رواية عشقت زير نساء الفصل التاسع 9 بقلم منة محمد
رواية عشقت زير نساء الجزء التاسع
رواية عشقت زير نساء البارت التاسع
رواية عشقت زير نساء الحلقة التاسعة
ريهام : معقول كل ده يحصل فيكي وانتي ساكته
منه : عاوزاني اعمل ايه يعني
ريهام : وانت ناويه عليه
منه بتنهيده : مش عارفه مقدميش غير الصبر
ريهام : بتحبيه
منه سكتت لانه سؤال متعرفش هل عندها اجابه
ريهام : بسألك ما تجاوبيني
منه: لازم اجاوب
ريهام: شوفي ياقلبي لو كنت بتحبيه هتقدري تتحملي تصرفاته بس لو كان لا هيبقي صعب تكملي
منه بسرعه : أه بحبه بس مش عارفه ليه بيعاملني كدا لو عشان القلم الي اخده منه فهو كان يستهله
ريهام :حقيقي مش عارفه بس تقدري تقولي رجولته اتهانت لما رفضتيه وعطيتيه القلم
منه :انا هحاول ع قد مااقدر اني اتحمل طبعه
ريهام : حبيبتي انتي تقدري تخليه يحبك
منه بحيره ويأس :ازاي
ريهام : انتي ناسيه انك حلوة ،تقدري تستغلي النقطه دي لمصلحتك ،،واعرفي حبيبتي مهما كان الراجل صعب ولوح ،في الاخر بيدوب على دلع وغنج الست وانتي ياقلبي دلعك يدوب الحجر
منه: صعبه مش حاسه ان عندي القدرة اني انفذ الي قلتيه
ريهام : هتقدري ، انتي بس اكسري حاجز الخجل وهايبقي كل شئ سهل
منه : هحاول يلا يا حبي اسيبك بقي دلوقت باي
ريهام : يلا باي،وياويلك تقطعييني ماشي
منه: ههه ماشي
قفلت معاها وراحت تتأكد على شكلها بالمرايه كانت لابسه فستان بالون اللاحمر في اورنج قصير لتحت الركبه
وحاطه ميك اب خفيف يبرز نعومه وشها وهي وشها طفولي يمكن هو مش بيحب الملامح الطفوليه
بس هتحاول تخليه يحبها هي حلوة ومشناقصها حاجه والحمدالله مش غرور بس ثقه بشكلها والي زايد حلاوتها بيضها ولون عيونها الي يشوفها ميقلش مصريه الا يقول اجنبيه فاقت من افكارها باحمد وهو حاضنها من وراه وانفاسه الحاره علي رقبتها
احمد باسها رقبتها :حلوة متخافيش طالعه قمر
لفت عليه وبتردد: بجد
احمد اخد ايديها وحطهم على رقبته وايديه على وسطها اتكسفت ونزلت راسها
احمد رفع وشها له :يا نهاري على االكسوف دوبت انا
منه بدلع عفوي : احمد
احمد “صوتها جننه “:عيونه
منه بخوف : انت بجد شايفني حلوه بجد يعني عاجبتك
احمد باس خدها : اه عاجبتني والا مكنتش اتجوزتك
منه : يعني مش حابب اغير حاجه في شكلي
احمد: لا انتي كدا عاجبني وانا لو حسيت ان في حاجه محتاجه تعديل ع طول هقولك
منه ارتبكت من نظراته الي بتعيشها بعالم تاني وعارفه معناها: احمد مش يلا نمشي
احمد بضحكه دوبتها :بتطرديني ها بس يلا ولا يهمك نمشي ها حابه تروحي فين
منه بفرح :اممممم البحر
احمد : طيب ادخل اغير وانتي جهزي اوكي
منه : اوكي “جات تتحرك مسكها ”
احمد: فين “وشاور على خده ”
منه : ايه
احمد:بوستي فينها
منه بخجل باسته على خده وراحت بسرعه من قدامه دخل الغرفه يغير وقعدت بالصاله رن موبيلها
منه : اهلا يا قلبي انا
مازن : ايوه ياختي اضحكي علىا بكام كلمه
منه : ليه حبيبي
