رواية قدر العاصفه الفصل السادس عشر 16 بقلم أسماء الطبلاوي
رواية قدر العاصفه الجزء السادس عشر
رواية قدر العاصفه البارت السادس عشر
رواية قدر العاصفه الحلقة السادسة عشر
(ختم السائق كلامه اثناء اعترافه بكلمه مبهمه بالنسبه لعابد فما الذي من الممكن ان يكون قد حدث اكثر من هذا ليقول..
عابد: يا ريتها جت على قد كده ازاي..؟؟؟ امال ايه اللي حصل تاني..
السواق: بعد كل السنين دي كان عدى كام سنه على الموضوع ده رجعتلي تاني الست ماجده تقولي انها شافت ست نسايم في مكان مع راجل شكله غريب عنها وادتني عنوان المكان وقالتلي ادبر ناس تراقبه وتعرف منه هي فين وعملت كده ولما الراجل رفض ان هو يقولنا مكان الست نسايم… الست ماجده امرتني ان انا اموته بس انا وقتها قلت يا روح ما بعدك روح ورفضت… قلتلها كفايه على قد كده انا ما بنامش وقتها بعد ما اخذت العلقه التمام من رجالتها اجرت رجاله تانيين راحوله ومسكوه كتفوه في وسط الترب وسقوه السم غصب عنه والله يا عابد باشا ده كل اللي اعرفه..
( كان امجد يستمع لكل ذلك وعقله لا يتحمل ولا يستوعب هل كل تلك الكوارث افتعلتها والدته بمساعده شقيقته ليكمل عابد..
عابد: طيب يا رجاله واضح ان هو عارف مكانه خدوه…. ااااااه يا ماجده منك ااااه مش عارف اوصفلك انا نفسي اعمل فيكى ايه بس اللي مانعني عنك ومخليني امسك نفسي ابنك اللي واقف ده وكمان عشان اعرف منك الباقي بس هسمع اول من الست الممرضه اللي المفروض انها ملاك الرحمه اشوف عملت ايه هي كمان..
الممرضه: انا ايه يا باشا انا كل اللي عملته اني نفذت امر بسيط الست ماجده دي جاتلي بعد ما طلبتها من تلفون الست نسايم اللى كان اسمها متسجل عليه باسم اختى ماجده…وقولتلها اختك جتلنا المستشفى فى حاله حرجه قالتلى اختى مين قولتلها معرفش اسمها ايه بس هى مسجلاكى عالفون ماجده اختى فكلمتك عشان تيجى فقالتلي انا جيالك حالا….وبعد ما جت قالت انها صاحبتها بس اكتر من اخوات و انها خرجت غضبانه من بيت جوزها و قالت انها هتاخدها هتسفرها بره مصر تتعالج لما انا بلغتها انها لسه ما فقتش من الحادثه قلتلها لو محتاجه سفر جوزها يصفرها هو قالت لا مؤاخذه ان جوزها قفشها مع راجل علشان كده هي هربتها من البيت وعملت حادثه وانك لو هي فاقت مش هتسفرها بره تتعالج بالعكس هتقتلها فضلت تترجاني لحد ما وافقت وادتني فلوس كثير وقالتلي حلاوت نجاتها من الحادثه وقالتلي كمان اخرجها من الباب الخلفي بتاع المستشفى على اساس انها جثه يعني وانى رايحه اسلمها لاهل المتوفي وان هي هتاخدها من بره بره ده كل اللي انا عملته بس..
عابد بالم: ايوه الباقي بقى عندك يا ماجده هانم ازاي نسايم وصلت للقبر..؟؟؟ ازاي اتدفنت وهي حيه….؟؟؟ ازاي جالك قلبي تعملي كده في صاحبه عمرك..؟؟؟؟ خدعتينا ازاي كلنا كل السنين دي….؟؟؟؟ ما تنطقي ولا اتخرستي..
( تحدثت ماجده وهي تتصنع الحزن والصدمه من كل ما يدور حولها لتقول..
ماجده: عابد مفيش حاجه من دي صح انا ما عملتش كده ما تصدقهمش…. امجد قوله ان انا مظلومه ومش ممكن اعمل حاجه من دي…
روما برعب: اونكل عابد انا مليش دعوه بيها هي تعمل اللي تعمله انا مليش ذنب انا مليش علاقه بالموضوع ارجوك صدقني..
عابد: اتكتموا انتوا الاثنين وكاني هصدقكم يعني بعد كل ده..
( امسك عابد ماجده من رقبتها يخنقها بغضب وهو يقول..
