رواية صدفة أم قدر الفصل السادس 6 بقلم سمية عبدالسلام
رواية صدفة أم قدر الجزء السادس
رواية صدفة أم قدر البارت السادس
رواية صدفة أم قدر الحلقة السادسة
سيد بخوف من مراد_دي خطيبتي.
نظر مراد لـ هبة بمعنى هذا الكلام صحيح حتى اردفت هبة والدموع تملأ عينيها _ايوة خطيبي.
مراد بهمس لنفسه _اوبا على الكسفة اللي انت فيها ياحازم.
ثم قال وهو يدعي انه رأي شخص ما _حنظلة،عايزك ياكوتش.
وانسحب في هدوء ،ابتسمت هبة وقالت دون وعي منها _عزمت حنظلة من ورايا؟!
سيد وهو لا يفهم شيء _حنظلة مين؟ واعزمه فين؟
انتبهت هبة لما قالته وقالت _sorry اندمجت شوية.
تذكر سيد قولها “خطيبي” وقال بفرحة _يعني خلاص ياهبة ،اجيب اسماعيل اخويا ونجيب الشبكة؟
شعرت هبة بوخزة في قلبها وتمنت لو لم تقل ذلك لكن ماذا تفعل يجب أن يذهب حتى لا تتجمع الناس ويصير مشكلة.
اعاد سيد سؤاله وقال _نيجي امته ياهبة؟
نظرت له هبة وقالت بعصبية _انت هتصدق نفسك ،انا قلت كده عشان ميحصلش مشكلة.
واكملت بتحذير _واياك تتعرضلي تاني ياسيد.
وتركته وذهبت هي الاخرى اما هو قرر الذهاب لشقيقه اسماعيل.
::::::::::::::::::::::::::::::::
دلفت نجلاء إلى الغرفة ومعها ادهم وسليم وقالت عندما رات الفتاة _ازيك يابنتي ،عاملة ايه؟
رفعت رأسها وقالت ببتسامة_الحمدالله كويسة .
نجلاء _انا طنطك نجلاء ،مش عايزاك تخافي مننا لانك هتعيشي معانا لحد ما تخفي بأذن الله وترجعلي لـ اهلك يا…
لم تعرف نجلاء بماذا تناديها فقال ادهم _قدر ،اندهلها بقدر.
نظر الجميع لـ ادهم فاكمل حديثه ببرود _مش يلا بينا.
وتركهم وخرج من الغرفة.
::::::::::::::::::::::::::::::::::
_ممكن ورقة من كشكول لك ياعمر؟
نظر عمر للجالس جواره وقال ببتسامة سمجة _معدي النُص.
شعر الفتى بغيظ من عمر لكن نظر امامه عندما دلف المعلم وقال_السلام عليكم ،عاملين ايه؟
رد عليه جميع الطلاب الجالسين في السنتر فـ اكمل المعلم حديثه وقال _تعرفوا ان انتم مصابيح المستقبل؟
التفت عمر لناحية الاخرى وجد ديشا نائم فقال وهو يعيد بصره للمعلم _يامستر في لمبة محروقة هنا.
ضحك الجميع على ما تفوه به عمر واصدروا ضجيج ازعج ديشا وايقظه من نومه فقال بضيق_احنا فين ياعمر؟
عمر بسخرية _في تل ابيب ياقلب عمر.
:::::::::::::::::::::::::
كان مشغول في تصليح السيارة فقال اسماعيل_عايز ايه ياسيد؟
كان يجلس على المقعد وقال_عايز اتجوز هبة.
رفع إسماعيل رأسه من السيارة والتفتَ له وقال_انت مش اتقدمت لها وهي رفضت ،خلاص بقا.
سيد _بس انا بحبها وعايز اتجوزها.
اسماعيل بضيق_والمطلوب مني؟
سيد بتوسل _تخلي نعمات مراتك تروحل لها وتلين دماغها.
فتح اسماعيل باب السيارة ليقوم بتشغيلها كي يعلم إذا تم اصالحها ام لا _نعمات كانت هنا من شوية وقالت انها رايحة هناك ،هي بتحب الست فاطمة وتعتبرها زي والدتها ،وممكن تفتاحها في موضوعك تاني.
سيد بخبث _ياريت تعرف مش هيبقا مش بتخلف وكمان مش ناصحة زي باقي الستات.
اغلق إسماعيل باب السيارة بقوة واتجه ناحية سيد وامسكه من تلباب قميصه وقال بغضب_ نعمات مراتي ومش هسمح بأي مخلوق مهما كان يجيب سيرتها بحاجة وحشة،مهما كان ياسيد حتى لو كان اخويا.
