رواية عذاب الحب الفصل السادس عشر 16 بقلم مارلي إيهاب
رواية عذاب الحب الجزء السادس عشر
رواية عذاب الحب البارت السادس عشر
رواية عذاب الحب الحلقة السادسة عشر
فهيم اول ما شاف الرسالة اتصدم و اتصدل علي مالك اللي رد ببرود
ها اية رايك في الفكرة
فهيم بعصبية
انا مش هعمل كدة انت فاهم مش هدخل نفسي في حوارات تاني
مالك ببرود
خلاص يا فهيم انت حر بس مترجعش تندم لما تلقي نفسك واخد حكم بالاعدام و تميم خرج و انت هتتحبس حتي انا لو اتحبست هاخد كام سنه سجن مش انا اللي قاتل بايدي انا يدوب قولتلك اقتلها و هتشال من الداخلية مش فارق معايا معايا فلوس تعيشني ملك زماني يا حبيبي
شوف انت بقي ورد عليا
قفل مالك الخط وجلس فهيم و الدموع تلمع في عيونه وقال بحزن
انا اللي عملت في نفسي كدة من الاول مكنش لازم اسمع كلامه اهو كل شوية بيغرزني في مشكلة اكبر منها انا مش عايز اتحبس مش عايز امي تتبهدل لازم اعمل اللي هو عايزة علشان اقدر احافظ علي حياتي و علي امي و اختي اللي هتتفضح قدام اهل جوزها لازم اسكت
في بيت مالك دخلت سلمي وقالت بخوف
مالك انا تعبت وعايزة اخرج شوية لو سمحت
مالك في غرفته هو يدخن السجارة قرب منها وقال ببرود
مش انا قولتلك مفيش خروج يا حبيبي ليه مصره تضايقني و تفتحي الحوار ده تاني مش هنخلص بقي يا سلمي
سلمي بدموع
انا بقالي اسبوعين مخرجتش الشارع يا مالك ليه حبسني عايزة اخرج اشم هوا هو انا بطلب حاجة حرام
مالك نظر لها لدقيقة ثم مسكها من شعرها بعنف وقال
ايوة حرام لما اقولك مفيش خروج ليكي و برضه عايزة تخرجي يبقي حرام المفروض تتطيعي جوزك
سلمي بالم وبكي
انا بستأذن منك يا مالك ارجوك سبني
مالك قرب منها بستفزاز وجهه لا يبعد عن وجهها سم وقال ببرود.
وانا مش موافق اية رايك بقي
وشد شعرها اكتر وهي صرخت وبكت
شعري حرام عليك يا مالك انا اسفة خلاص مش عايزة اخرج بس سبني ارجوك سبني
مالك ساب شعرها ووضع يديه علي خصرها وقربها منه بحدة وهي نظرت له بخوف
مالك وهو يبعد خصلات شعرها عن وجهها وبيقول
قوليلي بقي يا سلمي بتحبني ولا لاء
سلمي نظرت له باستغراب وخوف
ها اية لازمة السؤال ده عمرك ما سألتني علي حاجه زي كدة
مالك ببرود وهو يشدد علي قربها منه
مزاجي دلوقتي اسمعها منك يا حبيبتي ها قوليلي بتحبني ولا بتكرهني
سلمي بخوف و دموعها تنزل
مش هتضايق من اجابتي
مالك ببرود
لا طبعا انا عايز الصراحة لو كدبتي عليا ساعتها انا فعلا هزعل منك
سلمي برعب وهي تبكي و غمضت عينيها
انا انا انا مش بحبك
مالك ابتسم ببرود و هو يزيح خصلات شعرها ووضع يديه علي وجهها و قرب منها وقال بابتسامة
وماله يا حبيبي كويس انك قولتي الحقيقة يا بيبي
سلمي نظرت له بخوف
مالك انت ليه غريب النهاردة
مالك ببرود
اصل بعيد عنك يا حياتي دماغي مشغولة بحاجات كتير قوي يا حبيبي وبعدين سيبك من الكلام اللي ملوش لازمة ده انا بقالي كتير مقربتش منك واخد بالي انا اهملتك مش كدة
سلمي برعب
لا لا مش مهم يا مالك
مالك ببرود
ازاي بس يا حبيبتي وبعدين انا راجل بيحب يقدر الجمال ولا ابقي مش بفهم بقي
سلمي بعدت برعب وبكت
ارجوك يا مالك انا تعبانة مش عايزة
