رواية عشق الأدهم الفصل السادس 6 بقلم إنجي محمود
رواية عشق الأدهم الجزء السادس
رواية عشق الأدهم البارت السادس
رواية عشق الأدهم الحلقة السادسة
فيروز.قوليلى يا دكتوره إزاي اتخلص من اللى أنا فيه ده أنا مش قادره استحمل خلاص هي عايزه مني إيه
نهله.اقولك عايزه منك ايه عايزاكي ضعيفه زي ماانتي وتقدر هي تتحكم فيكي أما انتي فلا ماتقدريش تمنعيها مره واحده انها تسيب حياتك
فيروز.دي أختي
نهله.بس ميته مش عايشه إلا في عقلك انتي بس ولازم تتعالجي قبل ماتعمل حاجه تندمي عليها يا فيروز
فلاش باك
روز.فيروز اوعديني هنفضل اخوات دايما وماحدش يقدر يفرقنا
فيروز.عمر ما حد هيفرقنا أبدا أنا وانتي واحد
فاطمه.يلا يا حبايبي هتنزلوا تلعبوا تحت وخلوا بالكوا من نفسكوا
فيروز.ماما صحابنا بيتقريقوا علينا لأننا ملتصقين وأنا مش عايزه أنزل تاني
روز.ماحدش يقدر يعملك حاجه وانا معاكي ومش هنفرق بعض أبدا
فاطمه.سمعتي أختك اهي عايزاكي شجاعه زيها وإن شاء الله لما الفلوس تكمل هعمل العمليه ليكوا وتبقوا طبيعين
روز بعصبيه.ماما أنا بحب كده ومش هسيب فيروز أبدا
بكت فيروز لأنها لا تستطيع أن تتحدث خوفاً من أختها
في الأسفل
كانوا الاطفال يلعبون ويصيحون سويا
فيروز.روز أنا عايزه اطلع تعبت وكمان احنا مش عارفين نجري زيهم جرينا تقيل
روز.ههه لا طبعاً تعالى نجرب ونشوف لو جرينا سوا ونتعود على ده وجذبت أختها وظلت تجري بعنف ولم تنتبه للسياره القادمه أمامها
وانصدموا بها
التفوا الأهالى حولهم وطلبوا الاسعاف وذهبوا للمشفي
فاطمه.استر يارب استر ورجعلى ولادي
حماد.اهدي يا فاطمه البنات هتبقي كويسه
فاطمه.انت تسكت خالص انت السبب يلا روح لمراتك اللى فضلتها عليا أنا وبناتك
حماد.اللى حصل حصل بقي وبعدين أنا مقصرتش معاكي ولا مع بناتي
فاطمه.الكلام خلص خلاص وأهم حاجه عندي يقوموا بالسلامه
بعد قليل خرج الطبيب
للاسف واحده منهم حالتها خطر جدا ولازم نعمل عمليه الفصل حالا علشان منأثرش على التانيه
فاطمه ببكاء.يا حبيبتي يا بنتي طب وفي أمل يا دكتور إن التانيه تعيش
الدكتور.الاعمار بيد الله استعينوا بربكوا وإن شاء الله خير
حماد.والعمليه مكلفه كام يا دكتور
الدكتور.تقريبا ١٠٠الف جنيه
فاطمه.مش مهم المهم بناتي
الدكتور.خلاص أنا هجهز للعمليه
حماد.وانتي جبتي الفلوس دي منين
فاطمه.وانت مالك يا أخي ده انت بارد ثم تركته وذهبت
بعد عده ايام
روز بتعب.ماما ليه فصلتينا يا ماما
فاطمه ببكاء.علشان صحتكوا يا حبيبتي
فيروز وكانت بصحه جيدا.انا فرحانه اوي يا ماما هقدر العب واجري مع صحابي
روز بغضب.انت السبب يا فيروز أنا دافعت عنك علشان كده العربيه خبطتني أنا وأنا مش مسمحاكي على أي حاجه وعاجبك بقيت مشلوله اهو
فيروز.انا ماليش دعوه أنا ماعملتش حاجه
فاطمه.يا حبايبي اهدوا ده قدر ربنا
وظلت الأمور كما هي حتي تعبت روز بسبب أعراض العمليه وتوفيت
بقلمي إنچي محمود
باك
نهله.واديكي دافنه نفسك ومحمله نفسك ذنب موت اختك
فيروز.انا السبب هي ماعاشتش حياتها زي فكان لازم نفضل سوا علشان ترجع تحبني تاني
نهله.موضوعنا طويل يا فيروز بس أهم حاجه الادويه في ميعادها واوعديني يا فيروز جربي تعيشي ولو يوم واحد بس لنفسك انتي مش هي
فيروز بإبتسامه جميله.ههحاول يلا سلام يا دكتور ونتقابل إن شاء الله المره الجايه وأكون احسن
نهله.من كل قلبي أتمني ده يا فيري
فيروز.ده احسن من روز
نهله.ههه خلاص مش هناديلك اللى بده بعد كده