حاول سيد الفرار والتهرب من الموقف وقال _انا مش قصدي حاجة انا عامل على مصلحتك.
إسماعيل وهو مازال يمسك به _تقصد ما تقصدش ،انا نبهتك وعلى الله اسمعك بتتكلم معاها او مع اي حد في الموضوع ده.
ترك قميصه وقال بحنق _غور من وشي يلا.
::::::::::::::::::::::::::::
فتحت هبة باب المنزل وركضت إلى غرفتها رأتها فاطمة واسراء وركضوا خلفها لكن جرس الباب رن دخلت اسراء الغرفة وذهبت فاطمة لفتح الباب فـ كانت نعمات زوجة الاسطى إسماعيل رحبت بها السيدة فاطمة ودلفت نعمات لداخل.
::::::::::::::::::::::::
فتح مراد باب شقتهم رأي والده يقف في منتصف البيت حائراً يبدو انه يبحث عن شيء ما فقال مراد متسائلاً_واقف كده ليه يابابا؟!
استدار له ابراهيم وقال _تعالى يامراد.
اقترب مراد منه وقال_اي الموضوع؟
إبراهيم _ انا يابني قاعد لا بيا ولا عليا لقيت امك وهي بتصلي عمالة تكبر بصوت عالي ومش عارف في ايه.
مراد _يبقا اكيد في حاجة.
عايدة وهي تجلس على سجادة الصلاة _الله اكبر.
ابراهيم _روح يامراد شوف لـ يكون في حاجة على النار.
ذهب مراد ورجع مرة اخرى ليقول _مفيش حاجة.
عايدة _الله اكبر.
ابراهيم _طيب افصل فيشة التلاجة عشان لما الكهربا تيجي الموتور ميتحرقش.
نظر مراد حوله وقال ببتسامة_الكهربا مقطعتش اصلا ياحج.
عايدة بصوت عالي _الله اكبر.
ابراهيم بتفكير _يكونش السما هتمطر على الغسيل برا؟!
مراد _يابابا احنا في الصيف هتمطر ازاي بس.
ابراهيم _امال امك عايزة ايه؟
انتهت عايدة من صلاتها وقالت بعصبية _خرجوا اللحمة من الفريزر ياللي مبتفهموش.
ابراهيم _واحنا هنشم على ضهر ايدينا.
عايدة _عمالة اقول الله اكبر،الله اكبر ،اكيد مش هخطب في المسلمين.
مراد بصوت منخفض _انا ايه اللي وقعني مع العيلة دي.
عايدة _بتقول حاجة يامراد؟
ابتسم مراد وقال بمرح _ بقول انا احنا اغبية ،المرة الجاية هعرف على طول انتِ عايزة ايه.
عايدة بغيظ بعدما ذهب مراد ودخل غرفته _شوف الواد بياخدني على اد عقلي.
ابراهيم متعجباً _وانتِ عندك عقل؟
عايدة بعصبية _نااعم؟!!
::::::::::::::::::::::::::::
_ياحبيبي أنتِ بتعيطي ليه بس؟
خرجت هبة من بين احضان اسراء لتقول وهي تمسح دموعها _يعني بعد اللي حكتهولك تقولي بعيط ليه؟
اسراء وهي جالسة امامها على الفراش _يعني دلوقت انتِ زعلانة عشان اللي سيد عمله ولا…
واكملت ببتسامة ماكرة _ولا عشان مراد عرف انك مخطوبة؟
تصبغ وجهها بالون الاحمر لتقول وهي تتحاشى النظر إلى اسراء _لأ طبعاً ،عشان مراد ايه،انا ما شفتوش غير مرة واحدة انا زعلانة عشان اللي سيد عمله وكمان عشان كدبت.
اسراء وهي تدعي الحزن _بس خسارة كده مراد عرف انك مخطوبة.
هبة _يعرف ولا مايعرفش انا مالي بيه.
تعالت ضحكات اسراء لتقول _صح انتِ مالك بيه ،ما هو بيبدأ كده بردو.
:::::::::::::::::::::::::::
كانت تبكي لتقول بحسرة _تعبت من الادوية يا خالة فاطمة.
فاطمة وهي تربت على كتفها _انتِ مش كنتِ عند الدكتور قالك ايه؟
نعمات _قال اني كويسة واسماعيل كويس بس هي مسألة وقت .
واكملت بيأس _احنا بقالنا 10 سنين.
ابتسمت فاطمة وقالت _ انا هقلك على علاج سحري بس العلاج ده صعب.
نعمات بسرعة _الحقيني بيه.
فاطمة _العلاج ده انك تقوموا قبل الفجر بساعة تصلوا وتستغفروا ربنا وتدعي أنتِ وجوزك ان ربنا يرزقكم الذريه الصالحة وبأذن الله يستجيب.
