رواية عشقت زير نساء الفصل السابع عشر 17 بقلم منة محمد
رواية عشقت زير نساء الجزء السابع عشر
رواية عشقت زير نساء البارت السابع عشر
رواية عشقت زير نساء الحلقة السابعة عشر
عشقت زير نساء
قصص منه محمد كاتب
ريهام :المهم الي فهمته من خالد ان احمد بيدوب على الدلع بيحب الست الي دائما تدلعه والي فهمته انه مايقدرش يقاوم برائتك وعفويتك
منه لوت شفايفها :اه ماهو باين
ريهام :شوفي حبيبتي صدقيني هو بيموت فيكي وهو مش حاسس عارفه لما خالد ساله عن موضوع حبوب منع الحمل ساله ليه متضايق لانه هو ماكانش بيفكر ابدا يخلف اطفال قال له تصدق انه حريص على موضوع موانع الحمل مع الباقي الا هي طلاقائي انسى ومش بفكر حتى فيه
منه :يعني افهم انك بتنصحيني انفذ الي في بالي
ريهام :والله لو لسه بتحبه وعندك القدرة نفذيها
منه بتنهيده :بحبه صدقيني لما بيتخلي عن العصبيه بيبقي مفيش احسن منه بحب فيه غيرته علىا بحبه لما يحضني بين ايديه بحس بالدفا والامان وانا جوه حضنه
ريهام : ياعيني ياعيني فينك يااحمد تسمع الغزل بس ان شاءالله ياصاحب عمري تنولي الي بتحبيه وتخليه يعترف انه بيحبك بس ماقلتيليش ناويه تعملي ايه
منه بمكر :كل شئ بف اوانه حلو مش هقولك دلوقت
ريهام :رزله قولي قولي
منه بضحكه :نو نو
ريهام بضحكه :احمدي الله ان خالد وصل ولا ماكنتش قفلت معاكي الا وانا عارفه
منه :يلا روحي لقيسك
ريهام :واحلى قيس باي
خالد بمرح:يعني انا بقيت قيس دلوقت
ريهام قامت واتعلقت رقبته :واحلى قيس في حياتي
خالد مسك وسطها :قلبي لالالا انا كدا اضيع يا بديع
ريهام :وانا اكترمنك ضياع ..احط لك الغدا
خالد :اه ياريت ميت من الجوع
ريهام :ثواني وحالا يبقي جاهز
خالد يبوس جبينها : ربنا يخليك لي
ريهام بخجل :ويخليك ليا ………………………………………………………
في غرفه منه
عدي على وجودها في بيت اهلها اسبوعين كلمت ريهام وبعد مهزئتها على تصرفها بس مش هتقدر تقاطعها لانها
اختارت حياتها وعلى الي سمعته منها انه مرتاح معاها وماكانش عاوز اسماء اخدها لانه مجبور اما عبود حالته اتحسنت كتير بس لسه في غيبوبه اما احمد فكل يوم يتصل بيها وهي رافضه ترد عليه يبعت ويهدد بس مش بتعبره خاليه يضرب دماغه في الحيط خلاص يا احمد انسي منه الطيبه والغبيه قتلتها يا احمد ولا يمكن تخاف منك “من بعد اليوم والله يا انا يا انت واخليك تحفي لحد ما توصل لرضاي وبشروطي انا”مسكت الموبيل واتصلت بيه
منه:الو
احمد بستهزاء :معقوله الشيخه منه متكرمه ومتصله
منه ببرود :اسمعني يا احمد انت مش راضي نتطلق صح
احمد :صح يا مو العريف
منه :اوكي
احمد :مش فاهم تقصدي ايه
منه :اقصد اني موافقه ارجع لك بس بشروطي
احمد :نعععععم ياختي
منه حاولت تظهر القوه وتخفي خوفها :الي سمعته والا مش راجعه
احمد بحده :انتي هترجعي لي لاني طلاق مش مطلق (وبتهديد) والله لاخليك معلقه لا طايله مطلقة ولا متجوزه
منه :وانا عندي الوضع عادي جدا لاني بصراحة كرهت الجواز بسببك وكدابقي عندي عذر لو اتطلقت منك واتقدم لي اي حد
احمد بقهر من برودها :يعني عادي تكوني معلقه
منه :واكتر من عادي اسمعني لو هتخليني معلقه على راحتك عاوزني ارجع اوكي بس بشروطي
احمد ضغط علي اسنانه :وايه شروطك يا كونتيسه هانم
منه :من غير خفه دم ،بقولك بس مش عاوزه اي مقاطعه منك
احمد صرخ :خلصيني
