رواية عشقني القاسي الفصل الثاني 2 بقلم آية سمير
رواية عشقني القاسي الجزء الثاني
رواية عشقني القاسي البارت الثاني
رواية عشقني القاسي الحلقة الثانية
تاني يوم صحيت واخدت شاور ونزلت لقيتهم كلهم على السفرة ماعدا تميم حمدت ربنا أنه مش موجود
أسيل بابتسامة : صباح الخير
خالد وماجدة : صباح النور يا حبيبتي
ملوك بغمزة : صباح النور يا سوسو شكلك نمتي كويس
أسيل ضربتها في كتفها : آه نمت كويس جداً
سمعت صوت من ورايا فقولت : يارب ما يكون هو بس للأسف لقيته في وشي ومبتسم مش زي العادة ربنا يستر 😂😂
تميم : صباح الخير
الكل : صباح النور
تميم : يلا يا ملوك إنتي وآسيل علشان اوصلكم الجامعة
أسيل بسرعة : متتعبش نفسك على هيوصلنا مش كده يا على
على : معلش يا أسيل عندي اجتماع تميم هيوصلكم يلا سلام
تميم بابتسامة انتصار : يلا علشان منتأخرش
في العربية ملوك ركبت ورا وقفلت الباب
أسيل : افتحي الباب يا ملوك بطلى رخامة
ملوك : أنا بحب البراح اقعدي قدام
تميم : يلا يا أسيل اركبي
ركبت جمبه كله من ملوك الجزمة وطول الطريق محدش اتكلم بس لاحظت نظراته ليا كل شوية حسسني أنه فيا حاجة غلط
وصلنا الجامعة وملوك نزلت وسبقتني شكلها متفقة مع أخوها 🤦 ولقيته مسك ايدي وبيقولى خلى بالك من نفسك مش عارفه ليه حسيت برعشة من مسكت أيده بس كبرت دماغي وقولتله حاضر دخلت الجامعة وروحت لجنا
جنا : أهلا بالعروسة نورتي
أسيل : يا بنتي إنتي دايما فضحاني كده
جنا : هو إنتي ماشية معاه ده جوزك ألف مبروك يا سوسو
أسيل : الله يبارك فيكي يا اختي يلا علشان المحاضرة
ودخلنا المحاضرة ولما خرجنا قعدنا في الكافتيريا
جنا بغمزة : أنا ملاحظة إنك سرحانة وساكتة كده مالك
أسيل بتنهيدة : مش عارفه حاسة إني متلخبطة
جنا : لا ده كده الموضوع في إن وأنا مش هسيبك غير لما تحكيلي بالتفصيل ها يا ستي احكي كُلي آذان صاغية
أسيل ضربتها في كتفها : أنا عارفه مش هتسيبيني بصي يا ستي
وقصت لها كل شيء
جنا : طب وإيه الغريب في كده هو حابب أنه يتقرب منك
أسيل : ما هي دي المشكلة تميم أصلا من صغرنا بحس أنه مش بيطقني وبيعاملني بقسوة علطول
جنا : يا بنتي وأنتوا صغيرين كانت غيرة أطفال إنما دلوقتي أعتقد أنها حاجة تانية
أسيل : قصدك إيه
جنا : قصدي أنه تميم بيحبك واضح من نظراته ليكي
أسيل : لا معتقدش هو متجوزني علشان الوصية بس وكلها كام شهر ونطلق
جنا : ربنا يهديكي يا أسيل يا بنت أم أسيل يلا علشان نروح
خرجنا من الجامعة لقيته واقف وساند على العربية ولابس النظارة كان قمر سرحت في كلام جنا بس فقت على يد ملوك وهي بتشاور بإيداها قدامي
ملوك بغمزة : إيه يا سوسو هو تميم سحرك ولا إيه
أسيل بتوتر : ها لا ولا حاجة يلا نمشي
وركبنا العربية ولما وصلنا ملوك عملت نفس الموقف هربت وسابتني
عند ملوك
دلفت إلى المنزل وكانت تجري كعادتها اصطدمت بشخص وكان على : إيه يا بنتي مش هتبطلى شغل الأطفال ده بتجري ليه
ملوك بعصبية خفيفة : وأنت مالك أنت أجري براحتي وبعدين المفروض تطلع صوت وأنت ماشي علشان متخبطش في حد
على بسماجة : ماشي هبقا ازمر المرة الجاية علشان تاخدي بالك ومتخبطيش فيا سلام يا طفلة وتركها وغادر
ملوك بتذمر : يا ستار الواد ده رخم بطريقة أووف وذهبت لغرفتها
عند أسيل وتميم
تميم : ثواني يا أسيل
أسيل : نعم
