رواية عشقها رغما عنه الفصل الثاني 2 بقلم سولييه نصار

رواية عشقها رغما عنه الفصل الثاني 2 بقلم سولييه نصار

رواية عشقها رغما عنه الجزء الثاني

رواية عشقها رغما عنه البارت الثاني

رواية عشقها رغما عنه الحلقة الثانية

-ايه ؟!
قولتها وانا مصدومة وعينيا اتملت دموع بصلي عمر ببرود وقال:
-سمعتي يا حبيبتي أنا وشاهي اتجوزنا النهاردة عايزة تبقي علي ذمتي ماشي …عايزة تتطلقي الباب يفوت جمل …
دموعي نزلت وحسيت هيغمي عليا …بصيت لعمر بحزن حسيته اتأثر للحظات بس هو مسك ايد شاهي وقال :
-عن اذنك يا حبيبتي أصل النهاردة ليلة دخلتنا وانتي عارفة بقا …
وبعدين اخدها من قدامي ودخل ….قعدت علي الانتريه وانا مش قادرة انطق للحظات…عمر عملها واتجوز….عملها وك*سرني للدرجادي أنا قللت من نفسي عشان يحبه …للدرجادي كر*هته فيا للدرجة دي ..كنت زعلانة علي نفسي اووي …
….
في الاوضة
-حرام عليك والله يا عمر البنت بتحبك شوفت ك*سرتها؟!!
قالتها شاهي وهي قاعدة علي الانتريه بحزن

-عارف
قالها عمر بتعب
-اومال ايه بتعمل كده ..أنا وافقتك علي التمثيلية السخيفة دي عشان انت ساعدتني كتير لكن كده حرام يا اخي احنا بنك*سر قلب واحدة ملهاش ذنب الا انها حبتك…مش هتلاقي حد يحبك زيها
-عارف
-طيب طالما أنك عارف ليه بتعمل كده
-لاني مش قادر انسي اني اتجبرت عليها يا شاهي…وغير كده هي رامية نفسها عليا والرجالة مش بتحب كده …حسناء جميلة ولطيفة …دمها خفيف بس متخلية عن كرامتها وعايزاني احبها بالعافية وده مش هيحصل الرجالة مش بتحب الست اللي تترمي عليهم بيحبوا الست اللي تطنشهم …تديهم علي دماغهم …فهمتي ليه
-اه فهمت
……
-بقولك اتجوز يا جدي اتجوز عليا
،-اهدي بس يا حسناء
-لا مش ههدي أنا هطلب منه يطلقني خلاص كفاية كده كرامتي مش ممسحة عند حفيدك أنا غلطانة اني اتنازلت عشان خاطره …
-طيب اهدي واسمعيني بس لاخر مرة …
……..

في اليوم التاني
كنت بعمل الفطار لما لقيت عمر ماسك ايد شاهي وداخل عليا ..حسيت اني هنف*جر من الغيرة بس كتمت في نفسي وقربت من شاهي وحضنتها وقولت:
-صباحية مباركة يا عروسة ..
بعدت عن شاهي وبصيت لعمر المصدوم وتجاهلته وانا بمسك ايديها. بقول :
-اسفة امبارح معرفتش ارحب بيكي مضبوط بس كل اللي اقدر اقوله أننا هنتفق مع بعض كويس اوووي
اتصدم عمر وحتي هي اتصدمت بس اتغلبت علي صدمتها وقالت:
-اووي اووي يا حبيبتي …
وبعدين عملتلهم الفطار وانا بكلم شاهي بس وكأنه مش موجود …كنت حاسة اني لو كلمته بس هبكي كنت بم*وت من جوايا وانا بكلمها بس بتحمل …بس دي كانت آخر محاولة ليا وخلاص كنت همشي …..

مرت الايام وانا بتعامل مع شاهي عادي ومتجاهلة عمر تماما …كل يوم بطلع وابص في وشهم واعمل نفسي سعيدة بس طول الليل ببكي علي حظي …الحب من طرف واحد لعنة اتمنيت لو مكنتش حبيت عمر وفي يوم حصل اللي خلاني اقتنع اني مليش مكان في حياة عمر وكانت أول حاجة اعملها اني روحت لعمر وقولتله:
-عمر طلقني وانا هتنازل عن المؤخر!!

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية عشقها رغما عنه)