منه :اولا اسلوبك ده تعدله معايا انت مش قاعد تكلم خدامه او صبي بيشتغل عندك لازم تحترمني وتكلمني باحترام
ثانيا ماتحلمش اذا رجعت لك انك تمد ايدك علىا مر ه تانيه لاني مستحيل اسكت لك سامع
احمد بستهزاء :وهتعملي ايه
منه :بسيطه اطلع فضايحك يااستاذ احمد زواجاتك وضربك لي بسبب ومن غير سبب
احمد بقهر :خلصتي
منه :لا فاضل شرط وهو الاهم
احمد :اتفضلي اطربيني
منه :لما ارجع تكون انت بغرفه وانا بغرفه يعني مايجمعناش سرير واحد
احمد زعق :نعم خيييييييييير
منه ببرود:لو سمحت صوتك مايعلاش
احمد :انتي سامعه بتقولي ايه
منه :اه انا مش هقبل تقربلي لحد ما
احمد بفضول :لحد ما ايه
منه :لحد ماارجع احبك واتقبل وجودك في حياتي مرة تانيه
احمد بصدمه :يعني انتي
منه :ايوه يااحمد مابقتش بحبك انت زرعت بقلبي لك كره عمري ماتخيلت اني اكره حد بالطريقه دي
احمد مش مصدق :لا انتي بتكذبي انت لسه بتحبيني
منه :تبقي غلطان يااحمد عاوزاك تعرف من بعد وقعتي منه القديمه ماتت ،منه المطيعه ماتت، منه الغبيه الي تتهان وتنداس كرامتها ماتت، منه الي حبتك في يوم ماتت ،وانت الي دبحتها بمعاملتك اسمعني كويس من اليوم ورايح مش هسكت عن حقي ولا هسكتلك لو صدر منك اي اهانه
احمد :ولما بقتيش بتحبيني ليه قابله ترجعيلي
منه :لاني ماعنديش اختيار تاني ولاني مش عاوزه اكون عاله على اهالي او ابقي سبب لقلقهم عليا واقولك يمكن بعد ماتنفذش شروطي واحسك اتغيرت يمكن ارجع واحبك
احمد :وبعدها
منه :بعدها ماحدش يعرف علم الغيب
احمد :وانا موافق
منه بعدم مباله :تقدر بكرة تيجي وتاخد شنطي وبعد ماترتب اوضتك تيجي
احمد :اوضتي
منه :اه اوضه تانيه الي دخلت عليها في الجناح هتكون ليا
احمد بقهر وسعادة بنفس الوقت :اوكي ومش مستهله انك تيجي يوم تاني بكره هعدي عليك لان اوضتي هتجهز من دلوقت
منه :اوكي سلام
وقفلت “اه وحشتني يااحمد فات اكتر من شهر وماشفتكش اكذب على مين واقول مش بحبك انا بموت فيك
ومش متخيله حياتي من غيرك بس لازم اكسر غرورك يااحمد وان ماخليتك تجري وراي تطلب رضايا ماكون منه يارب اعطني القوة يارب ماضعف قدامه واحن له يارب
…………….
هنادي :دوحه
مدحت :نعم
هنادي : تتمنى يجي ولد ولا بنت
مدحت قعد جنبها ويحط ايده على بطنها :الي يجي من ربنا كله حلو ولد بنت مش مهم
هنادي :يعني لو جبت بنت هتزعل
مدحت :بالعكس هفرح كتير مافيش احلى من البنات ودلعهم وياسلام بقي لو تبقي في دلع امها ده شئ تاني
هنادي :والله
مدحت :والله بس ليه في حد قالك اني ممكن ازعل
هنادي:الصراحه اه اسماء مش عارفه ليه بقت تحب تنكد علىا اسماء اتغيرت جدا يا مدحت ونادر لما بشوفها ولما اشوفها تسمعني كلام مش حلو
مدحت :زي ايه
هنادي :بتقول اني زياده كتير وانك بتتكسف من شكلي وهتسبني وانك لو جبت انا بنت هتتجوز عليا
مدحت حضنها :انا اموت ولا اني اسيبك , انتي عارفه اني بحبك انتي وبس , ومفيشغيرك سكن قلبي , واما عن البنت قوليلها مدحت مش عاوز الا بنات سامعه وبعدين اعذريها هي بتمر بظروف بتخليها تتصرف كدا
هنادي :عارفه عشان كدا مازعلتش منها وبحاول اتحاشها عشان ماغلطش فيها
مدحت :عارف انك عاقله وده الي حببني اكتر فيكي
هنادي بدلع :وانا بحبك حب ومش متصورة حياتي من غيرك
مدحت ضمها :وانا بمووووووووت فيكي ……………………………………..
