
اتفضلي حضرتك معايا ع المكتب..
وأنا هشرحلك على كل حاجه
_نوره بانفعال وغضب_
لو كنتي شرحتيلي على كل حاجه من الأول..
ما كانش الغلبان دا ما،ت..ليه خبيتي عليا..
ليه ما قولتيليش على كل حاجه
_الدكتوره بتأنيب ضمير_
مكنتش متخيله إن الحكاية توصل للمو،ت
_نوره بغضب_
وأهي وصلت للمو،ت..
وراح فيها شاب لسه ف بدايه حياته..
ذنبو إيه يمو،ت بالشكل ده..ذنبو إيه
_(الدكتوره والدموع بدأت تتجمع ف عنيها)_
_الدكتوره_
أنا اللي مسؤوله عن اللي حصل..
ومستعده لأي مسائله قانونيه
_نوره بهدوء_
يا دكتوره..حضرتك دكتوره وأنا ظابط..
إنتي مينفعش تعملي شغلي..
وأنا مينفعش أعمل شغلك..
إنتي مهمتك تعالجي الناس..
تعالجي سمير اللي بين الحياه والمو،ت ده..
وأنا مهمتي أطارد الناس دي.. وارجعلكم نور..
وأقضي على شبكه الإجرام دي
___________________________
__(المقر الرئيسي للباشا الكبير)__
_(في الطرقه ميري وفهد)_
_ميري بلهفه وقلق_
أختي فين يا فهد
_فهد_
الأول قوليلي..وصلتي لحد فين ف مراقبه هبه
_ميري_
هبه خرجت من السجن..ونزلت ف بانسيون..
وأنا دلوقتي كل اللي شالغلني أختي..
أختي فين يا فهد
_فهد_
أختك فين أو بيتعمل معاها إيه..معنديش معلومات..
لكن بأكدلك إنها لسه عايشه
_ميري بقلق_
يعني إيه بيتعمل معاها إيه..
إنتو بتعملوا إيه ف أختي..
_(وتعلي صوتها)_ بتعملوا إيه ف أختي
_فهد بحده_
وطي صوتك..
أختك غلطت.. وغلط كبير..
عايزه بقي الباشا يعمل معاها إيه..
_(ويعلي صوته)_ يضايفها
_ميري باستعجال_
الباشا فين يا فهد..الباشا فين
_فهد_
الباشا ف إنتظارك
_(في غرفه الباشا الكبير)_
_ميري بهدوء_
يا ريت حضرتك لو أختي تحت أي وسيله تعذ،يب..
تأمر بوقفها..وأنا جاهزه للي حضرتك هتأمر بيه
_الباشا_
متخليش خوفك على أختك يغلطك..
إنتي ليكي رصيد كبير عندي يا ميري..
بس الرصيد دا يشفعلك إنتي بس..مش لأختك..
وأختك غلطت وهتحاسب على غلطها..
وأنا معنديش واحد يغلط وغيره يحاسب
_ميري_
أيوه يا باشا بس دي أختي..
وأختي لو غلطت يبقي دا تقصير مني..
يبقي أنا اللي لازم اتحاسب مش هيا
_الباشا_
ميري إنتي عارفه أختك عملت إيه..
أختك قت،لت واحد من اصحاب نور..
واختارت أضعف واحد فيهم..
الواد اللي رجله مقطو،عه..
وكل دا من غير إذني..
يعني أختك أتخطت جميع الخطوط الحمرا
_ميري_
يا باشا أكيد فيه حاجه غلط..
مستحيل أختي تعمل كده..
دا أكيد فخ من نور..عشان تخلص من سهيله..
بس أنا مش هسمحلها تأ،ذي أختي
_الباشا_
نور لحد دلوقتي متعرفش باللي سهيله عملته..
والواد فعلا ما،ت..وأنا أتأكدت بنفسي
_ميري ف سرها_
ليه بس كده يا سهيله تحطيني ف الموقف ده..
_(وتعلي صوتها)_ طيب والحل إيه يا باشا..
أكيد يعني مش هتضحي بأختي..
دي لسه صغيره ومش عارفه هيا بتعمل إيه
_الباشا_
أنا لو هضحي بأختي..
ما كانش زمانها عايشه لدلوقتي..
بس أختك محتاجه إعاده تأهيل من أول وجديد
_ميري_
طيب ممكن أشوفها وأطمن عليها
_الباشا_
لأ يا ميري..وموضوع أختك دا..
أنا عايزك تنسيه خالص..
عشان تعرفي تركزي ف شغلك
_بقلم…محمد طه عبد المجيد
_ميري_
يا باشا أنا مش هعرف أركز ف أي حاجه..
قبل ما أشوف أختي وأطمن عليها..
