رواية عشقت منتقبه الجزء الثاني الفصل السابع عشر 17 بقلم وفاء رشدي

رواية عشقت منتقبه الجزء الثاني الجزء السابع عشر

رواية عشقت منتقبه الجزء الثاني البارت السابع عشر

رواية عشقت منتقبه الجزء الثاني الحلقة السابعة عشر

نرجع مع رحمه اللى أخدت عادل ووائل وعدي الكافيه ولما دخلت عرفوا أنها جايه هنا لهيثم وشافوه بالفعل مع واحده كبيره فى السن وشعرها بس مديه ضهرها لهم
هيثم شاف رحمه اللى جايه عليه زي الاسد وواثقه من نفسها جدا ومعاها وائل وعادل ودول هم الشهود على اللى هيحصل وقربت من هيثم وقفت جنب منه وبصت على السعودية اللى معاه واتصدمت لما شافتها مش مصدقه دا معقول
رحمه:-مين انتي؟؟؟؟؟؟
الست :-مين انتي مين دي يا هيثم
رحمه:-مين دي .. انا خديجه يا مدام عنبر ورفعت النقاب لحظه واحده ونزلته تاني ماكنش فى حد موجود فى الكافيه وتقريبا محدش اخد باله ولا حتي الشركه معاها
عنبر:-فى حاله ذهوووووول انتي رحمه اللى هي خديجه
رحمه:-اهااااا كويس انك عارفه أن انا رحمه سيدة الأعمال المنتقبه يامدام عنبر
عنبر:-عرفت انك هي
رحمه:-بصت على هيثم دلوقت انا عرفت انت جبت منين الفديوهات والصور اللى معاك من دي هستني ايه من وحده زي دي اذا كانت صورت سيدها اللى بتشتغل عنده كدا فاضل ايه تاني منها
عنبر:-دا مش سيدي
رحمه:-مش ده اللى انتي كنتي بتشتغلي عنده يبقي ازاي مش كنتي بتقولي أن دا هو سيدك وسيد القصر كله انا عايزة اعرف انتي والزفت التاني عدنان عملتوا ليه كدا
هيثم بص على عنبر :-مين عندنان
عنبر:-باصه فى الأرض
رحمه :-عدنان هي ماقالتلكش هو مين اللى كنت اعرفه والقصر كله يعرفوا أن هي وعدنان كانوا مع بعض واللى اكتشف دا عدي وطلب منه أنه يتجوزها فى الحلال غير كدا معرفش وانا متأكده مليون الميه انك وهو ورا مرض عدي بدليل أن قولت أن هسافر اسبانيا وأول ماوصلت هربتوا انتو الاتنين
هيثم:-الكلام دا صح
عنبر:-باصه فى الأرض ومش بتتكلم
هيثم :-ردي عليا
عنبر:-ايوة
رحمه:-عدنان ايوة اعرفوا انتو عملتوا ليه كدا
عنبر:-انا ليا حق عند عدي
رحمه:-أي حق
عنبر:-فى تركته اللى انتي اخدتيها
رحمه:-من حقي انا مراته واللى يموت مش بيورثوا اهله وعدي انا مش ورثته دا كتب كل شئ قبل مايموت يبقي فين حقك وانتي كنتي شغاله عنده
عنبر :-انا كنت مرات والده
كله اتصدم وأولهم هيثم اللى الصدمات بتنزل عليه زي المطر
رحمه:-نعمممممممممممممممممممم مرات ابوه
عنبر:-ايوة انا كنت متجوزة ابوه وكنت عايشه عيشه آخر هنا مات ابوة وهو كان مسافر ولما عرف أن والدة مات رجع اخد كل شئ طالبته فى ورثي رفض قالي انتي مالكيش حق وانتي مصريه والمصريين مايورثوش فينا انا ماسكتش ثروة ابوة بمليارات لو أخدت ورثي هعيش مرتاحة آخر عمري خصوصا أن كل جوازتي اللى قبلها مافيش حاجه من وراهم وفكرت لو رجعت مصر ابني مش هيستقبلني وبصت على هيثم اللى رمت ابنها زمان يستحيل ترجع له لما كبر قالي ممكن تمسكي القصر واديكي مرتب كبير كل شهر إنما ورث لا أصبحت من سيدة القصر لشغاله فيه …
