رواية صدفه الفصل الحادي عشر 11 بقلم حبيبة علاء
رواية صدفه الجزء الحادي عشر
رواية صدفه البارت الحادي عشر
رواية صدفه الحلقة الحادية عشر
يأتي صباح يوم جديد وهو محمل بالكثير من الاشياء
تستيقظ اريچ لكي تستعد للذهاب إلى الدكتور عشان اسيم
اريچ: صباح الخير يا فيفي
فريال بابتسامه: صباح النور صاحيه بدري يعني
اريچ بابتسامه: عشان اخد اسيم الدكتور وبعدين بدري من عمرك يا فيفي
فريال بضحك:يا بكاشه…يابنتي متسمعي كلامي انا هأكلو زي مكنت بأكلك وانتي صغيره وبلاها دكتور
اريچ:لا يا فيفي اسيم لسه صغير الدكتور هيعرف اكتر ايه المناسب ليه
فريال:طيب علي راحتك
اريج بابتسامه:اسومي الجميل صباح الخير
اسيم بيبصلها وبيضحك
اريچ بحب:ياخرابي علي الضحكه القمر يا ناس
يلا يا جميل عشان تاخد الشاور بتاعك
اريچ غيرت لاسيم ولابستو وهيه لبست ونزلت عشان تروح للدكتور
في مكان تاني وبالتحديد في شقه امل
امل بغل:هااااا عملت اي
نائل بخبث:صبرك عليا يا جميل
امل ببرود:يلا قولي عملت اي
نائل بمكر:اللي عرفتو انها بتجهز لخطه جديده بس اي هيه مش عارف
امل بغل:يبقا احنا لازم نسبقها
نائل بخبث:ازاي ؟؟؟
امل بشرر: هقولك….سليم مش بس عندو الشركات الي هنا لا هو عندو اراضي وقصر كبير في الصعيد بس سميه هانم متعرفش انو سليم عندو ارضي في الصعيد بأسمو ف انا بصفتي مرات سليم هاروح الصعيد لجد سليم وعلي شويه صعبنيات وشويه دموع اقنعهم اني المظلومه واخدهم في صفي عشان لما اقولهم انها قتلت سليم يصدقوني
نائل بخبث:ياااااه ده انتي طلعتي مش ساهله
امل بضحكه شر:اومال انت فاكر اي …ولسه اللي جاي
عند حور كانت قاعده في المكتب وكل تفكريها في نوح واي حصل يوصلو للحاله دي
قطع تفكريها رنه فونها
حور:السلام عليكم
صفاء والده حور:وعليكم السلام يا حبيبتي
حور بقلق:خير يا ماما حصل حاجه
صفاء:لا يا حبيبتي انا كنت بتصل بيكي عشان اقولك تعالي بدري عشان الناس اللي جايه
حور بضيق:حاضر يا ماما مع اني رافضه الموضوع اصلا
صفاء :معلش يا حور اقعدي معاه يابنتي ولو مرتحاتيش ارفضي
حور بضيق:حاضرررر يا ماما
قفلت حور مع مامتها وهيه بتفكر ازاي تطفش العريس اللي جاي
عند ثويبه كانت سميه حابسها في اوضتها
ثويبه ببكاء: اعمل اي ياربي لازم نوح يعرف الحقيقة
لازم القي حل عشان اخرج من هنا
ثويبه فضلت تحاول تخرج ولكنها فشلت وقعد علي للارض بنهيار وتدعي ربنا يساعدها
عند نوح كان في النايت كلاب وفضل يشرب لحد مبقاش شايف قدامو
نوح ومش قادر يمشي وقع مره واحده علي الارض
اتجعو حواليه حاولو يفقوه لكنو من كتر الشرب مش بيصحي
اخدو تليفونه اتصلو علي اخر رقم وهو كان يعقوب
صحاب النايت كلاب:الو حضرتك يعقوب
يعقوب:ايوا انا
الراجل:طب نوح بيه تقل في الشرب واغمي عليه ومش عارفين نعمل اي واخر رقم كلمو كان انت
يعقوب بقلق:طب عشر دقايق وهاجي خلي بالك منو
بعد شويه يعقوب وصل وشال نوح حطو في العربيه وانطلق علي شقتو
يعقوب وصل وشال نوح وطلع بيه وحطو علي السرير
سابو وخرج
اعرفكم بقا يعقوب الاسيوطي ده بيكون الصديق المقرب لسيلم يعتبر اكتر من اخوات
عندو 28سنه هو شخص جاد جداا ذو شخصيه صارم جدا يهابه كل من يراه جذابه ويمتلك العيون العسلي الصافي والبشره القمحاويه مع لحيه تزيده وسامه وجسد قوي كالصخر
كان مسافر ورجع)
يعقوب قاعد بحزن انو مش عارف يوصل لصديقه او نقول اخوه
يعقوب بحزن:ياتري انت فين يا سليم
فضلت حور قاعده تنتظر ان يأتي حبيبها لكنه لم ياتي الي الشركه اليوم وهذا ذاد خوفها عليه
حور بقلق:ياتري انت فين يانوح
اتمني تكون بخير
ياتي معاد الانصراف تلمم حور اشياءها وتذهب اللي منزلها
حور وصلت بيتها
