رواية صعب ولكن مش مستحيل الفصل الأول 1 بقلم آمنة غباشي

رواية صعب ولكن مش مستحيل الجزء الأول

رواية صعب ولكن مش مستحيل البارت الأول

رواية صعب ولكن مش مستحيل الحلقة الأولى

_ بابا ؟ …. ماما ؟ …. أنا فين ؟ …. إيه اللي حصل ؟
= حمدلله على السلامة يا جميل أخبارك إيه دلوقتي ؟😊
_ إنتَ مين ؟ …. وإيه اللي حصل ؟😧
= أنا الدكتور اللي عملك العملية يا آنسة😊
_ عملية😲 ؟؟! عملية إيه ؟؟!…… وفين بابا وماما وإخواتي ؟؟!
= إنتي مش فاكرة إنك عملتي حادث بالعربية إنتي وعيلتك ؟؟ ونقلناكم بسرعة بالاسعاف على المستشفى وعملنالك عملية و نجيتي الحمد لله بعد غيبوبة طويلة ، بس … عيلتك …………..
_ آآآآه صحيح الحادثه 😲 هما فين فين بابا وماما وإخواتي هما بخير مش كدا 😥🥺
= …………………
_ رُد عليا يا دكتور حصلهم إيه ؟ هما فين ؟ طمني عليهم 💔
= ……….
الباقية في حياتك .. أنا آسف جداً مااقدرناش ننقذ حياتهم لأن الحادث كان فظيع جدا والاصابات مخيفة …. للأسف ماتو كلهم البقاء لله وحده💔😢
… يا آنسة … يا آنسة فوقي
بسرعة هاتو المحلول والحقن عشان أغمي عليها
لا حول ولا قوة إلا بالله ربنا يصبرها والله 💔😢
~ بعد فترة من العلاج في المستشفى ، خرجت من المستشفى وأنا مكسورة ، مقهورة ، مصدومة ، ودموعي بتنزل على طول من غير ما اسيطر عليها ! أول مكان رحته المقابر عند اهلي وقعدت اعيط في المقابر واتكلم مع بابا وماما وقعدت اكلم خديجه ومحمد اخواتي وكنت بعيط جامد اوي :
_ ايه يا محمد مش هتهزر معايا تاني وتضربني على قفايا زي كل مرة وانا اروح اشتكيك لبابا؟ خلاص مافيش خروجات مع بعض يا محمد يا حبيبي، اخويا؟ انت مش هتفسحني تاني؟؟ مش هتهزر معايا تاني؟؟ مش هنعمل مقالب أنا وأنت في خديجه خلاص؟ مش هتتريق على لبسي كل ما آجي اخرج من البيت؟ مش هتشيلني وتلف بيا كل ما أجيب مركز أول على المدرسة، محمد يا حبيبي وحشتني، تعالى ارجوك … خديجة حبيبتي أنا آسفه على اي حاجه زعلتي بسببي عليها، احنا خلاص مش هنرجع نتعارك تاني مع بعض، خلاص مافيش هزار وعركه وضحك خلاص، يعني هحط الحاجات بتاعتي في مكان وارجع ألاقيها في نفس المكان مش هتاخديها وتضيعيها ، مش هنلعب شطرنج مع بعض تاني وأغلبك زي كل مرة ، خلاص ارجعي ارجوكي وانا هخليكي تغلبيني ، وهخلي محمد يشتريلنا شيكولاته بس تعالي وحشتيني يا ديجا يا حبيبتي، … خلاص يا ماما مش هتعمليلي مفاجآت ولا كيك ولا اي حاجه حلوة تاني خلاص مافيش حاجه جميلة من اديكي ، خلاص مش هتزعقيلي لما اعمل حاجه غلط خلاص مش هسمع صوتك الحنين تاني ؟ يعني خلاص مش هاكل حاجه حلوة تاني خلاص مافيش حاجه حلوة هتخش بقي بعد ما رحتي ؟ يا ماما فاكرة ساعة ما زعلنا مع بعض ورحت جبتلك شيكولاته وبعدين عملتيلي فطير ، انتي هترجعي امتى يا حبيبتي يا امي هترجعي امتى وحشتيني جدا، … بابا حبيبي خلاص مش هتهزر معايا وتقولي نكت كل ما تشوفني مخنوقه خلاص مش هتجيبلي حاجات حلوة معاك وانت راجع كل ما تشوفني بذاكر ، خلاص يا بابا مش هتقفشني أنا ومحمد واحنا راجعين البيت متأخرين بعد ما محمد فسحني عشان يراضيني بعد ما ضربي على قفايا خلاص مش هنلعب شطرنج وتغلبني زي كل مرة يا بابا حبيبي يا بابا عوقت يا بابا عليا انت فين انت وحشتني اوي يا بابا 💔
وقعدت اتكلم لحد الليل وانا قاعدة هناك بعيط جامد وبتكلم معاهم والوقت أتأخر فروحت على البيت ولما جيت أفتح الباب كان مقفول من جوة خبتط وبعد شوية مرات عمي فتحت الباب وأنا لما شفتها قعدت اعيط واترميت في حضنها واتوقعت منها كلمة حمدالله على السلامه أو أي كلمة حلوة لكن …..
_ بابا وماما يا مرات عمي 😭😭😭 وإخواتي حبايبي 😭😭😭 أنا هموت بجد هموت 😭😭😭 مش عارفه من غير حنان ماما وحب بابا وضحكة أخواتي هعمل ايه 😭😭💔 أنا قلبي متحطم يا مرات عمي 😭😭 كلهم ماتو مرة واحده 😭😭😭💔