مازن : ياظالمه بقالك اسبوع ولا اتصلتي الا دلوقت
منه : والله اتلبخت وبعدين بكره بتزهق مني احنا بكره راجعين انشاء الله
مازن : توصلوا بالسلامه باذن الله بس خايف تكوني نسيتيني
منه : وانا اقدر انسى العالم ولا انساك انت الحبيب الي سكن قلبي ومافيش بعدك حد
مازن : الله الله اومال خليتي ايه لجوزك
منه :هههههههههههههههههههه
اخدت بالها منه وكان متعصب حست شوي ويطلع من عيونه شرار
منه : يلا اكلمك بعدين باي
احمد مسكها من دراعها بقوة : كنت بتكلمي مين
منه بخوف : ده ده مازن ااخويا
احمد بحده : شايفاني غبي ولا لوح مش بفهم ها
منه مش فاهمه هو يقصد ايه ولسه بتتكلم الا هجم عليها ضرب
احمد: انا ياحيوانه تخونيني انا تستغفليني “وشدها من شعرها “كنتي بتكلميه صح
منه بتعيط : والله “قاطعها بكف على وشها وكف تاني وتالت ورابع “لحد مااغمي عليها على الارض منهاره من التعب
احمد اتنفس بسرعه وصرخ :ناوليني موبيلك
منه مش قادرة تتحرك
احمد رفسها بحده في بطنها وبحده : فين موبيلك تروحي للموت اخلصي
قامت بصعوبه رجولها مش شيلاها وبصعوبه وصلت للمكتبه واخدت تلفونها ومدتهوله اخده منها
وهي مازلت واقفه قدامه سمعته وهو بيكلم مازن وقفل معاه رفعت نظرها توقعته بيتاسف او أي حاجه يبين لها انه غلطان بس لا مش احمد
احمد من غير ما يبصلها : انا طالع
طلع وسابها راحت للغرفه ونامت على السرير وانهارت تبكي بقهر والم حست انها مش قادره تحرك ايدها ظنتها انكسرت نامت من التعب والالم انتبهت الساعه تسعه بالليل قامت بصعوبه ودخلت
الحمام وصلت للحوض واتخضت من شكلها وشها احمر وخدها مزرق وعينها منفوخه ولما شافت ايدها اتحول لونها بنفسجي ومش قادره تحركها والالم فظيع بصعوبه اتوضت عشان تصلي المغرب والعشا وخلصت بصعوبه دعيت ربها يفرج من همها ويهديه ويصبرها عليه سمعت صوت الباب راحت بسرعه للسرير ونامت وغطت وشها رافضه تتواجه معاه
حست بيه لما قعد جنبها وحسيت بايده تلمس وشها ماقدرتش تمسك دمعتها نزلت غصب عنها
احمد : منه عارف انك صاحيه قومي
منه بتحاول تكتم شهقاتها
احمد : منه قومي اتعشي قومي
منه :……………………
احمد بعد عنها اللحاف وجرها لحضنه :منه
منه بالم :اااااااااه
احمد بخوف : قلبي مالك
منه بصوت مبحوح وواضح الالم منه : ايدي
احمد اتفجاء من لونها : ازاي حصل فيها كدا
منه اكتفت انها تبصله بنظره “يعني برئ مش عارف ازاي .
احمد قام وجاب هدومها : قومي خليني اوديكي المستشفى
منه قامت بصعوبه وشغلت النور وانصدم اكتر بملامح وشها بس حاول انه ما يظهر خوفه وخضته :يلا خلصتي
منه ماقدرتش تلبس فهمها وقرب وساعدها سندت عليه ووداها المستشفى سالوها حصل ازاي ده قلت لهم
انها وقعت من السلم جبسو ايدها وعطوها مسكن للالم ……….وصلوا الفندق
احمد :يلا تعالي اتعشى عشان تاخدي العلاج
منه بصاله بقهر
احمد بحنيه : تعالي ياقلبي
منه بصوت يرجف : احمد الله يخليك بلاش تغصبني ماليش نفس
احمد :طيب تعالي ائعدي جنبي