ثم انتهي اللقاء بينهم وذهبت فيروز إلى منزلها
فيروز.ماما
فا طمه.قلب ماما اتاخرتي كده ليه يا حبيبتي
فيروز.كنت في مشوار كده بقولك يا ماما عايزه مفتاح اوضتي أنا وروز
فاطمه بصدمه.ليه يا فيروز إحنا مش خلصنا من الموضوع ده
فيروز.يا ماما صدقيني أنا اتعالجت من وقت ماكنتي معايا أنا عايزه أشوف الاوضه بس
فاطمه.امسكي بس ماطلعيش حاجه كل حاجه سيبيها زي ماهي
فيروز.حاضر
ثم دخلت الغرفه واخرجت ملابسها هي واختها وتذكرت طفولتها معها ثم اخرجت اسكتش الرسم
فيروز.ياه ده أنا نسيت إنه كان حلمي وعملت على حلمك انتي يا روز أنا اللى عملت في نفسي كده أنا هشوف نفسي ومش هحاول إنك توقفيني تاني ثم نظرت إلى إصبعها ورأت خاتم الزواج
فيروز.ياتري أدهم حب مين فينا بأنهي شخصيه تعرفي أتمني اكون أنا عالاقل أكون عملت حاجه مفيده
وفي تلك الأثناء رن أدهم عليها
أدهم بإرتياح.ايه يا فيروز كنتي فين ومابترديش ليه
فيروز.معلش كان الموبايل صامت وماشوفتهوش عايز حاجه
ادهم.وحشتيني
فيروز.امممم
أدهم.ايه اللى اممم انتي مراتي على فكره وكمان عايز اخرج معاكي
فيروز.بس أنا مش جاهزه
أدهم.لا افتحي الباب وخدي الهديه دي ويلا خلال ساعه هبقي عندك
فيروز.ادهم انت مجنون مش عايزه اخرج
أدهم.براحتك هاجي وهاخدك بلبسك عادي ثم أغلق الهاتف
فيروز.مجنون
ثم اخذت الهديه وفتحتها واخرجت منها فستان اسود لامع وعليه حجاب وبعض الاكسسوارات الهاديه
فيروز.واو يجنن بس يا تري هنروح فين ثم لبست وجهزت نفسها وكانت غايه الجمال
فريده.اش اش الجميل رايح فين
فيروز.مع أدهم
فريده.يا بختك يا عم مش زي بابا نويل اللى معايا اخره الكورنيش وبيبقي ناقص يعمل لجنه واحنا واقفين
فيروز.احب اعرفك إني بخرج مع أدهم علشان جوزي أما انتوا مخطوبين فمينفعش تطلعوا لوحدكوا ولازم تقرأي اكتر عن ضوابط الخطوبه
فريده.حاضر علشان مااعملش أي حاجه حرام ويبقي زواجنا بركه إن شاء الله
فيروز.يارب يا حبيبتي
بعد قليل وصل ادهم
فاطمه.نورت يا حبيبي بس كان الأفضل ترتاح شويه لحد اما تخف
ادهم.انا كويس يا ست الكل تسمحيلى بقي اخد فيروز
فاطمه.طبعا فيروز وام فيروز كمان
ادهم.لا أنا دلوقتى عايز فيروز بس انتي للمهام الصعبه يا جميل
الجميع.ههههه
ثم خرجت معه فيروز وركبت سيارته
فيروز.حاسس بإيه يا حبيبي بقيت احسن
أدهم وهو ممسك يديها أنا هفضل طول عمري كويس وأنا معاكي يا روحي
فيروز.ادهم أنا عايزه اعترفلك بحاجه
أدهم.تؤتؤ مافيش كلام خالص دلوقتى احنا النهارده مفأجات بس
فلاش باك
فيروز.انا لازم احكي لادهم كل حاجه وهو عايز يصدق يصدق أو كل واحد يروح لحاله
نهله.ماتستعجليش في الموضوع ده
باك
ثم وصلوا على متن يخت في البحر
فيروز.واو ده ليا أنا ثم نظرت على اسم اليخت وجدت اسمها
فيروز.ادهم أنا بحبك اوي
ادهم بغموض. مش أكتر مني
ثم نزلوا من السياره وطلعوا على اليخت ووجدت فرقه تعزف موسيقي هادئه
ادهم.تسمحيلى بالرقصه دي بدل كتب كتابنا
فيروز.طبعا
ادهم.فيروز بتحبيني
فيروز.اوي اوي
ادهم.وعمر لسه بتحبيه
فيروز باستغراب.لا طبعاً
أدهم.اصل يا حرام طلع هو اللى ضرب عليا النار هو وهنا صحبتك شكله بينتقم
فيروز بخوف.وانت عرفت منين
أدهم.مش مهم أعرف منين انتي نسيتي أنا مين يا هانم ياللى كنتي عايزه تقتلى جوزك
فيروز ببكاء.ادهم أنا
ادهم.انتي هتشوفي أيام اسود من اللى انتي لابسه ده يا روز
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشق الأدهم)