عابد: انطقي يا ماجده لا اطلع روحك كملي بقيت عمايلك القذره انطقي سمعي ابنك امه المصونه عملت ايه ونزلت لانهي مستوى بعد ما رفعتها لمستوى ما كانتش تحلم بيه..
(اخذت ماجده تسعل بقوه كادت ان تموت لتقول بتقطع…
ماجده: هنطق يا عابد (كح كح) هنطق سيبني بتخنق( كح كح)
عابد: كملي ومن غير كذب احسنلك احسن المره الجايه والله هطلع بروحك في ايدي..
ماجده: انا بعد ما اتفقت مع الممرضه على خروج نسايم كان في فعلا يومها جثه هتتسلم لاهل المتوفي سبتهم ياخدوها هي على انها الجثه وشلت الجثه الثانيه شوهتها و رمتها فى مكان الحادثه وانت دفنتها على انها نسايم…. واللي استلموا نسايم من الممرضه دفنوها بشكل طبيعي وخلصت منها وانا فعلا اللي عملت كل اللي قالوه ده بس انا عندي اسبابي يا عابد..
عابد: وانتى وبنتك كمان اللي رميتوا انين من فوق السلم عشان تموتوها صح…؟؟ عملتوا كل ده ليه يا ماجده دمرتوا حياتنا ليه انطقي…
ماجده: نسايم هى السبب هى اللى خدتك مني عشان كده عملت كل اللي عملته انا كنت بتمناك ليا انا وهي اللي خدتك وانا اتجوزت رشوان الزفت مساعد بابا وبعد ما خلصت من النسايم فكرت كل حاجه هتبقى ليا وانت كمان وفضلت وراك كاااااااام سنه لحد ما اقنعتك نتجوز بكل الطرق بس ازاي طبعا ماجده لازم يبقى لها في كل خرابه عفريت ولازم يطلعلى حاجه تنكد عليا حياتي وطلعتلي الملعونه بنتك دي من تحت الارض ونكدت عليا عيشتي ومررت حياتي كل حاجه في ايدها هي حتى كل حاجه انت كاتبها باسمها….. هي اللي اجبرتني ان انا احاول اخلص منها بدل المره 1000 على مدار السنين دى… وكل ده عشان اضمن مستقبل عيالي واضمن عيشه حلوه ليا وافضل جنبك طول الوقت…. هي كده كده خربانه تعرف حتى سامر انا اللي حدفته في سكة روح وانين عشان يمرر عليهم حياتهم ويوترهم طول الوقت لحد ما ظهر عاصف الزفت ده وخرب كل حاجه هو وصاحبه الاهبل لما لحق انين من تحت النجفه ولحقهم كمان من ضرب النار اللي حصل حتى وقعة السلم لحقها منها ونسايم عاشت في بيته زى التعبان ورجعها تاني البيت وصلح كل حاجه وهدلي كل اللي انا بنيته لو في حاجه واحده اندم عليها هي اني ما قتلتش عاصف ده هو وصاحبه وارتحت منهم…
( فور ما ان انهت ماجده الحديث توجه امجد نحوها وصفعها بقوه ثم هوى بصفعه اخرى على وجه شقيقته ليوجه حديثه لماجده قائلا..
امجد: المفروض ان ايدي دي كانت تبقى عكازك بقيت عمرك لما تكبري زي العكاز كده اللي كانت انين ماسكاه واللى كنتوا بتعايروها بيه طول الوقت و انتوا السبب فيه… بس للاسف انتى مش ام زي باقي الامهات علشان اعمل كده انتى اجبرتيني اتحط في موقف زي ده وكمان ندمانه انك ما قتلتيش اصحاب عمري واخواتي…!!! وبنتك كمان كانت بتساعدك وخليتيها شبهك لا و بمنتهى الوقاحه بتغلطى فى ابويا اللى عيشك عيشه شريفه….انا ياماااا وقفت فى وشك انتى و بنتك عشان تفوقوا من الغل اللى انتوا فيه و ياما حاولت اقرب منكوا عشان تتقوا الله وانتوا مفيش فيكوا فايده حتى الراجل وبنته اللى مشفناش منهم غير كل خير عملتوا فيهم كل ده….حسبي الله ونعم الوكيل…بجد انا قرفان منكوا… عابد باشا انت عارف اللي يعمل كل ده يستحق ايه انا ماشي عشان صاحبي في المستشفى ولازم اطمن عليه يلا يا فريد الصلاحيات معاك كلها يا عابد باشا…
( لم تكن تلك قسوه من امجد بالعكس فهو من وجهة نظره ان السجن سيقوم بتقويم و بتهذيب اخلاق والدته وشقيقته ولم يكن بيده شيء يفعله غير ذلك فهو لم يرى من عابد او انين اي شر عكس ما اظهروه والدته وشقيقته ليكمل عابد الحديث قائلا..
