رواية صراع الحب الفصل الثالث 3 بقلم سارة

رواية صراع الحب الجزء الثالث

رواية صراع الحب البارت الثالث

رواية صراع الحب الحلقة الثالثة

_ايوا
=سليم..
_نعم ياسارة
=عاوزة اشوفك… دلوقتي حالاً
. مُمكِن..!
_بصدمة: دلوقتي.. يعني طب في اية انتِ كويس
=لأ مش كويسة
عاوزة اشوفك حالاً
هتقابلني
_طيب.. ه.. هاجيلك
=مع السلامة
_مع السلامة
استغربت واضطريت اتقبل الوضع
ظبط نفسي وغيرت هدومي وبصيت لنفسي ف المراية
تمالكت نفسي وخبيت حزني وهموني ورا شخصيتي القوية الكذابة
وهديت نفسي
واستجمعت عقلي وحاولت اخفي نظراتي الحزينة وعيوني المدمعة
وحزني خفيته وهمومي
وروحتلها وحاولت اتمالك نفسي وابين قوتي
ومضعفش قدامها
لما روحت كانت قاعدة على الرصيف وبتعيط
ولما شافتني وقفت ومسحت دموعها
_سليم…
=نعم… في حاجة ولا اية
_سليم… انا..
=انتِ كويسة ياسارة؟ فيكِ اية
بدموع _انا اسفة
=اسفة… على اية
…. ساكتة لية
…….. ارفعي وشك فوشي كدة وردي عليا
_انا حلمت بيك
=بيا..!!
_سليم… انا اسفة
=اسفة على اية
=اسفة على الكلام اللي قولتهولك
مش عارفه انا قولته ليه… دايما كنت بحسسك انك وحش
انااسفة انا مش عارفة لية عملت كدة… سليم انا واجهت نفسي.. انا لما كان بيتقالي الكلام دة ثقتي فنفسي اتهزت واتكسرت.. انا اسفة اني كسرتك
وخليتك شخص وحش قدام نفسك وقدام الكل. سليم انا مش عاوزاك تزعل مني
بعياط: والله عُمري م اقصد ازعلك… مكنتش اقصد
انا كنت زعلانة ومدايقة وكلامي وعصبيتي وزعلي طلعو فيك.. اة كنت طول الوقت اقولك انك شخص وحش
بس والله انا اللي وحشة
وحشة اني قولتلك كدة وانا اللي وحشة مش انت
وبشوفك وحش علشان ابرر لنفسي.. لكن انت احسن شخص انا قابلته ف حياتي
ومش عارفة لية زعلتك
غصب عني انا اسفة،، كان قصدي بس انو….
انا..
انا كنت تعبانة وزعلانة
وكل الزعل اللي فقلبي دة من بدري ومش عارفة اتخطاه
واتهيئلي انك وحش زي كل الناس اللي دخلت حياتي
وقعدت ع الرصيف: سليم انا محدش عدل دخل حياتي
بداية من صحابي لحد اليوم دة
كلهم كسروني
عاوز اي اكتر من ان حبيبي يسبني قبل فرحي بيوم ويكسر فرحتي
ويخوني
ويخذلني…
واكتشف انو مكنش بيحبني
لما كنت بكلمه ونا معيطة ويبقا عارف بتجاهل
لما اقوله اني مدايقة يقولي طالما كلام مش مهم هقفل علشان انزل مع صحابي
…
صحابي لما عرفو اني معجبة بواحد لفت عليه واحدة منهم لحد م اتخطبلتو.. حتى معزمتنيش
عاوز اي اكتر من صاحبتي تواجهني باني اوحش شخص
اني متحبش
وانو زين استحملني سنتين كتر خيره لاني محدش يتحملني
ومحدش يحبني
انا اتواجهت باصعب الكلام
مرة طلعوني خاينة
وقالو عني ياما
وال حبيتهم كسروني
وكنت بصدقهم ويكذبوني
انا اتكسرت جامد
عاوزني يبقى سهل عليا اني ياسليم اصدقك تاني
زي ما صدقت كتير
او حتى اسمح لنفسي احبك
واتعلق بيك
ويحصل فيا زي م بيحصل
انت هتشوف انه سهل
سهل عليا دة
مش سهل سليم
بعياط: والله ما سهل
حاولت ماسمحش لنفسي اتعلق بيك.. ولا ادخلك حياتي
خوفت.. خوفت تبقى زيهم
وكل شوية كنت بواجهك مش علشان اوجعك ياسليم والله العظيم لا… دة علشان ابقى مهيئة لنفسي انو ف اي لحظة انت هتسبني
واني هبقى لوحدي
حالياً مفيش غيرك فحياتي
سليم.. قولي انك مش زعلان مني
. قولي انك منمتش زعلان مني
=ومين قالك اني نمت ياسارة
_يعني اي
=يعني منمتش اصلا يا سارة
انا كنت صاحي.. بس ما علينا
متقلقيش انا مش زعلان منك
خلاص عادي
حصل خير
_سليم….
=نعم
_عينك فعيني وقولي انك مش زعلان
=مش زعلان
_انا اسفة.. حقك عليا،، مكنتش اتمنى اكون سبب ان دموعك دي تنزل سببي
انا بموت اني قولتلك كلام لو اتقالي يقهرني
معرفش ازاي مفكرتش
بس حقك عليا
