رواية عشقي الاول والاخير الفصل الثامن 8 بقلم أسماء مجدي
رواية عشقي الاول والاخير الجزء الثامن
رواية عشقي الاول والاخير البارت الثامن
رواية عشقي الاول والاخير الحلقة الثامنة
هنا راحت الكليه تاني يوم بعد اللي حصل وكانت ملامحها باهته وساكته معظم الوقت عكس طبيعتها المرِحه اللي بتتكلم كتير
شيرين بقلق: مالك يا هنا ؟!….فيه حاجه حصلت ؟
هنا بتحاول تبتسم ومتبينش حاجه عشان شيرين متقلقش عليها : لا ابدا يا شيري …انا بس مرهقه شويه …لما نخلص المحاضرات هروح اريح بقا
شيرين : ماشي يا هنا ….ولو اني مش مصدقاكي ومتأكده ان فيه حاجه …بس مش هضغط عليكي …مستنيه تيجي تفضفضيلي وقت ما تحبي
هنا ببتسامه باهته : متقلقيش يا شيرين عليه ….يلا بينا بقا عشان المحاضره هتبدأ
خلصوا محاضره وهم طالعين لقت عمر بيتصل عليها بصت اسمه ف التليفون ومردتش عليه وعملت التليفون صامت
وحطته ف الشنطه
عمر رن كذا مره ولقاها مردتش عليه
عمر بيقول بينه وبين نفسه : اكيد اتضايقت من اللي حصل امبارح لما حضنتها وكمان فريده شفتنا …وانا نزلت ورا فريده عشان أراضيها ومرجعتش لهنا عشان اتأسفلها على اللي حصل
لأني مكنتش عارف اودي وشهي منها فين …كنت محروج اوي ومكنتش قادر اواجهها 🤦🏻♂️
_بس انا حسيت لما حضنتها احساس غريب اوي …..احساس جميل اوي معشتهوش قبل كده ….وكنت ف قمه سعادتي ومش عايزها تبعد عني …. لما تجاوبت معايا وبادلتني الحضن ….انا مش عارف انا عملت كده ازاي ؟
بس ده اكيد زي ما قولت لفريده أن ده بس اندفاع عشان كنت حاسس اني طاير من الفرحه من فرحتي أن حصل إنجاز كبير ف شغلي وكمان أنها وقفه جمبي وحست بيه
_يا سلام متأكد أن ده حصل بالغلط ؟!🙄
تقصد ايه ؟…ايوه طبعا
_ يعني كل اللي حاسس بيه ده …ومش شايف انك بتحبها !
لااااااا طبعا …انا بحب فريده …وانا وفريده خلاص هنتجوز الشهر اللي جي ….وبحبها ومتأكد
وهنا هتأسفلها على اللي حصل وبس
عمر حاول ينهي الكلام بينه وبين نفسه ويحاول يبطل تفكير ويركز ف شغله
بعد اربع ساعات
هنا كانت قاعده ف اوضتها وبتفتكر اللي حصل
سمعت الباب بيخبط وامها فتحت وسمعت صوت عمر
قلبها دق جامد كأنها عامله عامله وخصوصا بعد ما افتكرت الكلام اللي قاله ..بس حاولت تتماسك وقامت عدلت لبسها وشكلها ومسكت الكتاب وقعدت على مكتبها كأنها بتذاكر
لقت عمر ببخبط على باب اوضتها وبيستأذن أنه يدخل
هنا : اتفضل يا عمر
عمر ببتسامه عشان يحاول يخفف التوتر اللي كل واحد فيهم حسه : ايه يا عم مش بترد علينا ليه ؟
هنا بجديه ف التعامل : معلش يا عمر …كنت ف المحاضرات ومسمعتش التليفون وقتها
عمر بضيق من طريقتها ف الكلام : مالك يا هنا ؟…هو انتي زعلانه من اللي حصل امبارح ؟ …..انا قولت لازم اجي اعتزرلك عش…
هنا قاطعته ف الكلام بهدوء: مفيش حاجه يا عمر حصلت عشان ازعل ….ولا حاجه تستدعي الاعتزار …وإذا كنت تقصد عشان اللي حصل فوق السطح فأنا عارفه أن انت مكنتش تقصد حاجه …وانك عملت كده عشان انا زي اختك …مش صح يا عمر ؟!!! …هو ده اللي كنت طالع توضحهولي صح ؟!!..( قالت كلامها بجمود ولامبالاه )
