رواية طموح امرأة الفصل الرابع 4 بقلم حنين الماضي
رواية طموح امرأة الجزء الرابع
رواية طموح امرأة البارت الرابع
رواية طموح امرأة الحلقة الرابعة
رنا : بسسس خلاص اتنفخت من الاكل
زلابيا: لولا الايس كريم كنا زمانا فطسنا هههههه
رنا : اول مرة اكون مبسوطة كدة
زلابيا: النجاح حلو وخصوصا لو اتحمسنا وشجعنا بعض
رنا : مقولتليش ازاى اقنعتى صاحبة الاتيلية بالمبلغ دة
زلابيا : انا عشان اول مرة بس وبكسب زبون كنت بعتة بأكتر من كدة
رنا : زلابيه احنا مش عاوزين نطمع عشان ربنا يكملها على خير ،لان الطمع يقل ما جمع
زلابيا:متخافيش مش هعمل كده
رنا : طيب هنعمل ايه دلوقتى
زلابيا : تعالى نشترى الحاجات الناقصة وناخد كام رقم من التجار اللى هنتعامل معاهم واحسن حد فيهم نتفق معاة
رنا : انا معاكى ،بسسس …
زلابيا: مالك يا توتر
رنا : خايفة الفرحة دى تبوظ وحد يعكنن علينا
زلابيا: متخافيش انا مش هوقف طموحى مهما حصل عشان شوية منظرة كدابة
رنا: طب ايه رأيك لو ندخل حد معانا
زلابيه : لالا مش دلوقتى خالص هو احنا لسة عملنا حاجة ،متستعجليش كله بوقتة
رنا : طيب يالا نكسب وقت قبل ما يحسوا بينا ونسمع موال منهم
زلابيا: يالا
———————–
زين : عندى خبر حلو ليكوا
الاب : خبر 🤔 اية اترقيت ولا ايه
الام : فرحنا معاك
زين : لا ترقية اية يا حاج
الاب : اومال ايه
زين : قررت اخطب نور خلاص
الام : اخيرااا
الاب : انا مش عارف ايه خلاها تصبر عليك كل الوقت دة هههه
زين: انت مع مين يا حاج هههه
الام : ابوك بيهرج هههه
الاب : اسأل امك كدة ،كانت البنات على ايامى كانت عاملة ازاى هههه
الام : لا عرفنا انت يا ابو زين كانوا عاملين ازاااى
زين : حقكوا عليا صلوا عالنبى كدة انا جاى اكلمكوا فى فرح
الام : لا استنى خلية يعرفنا ،اصلة هيقعد طول حياتة يعيد فالقديم
الاب : هو انا لسة كنت اتكلمت انا هسكت
الام : كان من الاول بقى بدل كلام كبرنا علية
الاب : مين اللى كبر دة ، هههه انا شباب واكتر من ابنك كمان
الام : اااة انت هتقولى بأمارة ابو فاس يا حاجة الحقينى بية
زين: ههههه خلاص انا بقول اقوم هى اصلا نبرت فيها والله ،دى مش وش فرحة ،دة احنا دخلنا فى ابو فاس وهنكمل الصيدلية كلها
الام : هههههه عرفت بقى انا بتعالج ضغط لية
الاب : لية
الام : منك ههههه
زين : الف سلامه عليكوا انا قايم
الاب : استنى هو انت تيجى تقوم الدنيا وتمشى
زين : عاوزنى اعمل ايه يعنى، مش انت اللى عامل فيها عنتر بن شداد هههه شوف بقى عبلة هتدهنلك ابو فاس تانى ولا لا ههههههه
الام : مش عندة ايدين يعمل لنفسة بقى او يخلى البنات اللى فاكرهم يعملولة
الاب : هههههه امك لسة بتغيير مش بقولك كنت عامل عمايل على ايامى مش خايب زيك
الام : فادتك بأية بقى عمايلك ، كل شوية تطلع عمرة عشان ربنا يغفرلك اللى عمال تتباهى بية دة
زين: انا بقول نأجل الخطوبة
الاب : استنى تأجل ايه
الام : شوف عاوز نروح امتى وعرفنا
زين : ماشى هظبط مع نور
الاب : الخطوبة دى فالبيت
زين : المجنونة عاوزة تعمل فرح فالخطوبة والزفاف
الام : لية يا ابنى التكاليف دى
الاب : هما حرين مالناش دعوة
زين : هى عاوزة تفرح
الام : ومين مش عاوز يفرح يعنى اللى تنووا علية ماشى ، انا هقوم اصلى العشاء واشوف اختك فين
الاب : هتكلمى صحيح مرات الشاذلى ولا انا اكلمة هو وخلاص ؟
الام : مش لما بس تحددوا وبعدين بفكر اخليهم فالفرح الكبير انت عارف من يوم الشاذلى ما تجوزها وهى حاسة انها غريبة هنا وقافلة على نفسها وعلى بناتها دة غير هما غيرنا خالص وانا ببقى مكسوفة منها لانها بتتكلم بذوق جدا وبتلخم مبقاش عارفة ارد عليها
زين : اشمعنا الناس دى اللى مصمم تعزمهم ما عندك باقى قرايبنا على الاقل قرايبنا لزم
الاب : دى قصة طويلة ، الناس دى ليها موقف معايا غير حياتى كلها ، ولولا الشاذلى دة الله اعلم كنت بقيت فين دلوقتى ..