قعدت على نفس الكنبه الي قاعد عليها بس بعيد عنه
احمد قرب منها خافت وتراجعت على ورى بس هو سحبها بحنيه لحضنه فضلت ترجف بين ايديه اخد راسها وحطه على صدره على خوفها بس حست بالامان وهي بحضنه يمكن لانه هو الحضن الوحيد المتوفر ليها حاليا بكت بصوت واطي بس بان عليها من شهقاتها عطاها المسكن مع الميه ورجعها واتفجات منه لما شالها وحطها على رجوله وحضنها ويمسح على شعرها حست نفسها بيبي صغير بحضن امه غمرها حست شوي وبتدخل بصدره ضاعت وهي بحضنه بالنسبه لصغر حجمها وهي بين ايديه
استسلمت للنوم ومانتبهت الا وهو بيصحيها
احمد:يلا ياكسلانه قومي الظهر شوي وهيأذن
منه فتحت عيونها وشافت نفسها على السرير استغربت ازاي جات ومين غير هدومها احمر وشها لما استوعبت انه هو
احمد قعدها جنبه :صباح الخير
منه بخجل : صباح النور ..احمد
احمد:نعم
منه :انت الي وسكتت “نزلت نظرها للبسها وفهم قصدها ”
حمد ببتسامه :ايوه ،انا شفتك نمتي قلت اغير لك عشان ترتاحي في النوم
منه “ياربي على الاحراج “:……….احمد مسح على شعرها : يلا قومي الفطار جاهز ومتقوليش ماليش نفس اكل
منه :طيب ادخل للحمام واغير واجي
احمد بخبث: تحبي مساعده
منه ارتبكت :ها لاء مش محتاجه
قام تاخدت دش ودورت لها علي حاجه تلبسها مايكونش ليها زراير لبست لها فستان اخضر طويل وواسع شكله كيوت وعليه رسوم وزخرفات صينيه خلصت بس ماقدرتش تربط شعرها ولما اتاخرت جالها
احمد: ليه ماجيتيش تفطري
منه وهي ماسكه فرشاة الشعر :مش قادرة اسرح شعري
احمد “حسيتها طفله وهي بتلعب بالفرشاة زعل من نفسه “راحلها واخد منها الفرشاة ومشطهولها
طلبت منه يرفعه بس قا لها لا بحب شكله وهو مفرود لما خلصي سندها ووتوجهوا للصاله
احمد:بنمد قعدتنا لحد ما تشفي خالص
منه “اضايقت مش عاوزه تفضل معاه لوحدها اكتر فتره وبعدين اشتاقت لاهلها “:طيب
احمد وهو بياكل : كلي كويس “ومد لها كاس اللبن
منه كشرت بوشها :يعععع مش عاوزه
احمد: حد يقول ع النعمه كدا
منه : عارفه بس والله مش بحبه ولا بحب منتجاته
احمد:اه عشان كدا من اقل حاجه وتتكسر عظامك لانك مش بتزودي بالكالسيوم بس غصب عنك هتشربيه
منه : مش بحبه ولا بحب ريحته
احمد: اعتبريه دوا اشربيه بسرعه يلا اشوف
منه :مش عاوزه
احمد: مش هتقومي من مكانك لحد ماتشربيه
منه : طيب انا مش بحبه واذا شربته هستفرغه انت بقي هتستفيد ايه
احمد: طيب اشربي على الاقل حبه كل يوم لحد ماتتعودي عليه
منه”عارفه انه مش هيحل عني غيرلما اشربه “:طيب
اخدت اللبن وشربت منه شوي بس ماقدرتش تكمل كشرت وشها : احمد الله يخليك ما تغصبنيش ازيد والله ما قادره
احمد:ههههه هه معليش شوي شوي وبتتعودي عليه
فات عليهم الاسبوعين بهدوء ووشها خف واختفت منه علامات الضرب اما ايدها لسا فيها اثار الكسر
اليوم راجعين خلاص مش مصدقه اشتاقت لاهلها كتير
احمد: جاهزة
منه ببتسامه :جاهزه
احمد: يلا بينا
طلعواا من الفندق وتوجهوا للمطار
………….