= إبعدي عني كدا يا أمل … أنا اعملك إيه يعني💔🙄🙄
_ مرات عمي ؟!! 💔 تعملي ايه يعني ايه ؟! 💔 دا إنتي ولا حد تاني ؟!💔 انتي اللي كنا على طول نهزر مع بعض ونحكي لبعض كل حاجه ؟!!💔 ولما كنت بتعارك مع ماما كنت باجي اشتكيلك واحكيلك ؟!! 💔😢
= آه دي أنا 🙄 ويا ريت تنسي مرات عمك القديمة أنا دلوقتي اتغيرت 😒 وكمان عيزاكي تدخلي تغسلي المواعين والهدوم ، والأرض بردو مش نضيفة يا ريت تمسحيها بالمرة 😪
_ بقولك أهلي كلهم ماتو … ماتو💔
= آه ماشي ما أنا عارفة والله 🙄 روحي بقا زي الشاطرة كدا واعملي اللي قلتلك عليه 🙂
_ طب فين عمي حبيبي هو هيتصرف معاكي يا مرات عمي😡
= عمك ؟ تعالي اوديكي لعمك حبيبك يا اختي 😏😂😂
_ هو فين عشان هشكيكي ليه؟ 🤨💔😢
= يا شرييييييف يا شرييييف ! تعالى شوف أمل بنت اخوك مش راضية تسمع الكلام !
_ 😲😲
~ أمل يا بنتي روحي شوفي مرات عمك عايزة إيه وحمد الله على السلامه انك بخير😒
_ يا عمي أنا منهارة و مرات عمي عايزاني اغسل المواعين !!!!!💔😭
~ طيب إيه المشكلة في كدا ؟ روحي اغسلي المواعين !🙂
_ اخوك مات يا عمي 💔 حضرتك مستوعب الموضوع ؟؟؟؟!! 💔💔😭
~ آه ما أنا عارف أن اخويا مات ومن حوالي شهر كمان 🙂😒
_ شهر 😲😭💔💔 طب اتفضلو بقا لو سمحتم روحوا البيت بتاعكم وأنا عايزة اقعد لوحدي في البيت بتاع بابا … أنا مش عايزة حد معايا ومش فايقة للهزار خالص!😠💔💔
ودخلت الأوضة بتاعتي وأنا متعصبة وبعيط ولقيت في الاوضه حاجات مش بتاعتي و هدوم مش بتاعتي !! دخلت مرات عمي ورايا وقعدت تضحك !!
= احنا قاعدين في البيت بقالنا شهر دلوقتي 😂 وإنتي لو عايزة تعيشي معانا اعملي كل اللي بقولك عليه فاهمة ؟ 🙂
_ إزااي !! وبيتك انتي وعمي فين ؟؟
= محمد ابن عمتك هيتجوز وهيقعد فيه مش هتقولي مبروك 😁 وعايزين نعمل شغل جامد أنا وانتي بقا عشان فرح وكدا 😊
_ ………. 💔💔💔
= إية مالك بَلِّمتي كدا ليه ؟ يلا بسرعة غيري هدومك وروقي المكان بسرعه وحضري الغدا عشان عيال عمك شوية وهيرجعو من المدرسة ⁦⁦
_ ⁦💔💔💔💔………
كنت بعمل كل حاجه في البيت … بروق وبنضف وبغسل وكل حاجه كنت بعملها وكنت بنام في البادروم مع إني في تانية ثانوي والمفروض اذاكر بس مش لاقية وقت 💔💔 …
وفي يوم من الأيام صحيت بدري وصليت ولبست هدوم المدرسة عشان اروح المدرسة أخيراً الحاجه الوحيده اللي مستحيل استغنى عنها لأني شاطرة جدا في الدراسة وعلى طول بجيب مركز أول ، وحتى اغير جو شوية ، فلقيت مرات عمي صحت هي كمان ولما شافتني كدا جريت عليا بسرعة ومسكتني من دراعي جامد ……
=إنتي مجنونه يا أمل !!
_ فيه إيه أنا رايحة المدرسة دي أبسط حقوقي ، عايزة مني إيه سيبيني في حالي بقا …..
= مش هتخرجي من البيت دا يا أمل فاهمة انتي ولا أعيد كلامي تاني ؟
_ ليه أنا هروح المدرسة وارجع تاني مش هطير يعني هو أنا ليا مكان تاني اعيش فيه مثلاً ؟
= لأ مش هتخرجي بَلا مدرسة بَلا زفت ، وكفايا تعليم عليكي كدا سيبي فرصة لعيالي يتفوقو في المدرسة بدل ما انتي واقفالهم زي العفريت كدا في وشهم .
_ وأنا مالي أنا عملت ايه بس ، مش زنبي أني شاطرة ! المشكلة مش فيا ! المشكلة في عيالك هما اللي مش شاطرين ، أنا ما ينفعش اوقف دراسة دلوقتي لأني في تانيه ثانوي ولازم احقق حلمي وابقا دكتورة واساعد الناس المريضة عشان بيصعبوا عليا لأني لما بكون مريضة بحس بالناس اللي بتتألم من الوجع ، وإنتي ما ينفعش تقفي في وش حلمي ومستحيل حد يوقفني 💔
= هاهاهاهاهاهاهاهاهاهاهاها ضحكتيني يا أمل والله 😂 عايزة تبقي دكتورة وتذلي عيالي وأنا موجوده، دا في أحلامك بس يا حبيبتي ما تسرحيش بعيد بخيالك عشان أنا هحبسك هنا في البيت😈☠️
ومسكتني من أيدي ورمتني في الاوضه بتاعتي وقفلت الباب عليا بالمفتاح وسابتني ومشيت 💔