رحمه:-افهم من كلامك دا انك والدة هيثم؟؟؟؟
عنبر:-بصت على هيثم اللى حاطط ايده على دماغه ايوة
رحمه:-يعني انتي عملتي كل دا صورتوه وهو فى اوضته نومه عشان الفلوس وفضحتوا ميت عشان الفلوس ملعون ابوها الفلوس اللى تعمل كدا وانت وبصت على هيثم عرفت دلوقت انت عملت ليه كدا اللى والدته كدا اتوقع أي شئ من غير ماتتكلم معايا بدل ماتفضحني لا مش هقول انك فضحتني انت فضحت ميت وكشفت سره كنت جيتني واتكلمت معايا وشفت رد فعلي ايه بجد انا مصدومه فيك خسارة والف خسارة عليك انك طلعت كدا
هيثم:-رحمه افهمي
رحمه:-خلص الكلام وانتي بصت على عنبر بدل ماتعملي كل اللى عملتيه دا كنتي جيتيني وقولتلي أن لكي حق عند عدي وشفتيني ادي ولا لا خليكي فاكره انتي وابنك اللى عملتيه دا بكره هيرجع تاني لكم أن كما تدين تدان
فاكره لما صحيت من النوم فى القصر وشفتك انتي اول واحده قولتلك انا مين قولتلي خديجه فتحي فاكره لما كنت بشتغل فى القصر خدامه وانتي كنتي بتعملي ايه فيا فاكره لما كان عدي بيطلبني وكنت برفض اطاوعه ويرميني زي الكلاب وينادي على عدنان دي مكانها حمامات القصر فاكره لما عدنان بيجرني زي الكلب المربوط ويرميني فى الحمامات وتقولي دا مكانك اغسلي فاكره انتي لما كنتي تجيلي وتقولي هاد سمو الملك كل شئ هون ملكه وانتي جاريته وملكه فاكره لما طلبت منك اني اتحجب وانتي رفضتي فاكرة لما كنت بتجنب عدي فى مقابلاته فاكره شكلك لما عدي عرف أن طلبت اتحجب وانتي رفضتي فاكره ملامحك لما عرفتي أن عدي بدأ يحبني فاكره شكلك انتي وعدنان لما عدي طلبني عنده وحاول عندي فى المغريات اللى جابها لي واللى قاله عليها عدنان اني هاجي بكدا وانا كالعادة رفضت وضربني فتحلي دماغي فاكره لما جاب الدكتور لفلي دماغي وخيطها ونومني على السرير بتاعه وجيتي انتي والبنات تاخدوني فى اوضه الشغالين وهو رفض قال دا هو مكانها انا ساعتها خفت هيعمل ايه فيا وانا دماغي مفتوحه فاكره لما عدي طلب مأذون يكتب عليا ورفضك القاطع انت وعدنان فاكره عدي لما أصر على موقفه وعدنان جابله المحامي فاكره عدي لما كان بيديني العلاج وبينيمني فى حضنه زي الأطفال وبعدها يغطيني على السرير ويخرج فاكره لما كنت بأن واتوجع وياخدني عدي فى حضنه ويهديني يقولي ماتخافيش انا معاكي انا عمري ماهشوف حد زي عدي وبصت على هيثم
فاكره لما ربط نفسه بيا ومارضيش يشوف شغله لحد ماخفيت فاكره عدي لما طلب سرير تاني يجيله فى الجناح وحطه فى المكتبه وكان هو اللى بينام عليه
فاكره عدي لما مسك ايدي وسط القصر وقال إن هاد القصر ملكك والكلمه كلمتك انتي سيدة هاد القصر فاكره عدي اللى من يوم ماعرفني مالمسش بنت بعدي لحد مامات فاكره عدي اللى خاف عليا منكم واخدني الشركه معاه ولما رجع الشركه عرف باختلاسات عدنان وسامحه قال دا من أيام والدي فاكره انت والزفت اللى معاكي لما كنتو بتحلوا له الحرام وكل يوم بيكون مع بنت شكل وكنتي بتدي البنت حبوب منع الحمل لأنك عارفه ومتاكده لو وحده فيهم حملت من عدي عدي كان هيتجوزها فاكره انت والزفت التاني لما ادتوه أدوية منشطه للخلايا السرطانية فى جسمه فاكره عدي بصوته الجهوري العالي لما مسك عدنان وقرره انتي وهو عنا وعرف أننا وصلت القصر فى صندوق فاكره عدي بصوته العالي فى القصر لما قالي حقك هيرجعك ولو فيها موتي