انا غلطت
انت كان عندك حق… انا فعلا كنت بجرحك من غير ما احس
‘_خلاص ياسارة.. خلاص قولتلك مش زعلان….. مفيش حاجة حصلت.
=انك مش زعلان
_مش زعلان منك
=خايفه تكون بتقول كدة وخلاص
خايفة اكون فعلا وحشه لدرجة اني كسرتك وكسرت ثقتك بنفسك
_لأ متخافيش
=بجد
_ايوة.. المُهم.. انا لازم امشي دلوقتِ عندي شغل كتير ولازم امشي
سلام
=استنى
_نعم
=حاسة انك لو مشيت مش هرتاح.. ولا هبقى كويسة
بس كل اللي عاوزة اطمن منه انك مش زعلان مني
لاني مدايقة
_لا متدايقيش.. اتفضلي اطلعي.. ونا همشي
بعد اذنك
=مع السلامه
_سلام
(وسبتو وطلعت.. وكنت مدايقة قد مدايفتي ليه اضعاف وحزنت
وطلعت اوضتي
وبصيت لنفسي ف المرايا لقيت دموعي فجأة بتنزل ونا مش فاهمة حاجة
ولقتني بفتح دولابي… وطلعت فستان فرحي لللي كان ليه المفروض
وتأملته عليه
وفجأة افتكرت لما
… فلاش باك
_اي رايك في الفستان،!
=حلو
_انا على فكرة مكنش المفروض اوريهولك بس قولت اوريك
=ماشي
_اي البرود دو طب قولي كلمة حلوة
=قولتلك حلو
_هي دي كلمة حلوة
=يووه. ياسارة…
_خلاص خلاص.. انا هقفل سلام
باك*
ودموعي نزلت تاني بحرقة.. وازاي عمري ما سمعت كلمة حلوة وفضلت مكملة
وتلقائي وبدون تفكير لقتني بجيب المقص
وابتديت اقطع فيه من كل حتة.. مزقتة
وفضلت افتكر كل الكلام الي قالهولي وقتها ف وجعني
وجعني اوي كمان
وانا بعيط ومستسلمة تماماً للوضع
ولسا مستمرة اني ابهدل ال فستان
ورميته
ومبقيتش عاوزة حاجة قدامي تفكرني بيه..
وبقيت مستسلمة لوضع اني لو لقيت حاجة تفكرني بيه هكسرها.. ومش هسمح لنفسي افتكره
_اخرج من عقلي بقا
انا لية سبت نفسي لحد ما وصلت للمرحلة دي
عُمري مكنت بشعة
قستني بقسوتك عليا
مش متخيل انا بكرهك قد اية
=سارة!!!
جريت عليها فحضنتها فبكت بحرقة في حضنها وتمسكت فيها جامد وقالتلها: سارة بتنتهي وبتدمر واحدة واحدة
بتتكسر… سارة بتموت ومحدش حاسس بيها ولا النار اللي بتغلي جواها من كل اللي حواليها
وبسال نفسي لية
_تاني ياسارة… ياروحي مش قولنا خلاص.. قولنا كفاية كلام
=انا تعبانة اوي.. انا مدمرة بالمعنى الحرفي
اة سابني بس بعد ما خد كل حاجة فيا وساب قلبي مكسور
_ياروحي خلاص..
وغلاوتي عندك ياسارة.. علشان خاطري ياحبيبتي كفاية
لية بتعملي فنفسك كدة
اوعدك اني هفضل جمبك وهساعدك لحد م تبقي احسن
ومش هسيبك تقعي ياسارة
انا هفضل معاكي
متخافيش ياروحي.. متخافيش طول منا جمبك
انا اختك وامك وحبيبتك وانتي بنتي واختي وصاحبتي وحبيبتي وكل حاجة ليا
انا معاكي ياروحي ومش هسيبك
علشان خاطري كفاية
ارمي الماضي وراكي وكفاية تعب لحد كدة.. خلينا نبدأ من جديد
بعياط: مش قادرة.. مش عارفة اتخطى.. مش عارفة اتجاوز كل لي حصل
انا حزينة وزعلانة
=حاسة بيكي يحببتي حاسة بيكي.. متقلقيش انا معاكي
اهدي بس اهدي ياسارة
مش كل يوم هنفضل نعيد ونزيد
من كتر التعب كالعادة وزي كل يوم نامت سارة فحضن فرح معيطة زي كل يوم
ف استسلمت اخيرا سارة للنوم ونامت
وقلقت فرح عليها وقلقلها بيزيد كل مادا
وهي بتشوف حالة اختها بتسوء وبتزداد سوء
بتفقد وزنها ووشها بيتهلك وبيبان عليه التعب والارهاق
وعيونها تورمت من العياط
فسابتها فرح وطلعت برة الاوضة
وقفلت عليها
وبعد شوية رن سليم على فرح
_ازيك يافرح
=الحمدلله ياسليم.. انت كويس
_انا كويس الحمدلله.. كنت بسأل على سارة
=هي نايمة
_طب الحمدلله
=انت لية مبتتصلش بيها ياسليم
مش بتسالها هي ولا بتطمن عليها هي.. لية مش بترن عليها ع الاقل هتتحسن شوية
_مش هينفع يافرح
=لية مش هينفع.. لية يسليم
_علشان مش هينفع وخلاص.. انا مضطر اقفل دلوقت مشغول.. سلام
..
=اي الغرابة دي بس!!!