عمر اضايق لما قالته كده هو اينعم كان هيقولك الكلام ده عشان يثبتلها أنه مكنش يقصد حاجه ولكن لما سمع الكلام منها زعل اوي وحسه بخنقه من كلامها
هنا : المهم عرفت توضح لفريده الموقف وتفهمت
عمر : اه الحمدلله
هنا بلامبالاه وهي بتتصنع الابتسامه : طب كويس …الحمدلله انها فهمت 😒
عمر فضل باصصلها بلوم وعتاب وساكت
هنا عشان تكسر التوتر وتغير الموضوع قامت من مكانها قالت وهي بتحاول تبتسم : انا هقوم اعمل حاجه نشربها بقا عشان نكسر الملل
قامت عملت اتنين لاتيه وجت قدمت لعمر وشغلت التليفزيون على مسرحيه فضلوا هم الاتنين ف صمت كام دقيقه وبعد كده
هنا : ايه الاخبار النهارده ف الشغل
عمر : الحمدلله
عمر : صحيح يا هنا مش حددنا معاد كتب الكتاب
هنا بتحاول متبينش وجعها ببتسامه مصطنعه: بجد؟!…امتى؟
عمر :كمان شهر
هنا : مبروك يا عمر …ربنا يتمم بخير إن شاء الله…ويسعدك معاها ( قالتها هنا بصوت مهزوز وهي ف عينيها الدموع بس حاولت تبص ناحيه التليفزيون عشان عمر ميشفش ف عينها الدموع
كانت بتعمل نفسها مركزه ف المسرحيه
وعمر كان باصص عليها وبيقول بينه وبين نفسه هنا متغيره..مكنتش كده معايا!!…هي ايه اللي مضايقها؟..مهي طلعت متفهمه الموضوع وانا اللي كنت فاكرها فهمه اللي حصل غلط بس طلعت فهمه كويس اللي كنت هقوله …. طب ايه اللي مغيرها كده ؟!
شويه وعمر قالها انا نازل بقا
هنا : ما تخليك شويه يا عمر لسه المسرحيه مخلصتش
عمر بضيق من أسلوبها : لا انا عشان سائب تليفوني تحت وزمان فريده حاولت تتصل عليه فمش عايز اقلقها عليه
هنا بتمثل اللامبالاة: طيب يا عمر مع السلامه
اول ما نزل قفلت التليفزيون ودخلت اوضتها
وقالت بينها وبين نفسها : البيه خايف على زعلها اوي 😏!!!!…
رايح للهانم عشان ميقلقهاش عليه 🙄(قالتها هنا بتريقه )
لما افتكرت عمر لما أكد بلسانه للمره التانيه أن كتب الكتاب بعد شهر عينيها امتلأت بالدموع حاولت تجمد عشان دموعها متنزلش وتفضل ثابته وقويه
هنا اتغيرت تماماً مع عمر وكلامها بقا على الأد وجد جدا ف طريقتها مبقتش مرِحه ولا بتضحك زي الاول …حتى لما يجي يتصل عليها مبقتش ترد علطول بترد كل فين وفين ومش بتطول ف المكالمه معاه زي الاول ولا بتضحك وتهزر معاه زي ما كانت
عمر كان مضايق من أسلوبها اللي اتغير ومش عارف يكلمها ازاي ولا يقولها ايه عشان يفهم منها ايه اللي مغيرها …بس هو حاسس انها بعدت اوي عنه رغم أنه بيشوفها وبيتكلموا كل يوم ولكن حاسس انها بقت بعيده اوي عنه …حاسس انها وحشاه اووووي
هو عارف انها بتحب تقعد فوق السطح بالليل وتسمع ام كلثوم زيه فكان كل شويه يطلع على امل أنه يلاقيها قاعده ويفتح معاها كلام ويغنوا سوا مع اغاني الست ..ويقعدوا مع بعض زي الاول …ولكن كان بينتظرها كتير ويلاقيها مطلعتش فبينزل لبيته تاني وهو حاسس أنه متضايق وان بقا فيه فراغ كبير ف حياته هو مش فاهم سببه