في بيت الخطاب
هنادي : ماما مش عارفه امتى جايه منه
ام منه:لا اخر مرة كلمتها من اسبوعين والله انتوا يابنات ما فيكم خير بس شافت الراجل ونستنا
هنادي بضحكه :ماما انتي زعلانه منها
ام منه: لا مش زعل بس واخده علي خاطري منها
هنادي :متعرفيش ايه ظروفها …المهم ليه ناديتي عليا تحبي مساعده
ام منه ببتسامه : اه يا حبيبتي في ناس متقدمين لك
هنادي متفاجئه :ليا انا
ام منه بضحكه: اه ليك انت امال لمين
هنادي بحزن :ماما هما يعرفوا اني ..اني
ام منه: ليه الحزن وبعدين يابنتي صحيح انك امتن اخواتك بس مايتقلش عنك طخينه
هنادي : ياماما انتي عارفه حاولت اخفف بس وزني مش بينزل
ام منه:سيبي التفكير الي لايودي ولايجيب كمان انتي مش طخينه بس مليانه ووزنك لايق بس محتاجه تنزلي كام كيلو وتبقي تمام
هنادي : والله يا ماما تعبت من تعلقاتهم انا عارفه ان جسمي كويس بس العالم مش سيبني في حالي
ام منه:ان ربنا كتب لك نصيب بتكسري عيونهم وبتكديهم ان شاءالله
هنادي : تفتكري هعجبهم يا امي حتى انتي مش بتفكري تاخدي لاخواتي واحده زي عاوزها رفيعه
ام منه: من الناحيه متخافيش انت عجباهم وشفوكي كمان
هنادي بحيا : مين هما
ام منه:اخو جوز منه مدحت هو الي متقدم لك
هنادي اتفاجات انه هو
ام منه: مش عاوزاك تستعجلي خدي راحتك فالتفكير واستخيري وردي علينا براحتك
قامت من جنب امها ومازلت مش فرحانه بتفكر اذا عجبت اهله يمكن ماتعجبهوش معقوله ممكن تعجبه
يمكن الا اكيد لا متعشميش نفسك ياهنادي انت بنت عاديه جدا وغير كدا طخينه ياريت كنت طلعت زي منه حلوه او حتي زيها نحيفه.
………………………………….
في بيت ابو احمد
مدحت بهمس : لسه ماردوش
اسماء : مالك كدا مطيور اصبر لسه مكلمينهم امبارح استني يومين على الاقل
مدحت : وليه التاخير هما عارفينا وسالين عننا قبل كدا يبقي ليه
اسماء :مدوحه الي يشوفك دلوقت يقول انك ع علاقه
مدحت بارتباك :علاقه ايه انتي كمان وبعدين احترمي نفسك وايه مدوحه دي اصغر عيالك ولا ايه
اسماء :ههههههههههه
في نفس البيت لكن بره
احمد: حمدالله على السلامه
منه بفرح :الله يسلمك احمد كنت عاوزه اروح لاهلي
احمد يركب العربيه :بكره ان شاءالله هوديكي تشوفيهم
منه ماحبيتش تناقشه :اوك
وصلوا لفيلاتهم ونزلو وهي متوترة وخايفه من حياتها الجديده ياترى هتتصدم فيهم زي ماانصدمت ب احمد
دخلو والكل اتفاجاء ب احمد :السلام عليكم
الكل : وعليكم السلام
امه جريت عليه :حمدالله على السلامه يا حبيبي
احمدو هوبضم امه :الله يسلمك يا حياتي عامله ايه يا غاليه
امه : بخير ربنا يسلمك
منه قربت وضمتها :عامله ايه يا امي
امه تحضنها : بخير يابنتي وانتي ازيك وازاي احمد معاكي
منه : الحمدالله
اسماء جايه طيران وحضنتها :حمدالله على السلامه يانادله لا اتصال ولااي حاجه كدا اخدتي اخويا ونستينا
منه : معليش ياقلبي اعذريني
مدحت يسلم على اخوه :حمدالله على السلامه يابو عبدالرحمن
احمد: الله يسلمك
مدحت : حمدالله على السلامه مراه اخويا
منه بخجل : الله يسلمك
قعدت جنب احمد وحكينا وسؤلونا عن احوالنا وعن ايدي
احمد:قلت لها ما تركبيش اللعبه بس ده جزاء الي مايسمعش الكلام
امه بحنيه :يابنتي ليه ماسمعتيش كلامه اهو انتي اتأذيتي بس ان شاءالله ماتكونش بتألمك
منه : لا ياامي حاليا الحمدالله وكلها يومين ويفكوا الجبس
اسماء :ربنا يفشلك ووقعتي قدام خلق الله ههههههههههههه بتخيل شكلك “وتلف على احمد” ليه يا حماده ما صورتهاش