وأخيرا فاكره لما رجعنا مصر وكل دا حصل وعرفت بمرض عدي وقولت هسافر تاني اسبانيا والخبر وصلكم وهربتوا قبل مانوصل
اللى خلاكي تجيبي لابنك فديوهات عن واحد مات وتقولو ان اللى معاه دي انا وانتي اكتر واحده عرفاني وهو كمان كان اكتر واحد عارفني بس انا اللى ماكنتش اعرفه للاسف يعني انتو معاكم كل حاجه عنه وبتصوروا ماقدرتيش تجيبيلوا فديوهات بيني وبينه وهو كل مرة بيضربني عشان اطاوعه فيديو اللى بيغريني فيه ويقولي كل هاد الك عدنان قالي اغريها ماجبتيش ليه الفيديوا اللى لبسني فيه الحجاب بعد ماخفيت وابتسم فى وشي ومسك أيدي باسها واهو جوزي حتي لو فاقدة الذاكرة انا مراته قالي عمري ماهحب حد غيرك …. وأنا عمري ماشفت حد زيه وبصت على هيثم بقرف جيتي هنا شوهتي سمعه واحد ميت وكشفتي ستره وبتدوري على حق اللى زيك انتي وابنك عايزين الحرق بالجاز انتو يستحيل تكونوا زينا انا مش هاممني نفسي زي ماهممني اللى مات حسبي الله ونعم الوكيل فيكم
هيثم :-رحمه ممكن تسمعيني
رحمه:-اسمع ايه ولا ايه انت مشيت وراها من غير ماترجع لحد بس عادي اذا كانت والدتك كدا انت هتطلع ايه
الكل فى حاله ذهوووووول من اللى سمعوه من رحمه مش مصدقين أن دا كان بيحصل جوة القصر ولا حتي عادل اخوها
عادل:-مش عارف ينطق يقول ايه غير أن هو وقف فى ضهر أخته
*************************
فى الوقت دا كان اتصل وائل بالشرطة وبالفعل جت
واتصدم كل اللى موجود من تصرف وائل بس وائل مش جديد عليه قبل كدا حبس مراته هند
شاور على عنبر مسكوها بالفعل
اتخضدت عنبر :-ايه دا
رحمه:-انتي جايه تطالبي بحقك صح
عنبر:-ايوة
رحمه:-عدي ليه حق عندك انتي وعدنان بعد ماياخده تعالي اديكي حقك
عنبر:-بقى كدا
رحمه:-دا هو كدا
راحوا اتنين جنب هيثم ماصدقش نفسه الظابط اتفضل معانا
بص لرحمه بس بصه محدش فهمها ولا حتي هي لوم عتاب استسماح اسف حاجات كتير جدا فيها واخدهم بالفعل البوكس
***************
رحمه كل اللى عملته أنها قعدت مكان هيثم كان لسه دافي وريحته فيه فضلت تعيط
قرب منها عادل وحط أيده عليها
عادل:-متخافيش انا معاكي
وائل :-تسمحلي يا عادل اقول كلمتين لرحمه بس ماتزعلش مني
عادل:-اتفضل يا متر انت أخونا الكبير
وائل :-بصراحه انا مش عارف اقول ايه انا بحيكي على شجاعتك صراحتك وقوتك اللى نادرا مابيكونوا فى واحده بالرغم من كل إلى مرتي بيه فى حياتك الا انك مابتنسيش فضل حد عليكي بعد ربنا خصوصا فى إظهار الحق انا بقر واعترف وببصم بالعشرين اني لو قابلتك من زمان أو فى ظروف احسن ماكنتش سبتك فى خلال شغلي فى المحاماه وبين رجال الأعمال ليا 15 سنه ماصدفتش شخصيه زيك ربنا هيكرمك آخر كرم
…….