عابد: استنى يا امجد من غير صلاحيات هم عارفين مكانهم فين ورايحين من غير تذكره…
وبالانتقال للمشفى بعد مرور ثلاثه ايام سطعت الشمس على وجه ذلك الوسيم النائم ليبدا في فتح عيناه ببطء شديد يحاول ان يرى حوله ليقع نظره على عينان يعرفها جيدا ككف يده لتقول..
نسايم: عاصف يا حبيبي حمد الله على السلامه كل ده حارمني من نور عينيك يا ضنايا..
حياه: عاصف عامل ايه يا قلب اختك كل ده نوم وحشتني اوي..
( اراد عاصف الاعتدال ليرى من حوله ليجد يدان يعلمهم جيدا كانوا يدان امجد وفريد يقوموا باسناده ورفعه وتقويم الوساده من خلفه باهتمام ليقول فريد..
فريد: ايه يا عاصفه الكلام ده ثلاث ايام يا جدع وما هبتش…. قصدي ما صحتش…
امجد: هههههه اتهد يا فريد حمدالله على سلامتك يا معلم الدكتور قال يومين ويفوق انت استحلتها ولا ايه اجمد بقى عاوزين نتجوز..
(فتح عابد الباب حاملا معه الفواكه وبرفقته الطبيب يدخل مبتسما يقول..
عابد: الدكتور قالي ان احتمال عاصف يفوق النهارده قلت اروح العزبه اجيبلك فاكهه اول قاطفه حمد الله على السلامه يا عم كل ده نوم..
روح: حمد الله على السلامه يا ابيه عاصف ربنا ما يعيدها ايام تاني ويديك الصحه يا رب..
( نظر عاصف لهم جميعا نظره مطوله ليسمع الصوت الذي اراده وكانت انين وهي تخرج من الحمام الخاص بالغرفه..
انين: اخيرا الوحش صحي قلقتني عليك بتهيألي انت هتقوم وانا هرقد مكانك الف حمدالله على سلامتك يا عاصف..
نسايم: بعيد الشر عنك يا حبيبتي قولها حاجه يا عاصف دي بقالها تلاث ايام قاعده جنبك كده لا اكلت ولا نامت ولا رجعت البيت..
عاصف بابتسامه: صحيح الكلام ده يا انين.. يعني اخيرا اتضح اني اهم من القطه..؟؟؟
انين بجرأه:هههههه اخيرا اتضح انك اهم من نفسي حتى يا عاصف بس انت اللي مش حاسس..
عاصف مبتسما: يبقى لازم اقوم بسرعه بقى عشان احس قد ايه انا مهم عندك بالذات… وكمان علشان اعرف اشكر الكل على وقفتهم جنبي كل الفتره دي..
انين: انت هتستهبل ده احنا اللي مستنينك تقوم علشان نشكرك على كل اللي عملته معانا يا عاصف..
( وبعد خروج عاصف من المشفى عاد الجميع لفيلا عابد الجراح جلست نسايم اول شخص مع عاصف بمفردهم لتقول له..
نسايم: عاصف انا عاوزاك تعرف حاجه مهمه جدا قبل ما نبدا نعيش حياتنا بشكل طبيعي ان أنا مهما حصل في حياتي جديد او قديم انت وحياه ولادي وهتفضلوا اولادي لحد ما اموت بلاش كلمه نسايم هانم اللي بتحرق قلبي دي وارجع قولي ماما زي الاول علشان خاطري..
عاصف: سلامة قلبك يا ماما مفيش حد يقدر يزعلك طول ما انا موجود على وش الدنيا ولا حتى انا..
( احتضن عاصف نسايم بحب حقيقي لتاتي انين قائله..
انين: ممكن تسيبهولي شويه بقى يا ماما لو سمحتي عاوزاه في موضوع مهم..
نسايم: كله ليكي يا قلب ماما قولي اللي انتى عاوزه تقوليه انا هقوم بقى..
( جلست انين بجانب عاصف وامسكت بيده بقوه وهي تقول..
