رواية عافك الخاطر الفصل الثاني 2 بقلم رويدا القاضي
رواية عافك الخاطر الجزء الثاني
رواية عافك الخاطر البارت الثاني
رواية عافك الخاطر الحلقة الثانية
كريمة: قربت من الجثة وانا نجر في رجليا غصب وصلت لقيتها كوثر واضح من طريقة موتها انها رقبتها مكسورة لانه رأسها في جهة عكس جمسها
كانت ملامحها باردة 💔💔نبكي بهستريا وكانه حوش اموات مافي حد امي من الخوف ماقدرتش
تقرب من بنتها …..
نضت جمعت قوتي وغيرت ولبست عبايتي ورجعت جنبها في منتصف الليل سمعت صوت دوشة البرا عرفت انه بوي جاء ….
فتحي: انت شن اديري هنيا اقلبي وجهك لحوش راجلك ….ساد الكلبة هاذي دارتلي العار….
عائشة:شن علاقتها هوا روح وخلاها شن تبيها ادير تروح معاه غصب.
محسن: ياعمي انا سامحتها خلاص لازم نرفعوها باش انغسلوها… اكرام الميت دفنه…
كريمة:من كمية الوساخة للي هوا فيها مش قادرة نستوعب…
فتحي:بارك فيك ياولدي والله ماني عارفة وين انحط وجهي منك بعد هذا ك
له مازال تفكر في دفنها …
محسن: هيا بنت عمي من لحمي ودمي قبل ماتكون مرتي… وماتنساش انها ماتت وهيا ع دمتي…
كريمة:في خاطري لو عندك دمة مش هذا حالك …..
في ليلة الحادثة يوم ماتت كوثر….
لطيفة: ها سلم ولدي هنيني ع الغاليه كوثر…
مسرة:هذا من توا توصي عليها ربي يستر ع بعدين…
كوثر: قربت بست جبينها ربي يحفظك يامرت عمي ياغالية….
ماكنتش نعرف شن يستنى فيا والانسان النظيف دائما يشوف الناس زيه ….
محسن: هيا بالك بنخشوا للحوش هو هذاك…
كوثر:كنت نحسابه زي واحد ملهوف ع مرته ماكنتش نعرف شن يستنى فيا وصلت للحوش خش قبلي نحى الجاكيت متعه وانا نشوفله في خاطري نقول يارب يتخلص من السم للي ياخد فيه …..قرب مني وبدأ يضرب فيا حاولت نهرب لكن الفيلو وثقله منعني نهرب طحت ….
هاذي نهايتك رح تموتي زي الكلبه والناس كلها رح تلعنك وانتي ميته……
طلع بعدها محسن وبدأ يمثل انه منهار وانه قتل كوثر لما لقاها فاقدة عذريتها… ومافيش حد قدر
يقوله كيف قتلتها لما القضية تخص الشرف كلها تسكت مافيش حد يتكلم…
ونسوا قول الله تعالى في سورة الحجرات…
{يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ (6)}
عائشة: نوضي سلم بنتي كولي حاجة حرام عليك للي ادير فيه في روحك….
كريمة: ماما انت قادرة تصدقي كلامك الحقيرة
لطيفة وبنتها وولدها الحشاش…
عائشة: انا نعرف بنتي مستحيل ادير الكلام للي هما قالوه …لكن مانقدرش نتكلم انتي تعرفي بوك وطبعه وانا خايفة عليك…
كريمة: شفتي تقرير الطبيب الشرعي ولا.لا.
عائشة:عند عمك شن بنشوف فيها اختك ميته بسبب كسر رقبتها…
كريمة: وجعتني كوثر كيف ماتت ظلم كيف سمعتنا تمسخت ظلم كيف الناس تعزي فينا والشماتة في عيونهم ….
عائشة: ربي يمهل ولا يهمل مصيره الحق ايبان …
ولطيفة وبنتها معاش نبيهم في حياتنا بكل منافقات بنتي مشت عند الرؤوف الرحيم اما هما مايعرفوش شن داستلهم الايام في كل ركعه رح نحسب ربي فيها وفي ولدها ….
قيس: انا معاش نبيها وفوتت اسبوع بعد الوفاة وجيت بالاصول باش نطلقها ….
فتحي: انا ماعنديش بنت تتطلق هذا اولا ثانيا لوتفكر مجرد تفكير انك اطلقها رح تكون جثك بجنب اختها وانت فكر….
محسن:عادي ياعم انا وخوتي موجودين وربي ندفنك وانت حي لو تبدأ تحت سابع أرض نجيبك
فنصيحة مني نوض روح بمرتك خير….
كريمة: نسمع فيهم كيف جبروه عليا جبر وقررت نسكت لين ربي يفرج ونشوف شن رح ايصير معاي.
عائشة: البسي عبايتك سلم بنتي راجلك جاي بيروح بيك…
كريمة: اما راجلي المغصوب عليا للي خلاني يوم فرحتي قدام الناس وسبني اما راجلي للي مافكرش ايقيم هاتف يعزيني في اختي….
عائشة: ماتشغليش قلبي عليك سادني نار اختك…
كريمة: ماتخافيش حتى انا عندي جهنم قيس ولا جنة فتحي ومحسن ….يوم تبني تعاليلي في حوشي هذا كان قعدت حية وماتبلاش عليا حتى هوا…
عائشة: حضنتها ماتقوليش هكي كله يتصلح…
كريمة: الا كسرت الخاطر …
في الطريق وانا مروحة معاه …
قيس: كيف حالك…
كريمة: نشوف للجهة الثانية ولا رديت عليه عرف اني مانبيش نكلمه.
قيس: حطي نفسك في مكاني هذا تصرف رح ايديره اي شخص كان بينحط في موقف زي موقفي….
كريمة: ع فكرة مش مجبور تتكلم وتبرر لانه لو قعدت اسنين تحكي مستحيل نعدرك ووفر ع روحك نعرف انك روحت بيا خوف من بوي ومحسن مش حب فيا ….
قيس: مافيش كلام ينقال …..
كريمة: وصلت للحوش نزلت وكأنه ماشيه لموتي كيف فتح الباب خشيت لقيت امه واخواته مقعمزين في الصالة متعي وقهوة وحلو ونشواف وجو كأنهم محتفلين….
صالحة: شن جابها هاذي معاك مش قتلك طلقها ماتشرفناش….
قيس: توا نفهمك بعدين….
اخته الكبيرة سهام: طلقها والف وحدة تتمناك شن ناقصك تاخد وحدة اختها بلاشرف…
كريمة: بكل هدوء الارض اختي اشرف منكم ….
قيس: بدون مانفكر طول ضربتها كف…
صالحة: الحقيرة ان شاء الله تقتلها… يكفي انه روح بيك وسترك كان ولدي راجل راهو خلاك ملوحة زي الكلبة في حوش اهلك….
كريمة: متوقعة منك ومنهم احقر من هكي عارفة
يطلع منك اكثر من هكي …..
مسرة:هاذي كوثر وارتحنا منها …
لطيفة: انت غير اسمعي كلام امك وتوا تشوفي للي تبيها اتصير….
محسن: وعدتيني توا تاخديلي البنت للي نختارها انا .
لطيفة: اكيد شوف للي تعجبك وانا ناخدهالك …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عافك الخاطر)
