رواية عشق ادمى قلبها الفصل الأول 1 بقلم شروق حسام

رواية عشق ادمى قلبها الجزء الأول

رواية عشق ادمى قلبها البارت الأول

رواية عشق ادمى قلبها الحلقة الأولى

_ وانت بقي يا حلو خنتني ليه فقير ومعكش فلوس وعايز تبقي غني ولا امك غصبتك ولا حبيتها ولا كنت عارفها واحنا مع بعض ها قولي قولي ولا شغل التار ولا العار ”
تميم بوجع ” يا حسناء حاولي تفهميني أنا مش بحبها انا بحبك انتي وبس احنا بقي لنا مع بعض 3 سنين مش عارفة تستحمليني سنة واحدة بس كمان ”
حسناء بسخرية لازعة ” عادي هستناك وهستني لحد ما تتجوزها ومراتك كمان تبقي حامل وتخلف مرة واتنين وثلاثة وانا هفضل زي الاستبن مستنياك مش كده ”
كملت برفعة حاجب ” ما ايه رأيك تتجوزني عليها بالمرة واهو زي ما هي حرقت قلبي انا هحرق قلبها وهي لسه عروسة جديدة ”
_” عارف انا كنت دايما بشوف فيديوهات وروايات عن الأبطال اللي بتخون وكنت دايما بقول في نفسي يابت سيبك من الكلام الفارغ ده مش حقيقي وتميم حبيبك مستحيل يعمل حاجة زي كده ”
كملت بإبتسامة مصطنعة ” ها اقول ايه بس انا مش هلومك ولا هعاتبك دي حياتك وانت حر فيها ”
تميم بكسرة ” طب وحبنا ”
_” هو انت ليه محسسني انك كنت مسافر 10 سنين وراجع وشفتني مخطوبة وغدرت بيك فوق يا تميم انت مجرد واحد خاين زيك زي باقي الرجالة ”
_” بس دي مش غلطتك انت دي غلطتي انِ ضيعت وقتي وحبي واهتمامي مع واحد زبالة زيك ”
خلصت حسناء كلامها وقامت مسكت شنطتها وضربته بيها علي وشه بكل قوتها وبعدين سابته وخرجت من المطعم
حط ايده علي وشه بوجع وقام بسرعة لحقها مسك دراعها
تميم بحدة ” اهدي بقي يعني ينفع اللي عملتيه ده ”
حسناء بصراخ ” اه ينفع وابعد عني احسن ما أصوت وألم عليك الناس ”
_” أنت أصلا مين هو أنا أعرفك أنا معرفش أنت مين أنت مش تميم اللي أنا أعرفه أنت مجرد واحد أناني مش هامه غير نفسه مش هامك حتي كسرتي ”
_” اهدي بس يا حسنائي ”
حسناء بجنون وصوت عالي لفت أنظار اللي حواليها ” متقوليش حسنائي أنا مش حسناء حد ”
_” بجد عايزة أضرب رأيي في الحيط ندمانة علي الساعة اللي رديت عليك فيها من 4 سنين ”
خلصت كلامها وسابته ومشيت
…………..
بعد شهر
حاول فيه تميم يفهم حسناء الموضوع بس هي مكنتش قابلة أي كلام منه وعملت له بلوك كذا مرة بس هو كل مرة بيجيب رقم جديد وبيكلمها منه
_” آخرى اللي بتعمله ده آيه ها قولي ”
_” كل خير ان شاء الله اديني فرصة واحدة بس اسمعيني ”
قبل ما تقول أي كلمة كان هو بدأ كلام
_” أنتي طبعا عارفة انِ كنت خاطب قبل كده ”
حسناء بضيق ” اه وماتت ”
تميم بتنهيدة ” لا طلعت عايشة أهلها كدبوا عشان يغطوا علي موضوع الهدايا والدهب اللي جبته وباعوه وسافرنا بعدها بعيد عشان كده استغربت ساعتها انِ مشوفتش جنازتها ”
حسناء بسخرية ” بجد ياتميم صدق اتأثرت شوف شوف لقد فرت دمعة من عيناي ”
كمل متجاهل سخريتها ” جت لي من فترة لما عرفت ان معاد جوازنا قرب بس متقبلتش منها أي كلام وبعدها أهلها عرفوا انها جت تشوفني فبهدلوها وشوهوا جسمها ”
_” يا حرام ”
تميم بتنهيدة ” فأبويا قالي اتجوزها فترة عشان أهلها وهي جت اترجتني كتيير ”
كمل بوجع ” حاولي بس تصبري عليا واحتسبي ده كله عند ربنا وأنا بوعدك انِ مش هقرب منها مهما حصل “