احمد بضحكه :انتي بتتريقي ع مراتي
اسماء :هههههههههههههه والله بتخيل شكلها والدموع اربع اربع وهي من غير حاجه بتعيط
احمد:هههه هههه في دي صدقتي
منه “قهرها قاعد يتريق عليها ولا كانه هو السبب
احمد مسك ايدها :يلا عن اذنكم نطلع نرتاح
اسماء : روح انتي وخلي منه عاوزه اتكلم معاها
احمد :خليها ترتاح دلوقت وبعدين ااعدي براحتك
……………
دخلوا بجناحهم وانبهرت بتصميمه كان حلو تصميمه له الطابع الاوروبي كان مكون من صاله وغرفتين نوم
وحمام ومكتب وكان اللون البني الغالب على الجناح دخلت الغرفه وكانت رهيبه والي جذبها السرير
كان فخم وملكي نازله منه ستاير من الجوانب
احمد:ها عجبك الجناح
منه : رهيييييب
احمد :يلا تعالي نغير ونرتاح
منه :بس انا مش جايلي نوم خليني انزل تحت
احمد:لا انا لما انام انتي تنامي ولما اصحى انتي تصحي ويلا روحي غيري
منه بخيبه امل :طيب
لبست قميص نوم قطني وقصير لونه وردي واحمد لبس بنطلون البيجامه واتمدد وعلى طول نام
اما هي فضلت تتقلب بس جفاها النوم على المغرب صحى من النوم ودخل ياخد دش قامت تجهز ملابسه لبست بنطولون جينز اسود مع تيشرت احمر وعليه كتابات باللون الاسود جعدت شعرها ورفعته لانه كدا اسهل لها وحطيت لها روج وكحل
طلع من الحمام والمنشفه على وسطه ورحلها :البسي اسدال الصلاه واذا جم اخواتي تحت وانا مش موجود متقعديش سامعه تطلعي ع طول
منه :طيب
لبس هدومه ونزلوا تحت كانوا متجمعين سلموا على ابو احمد وعبودي الصغير لما شاف ابوه
جه جري وقعد بحضنه وبعدها اخدته منه وفضلت تلاعبه
سهام : ان شاءالله انبسطتوا
احمد:الحمدالله
اسماء :تعرفي منون
منه : خير
سهام :شكلنا هنبقي نسايب مره تانيه
منه بعدم فهم :مش فاهمه ازاي
اسماء :اخويا مدحت خطب اختك ومستنين الرد
منه “لا مستحيل مش عاوزه الي حصل ليا يتكرر لهنادي “:اها
سهام : هما ماقلولكيش ولا ايه
منه : لا ماجتش فرصه اتكلم معاهم كتير
اسماء :عارف ه مدحت طاير باختك من اول ما شافها
منه التزمت الصمت
امهم:ربنا يكتب الي فيه الخير
احمد قام : يلا انا طالع
امه : ع فين يا بني احنا لحقنا نشبع منك
احمد:معلش لازم اطل على الشركه وهفوت علي صحابي
طلع حتى من غير مايكلف نفسه يسالها لو محتاجه حاجه ولا لا سحبتها اسماء وطلعلو لجناحها
ياربي من العيله ماعندهمش الا الجر
اسماء :بسرعه عاوزاك تقوليلي كل شئ بالتفصيل
منه: عاوزني اقولك ايه يعني
اسماء :امممم يعني عامله ايه مع احمد مرتاحه
منه “هه ارتاح انا من ساعه ما اخدت اخوكي وانا في عذاب “:الحمدالله بس تعرفي انه طبعه غير طبعي فلازم اخد وقت علي ما نتعود علي بعض
اسماء : عندك حق وبعدين فرق السن بينكم كتير عشر سنين مش شويه
منه بفرحه مصطنعه :مش مهم اهم حاجه نحب بعض
اسماء بغمزه: وبقينا نحب
منه : اه طبعا لو مش هحب جوزي هحب مين ها
اسماء :انا
منه : لا شكرا انا مش عاوزه غير احمد انتي خليتك لغيري
راحت لجناحها وهي حاسه بالم حاد بيعصر بطنها يوه مش وقتك انتي اخدت برشامه مسكن واتمددت على السرير
انتبهت لباب الغرفه بيخبط قامت :مين
اسماء :انا
فتحت الباب ووشها باين عليه التعب والاجهاد :تعالي
اسماء :منه مالك وشك اصفر
منه : ولا حاجه بس تعرفي العله
اسماء استوعبت : اها اليوم اول يوم
منه :اه
اسماء :طيب تعالي اتعشي وخدي لك مسكن
منه :اخدت وبجد ماليش نفس عاوزه انام بس