رحمه ماعلقتش على كلام وائل خالص كل اللى نطقته
رحمه:-متر ممكن تخليك مع هيثم
وائل وعادل:-بصوا الاتنين على بعض بعد كل اللى عمله وبتقولي كدا
رحمه:-ماتستغربوش هيثم التاني معذور ما صدق لقي حاجه عايز يبرر موقفه مع رانيا انه اتجوزها وزعلي منه بسبب كدا ودي كانت فرصه عنده ومن كتر الزن عليه صدقها وانا كنت عارفه أن فى حاجه هو مخبيها بس ايه معرفش وادينا عرفنا أحيانا الواحد مخه بيعجز عن التفكير وهو عجز بالفعل التمس لاخيك عذر وان لم تجد له عذر قل لعل عنده عذر وانا لم أعرف حاول تخرجه عشان خاطري لو فعلا ليا مكانه عندك زي مابتقول
وائل كل اللى عمله انه هز بدماغه لرحمه .حاضر وبالفعل قام ورا هيثم على النيابه
*******************
عنبر وهيثم بتحاول تكلمه وهو رافض تمام ومش سامع منها حاجه وفى الآخر زعق فيها ممكن تسكتي
سكتت بالفعل بس هو مع نفسه مش عارف هو عمل ليه كدا من أمتي وانا كدا …..دي رحمه مش حد تاني دي روحي ونفسي اللى كنت بتنفسه دي نبض قلبي اللى عايش بيه ازاي اتهمها بكدا وانا فعلا اكتر واحد عارفها ازاي انا حتي قالي وائل انهم فى التحقيقات قالت كل واحد راح على اوضته دى معناه أنه مالمسهاش انا ازاي بس كله منكم رمتيني انا وصغير وجايه دلوقت تتكلم وانا زي الاهطل مشيتي وراكي وصدقت ازاي انا اعمل كدا مارحتش ليه لرحمه واتكلمت معاها الأول قبل أي حاجه قبل مافضح فعلا ميت واكشف سره حتي الفيديوا دا حرام اني اسمعه ازاي ازاي ياتري يارحمه هتسامحيني ول ………انا جرحتها وجرح كبير انا اتهمتها ف ……….. يارب ليه كدا كل محاول أقرب منها ببعد ليه رحمه ماتستاهلش مني كل دا انا كنت أعمي ومشيت ورا الضلال يارب يارب هون عليا يارب يارب
*********************
فضلت رحمه على الكرسي تعيط قرب منها عادل بالكرسي ورفع وشها له ومسح دموعها بايده
عادل:-مش كفايه الدموع دي مش عايز اشوفها تاني انتي اللى عملتيه دا اثبتيلي انك راجل وكمان فى رجاله كتير مش بتعمل كدا انا فخور اني عندي أخت زيك انتي اتحملتي كتير فى أيام المفروض تكون أجمل أيام عمرك بس مع كل اللى حصل كنتي قوية وماتهزتيش ابدا ولا عمرك هتهتزي انتي اختي وانا اخوكي ويستحيل هخليكي تبعدني تاني عني انا سألتك كتير عن اللى حصل معاكي فى القصر قولتلي هقولك وماقولتيش وانا ماضغطش عليكي إنما اول امبارح اشوف اللى جابه هيثم وكمان النهارد اللى قولتيه أظن من حقي اعرف الحكايه
رحمه:-مسحت دموعها من حقك وانا كنت بالفعل هقولك بس مافيش فرصه جت ….. اللى افتكرته بعد ماتخطفت انت تعرفه إنما عند عدي اللى فكراه أن كنت نايمه قمت وانا عندي صداع جامد جدا ودماغي مربوطة لما سألت انا مين ردت عنبر انت خديجه فتحي فضلت اشتغل فى القصر خدامه كنت بتجنب عدي من كتر ماسمعت عنه من البنات اللى معايا وايه اللى كان بيعمله معاهم فى جناحه وكنت خايفه وانا طبعا ماكنتش بحجاب كنت خايفه لو شافني هيعمل ايه خصوصا أن كل اللى هناك بيقولي اني جميله والله أعلم هم شايفين ايه
عادل:-انتي مش شايفه نفسك
رحمه:-انا انسانه عاديه جدا
عادل:-لا انتي أجمل من الجمال نفسه كملي
