رواية طريق آية الفصل الرابع 4 بقلم الكاتبة المجهولة
رواية طريق آية الجزء الرابع
رواية طريق آية البارت الرابع
رواية طريق آية الحلقة الرابعة
اللهم صل علي محمد
في أتوبيس المدرسة ،تجلس مي بجوار آية
آية: كنتي فين
مي: البنات مش سايبني، عمالين يسألوني عليكي، عملت كدا ازاي و
آية: خلاص، مش عاوزة اتكلم في الموضوع دا
مي: حتروحي لأستاذ علي.
آية: أكيد، حروح عند رانيا، و حروح علي الميعاد، أول مجموعة حتبدا انهاردا الساعة ٤
مي: غريبة، واحد زي أستاذ علي دا، ليه بيبدأ متأخر كدا
آية: بقيت المواعيد برايفت يا فالحة.
مي: تمام يختي، أنا نازلة، سلام
في منزل رانيا
وهي بحجرة ولدها زياد و تعطيه الدواء
زياد: خالتو اتأخرت ، يا ماما
رانيا: زمانها جاية حبيبي، و اخواتك كمان علي وصول
دخل فريد من الباب و معه عمر ابنه الأكبر في الصف الثالث الإعدادي، و رميساء في الصف الأول الاعدادي: السلام عليكم، جلس بتعب بجوار زياد
عمر و رميساء: فين آية يا ماما
ضحكت رانيا: ههههه، طب سلموا عليه الأول، و بعدين اسألوا علي خالتكم. دق الباب، فذهبوا جري ليفحتحوا هيه ، أيوش
قابلتهم بفرحة: السلام عليكم، احتضنوها بفرحة.
عمر: عاملة إيه يا أيوش
آية: ياض احترمني ياض، دا أنا خالتك
عمر: خالتي مين، دا الفرق بيني و بينك، هما ٣ سنين
ضحكت رانيا: متفكرنيش، يوم ما ماما حملت فيكي، كانت بتستخبي مننا، و مكسوفة انها حامل
اللهم صل علي محمد
رميساء: يعني متعمليش علينا كبيرة و انت لسة بمريلة و شنطة
شهقت آية: يرضيك كدا يا أبيه
فريد بجدية : بصراحة بصراحة، ثم أكمل بهزار، عندهم حق
آية: لا، طالما استعيلتوني، معيلة بمعيلة خدو عليه و فضلت تجري وراء عمر و رميساء و هم ينهجون ضحكا.
الساعة السادسة في مكان الدروس
خرج استاذ علي من حجرة الدرس و معه علبتين عصر
آية: غريبة يا استاذ علي، مجموعة ٦ مجتش
علي: ما أنا اجزتهم انهاردا، عندي شغلانة مهمة
آية: طب مقولتليش ليه كنت دخلتلك مجموعة ٥ و مشيت
علي: آسف بجد نسيت، بدأت تجمع اشياىها، فهي تذاكر، عند دخول الطلبة للمدرس
علي: خدي اشربي العصير دا، أنا عملت حسابك معايا
آية: شكرا يا استاذ، مش عاوزة
أستاذ علي: لا مفيش مرواح ، الا اما تشربي العصير دا.
آية: مقدرش أقعد اكتر من كدا، طالما المجموعة مش جاية، ميصحش أستني.
أستاذ علي: اشربي العصير بس و اتفضلي، و أكمل بخبث، دا انت تلميذتي، و زي أختي الصغيرة.
آية بإحراج، اخذت منه العصير: ممكن أعمل مكالمة من تليفون حضرتك
علي: حتكلمي مين
آية و هي تضع الشفاط بالعلبة: حكلم صحبتي مي، اقولها اني ماشية بدري، و هي تبقي تروح، أصل المفروض كانت تعدي عليه بعد ما تخلص دروسها.
علي براحة: طب كويس، خدي كلميها
آية: ممكن امليك و حضرتك ترن عليها
علي بابتسامة: ملي
آية بالتليفون: أيوه يا مي، أنا مروحة دلوأتي، ابقي روحي انت مع نفسك، لا الأستاذ لغي الدرس، سلام
جلست و أمسكت العصير
علي: يالله اشربي، عشان ما تتاخريش
آية: ما اشربه و انا ماشية
علي: لا، أنا خلاص، قلت اشربي و امشي
آية: و حضرتك، مشربتش ليه
علي: حشرب أهو، و بدأ يشرب، و هي أيضا شربته سريعا حتي تمضي
اللهم صل علي محمد
آية: ميرسي، يا استاذ علي، العصير لذيذ
بدأ استاذ علي يمسك دماغه، و يشعر بالدوار و تحدث كالمسطول: انت كويسة، مش حاسة بحاجة
آية و هي تنظر له بسخرية: أنا كويسه أوي، لأني بدلت العصير و حضرتك بترن علي صحبتي، لأن بصراحة مستريحتش لإصرارك و طلع ظني صحيح، خسارة قدوة زي حضرتك تبقي بالأخلاق القذرة دي، وجمعت جميع ما يخصها لأنها لن تأتي للدرس مرة أخري طبعا و هو ارتمي علي الكنبة ، نظرت إليه باشمئزاز و خرجت
كل هذا شاهده، الحارس الخاص بآسر من شباك مفتوح للخارج، و كأن يتحدث مع آسر في التليفون: خلاص يا آسر باشا متجيش، دا أنا عرفت هوايل عن بنت عمك، حاجي لحضرتك و احكيلك
/////////%%%%///////%%%////
وصلت منزل رانيا و جلست بتعب، جلست بجوارها أختها : جايلك بإيه، اللي عاملاه في نفسك دا، مكفاية دراستك، لزمته إيه الشغل و هدت الحيل، و انت ثانوية عامة
آية: وطي صوتك، حد يسمع انت الوحيدة اللي تعرفي.