اسماء :طيب اذا احتجتي حاجه رني عليها اوكي
منه :اوكي
على طول راحت للسرير واتمددت واستسلمت للنوم …………انتبهت لـ احمد بيصحيها شافت الساعه 7ونص الصبح
احمد:قومي جهزي هدومي والفطار
منه قامت من السرير :حاضر
احمد:وكل يوم قومي وجهزيهم مش لازم اقولك
منه :طيب
جهزت ملابسه واخدت اسدالها ونزلت تحت شافت الخدامه وقلتلها توريها اماكن مستلزمات الفطار
شالت الصينيه وطلعت بيها فوق وهي بطنها وجعها من الالم لازم اول يومين تقتلها وجع حطت الصينيه بالصاله ودخلت الغرفه شافته مخلص لبس
منه : الفطار فالصاله
احمد راح الصاله وقعد يفطر راحت وقعدت جنبه
منه :احمد ممكن توديني النهارده بيت اهلي
احمد:خليك جاهزه علي العصر
منه بفرح :طيب
قام وطلع اخدت الصينيه ونزلتها تحت ورجعت نامت ………الساعه واحده انتبهت قامت ودخلت الحمام
ولبست الاسدال ونزلت :سلام
امه وسهام :وعليكم السلام
منه :اخبارك يا امي
امه: بخير يابنتي وانتي عامله ايه
منه : الحمدالله
وصل احمد الساعه اتنين واتغدوا وطلعوا جناحهم عشان احمد يريح الساعه تلاته ونص قامت تجهز نفسها
لبست جيبه طويله ع بلوزه برتقالي وطرحه وميكب بسيط
وراحت تصحيه وقام طلع من الحمام وقعد يبصلها وقرب منها وهو مازال بالفوطه ،احمر وشها
من قربه حسيت بحراره ايديه على وسطها :النهارده وشك منور
منه بحيا :يمكن لاني هشوف اهلي وحشوني
احمد :اها
منه بتحاول تهرب منه :لبسك جاهز
احمد بصلها من فوقي لتحت :طيب “وعض شفته “بقولك ايه منون
منه :نعم
احمد:اجلي مروحتك وهوديكي بعد ساعتين كدا
منه :ليه
احمد:عاوز اقعد معاكي
منه “ياربي هقوله ايه ده دلوقت والله اتحرج اقوله
احمد يبوسها وسحبها من ايدها للسرير
منه :احمد مش وقته
احمد بصوت يدوب :وقته ونص
منه بعدت عنه :انا هنزل لحد ما تخلص
احمد سحبها له بعنف :بقولك عاوز اقعد معاكي تقوليلي انزل بتستهبلي انتي ولا ايه نظامك بالظبط
منه :ااه احمد ايدي
احمد :سيبك من الاستهبال
منه بحده :احمد ابعد عني
احمد رفع حاجبه :ايه النبره الجديده دي يا هانم
منه :عشان ماليش خلق
احمد:ومين قالك انا مستني يكون لك خلق ولا لا
منه “ياربي بدء يتعصب اقوله ايه”:احمد البس هدومك وخيلنا ننزل تحت
احمد بتحكم:لا اا انتي مينفعش معاك الطيب “وسحبها ورماها على السرير
منه”يي يي لازم اقوله يي “:احمد متقربش انا محرمه عليك
احمد مش مستوعب :محرمه “واتكتف ” وليه انشاء الله محرمه
منه “ياربي ليه مش راضي يستوعب غبي
احمد بحده :مش على كيفك تحرمي الي تعوزيه سامعه وانا لما احب اخد حقوقي هاخدها برضاك او من غير رضاكي
منه بخوف من صراخه :وانا ماقلتش حاجه بس حاليا مااقدرش اديلك حقوقك
احمد :وليه فوق راسك ريشه
منه احمر وشها :لا مش كدا بس
احمد:بس ايه اتكلمي
منه :ممم انا “بقوله بقولها والي فيها فيها “انا عندي عذر فهمت
احمد استوعب :جاتلك الدوره
منه هزت دماغها بـ ايوه
احمد بنرفزه :وده وقتها وطيب ليه تطولي الموضوع وهو قصير ليه ماقلتيش من البدايه ها
منه :يووه يااحمد اعمل ايه اتكسفت
احمد ببتسامه :طيب مره تانيه انطقي مش تخليني افقد اعصابي عليك
منه :طيب
احمد:يلا البسي هدومك على ماالبس “نرفزتني توقعها رافضه انه يلمسها او يقرب منها والله كان ممكن يموتها لسه كنت همد ايدي عليها من الغل بس يلا اروح لواحده من الي عندي امممم اروح لدنيا ولا هند امم يلا اوصلها واشوف المزاج هياخدني لفين ”
…………………………………..