~~~~
ام هنا دخلت لهنا الاوضه عشان تتكلم معاها
ام هنا : هنا حبيبتي انتي كويسه ؟
هنا : اه يا ماما الحمدلله
ام هنا : يا بنتي لو فيه حاجه مزعلاكي قولي …انتي بقالك فتره متغيره …بتسرحي كتير ووشك باهت زي ما يكون قلبك وجعك يا بنتي …طمنيني عليكي يا حبيبتي …انا امك اكتر حد بيحس بيكي
هنا اتجمعت الدموع ف عينيها لما امها حطت ايديها على وجعها وكانت نفسها تحكي لامها كل اللي وجعها بس هي عارفه أنه مينفعش وان هي غلطتها من الاول فمسكت دموعها
وقالت : انتي بس اللي بتخافي على بنتك بزياده يا ست الكل وقامت اديتها بوسه من خدها 😘 وحاولت تغير الموضوع وقالت : انا شمه ريحه ملوخيه وفريك 😋
ام هنا: ايوه يا ستي عملتلك شويه ملوخيه خضرا وفراخ محمره محشيه فريق إنما ايه …هتاكلي صوابعك معاهم
هنا : ولسه قاعده يا ام هنا وبتتسيري معايا ف الكلام ؟ …ابنك هفتان يا حج 😹…الحقيني الا انا بقالي ساعتين مكلتش حاچه واصل 😹
ام هنا بضحك على كلام هنا : طيب يختي انا قايمه احضر …طول عمرك همك على بطنك يا بت انتي …ومع ذلك ولا يبان عليكي ولا بتزيدي ف الوزن ولا حاجه
هنا بتمثيل التكبر وبتعدل لياقه البيجامه بتاعتها: ايوا هو احنا اي اي … دي قدرات بقا 😉
ام هنا ضحكت على طريقه هنا وقامت تحضر الاكل وكلوا وبعد ما خلصوا
ام هنا : كنت عايزه اسألك عن حاجه يا هنا
هنا : خير يا ام هنا ؟
ام هنا : بالنسبه للعريس اللي متقدم بقاله فتره ده وكلمتك عنه من اكتر من تلت اربع شهور …كل شويه بيسألوني عن الموضوع وانا بقولهم انك مشغوله ف دراستك …وقولتلهم هقولكم الرد إن شاء الله قريب
ها يا بنتي قولتي ايه عشان منعلقش الناس معانا
هنا افتكرت كلام عمر عليها اللي قاله لفريده و كلامه اللي جرح مشاعرها
فقالت : بصي يا ماما ممكن نعزمهم عندنا وبالمره تبقا قاعده تعارف واتعرف على شريف وهو يتعرف عليه اكتر وان شاء الله لو تفاهمنا هوافق
ام هنا بفرحه: عين العقل يا بنتي …انا هتصل بيهم واحدد معاهم لو يناسبهم نعزمهم بكره
هنا بقلق : ماشي يا ماما
هنا دخلت اوضتها بعد ما خلصت كلام مع امها
هنا بقلق وبيدور بينها وبين نفسها حوار
هو انا اللي عملته ده صح ولا لا ؟
– وايه يعني واحد محترم وشريكي وأخلاقه عليه ايه المانع انك تديله فرصه ؟!!!
طب وعمر ؟!
عمر ايه ؟!!!…عمر ابن عمك وبس ..ولا انتي عندك قول تاني ؟
-لا بس يعني على الأقل اقوله أن فيه عريس جي بكره
لا متقوليش حاجه … دا واحد جي يقعد معاكي قعدة تعارف فلو حصل قبول سعتها تبقي تقولي لعمر عشان يقعد معاه وتقروا الفاتحه وتتخطبوا ولو محصلش نصيب يبقا خلاص ولا كأن حاجه حصلت …لكن دلوقتي ملهاش لزوم انك تقوليله حاجه
طب هو مش هيزعل مني اني خبيت عليه؟!
_ ما انتي كده كده هتقوليله ولكن لما تشوفي هيحصل قبول ولا لا الاول
ايوه ده الصح انا هعمل كده
ام هنا اتصلت عليهم ورحبوا بالفكره جدا ووافقوا على العزومه بكره..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقي الاول والاخير)