في فيلا الصياد
اسماء :انا موافقه اني ارجع لـ خالد بس بشرط
ابوها :وهو
اسماء :انه ياخدني اعيش مع مراته التانيه بنفس البيت
ابوها:متاكده يعني انتي موافقه تعيشي مع ضرتك
اسماء في سرها”عاوزه اعرف على ايه حبها انا اجمل منها وابيض منها عاوزه اعرف ليه متعلق بيها كدا والله ياريهام لاخليك تندمي على اليوم الي فكرت فيه تتجوزي فيه خالد “:ايوه متاكده
ابوها :على راحتك
……………………..
على الساعه عشرة وصل احمد عشان ياخد منه ركبت العربيه معاه ومفيش بينهم اي كلمه وصلوا للفيلا وانقبض قلبها لما افتكرت الجحيم الي عاشت فيه بس لازم تنسي الي حصل لازم
احمد :يلا نزلي
منه :ها
احمد :الي واخد عقلك اكيد انا
منه :واثق اوي ما تحلمش اني ممكن اشغل تفكيري فيك انت
احمد ماسك نفسه وكور قبضة ايده :طيب يلا انزلي
نزلو ودخلو كان الكل موجود وفرحانين بوجودها ماعدا اسماء واضح انها حاقده عليها بس هي مالهاش ذنب بالي حصل قعدوا بعد السلام والترحاب بمنه واتعشوا طلعوا لجناحهم واول ما دخلت غيرت هدومها ولفت علي احمد
الي بلم علي كانت عملاه نيولوك رهيب عملت شعرها تدريجي وكان شكله جنان بسبب طوله وكثافته اما الميك اب عملته هادي ولابسه فستان اسود حرير طويل ضيق عند الصدر ووواسع عند الوسط كانت متعمده تعمل كل الحركات دي عشان تغيظه بمعني اخر شوق ولا تدوق
منه ببرود:في حاجه غلط في شكلي عشان تبصلي كدا
احمد بلع ريقه :ها لا لا مافيش حاجه
منه لفت على المرايه تظبط شكلها وبخبث:امممم ايه رايك بالنيو لوك
احمد بنظرات تفحص :خطيييير
منه بدلع :يعني عجبك
احمد علامات التعجب ع ملامحه ولف بالغرفه :بتكلميني انا
منه بتخفي ضحكتها :سلامتك في حد غيرك في الاوضه
احمد يقرب منها :اكيد عاجبني
منه مابعدتش عنه ولا بينت له خوفها وكملت بدلع :تصدق كنت متخوفه من النيولوك ودوخت لحد ما لقيت الي يناسبني
احمد لمس شعرها وبصوت يدوب:انتي اي حاجه بتناسبك وانتي الي تحليها
منه حاولت تتماسك انها ما تسلمش وتضعف :ميرسي على المجامله
احمد ضمها :انتي عارفه اني مش بجامل
منه ارتجف جسمها من لمسته :احمد ابعد
احمد يقرب اكتر ويهمس :مش هبعد انا ما صدقت ترجعي
منه تتصنع القوة :انت وافقت على شروطي ووعدت
احمد :انا ماوعدتكيش بحاجه
منه :بس وافقت
حمد:ومين الي بيجبرني اني انفذ
منه بصت في عيونه بكل ثقه :انا
احمد يشد على وسطها:ماتقدريش وانتي عارفه لو عوزت حاجه بعملها
منه :عارفه بس لازم تعرف انك بتزيد كرهي ليك اذا اجبرتني على شئ
احمد شاف القوة بعيونيها واندهش وسابها :يعني عارفه اني اقدر اجبرك
منه :عارفه “وكملت بدلع “وصدقني الشئ لما يتاخد بالرضا له طعم تاني غير لو كان بالغصب
احمد بلع ريقه :عاوزك تعرفي اني سبتك مش عشان خايف منك ولا مهتم لمشاعركلان انا كمان ماليش رغبه فيكي
منه “والله ونجحت خطتك يامنه “وببرود :وانا اكون اسعد انسانه كل ما تكون مالكش نفس وتبعد عني خالص
لفت الطرحه واخدت بعضها وطلعت من الغرفه وهو وقف مكانه
احمد بيكلم نفسه “مستحيل دي تكون منه يعني فعلا كلامها مابقتش تحبني لا لا هي بتحبني بس يااحمد صدها ليك يثبت لك ايوه منه كانت بدوب بين ايديا اول ما احضنها ومتقدرش تبعد عني مهما عملت واو كنت مزعلها بس دلوقت بقت انسانه جافه وقويه لا بقي مش علي كيفها غصب عنها بتحبني بتحبني انا وبس”