مالك ببرود وشدها قربها منه تاني
مش مهم
وميل عليها وقبل شفتيها بعنف كالعادة وهي حاولت ابعده عنها ولكن مفيش استجابة بكت وهو شعر بدموعها وقال برغبه
عيطي كمان يا حبيبتي
وقبلها مرة اخري بعنف اشد ويشد شعرها بعنف وهي لا يوجد في يديها غير البكاء
////////
في الحجز كان قاعد تميم و هو بيفكر هيخرج امتي من السجن
تميم بحزن
حتي لو خرجت يا تميم بعد كل اللي اهل رفيدة شافوه وسمعوه عنك. يا تري هيوافقوا بيك اكيد لا طب انا هخرج براءة ولا هتحبس ولا اية انا مبقتش عارف حاجه حاسس اني في دوامة مش هخرج منها علي خير بس انا واثق في ربنا انه مش هيسبني يارب يارب
/////
في بيت محمد كان قاعد وامامه ندي و هي تطعم حمادة ابنها
ندي باستغراب
مقولتليش يا حمادة دول خطفوك ازاي يا حبيبي مش انا قولتلك متروحش مع حد
محمد كان مركز في حديثهم
حمادة بحزن
يا ماما انا مروحتش معاهم انا في واحد صاحبي وانا مستني البوابة تتفتح قالي ابوك مستنيك ولا المدرسة روحت ليه لقيتهم رشوه مادة مخدره علي وشي محستش بنفسي غير وانا مربوط و متكتف
ندي بدموع حضنته
معلش يا حبيبي انا معدتش هسيبك لوحدك ابدا في كل مكان هكون معاك
محمد بضيق
ما خلاص يا ندي الواد و كويس و مفيهوش حاجة متكبريش الموضوع قوي كدة يعني اية كل ما يروح في حتي هتروحي وراه هو عيل ده عنده عشر سنين مش صغير يعني
ندي بصدمة
انت عايز حد يعمله حاجة تاني يا محمد انت مش خايف علي ابنك يا راجل انت
محمد
لا طبعا خايف علي ابني بس انتي كدة بتخوفيه خلاص موقف وعدة و مش هيحصل تاني
ندي بصدمة
وانا اية بقي ضامن ليا ان ده مش هيحصل تاني بتشم علي ضهر ايديك
محمد بغل
انا سايبهالك و ماشي جاتك القرف وليه بومه
خرج محمد وه بيشرب سجارته وطلع تليفونه و اتصل علي فهيم
فهيم بضيق
عايز اية يلا
محمد بضيق
ليه الغلط. ده بس يا باشا انا بس كنت بفكرك بالمليون و نص الباقيين انا مخدتهمش
فهيم بعصبية
انت هتستعبط يا روح امك هو انت كنت شهدت ولا مراتك ما قالت ان حد وزها تقول كدة متعصبنيش عليك
محمد بضيق
بس هي اعترفت لولا الست المجنونة اللي اسمها سماح ولا سعاد دي هي اللي بوظت الدنيا و مراتي هبله لما سألوها تاني مقدرتش تنكر
فهيم بعصبية
انت اصلا ترجع المليون ونص اللي اخدتهم علشان انت منفذتش اللي اتفقنا عليه يا زفت ي
محمد بعصبية
لا معلش بقي يا حبيبي دانا اروح بكرة اشهد في المحكمة و اقول مين اللي جه خبط علي بابي وقالي علي الحوار ده واديهم رقمك هما يتصرفوا بقي
فهيم ضحك بستهزاء
ده علي اساس ان الرقم اللي معاك متسجب في الشركة وعلي اساس برضه انك تعرف اسمي انت مش قد اللعب معايا يا محمد احذر مني
قفل فهيم في وشه و هو مضايق و متغاظ من محمد ومن مالك و من نفسه
///////
في الشركة كان احمد قاعد علي مكتبه ودخل راجل يظهر عليه الوقار
احمد بابتسامة
اهلا يا عمي اتفضل
عادل بهدوء
اخيرا جيت شغلك يا احمد انا قولت خلاص احمد رمي طوبتنا و مشي
احمد بهدوء
بعتذر يا عمي بس انت عارف الظروف اللي بنمر بيها انا و مراتي و لازم اقف جنبها
عادل بهدوء
طلقها
احمد نظر له بصدمة
اية اللي بتقوله ده يا عمي
عادل بهدوء