حور: السلام عليكم
محمد والد حور:وعليكم السلام يا حبيبتي تعالي يا حور
حور:نعم يا بابا
محمد: ماما قالتك انو زياد ابن انكل محمود جاي انهارده عشان يتقدمولك
حور :ايوا يا بابا قالتي
محمد:,انتي عارفه اني عمري ما هجبرك علي حاجه يا حور ف يابنتي لو مش مرتاحه ف بلاها من الموضوع المهم راحتك
حور بتمسك ايد والدها: انا هقابلو يا بابا عشان خاطر انا مقدرش اطلع حضرتك في موقف وحش قدام انكل هشام واكيد هقولك لو مرتحتش
محمد بحب:ماشي يا حبيبتي
حور بتدخل اوضتها وهيه حزينه علي حالها هيه لحد دلوقتي مش واثقه اذا كان نوح بيحبها او لا
بس هيه بتحبه وديما كانت بتحاول تمنع نفسها من انها تحبه لكن قلبها اتغلب عليها وحبتو
اخدت حور شاور تريح اعصابها وجهزت ولبست دريس بني وعليه حجاب بنفس لون الدريس ومكيب سيمبل واستنت لحد ما باباها ناده عليها
حور خرجت وكنت منزله راسها في الارض
قعدت جمب والدها وبعدين قامو وسابوهم لوحدهم
زياد:احمم ازيك يا انسه حور
حور بتوتر: الحمدلله
زياد:طبعا أنتي عارفه انا جاي ليه
حور هزت راسها بمعني(ايوا)
زياد:,طب وانتي ردك اي
حور رفعت راسها واخدت نفس واتكلمت:بس يا زياد انت شخص محترم جداا وكويس وعلي خلق واي بنت تتمناك بس انا اسفه انا مش عوزه اتجوز دلوقتي انا لسه عندي اهداف عوزه احققها
زياد:انا متفهم موقفك واسف لو ازعجتك
حور بزعل:اتمني متزعلش لكن انا بس مش جاهزه لخطوبه ولا حتي جواز ولا اني ادخل في علاقه نهايتها وجع لينا
زياد:انا مقدر واحترم قرارك
حور:شكرا
جيهم اهل حور واهل زياد و زياد استئذان انو يمشي
محمد:هاا يا حور عملتي اي
حور:انا اتكلمت بصراحه يا بابا وهو احترام ده
محمد: يعني مش موافقه
حور:ايوا يا بابا انا مش جاهزه اني اتخطب او اتجوز لسه عوزه شويه وقت
محمد بحنيه:براحتك يا حبيبتي خدي وقتك
حور حضنت ابوها: متشكره اووي يا بابا
صفاء والده حور:ايوا يا اخويا افضل دلعها لحد ما هتعنس جمبك
حور بغمزه:,جره اي صفصف انتي عوزه تخلصي مني عشان يخلالك الجو مع الحج
صفاء بغيظ:شوف البت اللي معرفتش اربيها بتقول ايه
محمد بضحك: هههههه 😂
صفاء بغيظ:انت بتضحك
حور بضحك: خلاص اصفصف حقك عليا هسيبك مع الحجوج
صفاء:,امشي يا اخره صبري بدل ما اقوملك
حور جريت اوضتها وهيه بتضحك
محمد بضحك: هههههه 😂 والله حور دي مسخره
صفاء بغيظ: هتفضل تضحك كتير
محمد بحب:مالك بس يا صفصف
صفاء بخجل:يووه يا راجل انا كبرت على الدلع ده
محمد بحب:فشررررر ده انتي لسه زي القمر
صفاء بكسوف: إنشاالله يخليك ليا
محمد بحب:متيجي اقولك كلمه
صفاء بضحك وخجل:يا راجل عيب.
محمد تعالي بس ووو (وعيب كده يا طنط انتي وعمو الله🤭😂)
عند اريچ كانت اخدت اسيم وراحت للدكتور
اريچ قعدت تستني دورها لحد ما ينده علي اسمها بعد شويه الممرضه ناده عليهم
اريچ اخدت اسيم ودخلت للدكتور
الدكتور:ازيك يا بطل…هاا ايه اللي تعبك
اريچ: لا هو الحمدلله كويس بس انا كنت جايه تفحصو واطمن عليه وعشان النظام الغذائي بتاعو
الدكتور:هو عندو قد اي
اريچ:اخر الشهر هيبقا عشر شهور…علي حد علمي
الدكتور: بتقولي حاجه
اريچ:,لا بقول هيتم عشر شهور
الدكتور اخد اسيم وفحصو
الدكتور:هو الحمدلله كويس مفيهوش حاجه
هتبدأي تأكليه سيرلاك ويفضل بالقمح وكمان زبادي بس مره في اليوم وهكتبلك بقيت الاكل اللي هتعمليه وده فيتامينات تديهاله في معادها
اريچ:ماشي متشكره لحضرتك
الدكتور:العفو
اريچ كانت فرحانه انها اطمنت علي اسيم وانو صحته كويسه
اريچ يلا بطل نجيب الفيتامينات بتاعتك عشان تكبر
جابت اريچ الفيتامينات والسيرلاك وروحت البيت
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية صدفه)
