رواية طموح امرأة الفصل الحادي عشر 11 بقلم حنين الماضي
رواية طموح امرأة الجزء الحادي عشر
رواية طموح امرأة البارت الحادي عشر
رواية طموح امرأة الحلقة الحادية عشر
حنين : طيب فهمنى واشوف
حازم : فى يوم بالليل او يوم الفرح تقريبا كنت مكلم واحد معرفة انى عاوز اسافر السعودية وعاوز شغل وياريت يكون تدريس فى نفس مجالى ، طبعا هو يعرف واحد حبيبة واتنين كمان ،قالى هكلم حد فيهم ويحاول يوصل لحاجة وكنت فالموضوع دة بقالى اسبوع قبل الفرح وكل دة او فالاسبوع دة بالتحديد هو مكنش لسة عارف يوصل لحاجة لكن محدش كان مركز معايا لان كلة كان مشغول فالفرح واللى هينزل يجيب حاجة ولاوازم الفرح المعروفة
حنين : اية علاقة صاحبك باللى بنقولة ؟
حازم :ما انا هقولك اهو ، المهم الاسبوع دة محدش كان مركز معايا ، لحد يوم الفرح وطبعا انا فهمتك قبل الفرح ايه اللى حصل بينى وبين زلابيا ،المهم حصل اللى حصل معاكى
حنين : هى ايه الجملة دى ،معلش مش عجبانى قول مثلا الموقف الغير مقصود لكن متقوليش حصل اللى حصل معاكى .
حازم : ههههههه ماشى
بوسى : حنين
داليا : 🙄
حنين : مالكوا ؟ مش هدخل المحاضرة ،اعرفكوا دة حازم ابن عمى تقريبا او ابن عمه بابا بصوا هو ابن عم حد ،قريبى من طرف بابا
البنات : اهلا وسهلا ، طيب نسبقك احنا
حنين : ماشى
حازم : ماشاء الله ملتزمة
حنين : والله 🙄
حازم : على فكرة ريأكشناتك بتقلق منساش محمود اخو نور يوم الفرح هههههه
حنين : هههههه دة تحفة فعلا ، بس لعلمك بسبب انا بقيت غير ملتزمة
حازم : معلش عندى دى
حنين : ماشى كمل
حازم : لحد لما حصل الموقف الغير مقصود وبكرر اعتذارى اهو ،لان انا لما كنت نازل من الكوشة عينى جت فى عين زلابيا لمدة ثوانى لقيتها مبتسمة ليا ودة اللى خلانى مش مصدق هو انا شايف صح ولا غلط عشان كدة مركزتش وانا نازل من الكوشة ولما انتى اضايقتى وقولتى ماهو مش مركز ومركز معاها ،انا من جوايا اضايقت منك عشانها بس بردوا قولت انتى معاكى حق تضايقى ، بس كان غصب عنى ،الفرح كان حلو وهى كانت قمر وكنت اول مرة اشوف خصل شعرها او شعرها عموما وشوفتها حلوة جدا يومها ولسة بفكر ابتسم لقيت بومب نازل عليا وطبعا هى اتحرجت وبعدت وطبيعى كنت اراضيكى انتى زى اختى بصرف النظر عن جنانك عليا بس كان لازم اراضيكى ،لقيت رنا اختى مركزة وزلابيا رمت عينيها بسرعة عليا انا وانتى وحسيت انها غيرانة وماسكة نفسها وراقبتها ،لقيت رنا خدتها وخرجوا برة القاعة وكان شكلهم باين انهم مضايقين بس طبعا رنا اختى خفيفة وساعات شك انها بتحب زلابيا اكتر منى شخصيا ، خلص الفرح وجيت ناديت عليكوا ،لقيت الوشوش مش حلوة خالص ،فهمت كدة ان الغيرة اشتغلت
حنين : برافوا عليك فقولت تستغلنى منها تزود غيرة حبيبتك وتلخم اختك بيك وكمان حنين دى بعيدة ولا هتعرف حاجة مش كدة
حازم : لا
حنين : اومال ايه
حازم : نص كلامك صح لكن النص التانى غلط
حنين : مش فاهمة
حازم : يعنى فعلا كنت عاوز ازود الغيرة واتعبها شوية
حنين بغيظ: تتعبها 😒😒
حازم : عشان تنطق
حنين : كمان عاوزها هى اللى تنطق؛ كمل طيب
حازم : كنت لسة هفكر فى طريقة لكن مكنش عليكى والله ،بس الصدفة لعبت معايا وجابت الحل لحد عندى وانا لقيت نفسى معجب بيه وماشى فيه ، خصوصا لما لقيت فى تطور يوم عن يوم
حنين : اتكلم على طول من غير الغاز طيب
حازم : يعنى مثلا انا كنت بكلم صاحبى فالسر وبصوت واطى لان انا مش عارف الموضوع هيرسى على ايه وعارف رد الفعل عندى فالبيت وانا مش حابب حد يعرف لحد ما استقر