زين : لية ماهو عمى سلطان كويس معانا لية بتقول كدة
الاب : الشاذلى دة قبل جوازة كنت بشوفة فى تجمعات العيلة ،مكنش فى زمان حكاية دة شقيق لزم ودة من بعيد ،كان اى حد من قرايبنا من قريب ولا بعيد كان لازم نتجمع على الاقل فالمناسبات عند الحجة أمى الله يرحمها
زين : للأسف دلوقتى اخرنا ابن عمى او ابن خالى
الاب : الشاذلي كان شخصية وشكلة على طول اكبر من سنة عشان كدة كان لايق علية اللى هو كان فية ، لكن انا محبتش الحياة العسكرية وحبيت اكون حر وخصوصا ان بردوا دماغى اخلص تعليمى واخرج اسهر
زين : وبعدين
الاب : كنت بشوفة اسلم علية انا وعمك سلطان وخالك عصام قبل ما اتجوز امك وباقى القرايب طبعا
زين : اة ماما قالتلى انك كنت صاحب خالو عصام .
الاب : بحكم صلة القرابة بردوا ، المهم فى يوم ليلة العيد الكبير ، اتجمعنا كشباب العيلة وقولنا نخرج نسهر ونصلى العيد وبعدها نتجمع عشان الاضحية ،لان كان شرط زمان العيلة كلها تتجمع فى مكان واحد وكلة يدددبح مع بعضه
زين : حلو الجو دة
زلابيا : السلام عليكم قاعدين كدة لية !؟
زين : استنى بس اقعدى اسمعى
الاب : المهم خلصنا السهرة ورجعنا بيوتنا ننزل نصلى فى مسجد العيلة ، وبعدها كلة سلم وجة وقت الددبح
زلابيا: حصل ايه
الاب : الجزار والصبيان اللى معاة مرة واحدة اختلفوا مع بعض
زين : لية
الاب : حاجة تافهة المعلم بيقول للواد اشتغل عدل بس ما اعدلك ، الواد خد الكلمة على صدرة وافتكر انة اتهان قدامنا واحنا اصلا مكناش شايفين قدامنا ومستنيين نخلص عشان نترمى ننام
زلابيا : وبعدين
الاب : تخيلوا بقى كام سكيينة موجودة وكام ساااطور وبلاوى تانية معاهم ، وطبعا الحجة الكبيرة واقفة والستات والعيال وقتها واحنا ، مرة واحدة قامت الخناقة بينهم وبقوا يدبوا فى بعض والعجول هاجت ومنهم واحد خبط عمك سلطان وقعة ويا دوب لسة رايح اتخانق معاهم عشان المنظر كان صعب وصرريخ بقى وددم لقيت واحد منهم افتكرنى جاى اااغزة 🤨 هو يا دوب لسة هيغززنى لقيت عمك الشاذلى وقعنى من قدامة نزلت على وشى ،جيت اقوم وكنت متغاظ من الوقعة لقيتة هو وواحد قريبنا تانى يعتبر كبير العيلة بردوا ساعتها اسمة الحج جمال الله يرحمه خرجونا وقفلوا على العجول وقعدوا هما مع الجزار والعيال اللى معاة ..