رانيا: متقلقيش، محدش هنا الا زياد طبعا و نايم، فريد راح يقابل واحد صاحبه، و عمر و رميساء في الدروس.
آية: طب استريحي يا اختي، معتش رايحة للأستاذ علي تاني
رانيا: غريبة، كنت مبسوطة
آية: أكيد طبعا، كان بيديني ٥٠٠٠ جنيه في الشهر، غير الحاجات اللي كنت ببيعها للطلبة
رانيا: و حتسبيه ليه
آية ارتمت في حضنها فجأه و بكت: طلع قذر أوي يا رانيا
رانيا: اوعي يكون عمل فيكي حاجة
آية: الحمد لله، ربنا ستر
رانيا: عمل إيه الكلب دا
آية: لقيته جايبلي عصير و مصر أشربه، شكيت فيه، خليته يطلبلي رقم مي من تليفونه و سهبته و بدلت العصير، و لما شرب العصير اللي كان مديهوني، داخ و وقع، لميت كل اللي يخصني و مشيت.
رانيا نظرت لها بإعجاب: تعرفي، أنا باخيل نفسي لو مكانك، كان
آية مسحت دموعها: كان إيه
ضحكت رانيا: كان زماني أنا اللي دايرة و انفرا اثنتيما ضحك
رانيا: قوليلي يا مليونيره المستقبل، ثروتك وصلت لكام.
آية بكل فخر: داخلة على١٥٠ ألف
رانيا : ما شاء الله، و حوشتي ازاي المبلغ دا،
آية: بابا، بيديني فلوس دروس كل شهر، و انا مش باخد، و شوفي بإه أنا بدية تحويش من ٦ ابتدائ
اللهم صل علي محمد و الشغل اللي بشتغله، دا أنا لو بدقق مع بابا و أقوله علي المبالغ اللي بتدفع في الدروس بجد، كان زماني عاملة أكتر من كدا، إنما أنا بقوله مجموعات تقوية تبع المدرسة.
رانيا : طب، مش كدب برده يا فالحة
آية: أنا في الأول ألتله، مش عاوزة دروس، بس هو اصر، و قالي، الكل بياخد دروس، اشمعنا انت، ساعات بحس الناس بتدي أولادها دروس، لمجرد مثل الغير
رانيا: يختييي دا الدروس دي موال لواحده.
////////%%%%%%//////////
عند آسر و يجلس معه أحمد
شاكر: دي طلعت بنت غريبة أوي يا آسر باشا، مش زي اللي فسنها، شنطتها محل متحرك، معاها كل الأساسيات اللي ممكن البنات تحتاجها في المدرسة و تبيعهالم، و مبتخدش دروس و شغالة سكرتيرة لمدرس تنظمله الطلبة و خلافه.
بس انهاردا المدرس دا كان ناويلها علي نية سودة، زي ما حكيت لحضرتك، بس ما شاء الله عليها، كانت واعية و حمت نفسها
آسر: تمام يا شاكر، خليك زي ضلها زي ما انت و كل حاجة ، بلغني اول بأول
انصرف شاكر
أحمد : واو، البنت دي قصة لوحدها.
آسر: إللي مستغربله، حالتهم المادية مش وحشة، و فمدرسة خاصة ليه بتشتغل، و لما هي بتحب الفلوس ، ليه رفضتني و مفكرتش إني حوفرلها أضعاف اللي بتكسبه.
أحمد: سيبك من كل دا، شكلها بنت جدعة أوي، شفت عملت إيه مع المدرس، آسر آسر، يا آسر
آسر: هاه بنقول حاجة.
أحمد: ههههه، لا انا ماشي، اشوفك تومورو
خرج أحمد و آسر ما زال تائه مع آية: أبدأ منين معاكي، لازم ألائي طريقة تجيبك ليه، حييجي اليوم يا بنت عمي، اللي حتيجي فيه و تترجيني أتجوزك
////////
في منزل فريد، و هم جالسون أمام التلفاز و ياكلون الفشار و التسالي
رميساء: أحلي جو مع أيوش.
عمر: عاوزين الجو دا كل يوم
آية: لا يا حبيبي، الجو دا أنا بعمله، ليلة الجمعه بس، شوية تفاريح، عشان نجدد نشاط للمذاكرة
زياد يجلس علي قدم آية و يمدد قدمه المكسورة: أنا بحبك أوي يا أيوش
آية تقرصه بهزار من خده: حبيبي يا ناس، بس احترمني شوية و قول خالتو، مش كفاية المقاريض دول
فجأة يرن الجرس و يخبط بطريقة عنيفة
فزعوا جميعا و خرج فريد من حجرة النوم و هو يزرر بيجامته: في إيه و فتح الباب
ضابط الشرطة و خلفه عدد من العساكر: : آية عصام الزيني موجودة هنا.
فريد: أيوه يا فندم، بس إيه المشكلة ، هي عملت إيه.
الضابط: متهمة بقتل علي راشد حسنين معلم الانجليزي
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية طريق آية)