حنين : قصدك تقول ان كلامك بصوت واطى ،خلى رنا تشك
حازم : هو كدة تمام
حنين : واشمعنا انا
حازم : ما انا قولتلك بقى المواقف بتاعت الفرح مع صدفة المكالمات بالليل مع صاحبى هى اللى زودت الشك جواهم
حنين : ااااة طيب رنا مجتش سألتك انت بتكلمنى ولا لا ولا هى خمنت مع نفسها
حازم : يوم ما محمد صاحبى كلمنى وقالى كل حاجه تمام وخلال شهر هيكون السفر كنت فرحان و بقيت بصوت واطى بردوا اشكرة واخر كلمة قولتهالة حبيب قلبي ورنا دخلت على الكلمة دى ،فزاد الشك عندها وجت تتكلم مغايا قلبت الموضوع على انها واحدة بنت وانى عامل دماغ بالمكالمة دى وطبعا هى زعلت منى وحاولت تدارى وتانى يوم اخر النهار كانت غريبة معايا جدا وبكلمها اقولها رايحة فين ؟ عرفت انها رايحة عند زلابيا تبات وواثق انها هتقولها كل حاجة على حسب تخمينها دة وفرحت وقولت هيبان بقى
حنين : لكن هى حضرتك كلمتنى وعملت انها بتسلم عليا واخر المكالمة قالتلى حازم اكيد اتصل واعتذرلك ،هى فعلا على نياتها لان كلامها فهمنى ان فى حاجه وانا مأكدتش او نفيت اذا كنت كلمتنى ولا لا ،بس سألتها قولتلها هو حازم قالك انة كلمنى قالتلى اة ،قولتلها موقف بسيط وعدا
حازم : لا هى حبت تعمل ناصحة عليكى عشان توقعك ،فوقعت هى زى الشاطرة هههه
حنين : كدة فهمت كل حاجة وناوى على ايه دلوقتى
حازم : انا خلاص هبتدى اظبط امورى عشان اسافر
حنين : طيب وزلابيا هتسيبها ؟
حازم : طالب خدمة منك
حنين:انا ،اية هى
حازم : تزودى اتصال برنا الفترة دى عشان هتفتكر انك بتتصلى عشانى وساعتها انا واثق انها هتنطق ،اكيد مافيش واحدة يكون جواها مشاعر كدة وتسكت
حنين : يعنى هى لو عرفت ان فى واحدة فى حياتك هتيجى تقولك انا بحبك او جوايا مشاعر ناحيتك
حازم : طبعا ومش هتقدر تفضل كاتمة
حنين : للدرجادى انت واثق منها
حازم : ساعدينى بس وانت تشوفى
حنين وهى كاتمة الغيظ: طبعا هساعدك وانا يهمنى تبقوا مع بعض،دة انتوا حبكوا دة ولا الصم والبكم 🙄
حازم : طيب متفقين ،خدى رقم الموبايل عشان لما تبقى تتصلى عالبيت وحصل جديد ،نبقى نتكلم
حنين : معلش حاجة اخيرة ،طيب افرض انا عملت اللى انت بتقول علية دة ، وطلع عندها مثلا كبرياء وقالت مدام فضل واحدة تانية عليا يبقى ماليش نصيب فيه ،واللعبة اتقلبت عليك
حازم : يبقى هى كدة مافيش حاجة جواها وساعتها هسافر وانا ضميرى مرتاح
حنين بغيظ: امم انت صح ،خلاص ماشى هات رقمك وبينا موبايل بقى ،اما زلابيا ورنا بينى وبينهم تليفون البيت وفى وسط السلامات هسأل اى سؤال عنك ،عشان أاكد الشك ويبقى يقين جواهم
حازم : صح الله ينور عليكي
حنين : اتفقنا
حازم : اتفقنا … هلحق اقوم بقى عشان ورايا مليون مشوار ومش عارف اشكرك ازاى ، وبكرة لما توقعى كدة هتحسى بكلامى وهتفتكرينى
حنين : اة طبعا طبعا ههه
حازم : يالا عطلتك سلام
حنين : باى
——————
حنين طبعا اضايقت من اللى حازم طلبة منها واستحالة كانت تنفذة، لكن مش عارفة لسة تتصرف ازاى ودة كان اهم موضوع شاغلها وفى نفس الوقت هى مع اى بنت ضد اى شاب وخصوصا قصص الحب والارتباط لانها كانت مقتنعة ان مافيش حاجة اسمها حب وان الشباب بيستمتعوا بتعذيب قلب البنت حتى لو هى صادقة معاهم ،وطلب حازم من حنين أكد الفكرة جواها ،لكن هى مش عارفة هل زلابيا بتحب حنين ولا بتكرهها ومتستاهلش موقف حنين معاها وقعدت حنين تفكر ازاى تختبر زلابيا الاول عشان تشوفها تستاهل ولا لا.