اللي سمعته طلقها البت دي هتجيب لينا فضايح بسبب اخوها قولت هتجوز واحدة من بنات الشعبية و الفقراء وافقنا لما صممت و لكن سمعتي و سمعتي شركتي تضر انا مش هسمح بكدة يا احمد
احمد بعصبية
حضرتك عايزني اسيب مراتي و تقولي سمعتك سمعتك مالها ومالي وبعدين انا مسمحش لحد انه يتكلم عن مراتي كدة و انا استحالة اسيبهو
عادل بهدوء
خلاص اعتبر نفسك مرفود من الشركة و محدش هيقبل يشغلك و الشقة اللي انت قاعد فيها انا هاخدها خد مراتك المكان الزباله اللي هي عايشة فيه و عيشوا سوا و ابقي قابلني لو لقيت حد شغلك انا قبلت اشغلك في الشركة علشان خاطر امك اللي اترجتني لكن مش. هسمح ليك سمعتي تتاثر يا اما تسمع الكلام وتطلق البت دي
احمد بهدوء
انا مش هطلق و شقتك مش عايزها و شركتك مش عايزها خليهالك
قال احمد كلامه ومسك الجاكت بتاعه وخرج بره المكتب و هو متعصب طلع بره الشركة واخد عربيته وذهب الي بيت روان
في السوق كانت روان بتشتري طلبات البيت وكانت خلصت و هتروح علي بيتها
وكان شايفها المعلم سيد قرب منها وقال للصبي بتاعه
خد ياض الحاجة من الانسة وطلعهم البيت
روان بهدوء
مفيش داعي يا معلم انا هروح بيهم عادي
المعلم سيد
ابدا ما يحصل ما تتحرك يلا
الصبي اخد منها الحاجة وطلع علي بيتهم المعروف في الحارة
روان بضيق
شكرا يا معلم
المعلم سيد قرب منها وقال بابتسامة
علي اية بس يا ست البنات دا احنا اهل و جيران من زمان
روان بضيق
بقولك اية يا معلم قطمه اكتر من نحته انا مش هتكلم كتير مش معني انك ساعدت اخويا اني هسمح ليك باي تجاوز
المعلم سيد بهدوء
فين التجاوز ده بس يا ست البنات
روان بضيق
انك توقفني كل شوية في الرايحة و الجاية يا معلم ده تجاوز انك تخلي عيل من صبيانك يا اخد الحاجة يوصلها البيت تجاوز ياريت لو سمحت متوقفنيش ولا تقرب ليا تاني
المعلم سيد بهدوء
شوفي يا ست البنات انا راجل دغري مش بحب اتكلم كتير يا ست البنات انا عايزك في الحلال و انا اوعدك لو وافقتي اعيشك ملكة
روان بضيق
تتجوز مين انت عارف سنك كام و انا سني كام و غير كدة انا استحالة اتجوزك انت راجل متجوز تلاته انا مقبلش اكون عدد في حياة اي واحد و يبقي ليا يوم ولا اتنين بيتحددوا و مقبلش اتجوز واحد اقل مني في التعليم انا واحدة خارجية كلية وزي ما انت شايف يا معلم انت لا متعلم ولا في اي حاجة تخليني افكر حتي اني اوافق عليك اديني جبتهالك علي بلاطة يا معلم بالاذن
مشيت روان وسابته من غير ما تسمع رده وهو اتغاظ وقال بغل
بقي بعد كل اللي بعمله ده و تعملي كدة طيب اقسم بالله يا روان ما انا ن سايبك و هخليكي تجي تركعي تحت رجلي علشان اتجوزك و اصبري و انتي هتشوفي بنفسك مش المعلم سيد اللي يتهان كدة
رجعت روان علي البيت وكان احمد قاعد وزعلان
روان باستغراب
احمد اية اللي رجعك بدري
احمد قال بهدوء
هي روفان مش معاكي يا روان
روان بهدوء
لا راحت تجيب العيال من الحضانة ولسه مرجعتش
احمد قام بهدوء وقال
طيب هستنها تحت لغاية ما تجي
روان بهدوء
ليه يا احمد هو انت غريب
احمد ابتسم
معلش مش عايز حد. يتكلم عنك هنزل اكلمها تحت بعد اذنك.
خرج احمد. من الشقة و نزل تحت وقف في الشارع
واتصل علي روفان
روفان بهدوء.