امها حاضنه منه :حمدالله على سلامتك
منه بتمسح دمعتها :الله يسلمك ازيك يا امي وبابا عامل ايه
امها:بخير ياقلبي انتي طمنيني عليك ازيك مع احمد ان شاءالله مرتاحه
منه “فين ارتاح وكل مااقول بقي كوويس معايا يجي يقلب اسوء “:الحمدالله يا ماما
هنادي جايه جري :منونه
منه فتحت دراعتها ليها وضمتها بحضنها :وحشتيني
هنادي :انتي اكتر وحشتيني اوي
منه : وانت اكتر ياقلبي اخبارك
هنادي : بخير يوم ماشفتك اخبارك ها مرتاحه
منه تتصنع الفرحه : اكيد
انتبهوا لايدها :منه مالها ايدك
منه :ابدا في لعبه ركبتها بالملاهي ووقعت وانكسرت ايدي
امها بعتب : يا منه ليه تركبي اللعبه ماكبرتيش
منه : اه كبرت بس ما عجزتش انا لسه شباب خليني اتهنى
هنادي:عندك حق، وبعدين اللعب يناسب جميع الاعمار حتى انتي
امها : اركزي بقي ومش تكسفينا قدام جوزك
هنادي :يا مامي
منه :انتي وافقتي
هنادي : اه
منه”لا ياهنادي خايفه يكون زي اخوه ويسود عيشتك وانت حساسه كتير “:متاكده
هنادي بخجل :اه انا استخرت ،وحلمت، حلم ريحني جدا
منه “اخاف اتكلم اثير شكوكهم ياربي اعمل ايه مش عاوزه مصير اختي يبقي زي مصيري “:فكري كويس ده جواز مش لعبه مسؤليه انتي قدها
هنادي : صدقيني فكرت فيها كتير وبعدين في نقطه ايجابيه في الموضوع
منه : الي هي
هنادي : اننا هنكون سلايف و ساكنين مع بعض
منه “وده الي مش عاوزاك تلحظيه الي بيحصل بيني وبين احمد “:بس برضه ماتخديش قر ارك بسرعه
هنادي : منه انتي مالك حسيت انك مش عاوزاني اتجوز مدحت في حاجه
منه : لا والله مافيش حاجه بس مش عاوزاكي تتسرعي وانتي لسه صغيرة
منى من بعيد : منونه هنا ليه ماصاحتونيش
وجات وحضنتها وحضنتها اشتقت لهم كتير وبعد السلام
منى :اوعي تقول ناوي تمشي بدري اسهري معانا
منه : نفسي بس معرفش احمد تعرفي لازم ينام بدري وراه شغل
هنادي : خليه ينام بابا ولا حد من اخواتي يوديكي
ام منه : اه اقعدي خلاتك جاين مع خوالك نفسهم يشوفوكي
منى : اه اتصلي اديلو خبر يتاخر يلا منون والله ماشبعنا منك
منه:طيب
اخدت موبيلها ورنت عليه بس ماردش وحاولت مره تانيه نفس الشئ مفيش رد
منه : شكل التلفون مش جنبه مش بيرد
منى : ان شاءالله مايخلصش شغله الا بكره
هنادي :ههههههههه قويه قولي لاخر الليل على الاقل
ام منه : حاولي مرة تانيه ولو ماردش ابعتيلو رساله
منه :طيب بحاول مره تانيه
اتصلت مرة ومرتين ولسه بتقفل الا جالها الرد بس لا مكانش احمد :الو
صوت انثوي:نعم
منه قامت وراحت برا الصاله : انتي مين مش ده موبيل احمد
الصوت :اه نعم انتي أي واحده فيهم رشا والا هند
منه مش مستوعبه : مين
الصوت :اها تبقي منه
منه : ممكن اعرف مين انتي وليه بتردي على موبيل احمد
:انا دنيا مراته
منه وكأن حد كاب عليها مايه بارده :مراته
دنيا : اه يا حبيبتي واحمد مش فاضي لك مش كفايه استوليتي عليه شهر
منه مش قادره تصدق متجوز و تلاته كمان مش واحده.وهي كدا الكام
……………………..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقت زير نساء)