——–
بوسى : مالك
حنين : هقولك كل حاجه وفكرى معايا
بوسى : ماشى
حنين قالت كل اللي حصل والشك من ناحية زلابيا واحساسها بيها
بوسى : طيب كدة فعلا لازم تتأكدى عشان منرجعش نقول خسارة فيها الجدعنة
حنين : هى صعبانة عليا وانا متغاظة منة ومعايا كل اللى يريحها بس انا بعيدة عن الناس دى من زمان معرفهمش ولو اتصدمت فيهم مش هيبقى فى معاملة خالص ولا حتى سطحية.
بوسى : خلاص اختبريها
حنين : طيب جاتلى فكرة هعملها وربنا يستر ،عالاقل لو اتقفشت ابقى فالامان قدام بابا
بوسى : فكرة اية
حنين : اسكتى واسمعى
بوسى : انتى بتتصلى بمين
حنين : رنا شششش
ابو رنا : السلام عليكم
حنين : عليكم السلام ازى حضرتك يا انكل
ابو رنا : الحمد لله مين .
حنين : انا حنين الشاذلى
ابو رنا : اهلا اهلا يا بنتى عاملة ايه واللى عندك كلهم بخير
حنين : الحمدلله كلنا بخير ،هو انا كنت عاوزة اكلم رنا
ابو رنا : هى عند زلابيا ،كلميها على رقم زلابيا ،هما قاعدين مع بعض على طول
حنين : طيب كويس عشان اسلم على زلابيا بالمرة ،طيب ممكن رقمها
———————–
بوسى : هتتصلى فعلا
حنين : اة استنى
——–
زلابيا : الو
حنين : ازيك عاملة ايه، عرفت ان رنا عندك قولت اخد رقمك من انكل واسلم عليكوا مع بعض
زلابيا: 🙂🙂 ازيك انتى عاملة ايه
حنين : صوتك مش مبسوط تقريبا لما سمعتى صوتى
زلابيا: لالا بس لسة كنت بقول لرنا مصدعة
حنين : واحدة غيرى لو صغرت دماغها وهى اول مرة تكلمك كانت قالت انها خطفت منك حاجة وانتى زعلانة عشان كدة
زلابيا: 🙄🙄
حنين : الو الو انتى معايا
زلابيا: اة اة معاكى وعمو عامل ايه وسما وطنط وكل اللى عندك
حنين : كلهم كويسين الحمد لله ،انا كان ليا طلب وبصراحة جيتى فى بالى وقولت انتى اللى هتنقذينى
زلابيا بقلق: طلب ،،اية هو !!؟
حنين : انا اتحطيت امبارح فى موقف وحش جدا ،واحدة صاحبتى خطوبتها يوم الجمعة وكانت طالبة منى طقم وهمى من بنت خالتو وانتى عارفة اغلبهم مسافرين برة حاجة برة وهم وللأسف حصل ظروف والطقم هياخد وقت لحد ما يوصل مصر وكنت عاوزة مساعدتك وتعمليلى واحد زية بالضبط وليكى احلى هدية بس تنقذينى بليز
زلابيا : ….. لا متقلقيش شوفى تبعتى صورة الطقم ازاى وانا هحاول اعملة ،بس هتعرفيها ان دة هو اللى جاى من برة ولا هتقولى الحقيقة ؟
حنين باستعباط: لا هكدب عليها طبعا
زلابيا : …. عندى حل احسن
حنين : اية الحقينى بيه بليز
زلابيا: استنى شوفى رد فعلها لما تشوف الطقم لو عجبها خليها تفرح بيه وبعد المناسبة قولى الحقيقة ليها عشان اكيد هتتباهى انها جايبة الطقم من برة ،وتفضل بنفس احساسها فى فرحتها لكن لو معجبهاش لازم فى وقتها تقولى اللى حصل وفالحالتين مش هتكدبى وهى لازم تقدر انك اتصرفتى وتشكرك
حنين بانبهار: … يعنى انتى فعلا هتعملى الطقم وتساعدينى
زلابيا: اة
حنين : خلاص انا هتصرف وابعتلك صورتة ونتقابل واخدة منك وتقوليلى تمنة
زلابيا: مش هاخد تمن حاجة ،انا هعملة فالاساس عشانك مش عشانها يعنى منى ليكى وانا كنت وعداكى بكدة فالفرح واهى الفرصة جت لوحدها
حنين : فعلا ميرسى جدا وهشوف طريقة وبعتلك الصورة حاضر.
زلابيا: خلاص ماشى
حنين : سلمى على رنا كتير ،،باى
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طموح امرأة)