انين: عاصف اللي عرفته عنك انك انت سند لاي حد ولكل اللي في حياتك… وانا نفسي ابقى سندك بجد وابقى.. قصدي يعني اني عايزاك تبقى……
عاصف مبتسما: بحبك…. ههههههه ما تبحلقيش كده بعينك الحلوه دي ايوه قلت بحبك… حتى العاصفه عندها قلب ومشاعر يعني وبتعرف تحب مهيش غريبه…دنتى حتى وش الخير عليا ادينى هشتغل فى اكبر مستشفى فى البلد بعد ما اتصيطت على حس عمليتك ههههههه…
انين: ايه ده… ليه كده…. انت نطيت كده ليه…. على فكره انا كنت مجهزه كلام كبير اقولهولك يعني وكده…..وبعدين من غير صيت ولا حاجه انت تستاهل كل خير والله..
عاصف بضحك: ههههههه طيب يا ستي اعتبريني ما قلتش حاجه خالص وانتى……..
انين مقاطعه: بحبك ههههههه بصراحه كل اللي عاوزه اقوله يتلخص في كلمه بحبك هقول ايه تاني..
عاصف: ههههههه انا بقول ارزعك بوسه دلوقتي بس للاسف مضطر اصبر شويه..
( ليتقدم فريد وامجد مقتحمين الغرفه فجاه دون استئذان ليقولوا معا..
فريد وامجد: واحنا بنقول ترحمنا بقى واتجوزنا ربنا يخليك يا عاصف ويخليلك اولادك..
( نظم عابد الجراح فرح من اضخم ما يكون يضم عرس عاصف وانين♡ وامجد وحياه♡ وروح وفريد♡ كانت الفرحه عارمه لا توصف يرقص الجميع ويحتفل بهذا اليوم السعيد بينما كان عابد يمسك بيده نسايم بقوه يميل اليها قائلا..
عابد: واحنا كمان هنعمل فرح اكبر من ده يا روح قلبي اما نخلص منهم بس ونزحلقهم عاوز اعوض ال 17 سنه اللي ضاعوا من عمري وانتى بعيد..
نسايم بضحك: ههههههه بس يا عابد احنا كبرنا على الكلام ده احنا لسه هنعيده تاني..
عابد: بقى كده..!! طيب يا نسايم انا هروح ادي العرسان الهدايا بتاعتهم وارجع اشوف موضوع كبرنا ده يعني ايه.. قال كبرنا قال ده انا اهد حيط بايدي.. راجعلك ثاني راجعلك..
( ذهب عابد الى حيث يجلس امجد وحياه ليعطي امجد علبه قطيفه قائلا.
عابد: الف مبروك يا عريس خلي بالك منها انت بتاخد وردتنا افرمك لو زعلتها دي اخت الغالي..
امجد: في عينيا يا باشا ده انا ما صدقت خدتها من بين سنان عاصف ما تقلقش..
(ترك عابد امجد وهو يضحك وتوجه لفريد يعطيه علبه قطيفه ايضا ليقول..
عابد: الف مبروك يا وحش دلوقتي بقى روح في امانتك بقيت بادي جارد وزوج كمان ده اوبشن ده ولا ايه 😂
فريد: بتوصيني على ايه وصيها هي عليا والنبي خليها تبعد الكائنات الغريبه اللي هي بتربيها دي عني…و ما تقلقش روح دي في قلبي والله..
(ذهب عابد تاركا اياهم يضحكون وتوجه لعاصف يمد يده اليه قائلا..
عابد: والله يا عاصف انا عاوز اجيبلك الدنيا كلها بس انا ما لقيتش ليا عين اجيبلك اي هديه اغلى من ساعه ابوك اللى انين جبتهالى فى عيد ميلادى يوم ما شوفتك… قلت لازم ترجع لايدك تاني… وكمان انت اخذت بنت قلبي مفيش اغلى من كده بقى خلي بالك منها عشان خاطري..
عاصف مبتسما: ساعه ابويا…. وجابهالي ابويا يا باشا…. وبعدين ما تقلقش انين دي روحي وبعد كده العاصفه دي مش هتقوم غير عشان تحمي انين وبس..
انين بضحك: ههههههه عاصفة قلبي يا ناس… تعيش وتحمي الكل يا حياتي يا رب..
( انهى الجميع الحديث وتوجهوا لحلبة الرقص وظلوا يرقصوا ويحتفلوا بفرحه ستدوم طويلا دون تعب وفي النهايه نجحت العاصفه في حصد السعاده التي لطالما تمنتها…
♕تمت♕
لقراءة الرواية كاملة اضغط على : (رواية قدر العاصفه)