تميم : جهزي نفسك بالليل هنروح حفلة عيد ميلاد أنا وإنتي
أسيل وهي تنظر للأرض : تمام مفيش مشكلة وتركته ودخلت وهو ذهب إلى شركته
أسيل في غرفتها
طلعت اوضتي وكنت فرحانة أوي بس مش عارفة إيه اللي باسطني كده يمكن علشان هنخرج أنا وهو لوحدنا طب قلبي ليه بيدق بسرعة كده يلهوووي شكلى اتجننت ربنا يستر على عقلي بس هلبس إيه في الحفلة أنا هروح للبت ملوك تختار معايا
في غرفة ملوك
دخلت لقيتها نايمة قررت أخد حقي منها قربت من أذنها وصرخت فيها : ملووووووووووووووووك اصحي بسرعة
ملوك مفزوعة وقفت على السرير : إيه في إيه في حريقة ولا إيه
أسيل بضحك : مش قادرة هموت شكلك مسخرة وإنتي كده
ملوك جريت عليها : آه يا جزمة وربنا مانا سيباكي
أسيل وهي تركض : تستاهلى علشان تبقي تسيبيني مع اخوكي وتجري
ملوك : تصدقي أنا غلطانة علشان عاوزة اسيبكم لوحدكم بعد كده هتلاقيني فوق دماغكم
أسيل : وماله خليكي معنديش اعتراض
ملوك : آه علشان تميم يجبني من قفايا ثم وقفت وقالت : اه صحيح إنتي جاية عاوزه إيه
أسيل : آه صح افتكرت بصي أنا المفروض هروح حفلة مع تميم بالليل حفلة عيد ميلاد ومش عارفه البس إيه فجيت علشان تختاري معايا
ملوك : اه يا ستي يا بختك
أسيل : يخربيت عينيك ابت يلا خلصي تعالى نختار سوا وذهبوا إلى غرفة أسيل
ملوك بضجر : يا بنتي ارحميني ده خامس فستان تقسيه وميعجبكيش
أسيل : اعمل إيه مفيش حاجة عجباني انا هاقوله مش هروح
ملوك : هي الحفلة الساعة كام
أسيل : مش عارفه
ملوك : مش كنتي سألتيه اتصلي بيه واسأليه ولو لسه بدري على ميعادها ننزل نشتري فستان ونرجع علطول
أسيل بارتباك : اتصل بتميم لا طبعا اتكسف
ملوك : تتكسفي ده جوزك يا بنتي يارب صبرني
أسيل : طب اتصلي إنتي واسأليه
ملوك رفعت أكتافها : وانا مالى مش إنتي اللي هتروحي معاه اتصلي متخافيش
أسيل : ماشي استني بقا ربنا يستر
ملوك وهي تتجه ناحية الباب : كلميه عقبال ما اشوف حاجة تتاكل وجيالك وتركتها ونزلت للاسفل
عند أسيل في غرفتها
اتصل بيه إزاى أنا مش هاقدر أعمل كده بس أعمل إيه المضطر بيركب الصعب مسكت الفون وجبت الرقم وضغطت على زرار الاتصال واستنيته يرد وحاسه قلبي هيقف من كتر ما بيدق
عند تميم في المكتب
كنت قاعد في المكتب براجع ورق المناقصة لقيت الفون بيرن وكانت أسيل استغربت دي مش بتكلمني خالص رديت عليها : الو السلام عليكم
أسيل بتوتر : وعليكم السلام وسكتت
تميم باستغراب : خير يا أسيل في حاجة
أسيل بارتباك : ها آه أصل كنت عاوزه أسألك على ميعاد الحفلة
تميم : الساعة ٨ اشمعنا
أسيل : كنت هنزل انا وملوك نشتري فستان للحفلة
تميم : تمام خلى بالكم من نفسكم ومتتأخروش ولو خلصتوا بدري كلميني وهستناكم تحت نروح سوا
أسيل : حاضر سلام
قفلت معاه واخدت نفسي كأنه كان واقف قدامي وأنا بكلمه يلهوي لما أنا دلوقتي وعاملة كده امال بالليل هبقا عاملة إزاى
ملوك دخلت دون أن تطرق الباب مما افزع أسيل : بتفكري في ايه
أسيل بخضة : بسم الله الرحمن الرحيم يا بنتي انتي هتموتيني ناقصة عمر بسببك مش في باب تخبطي عليه
ملوك بضحك : أحسن علشان تبقي تيجي تخضيني وانا نايمة ها كلمتيه
أسيل : ايوه وقالي الساعة ٨
ملوك : حلو ودلوقتي الساعة ٣ يعني هنلحق نروح ونشتري يلا بسرعة وذهبوا ليشتروا الفستان .
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشقني القاسي)
