رواية عشقي الوحيد الفصل الأول 1 بقلم أسيل

رواية عشقي الوحيد الجزء الأول

رواية عشقي الوحيد البارت الأول

رواية عشقي الوحيد الحلقة الأولى

كانت قاعده ياسمين في اوضتها جالها تيلفون وردت
عايده..لو عاوزه تشوفي خطيبك وهو فحضني وفي شقتي تعاليلي عالعنوان دا ***
ياسمين بعدم تصديق..انتي مين يا ست انتي وبتقولي اي…
عايده..لو مش مصدقاني تعالي دلوقتي ونتي تشوفيه…وقفلت قلقت ياسمين وقالت لنفسها..مستحيل عادل يعمل فيا كدا …وخرجت من اوضتها للصاله لقت اخوها حسام قاعد لوحده …
ياسمين..حسام..بابا وماما فين
حسام وهو ماسك الفون..راحو مشوار وزمانهم جايين….
ياسمين..طب بقولك اي..في واحد لسه مكلماني دلوقتي التروكولر جايبها عايده ..قالتلي لو عاوزه تشوفي خطيبك وهو فحضني تعالي وادتني العنوان….مش عارفه اعمل اي
حسام..طب متيجي نروح نشوف مش هنخسر حاجه…
ياسمين بتوتر..لا لا طبعا عادل مستحيل يعمل كدا….بس ممكن نروح عشان نتأكد…..قومت لبست ولفيت طرحتي وكنت مش مصدقه طبعا بس كان جوايا احساس بيقولي روحي اتأكدي…خرجت لقيت اخويا لبس وجهز وخرجنا مع بعض وكنت قاعده طول الطريق قلقانه يطلع صح لان اللي بيني وبين عادل مش مجرد حب ..دا عشق وكمان كان فرحنا كمان شهر واحد بعد سنتين خطوبه عرفتو ف الكليه كان اد اخويا حسام أكبر مني ب3 سنين …اخويا حذرني منو كذا مره انو بتاع بنات بس كنت بحبه ومصدقتش…فوقت من ذكرياتي علي صوت اخويا وهو بيقولي ..انزلي..نزلت من العربيه وفضلت باصه عالعماره ونفسي اطلع ملقيهوش فوق مش عاوزه دي تكون نهايتنا…طلعنا فالاخر ولقينا باب الشقه موراب وسمعنا صوت ضحكه جايه من بنت ..مشينا تبع الضحكه دي وفتح اخويا الباب لقيناهم مع بعض فالسرير وحاضنها وقامو بسرعه اول ما شافونا ..اخويا مسكه وفضل يضرب فيه …انا حطيت ايدي علي وشي ونا بعيط جدا وقلبي مقهور ورحت صرخت..سيبو ياحسام..ومسكت اخويا…يلا بينا نمشي من هنا
خرجنا وفضلت انا مصدومه طول ما احنا ماشيين لحد ما وصلنا البيت دخلت علي اوضتي مش عاوزه اتكلم مع حد نفسيتي زي الزفت حاسه اني خلاص عاوزه اموت ..هتفضل أوجع ذكري فحياتي بجد سمعتهم وهما بيتكلمو برا مش طايقه اسمعهم فضلت اخبط فالسرير بغلل وقهره لحد ما تعبت ونمت…صحيت الصبح علي صوت باب اوضتي بيخبط وكانت مريم أقرب صاحبه ليا وكمان خطيبه اخويا…
مريم وهي بتواسي ياسمين..متزعليش يحبيبتي والله ميستاهلكيش صدقيني …..
طبعا دا كلو كلام مواسيه ونا قاعده سامعها ولا كأني سامعاها العقل ساعتها بيكون مشلول انك تشوف اكتر حد بتحبه في موقف زي دا شئ صعب..معداش وقت كبير ورن جرس الباب سمعت صوت عادل برا…
عادل ..فين ياسمين…عاوز اتكلم معاها
حسام بعصبيه..انت اتجننت يلا انت ..غور بقا من هنا ….خرجت بكل ثقه عكس اللي جوايا..
ياسمين..استني انت ياحسام.. عاوز اي يعادل…
عادل..ياسمين ..كلنا بنغلط …ونتي لسه بتحبيني
ياسمين..ماما لو سمحتي هاتيلو حاجته من جوه …
عادل..ياسمين انتي حته مديتنيش فرصه اتكلم
ياسمين ومقدرتش تسيطر علي نفسها ودموعها نزلت..امشي يعادل انت كسرتني ..امشي انا مش هكره حد فدنيتي ادك..
وجات امها بحاجتو وادتهالو…..بصلها نظره حزن جدا وقالها..ياسمين
ياسمين..امشي يعادل..امشي بقااا
خرج عادل من البيت ومستحملتش هي الكلام دا وبقت رجليها مش شايلاها فاغم عليا و…..
🌹🌹🌹🌹🌹🌹🌹🌹🌹🌹🌹
الفصل الثاني
اغم عليها من كتر قهرتها وشالوها واتلمو عليها أهلها برعب وخوف عليها وشالوها حطوها عالسرير وجابولها دكتوره وادتها حقنه وخرجت قالتلهم عندها اكتئاب شديد..ياريت لو في حاجه مدايقاها من المكان هنا تغيرو …عن اذنكم ..ومشيت
