رواية عمارة العفريت الفصل الثاني 2 بقلم ميرا محمد
رواية عمارة العفريت الجزء الثاني
رواية عمارة العفريت البارت الثاني
رواية عمارة العفريت الحلقة الثانية
خالد فتح الباب قال بصدمه:اميرر
امير:ازيك يا خالد عامل اي
خالد و هو على نفس الصدمه:الحمدالله انت اللي كويس
امير وهو بيدخل البيت:اه كويس اطمن بس عربيتي اتعطلت ومفيش حد فاتح ولا في مواصلات وكنت قريب منكم قولت ابات عندك للصبح
خالد:تنور يا حبيب اخوك
هنا كانت واقفه على باب اوضة خالد وهي مازالت خايفه
خالد:هنا تعالي متخفيش دا امير ابن عمك هو الي كان بيخبط
هنا طلعت وهي خايفه ومدت ايدها عشان تسلم على امير:ازيك يا امير
امير مسك ايديها وداس عليهم جامد شويه لدرجه انها اتألمت بس مبينتش عشان خالد
امير:مالك يا هنا انتي تعبانه
خالد:لا هي مش تعبانه بس هي خافت اصل انت دايما بتجيلنا الصبح ف كانت فاكره ان الاشباح بتخبط
امير بنظرات غريبه بالنسبه لهنا:مش عيب يا هنا تبقي كبيره وتخافي من الاشباح
هنا خافت من نظراته وقالت:عن اذنكم انا هدخل انام
خالد:نامي في اوضتك يا هنا وانا وامير هنام في اوضتي
هنا بسرعه:لا انا هنام معاك وخلي امير ينام ف اوضتي او اوضة الضيوف
خالد:ماشي الي تشوفوه
امير:انا هدخل انام تصبحو على خير
خالد وهنا:وانت من اهله
وكل واحد دخل ينام مكانه تاني يوم الصبح خالد قام من النوم عشان يروح الشغل وصحى هنا عشان تحضر له الفطار هو و امير عشان يروحو شغلهم
خالد:هنا قومي يا هنا قومي يا بنتي هتأخر على الشغل
هنا بنوم:هي الساعه كام
خالد:11قومي بقى حضري الفطار عشان افطر انا وامير ونمشي
هنا:وهتسبني لوحدي
خالد:انا مش عارف انتي خايفه من اي
هنا: انا مش مرتاحه يا خالد
خالد:من اي بس دا حتى الشقه حلوه اهي و واسعه اي بقى الي مش مرتحاله
هنا:خلاص يا خالد انا كلمت حلا قولتلها تيجي تقعد معايا كام يوم لان اهلها مسافرين
خالد بفرحه:بجد دي هتبقى احلى حاجه عملتيها ف حياتك يا هنون
هنا بضحك: طب خليك تقيل شويه كدا البت تتغر علينا
خالد :مش وقت الكلام دا انا اتأخرت
هنا :طب صحي امير وانا هروح اجهز الفطار
خالد:ماشي
خالد طلع وراح على اوضه هنا عشان يشوف امير ملقهوش دور عليه ف الشقه ملقهوش:شكلو كدا سبقني طب حتى كان يقولي
هنا بأستغراب:بصراحه مش عارفه امير ماله امبارح كان هادي جداً غير عادته
خالد :عندك حق ممكن تكون في حاجه مزعلاه يلا افطر واروحلو
راحو يفطرو ولسه بيسموا لقوا الباب بيخبط خالد قام يفتح لقى حلا قال:دايما بتيجي على الاكل كدا
حلا وهي بتزقه وبتدخل:نينينينيني اوعى ياض
خالد بصدمه:يااااض انا يتقالي ياض؟!!!
حلا وهي بتاكل قالتله:اه فيها اي يعني
خالد وهو بياخد مفتيح عربيته قال:انا نازل قبل ما ارتكب جريمه قتل هنا
هنا بضحك:مش هتفطر يبني
خالد:لا هفطر مع امير فالشغل
هنا:مع سلامه متتأخرش
خالد:ماشي يا قلبي وقفل الباب ونزل
حلا:هو زعل ولا اي
هنا: لا هو اتأخر على الغشل كلي كلي عشان اقولك على الي حصل امبارح
__________________________
نروح لخالد ف القسم
خالد دخل القسم وراح على مكتبه بيفتخ الباب وبيدخل لقى امير ف وشه
خالد بخضه:يخربيتك انت مش هتتهد غير لما تجبلي ساكته قلبيه
امير بضحك:فدايا ياقلبي
خالد بغيظ منه: ابو شكلك صحيح انت مشيت امته وليه مصحتنيش قبل ماتمشي
امير بسخريه:على اساس انا بصحيك من النوم كل يوم كنت الداده الي جبتهالك ماما
خالد بغيظ من كلامه:ولا متعصبنيش
امير بضحك :حااضر
خالد :عملت اي ف عربيتك
امير:مالها عربيتي
خالد:هي مش كانت بايظه امبارح
امير بضحك:بايظه مين الي ضحك عليك وقالك كدا
خالد: انت
امير :هو انا شوفتك اصلا
خالد: انت عبيط يلا اومال مين الي كان. بايت معانا امبارح
امير رفع حاجبه بأستغراب:بايت فين انا طول اليوم كنت نايم في بيتي ومخرجتش غير الصبح
خالد:نعم اومال مين الي كان بيكلمني امبارح وش لوش
امير بهزار:ابقى غطي نفسك كويس
خالد بعصبيه:امير انامش بهزر انت جيت صح
امير بأستغراب:لا والله لوجيت كنت قولتلك
خالد بصدمه: اومال مين الي جيه.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عمارة العفريت)
تعليق واحد