الو يا احمد
احمد بهدوء
انتي فين يا روفان
روفان بهدوء
انا كنت بجيب العيال من الحضانة انت مش في الشركة ولا اية
احمد بضيق
لا انا في الحارة واقف في الشارع مستنيكي
روفان بهدوء
طب ما تطلع روان فوق
احمد بغيظ
اطلع فين يا هبلة ما انا عارف انها موجودة فوق ميصحش اقعد انا وهي سوا الناس ما بتصدق تتكلم
روفان ابتسمت
طيب طيب بس انت سبت الشركة ليه دلوقتي
احمد بضيق
تعالي بس وانا هقولك علي كل حاجه
روفان بقلق
هو في حاجة يا احمد
احمد بحزن
في حاجات يا روفان انا اترفدت من الشغل
روفان بصدمة
يا نصبتي ليه عملت اية
احمد بحزن
تعالي بس يا روفان و نتكلم لما نطلع فوق
روفان بحزن
ماشي انا خمس دقايق وهبقي. قدامك. يا احمد مع السلامه
احمد بحزن
مع السلامه
قفل احمد معاها و فضل واقف مستنيها لغاية ما شافها جت ومعاها اسيا و ادم
روفان بقلق
حصل اية
احمد بحزن
مش هنتكلم في الشارع تعالي نطلع فوق
روفان بقلق
طيب يلا تعالي
طلعوا كلهم الشقة وكانت روان قاعدة مستنياهم
روان بهدوء
حمدلله علي السلامة
روفان بحزن
الله يسلمك
روان بقلق
مالك فيكي حاجه
روفان بحزن
استني يا روان دلوقتي قولي يا احمد حصل اية
احمد بحزن
عمي طردني واخد الشقة اللي كان مقعدنا فيها
روفان بصدمة
ليه بس يا احمد انت عملت حاجه غلط.
روان بضيق
وحتي لو عمل حاجه غلط مش من حقه يعمل كدة مع ابن اخوه
احمد بحزن
علشان مردتش اطلقك بعد اللي حصل مع تميم خاف علي سمعة شركته قال يمشيني منها او اطلقك.
روان بحزن
اية الجبروت ده هو ماله و مال اخويا اصلا
روفان بدموع طبطبت علي كتفه وقالت
طب وانت هتعمل اية يا احمد و هنعيش فين و هناكل ازاي و اكيد. عمك مش هيسكت لا هو ولا امك غير لما تخليك تتطلقني
احمد بهدوء
انا استحالة اسيبك يا روفان لاي سبب من الاسباب اذا كانت امي او عمي يا روفان خليكي واثقة من ده و انا هاخد السي في بتاعي و هروح اقدم في أي شركة تانية لغاية ما ربنا يفرجها
روفان بدموع
يارب يا احمد
اسيا قربت من امها وقالت
ماما هاتي الفون العب شوية
روفان بضيق
هو ده وقتك يا اسيا دلوقتي
اسيا
انتي امبارح قولتلي هتديني الفون و متدنيش حاجه
روفان طلعت تليفونها وقالت
روحي اقعدي انتي واخوكي في الاوضة
اسيا
حاضر
دخلت اسيا واحمد قال
انا بعد اذنك يا روان هدخل انام شوية
روان بهدوء
متستأذنش يا احمد ده بيت مراتك زي ما هو بيتي اتفضل
احمد ابتسم في وشها ودخل الاوضة و روان قالت لروفان
انا مش عارفة هي المصايب مش لاقية غيرنا
روفان بدموع
ان شاءلله خير يا روان قومي نصلي الضهر و نطلب من ربنا الفرج
روان بهدوء
تمام يلا
///////
في بيت رفيدة كانت حبيسة غرفتها منذ اخر يوم كانوا في المحكمة
ليلي بهدوء
هتفضلي لغاية امتي قاعدة في الاوضة يا رفيدة
رفيدة بهدوء
وانا كدة كدة مش محبوسة و ممنوعه من خروج البيت اية يعني لما اقعد في الاوضة
ليلي جلست بجانب ابنتها وقالت
اسمعي يا رفيدة انا مش هتكلم كتير بس حتي لو الواد ده خد براءة مش هنقبل بيه زوج ليكي فا ياريت لو حاطة امل شيله و امحي نهائي من تفكيرك
رفيدة بصت بعيد عنها وقالت
ما انا لو مش هتجوز. تميم مش هتجوز غيره يا ماما
ليلي بعصبية
خلاص را روح امك عنسي و خليكي قاعدة جنبنا احسن ما تروحي تتجوز مجرم جاتك القرف
قالت كلامها وخرجت بره الغرفة بعصبية اما رفيدة بكت بقهر محبوسة بين جدران الغرفة منذ ثلاث ايام لا تخرج ولا تتحدث مع احد
//////
مكالمة بين مالك وفهيم
فهيم بضيق
انا موافق بس مش هنجي جنبها ولا حتي هنتكلم معاها في حاجة ومش هتبين وشنا ليها
مالك بهدوء
انت اللي هتنفذ كل حاجه لوحدك لو مش عجبك. انت حر بقي انا قولتلك اللي فيها قبل كدة
فهيم بعصبية
طيب يا مالك بيه مع السلامه
مالك ببرود
سلام
قفل فيهم مع مالك و هو متعصب وقال بضيق
وانا دي بقي هخطفها ازاي
/////
هنا انتهي البارت
س
يا تري كلام روان للمعلم سيد صح ولا غلط
وهل فيهم هينجح في خطف روان وهينجح في انه يخلي تميم يعترف علي نفسه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عذاب الحب)