رحمه:-هه والله انت رايق عنبر كانت بتثق فيا كانت بتختارني انا وبنتين تاني ننضف جناح عدي كل مايخرج كنا بنروح ننضفه قبل مايرجع نخلص انا كنت بنضف اه بس اكتر حاجه كنت بنضفها المكتبه كنت بسرق بالكتاب منها اقراه ورجعه تاني المرة الجايه وانت عارف ان بحب القراءة
فى اليوم دا رحنا ننضف عدي رجع بدري ودخل على جناحه وشاور للبنات انهم يخرجوا وخرجوا بالفعل بس نسيوا أن انا لسه فى المكتبه شدني كتاب فضلت اقرأ شويه فيه دخل المكتبه لقيني فيها ومديه ضهري للبآب بصلي من فوق لتحت وبعدها انتي انا اتخضت اختبرني فى القهوة عجبته فضل يحاول معايا وانا اتكلم معاه أن دا حرام عدي انا غيرته عدي رجع لربنا على أيدي عدي من اليوم دا مالمسش بنت لحد مات ولا حتي انا اللى مراته عدي لما كان مايلقاش مني فايدة يرميني ويقول مكانها الحمامات وانت سمعت اللى قولته لعنبر عدي حبني بجد واتغير بالفعل عشاني واحترم اني فاقدة الذاكرة ممكن يكون لي زوج ومارضيش يلمسني ولما عرفت انا مين عدي كان رافض الجواز أن اتممه بيقولي انتي لهيثم حبكم ظاهر
عدي انا ماشفتش حد حب حد زي عدي ماحبني وفداني بروحه كل دا وعادل بيعيط
عدي لما عرف نفسه أنه هيموت كل حاجه كتبها باسمي عدي كتبلي فى الظرف اللى سابه وصيه أن لازم ارجع لهيثم وهيثم إديك شفت اللى عمله عدي عمره ماتكلم على هيثم كلام وحش الفتره اللى اخدناها مع بعض ماكنش بيقول غير أن حبكم ظاهر مع اني مانطقتش قدامه ولىا قلت بحبه
دي جزاته يا عادل انه يتفضح كدا بعد ربنا ماتاب عليه حرام دا ولا لا
أقسم بربي انا ماهممني نفسي لأن الدنيا دي فانيه زي ماهممني اللى مات واندفن وكمان اللى عايش اللى زي مافضح ميت ربنا هيفضحه مهو كما تدين تدان …. وفضلت تعيط
عادل بس بس وحضن أخته كل دا ياقلب اخوكي بس بس اسكتي انتي قلبك فى كتير وكتير جدا بس خلاص من النهارد انا معاكي ومش هسيبك ابدا قومي يلا بينا من هنا
*****************
قامت بالفعل مع اخوها وهي حاطه ايدها على عنيها وهو حاضنها وماشي بيها ركبوا العربيه
كان اتصل بيهم وائل لازم يحضروا فى القسم عنبر مقدمه شكوي فى رحمه
بالفعل طلعوا على القسم واتكلمت رحمه وقالت كل حاجه وعرفت أن هي اتهمتها أنها لعبت على عدي واخدت كل أمواله بعد مامضته عليها قدمت رحمه كل الورق اللى معاها اللى يثبت عكس كدا وبعتت فاكس للمحامي انه هو المسؤول عن دا
لما واجهوا عنبر بكل شئ انهارات واعترفت على كل اللى كانت بتعمله هي وعدنان فى القصر والأدوية اللى كانوا بيدوها لعدي وبرأت هيثم من أي حاجه أنها هي اللى زنت على دماغه من ورا عدنان وبلغت عدنان وعن مكانه وحطوا خطه للقبض عليه لأنه مش سهل
******************
هيثم خرج من الحبس مع أنه ماتسجنش أمه برائته بسرعه وهو فعلا مالوش يد فى حاجه
شركته حالتها اتدهورت بقت فى الأرض وهو معتكف فى اوضته هزل وجسمه ضعيف
عدا يوم واتنين لا دا كتير
*****************
رحمه فى شركتها بترجع ورق دخلت السكرتارية أن مدير البنك برا ومحتاج يتكلم معاها فى موضوع مهم وافقت طبعا ودخل عندنا
رحمه :-استاذ حسن اهلا بيك
حسن :-اهلا بيكي يا مدام انا اسف أن جيت من غير معاد
رحمه :-ماتقولش كدا انت فى أي وقت تشرف طبعا خير يا أستاذنا