زلابيا : يعنى لولا عمو الشاذلي كنت زمانك دلوقتى 🥹
الاب : مكنتش هعيش مافيش غير واحد من صبيان الجزار اللى خد جرح كدة فى ايدة وناس قرايبنا خدوة على المستشفى
زين : ومن يومها وانت بتعز الشاذلي ومهتم يحضر اى مناسبة لينا
زلابيا : اول مرة اسمع يا بابا الحكاية دى
الاب : مكنتش بقولها بس حبيت اعرفكوا عشان متستغربوش لما تلاقونى متمسك انى اعزمة
زلابيا : بس انا مبحبش بناتة ولا ولادة كلهم
الاب : عشان هما غيرنا يعنى !!؟
زلابيا : بحسهم بيتمنظروا بشكلهم وبعدين دماغهم فاضية عايشين يلبسوا وخلاص
الاب : هو اختار فى سفرية من سفرياتة يتجوز سورية وولادها طلعوا ليها ،لكن هو صمم انهم يفضلوا عايشين فى مصر واهو امهم بقت زيها زى اى مصرية مع شوية كلمات بسيطة وطبيعى ولادها يتأثروا بيها لكن هما ناس محترمة
زين : بس دوول قرايبنا من بعيد مش لدرجة اعزمهم على خطوبتى يعنى
الاب : فى يوم جوازى من امك هو جة الفرح وباركلى وكان بدأ طريقة فالشغل ينور ويلمع وبالرغم من كدة ،كان يسلم جامد عليا فالفرح ويقولى اوعى الجواز ياخدك وتنسى شقاوة الشباب هههه كنت اضحك بس الاقية فى رمضان او عيد او اى مناسبة يسبقنى ويتصل يسلم يبقى انا لية اقطع معاة بقى ، ولو عرف خطوبتك من باقى العيلة يبقى ساعتها شكلى اية وهو محترم معايا
زين : عندك حق يا حج
زلابيا : 🤨 يعنى خلاص زين هيخطب ويعمل فرح والناس دى هتيجى
الاب : ابقى سلمى وخلاص
زلابيا : ممكن عمو الشاذلى بس اللى يجى على فكرة
الاب : ممكن اة وممكن كلهم المهم بس زين يحدد امتى وفين عشان نلحق نبلغ الناس
زين : هقوم اكلمها اهو واشوف
زلابيا : وانا هقوم انام
——————
حازم : عاملة ايه يا فاشلة
رنا : 🙄🙄 انا مش هرد عليك
حازم : اكيد ما انتى صدعتى من الكلام مع صاحبتك طول اليوم
رنا : صاحبتى !!! دى تبقى بنت عمتك على فكرة مش واحدة غريبة
حازم : بس صاحبتك
رنا : 🙄 انا معرفش هى مضيقاك فى ايه
حازم : وانا هضايق منها لية
رنا : اومال ليه كل ما تشوفها تتعمد تتجاهلها
حازم : اناااا!!؟ محصلش طبعا
رنا : طب عينى فى عينك كدة
حازم :طيب اثبتلك ازاى ان دماغك دى غلط
رنا : اممم ماااشى هشوفك لما زيزى تيجى المرة الجاية هشوفك هتعمل ايه
حازم : 🙄 طيب خلاص نتراهن
رنا : موافقة على كام
حازم : بصى لو انتى طلعتى صح هعزمك على حاجة حلوة ولا انا اللى طلعت صح هترتبى درج الشرابات بتاعى هاااا
رنا : نعممم وانا مالى بشراباتك
حازم : طيب خلاص بهزر ،خلاص تعمليلى ساعتها كوباية شاى
رنا : اة كدة ماشى موافقة
حازم : طيب مش تعرفينى هى جاية امتى عشان متجيش تقولى بهرب
رنا : يوم الخميس وكمان احتمال تبات
حازم : تبات 🙂
رنا : اة
حازم : خلاص وانا هثبتلك انك غلطانة مبسوطة كدة
رنا : هههه اووى
حازم : للدرجادى
رنا : عشان عارفة ان انا هكسب هههه
حازم : ههههه ماشى هنشوف
———————————
زلابيا : ماما انا عاوزة ابات النهاردة عند خالو عصام
الام : قولى لابوكى
زلابيا : نايم
الام : مالوش لازمة تباتى عشان حازم اخوها ميضايقش
زلابيا : وهو هيضايق منى لية
الام : عشان طبيعى يبقى قاعد براحتة فى بيتة
زلابيا : واشمعنا رنا لما تيجى تبات زين مبيزعلش
الام : عشان زين طول اليوم بيتصرمح برة
زلابيا : ههههه خلاص هروح شوية واجى
الام : ماشى
—————-
حازم : يالا هى على وصول
اشرف : خايف تحرجنى
حازم : هتحرجك لية اعمل بس زى ما قولتلك وخليك طبيعى
اشرف : حاسس انى متوتر
حازم : اقعد اتكلم لحد ما هى تيجى ونبقى معملناش حاجة
اشرف : طيب هعمل زى ما قولت ، هستنى تحت لحد ماهى تطلع وبعدها بدقيقتين اطلع هتكون انت واقف تسلم عليها واجى انا واسلم
حازم : 🙂
اشرف : ماشى يا صاحبى ، اقل من خمس دقايق واكون عندك
حازم : ماشى 🙂
——————————
وصلت زلابيا لعمارة خالها واول لما رنت حازم فتح الباب وحصلت مفاجأة 🙈🙈
————–
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طموح امرأة)
2 تعليقات