أرجوك خليني أشوفها
_الباشا بعد تفكير _
حاضر يا ميري..هخليكي تشوفيها..
ومش هطلب منك إنك تعقليها..
بس هطلب منك إنك تخو،فيها..
عشان سهيله لازم تخاف عشان تعقل
_ميري_
حاضر يا باشا..
وأوعدك إن اللي حصل مش هيتكرر تاني
_الباشا_
عملتي إيه ف المعلومات اللي طلبتعا منك نور
_ميري_
إديني عشر دقايق..
وهكتبلها كل المعلومات اللي طلبتها..
_(وتقول ف سرها)_ ما أبقاش ميري..
إن ما قضيت عليكي يا نور..
قبل ما تقضي عليا أنا وأختي
_______________________
__(في المستشفى غرفه سمير)__
_نهله_
تفتكري يا أم محمد الظابط نوره دي..
هتقدر توصل لنور
_أم محمد_
والله يا نهله أتمني إنها توصل لنور..
بس أنا حاسه إن الدكتوره قلقانه منها
_نهله بقلق_
إيه.. ممكن ما تطلعش ظابط..
وتطلع مع الناس اللي خط،فو نور..
تصدقي ممكن..أنا كمان عمري ما شوفت..
أو سمعت عن ظابط بنت
_أم محمد_
إيه يا نهله اللي بتقوليه ده..
لأ فيه ظباط بنات كتير..
ويمكن أشطر من الرجاله كمان
_نهله_
طيب قلقانيين منها ليه بقي..
إحنا ما صدقنا حد ظهرلنا يساعدنا
_وفجأه نهله جاتلها نغزه ف قلبها..
ودقات قلبها بدأت تذيد
_وحطت نهله إيدها على قلبها..
ومش قادره تاخد نفسها..
وكأن روحها بتتسحب منها وعنيها بدأت تدمع
_أم محمد بخوف وقلق_
مالك يا نهله فيه إيه..مالك يا بت
_نهله بأنفاس متقطعة_
مش عارفه يا أم محمد..مش عارفه..
حاسه إن روحي بتتسحب مني
_أم محمد جريت تفتح ستاير الغرفه..
وباب البلكونه عشان تهوي الغرفه
_وأول ما فتحت باب البلكونه..
شافت ف حوش المستشفي..
الدكتوره والظابط نوره وسمر وشاكر..
_وشافت علي وهوه على الكرسي المتحرك..
ووشه كان مكشوف وبحكم شغلها كممرضه..
عرفت إنو مي،ت اتصدمت وحركتها إتشلت
_ونهله أول ما أم محمد فتحت باب البلكونه..
بدأت تتحرك عشان تخرج ف البلكونه تشم هوا..
عشان مش قادره تاخد نفسها..
_وأول ما وصلت البلكونه شافت المنظر هيا كمان..
وشافت علي وهوا قاعد على الكرسي المتحرك..
ومبيتحركش..بصت لأم محمد لاقتها مصدومه..
وبتبكي..ورجعت تبص تاني ل علي
لاقته ما بيتحركش صرخت بإسمو..
بصوت مدبوح واغمي عليها
__(في حوش المستشفي)__
_نوره_
إسمعي يا دكتوره..
أنا هبعتلك ظابط من القسم يعمل محضر بالحادثه..
ويا ريت تستعجليلي تقرير الطب الشرعي..
وأنا هروح دلوقتي لمكان الحادثه..ولما أرجع..
عيزاكي بقي تحكيلي من الأول خالص..
على كل حاجه وبالتفصيل..
_(وتبص لشاكر)_ أنته تعالا معايا
_شاكر يبص للدكتوره..
وظاهر على وشه الخوف والقلق
والدكتوره تهز راسها بالموافقه إنو يروح معاها
_وبعدين يطلعوا ج،ثه علي للمشر،حه..
وسمر تروح على غرفه سمير..
والدكتوره تعلق محاليل لنهله..
وأم محمد منهاره من العياط على علي..
وشاكر إبنها اللي أخدته الظابط نوره
_أم محمد بانهيار_
هوا إيه اللي حصل يا دكتوره ل علي..
وشاكر إبني الظابط أخدته ليه..
هوا شاكر ليه علاقه بمو،ت علي
_الدكتوره بوجع_
علي الله يرحمه..وحقه مش هنسيبه..
واطمني على شاكر..هوا راح مع الظابط..
عشان يوصلها لمكان الحادث ويساعدها..
لو احتاجت مساعدته ف تفريغ الكاميرات
__________________________
_(المقر الرئيسي للباشا الكبير غرفه نور)_
_فهد_
المعلومات اللي طلبتيها عن الزبون جاهزه
_نور ف سرها_
على بركه الله.._(وتعلى صوتها)_ أنا سمعاك……….