حسام..وبعدين يجماعه الزفت دا ساكن في الشقه اللي قصادنا
الام بزعل..انا هتصرف يبني متقلقوش..مش هسيب بنتي كدا عمري…
وعدي اسبوع ع الكلام دا ديما ياسمين في اوضتها مش بتخرج وديما سرحانه مش بتاكل كويس حاسه انها اخدت اكبر مقلب في حياتها ….
دخلت لها امها معاها صنيه اكل..اي يحبيبتي مش هتاكلي بقا
ياسمين..مليش نفس..
الام بزعل..يبنتي متوجعيش قلبي عليكي بقا….سكتت ياسمين وفضلت باصه فالارض
الام..طب بصي..انا عندي ليكي فكره حلو…اي رايك لو ترحي عند خالك القاهره ..انتي عارفه انو بعد ما مراتو اتوفت وهو ساب
اسكندرية من سنين واخد ولاده وراح عاش هناك…اي رايك بقا لو تروحي هناك وهو تغيري حو كدا وتريحي أعصابك…
بصتلها ياسمين باهتمام..طب وكليتي….
الام..هننقلهالك هناك ..كداكدا فاضلك سنه وحده ف الكليه…..وافقت ياسمين لأنها حست انها فعلا عاوزه تغير مكان خوصا ان عادل معاها في نفس العماره ومش هتقدر تشوفو ادامها….وعدي يومين وحضرت شنطها وراحه هي واخوها عشان يوصلها لمحطه القطر وخرجو من العماره لقت عادل ماسك في ايد بنت وبيقولها..يلا يحبيبتي عشان تسلمي علي حماتك…
حست ياسمين احساس غريب مش قادره توصفو وحطت ايديها علي قلبها ولا حظ اخوها..
حسام..ياسمين..مالك في اي
مردتش عليه ياسمين ولقت نفسها بدون اراده قلعت جزمتها وراحت علي عادل وفضلت تضربو بالجزمه اتلم الشارع كلو وبتضربو منغير اي كلام واخوها جري عليها شدها من عليه
عادل بغضب شديد..اي اللي عملتيه دا يحيو*انه
ياسمين بزعيق شديد..دا اللي تستهلو يق*ذر ..اتف*وو علي منظرك
حسام..خلاص يياسمين ..اهدي يحبيبتي…….واخدها ومشيو وفضلت هي تهدي في نفسها وبعد كدا راحو محطه القطر
حسام..مكنش ينفع اللي عملتيه دا يياسمين
ياسمين.. مقدرتش امسك نفسي….
حسام..عالعموم خلاص عدت علي خير..المهم حاولي تنسي يحبيبتي…حاولي وهتقدري انا واثق فيكي…
هزت راسها ياسمين بدون كلام واخدها في حضنه وبعد كدا مشيت وركبت القطر وفضلت تعيط بدون صوت بدموع بس لكن جواها بتصرخ…خرجت من القطر ونزلت لقت فونها بيرن رقم غريب….الو
عمر..الو يياسمين..انا عمر ابن خالك…
ياسمين..اه. اه…انت فين
عمر..اطلعي برا هتلاقيني….خرجت فعلا ولقيتو واقف وهي كانت ماشيه بمنتها البطء مما نرفزته…
عمر بنرفزه..اي…كل دا متخلصي يبنتي
ياسمين بهدوء..معلش مكنتش قادره امشي
عمر بزهق.. طب اخلصي يلا واركبي….
ياسمين فقدت اعصابها..هو نت بتتكلم معايا كدا لي…محترم نفسك
عمر بعصبيه..انا اللي احترم نفسي..اخلصي بقا زهقتيني…
ملك بزعيق..اخر*س بقا انا علي اخري ومش ناقصاك…
حاول يهدي عمر..طب خلاص آسف..بس ممكن نمشي بقا..بصتله نظره مش مفهومه وركبت العربيه ور*زعت الباب
عمر ببرود..براحه يا انسه لو سمحتي ياست هانم ع الباب….بصتله ياسمين بقرف لأنها مش قادره تتكلم اصلا….وصلو البيت وكان عباره عن فيلا جميله جدا وكبيره دخلو ……
عمر..دي الاوضه بتاعتك..وشاورلها..اطلعي بقا رتبي حاجتك وكدا علي ما خالك يجي من الشركه
هزت راسها ياسمين بدون كلام وطلعت ع السلم وقابلت شهد بنت خالها واخت عمر…
شهد بمنتها التناكه..اهلا ياسمين.. شرفتينا
ياسمين..اهلا يشهد…سابتها شهد ومشيت بابتسامه صفرا…..
ياسمين لنفسها..ملها دي….وطلعت رتبت حاجتها وفضلت طول اليوم في الاوضه …وهي قاعده مع ذكرايتها بتكتب روايات حزينه….الساعه جات 12 وقالت هنام بقا…لسه جايه تنام سمعت صوت ضرب نار تحت…