حسن :-حضرتك عارفه رصيدك كام فى البنك عندنا
رحمه:-ليه السؤال دا
حسن:-معلش جاوبي
رحمه:-ايوة عارفه حاجات بسيطه ماتتعداش مليون ليه بقى السؤال
حسن:-يعني حضرتك عارفه امال حضرتك كاتبه شيك لأكثر من 100 مليون ليه انا مارضتش اخد أي إجراء ضددك لأنك شخصيه محترمة وتعاملك كويس جدا معانا
رحمه فى حاله ذهوووووول :-ايه انا كتبت شيك لا طبعا ازاي الكلام وتاريخه
حسن :-بتاريخ النهاردة كمان
رحمه:-انا ماكتبتش أي شيكات النهاردة يمكن مزور
حسن :-لا يا مدام دفتر شيكاتك ال احنا أدناه ليكي فى البنك انا صورته وادي صورته وامضتك عليه بصي
وادها صورة الشيك
رحمه :-اتصلت بعادل يجي ومعاه وائل وبالفعل جم
ورته لوائل
وائل:-الأصل فين
حسن :-مع صاحبه
وائل:-اسمه ايه
حسن :-اسمه عندك اهو محمود ناصر
عادل :-تاريخ
حسن:’النهاردة
رحمه:-بص يا استاذ حسن انا طبعا شاكره جدا لحضرتك اللى عملته دا بس فى حاجه تاني انا بطلبها منك وياريت تعملها معانا
عادل:-ناويه على ايه
رحمه :-هنقبض على محمد
وائل :-بخضه ايه محمد طليق ندى
رحمه:-أي نعم هو فى غيره
وائل :-وايه اللى فكرك بيه واشمعنا هو اللى جه على بالك ممكن عدنان
رحمه:-أولا عدنان مايعرفش حاجه عني ولا اشتغل معايا قبل كدا وبعدين واضحه يا متر الشيك دا محدش يقدر يجيبه غير محمد لأنه كان ماسك المستشفي وممكن يكون شيك لادوية وهو اخده ولعب عليهم زي ماكان بيعمل
عادل:-تمام ودلوقت انتي بتفكري فى ايه
رحمه :-هقولكم ……….
*****************
تاني يوم فى البنك
المدير حسن :-اهلا اهلا يافندم
محمود ناصر:-ها اهلا بيك خير طلبني ليه
حسن:-كل خير معلش حصل سوء تفاهم امبارح وانا ماكنتش اعرف ان مدام رحمه حطت فى حسابها تاني بعد اللى سحبته ووقفت الشركه بينها وبين هيثم باشا لما سألت الموظفين عرفت
محمود :-طاب كويس يعني هصرف الشيك
حسن :-اكيد ياباشا انت عايز يتحول لحساب تاني ولا عايز كاش
حسن :-لا كاش لأن فى مشروع هعمله ومحتاج سيولة
حسن تمام
اديني ساعه نحضرلك فيها المبلغ وماتنساش أن مبلغ كبير انا هفضي كل اللى فى البنك عشان يجمعوا
حسن :-خد راحتك انا مش مستعجل
**************
بالفعل حضروا ال 100 مليون وجهزوهم فى كذا شنطة خاصه بالبنك وطلعوا العمال معاه لعربيته وحط الفلوس ومشي
……
فى مكان تاني
الووو عمليات العربيه اتحركت فى اتجاه. …… لونها اسود بأرقام. ….
…….
اطلع وراها
…..طلعت عربيه شرطه وراها من غير ما تاخد بالها هي تمشي وتزوغ على أساس أن فى حد متابعها وهو مافيش لأن عربيه الشرطه عربيه عادية لحد ماوصلت لمنطقة عشوائية فيها عشش فى كل حته وأخيرا وصلت لعشه كدا وقفت خرجوا مجموعه رجاله شكلهم بلطجي اخدو الشنط ودخلوا وبيتكلموا وهو فرحانين وبيضحكوا وبيمسكوا فى الفلوس
……ضحكنا عليها رحمه سيد محمود يضحك عليها هههههه
(ياغبي انت اللى اضحك عليك )
يرد التاني أي والله بس احسن من عنيها لسه لما تكتشف هتعمل ايه
يجي صوت من وراهم
….. هكون انا برا مصر ودا أقل حاجة انا اخدتها منها
…………
#اكشششششششششششششششششششششششششن
يدخلوا رجال الشرطه أثبت أثبت منك ليه ايدك فوق ايدك فوووووق
والله ووقعت يا محمد باشا………