انتبهت له نزل الرسبشن وأأعد جنبها يعني قلت الاماكن “ياربي عاوزه ابعد عنه لالا مش عاوزه اضعف دلوقت مش وقته ”
حط ايده على كتفها حست ان جسمها ولع نار من لمست ايده لكتفها :احمد لو سمحت ابعد
احمد بهمس :ليه خلينا على الاقل نبين لهم ان مفيش بينا مشاكل
منه بنفس الهمس :اوكي بس ابعد ايدك عني
احمد بعناد جرها ناحيته :هنا ماتقدريش تقولي حاجه ولا تقدري تمنعيني
اسماء :مش قلتي انك طالبه الطلاق وانك مش عاوزه ترجعيله ايه الي غير رايك
منه “والله وجاتلك الفرصه يامنه استغليها “وبكل دلع حطت ايدها على صدره :كنت مصره بس ماقدرتش ابعد اكتر عن “وسبلت بعيوني “حبيبي حماده وحشني حضنه
احمد وعلامات الاستغراب الي فالدنيا كلها على وشه وبهمس :انت بتهببي ايه ها
منه وبهمس :مش بتقول نمثل خلاص نمثل
اسماء :يعني انتي بتحبيه
منه حطت راسها على صدره وحضنته :وبموت فيه “طبعا هي اخدت راحتها لان مافيش حد غير اسماء موجود ولا مستحيل تقدر تعمل كدا”
احمد ولاول مرة يحس بقلبه بيدق سريع كدا وبعدها عنه :حبيبتي خلي الحركات لما نكون لوحدنا “وبغمزه “اخاف اتهور هنا
منه أحمر وشها من تعليقه :احمممد
احمد :عيونه
اسماء بقهر :عن اذنكم
منه اول ماطلعت اسماء بعدت عنه بسرعه وائعدت في حته تانيه عشان ماتدلوش مجال يئعد جنبها
احمد : قمتي ليه
منه :الصراحه حسيت بقرف من قربك ليا
احمد وعيونه هتطلع من مكانها :اييه
منه “يارب استر “:الي سمعته
احمد لسه بيقوم الا بدخله ابوه :السلام عليكم
منه واحمد :وعليكم السلام
ابوه :اهلا بيك البيت نور يا بنتي
منه :منور بوجودك
ابو ه :وازيك دلوقت
منه :الحمدالله بخير
على الساعه واحده طلعوا للجناح مع انها ماكانتش عاوزه تطلع معاه بس ماقدرتش ترفض قدام اهله اول مادخلوا دخلت
للحمام بسرعه اخدت شور ولبست بيجامتها وقعدت حوالي ساعة ونص بعدها طلعت بشويش وكانت تتمنى انه يكون نايم بس حظها النحس شافته قاعد مستني “يارب تعطيني القوة ”
منه راحت للمرايه تمشط شعرها :ممكن تطلع عاوزه انام
احمد :………………………..
منه استغربت منه ولفيت له :احمد ممكن تطلع
احمد مدد على السرير :نو
منه اتخصرت :احمد انت عارف اتفقنا
احمد :والله البيت بيتي والغرفه غرفتي وانام بالمكان الي عاوزه
منه “كنت عارفه انك مش هتعدي الموضوع على خير “: بس انت قلت هتنام في الاوضه التانيه
احمد :قلت بس حاليا غيرت رايي وابتسم بطريقه مستفزه
منه اتغاظت “طيب يااحمد “:يعني انت مش راجل لما ترجع في كلامك
احمد وقف ومسكها من دراعها بشدة :قلتي ايه
منه “ماتت خوف لما شافته قصادها بس ظهرت العكس “:الي سمعته يعني الي اعرفه الراجل بيكون قد كلمته ومايتراجع عنها
احمد رفع ايده يضربها بس منه مسكتها بقسوه شديده
منه حاولت تركز نظرها بعيونه وبحده :اوعي تفكر اني هسكتلك لا فوق مش كل مره هسكت والله يا احمد لاصرخ والم البيت كله واخليهم يشوفوك على حقيقتك سامع
احمد عقد حواجبه وسابها وراح نام بالسرير واتغطى باللحاف :اوعي تفكري اني خفت منك ومن تهديدك ،وعشان كدا سبتك بس لاني مش عاوز فضايح
منه “قلبها دق بسرعه وبدئت ترجف لما بعد قلقت لايسمع دقاته وتنكشف “:من دلوقت بقولهالك لو كنت مش هتلتزم بشروطي من بكرة ارجع لاهلي سامع
واخدت مخده وبطانيه وراحت للغرفه التانيه وقفلت على نفسها لانه مش مضمون وبعد مشقه قدرت تنام
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقت زير نساء)