رفعت رأسها للسماء وقالت والدموع تتلألأ في عينيها _يارب ياخالة فاطمة يارب.
:::::::::::::::::::::::::::::
_بتضحكي ياعلا وانا مفروسة منه.
تعالت ضحكات علا الجالسة بجوارها على الاريكة لتقول مُعلقة على كلام سلمى _مش قادرة اصدق ان سليم ابن خالتي يطلع منه كل ده ،لا وكمان بتشتغلي عنده وهو ميعرفش.
سلمى بغيظ _ابن ال… سابني وقعت وهو عادي ،وحاسة اني ضهري اتكسر.
علا وهي تنظر لما ترتديه سلمى _سلمى هو سليم شافك باسدال ستي ده وشبشب زنوبة اللي انتِ لابساه ده؟!
سلمى بصوت عالي _انا في ايه وانتِ في ايه؟!
سمعوا الاثنين رنين جرس الباب فقالت علا _اكيد هما.
سلمى بصدمة _هما مين اوعى يكون سليم معاهم؟
نظرت علا من فتحة صغيرة في الباب وقالت وهي تنظر لسلمى مرة اخرى _سليم معاهم .
سلمى _انا مش عايزة يشوفني ولا اشوف وش امه.
كتمت علا ضحكها وقالت _بصي ادخلى المطبخ استخبي فيه عشان لو دخلتي عند وردة هتعرف ان في حاجة ومش هتبطل اسئلة وهما اكيد مش هيطولوا.
:::::::::::::::::::::::::::::::
_البت بتبرقلي ولا كأني جوز امها.
ديشا وهو يأكل من الطعام الذي بيده _المهم ياعمر هاجيلك بكره ان شاء زي ما اتفقنا عشان نزاكر سوا و…
لم يكمل كلامه عندما رأي احمد يجلس في مقهى ومعه فتاة فقال عمر _ايه ياض سكت ليه؟
ديشا وهو يشير ناحية احمد _مش ده احمد اخوك ياعمر؟
التفت ديشا خلفه وابتسم بخبث واخرج هاتفه الجوال.
:::::::::::::::::::::’::::::
كانوا ينظرون له و هو يتحدث ليقول _ انتِ هتعيشي هنا يا انسة قدر مع خالتي ،واكيد أهلك هينزلوا صورك على النت وانا كمان هحاول اوصلهم بطريقتي.
اكتفت بأمأة من رأسها ،فقالت نجلاء _خديها يا علا ترتاح شوية.
نهضت قدر مع علا ودخل الاثنين الغرفة فقال سليم _بعد اذنك يا خالتي هقوم اشرب.
نجلاء _اتفضل يابني البيت بيتك.
اما سلمى هربت الدماء من عروقها عندما سمعت جملته الاخيرة ،ماذا عليها ان تفعل الآن ،اتختبأ ؟ ليس هناك مكان للاختباء ،فـ استدارت سريعاً واعطت ظهرها للباب الذي دخل منه سليم ورأها تقف ،تنحنح وقال _بعد اذنك ياوردة ممكن تجيبي لي اشرب؟
تنفست الصعداء وحمدت ربها انه لم يتعرف عليها وقالت _حاضر.
امسكت الكوب وملأته بالمياه وابتسمت بخبث ووضعت به شيء قريب من يدها وقالت وهي بنفس الوضعية _اتفضل.
اخذ سليم الكوب منها ليقول _نفترض مثلاً ان وردة بنت خالتي اللي لسه جاية من السفر عندها نفس الاسدال اللي لسه شايفك بيه.
توسعت عينيها واكمل هو حديثه _ونفترض بردو اني مشفتكش وانتِ واقفة تبصي علينا من المطبخ زي الحرامية،فأكيد يعني مش هعرف اميز صوت وردة اللي متربية معانا من صغرها؟!!
التفت له سلمى لكن تفاجأت بالمياه في وجهها ليقول ضاحكاً _سمعت ان الميه بالملح مفيدة للبشرة.
خرج سريعاً تارك سلمى تستوعب الصدمة فـ وجد ادهم مازال يحدث خالته _ هي هتعيش معاك هنا لحد ما تخف بأذن الله وكل مصاريفها انا ملزوم بيها.
ثم مد يده بالمال.
نجلاء بضيق _ايه يا ادهم فاكرني مش هقدر على مصاريفها ؟!!
ثم اشاحت بنظرها بعيداً.
ابتسم ادهم ليقول _متزعليش مني انا مقصدتش كده ،انا بس مش عايز احس بالذنب من ناحيتها ،كفاية ان الحالة اللي هي فيها انا سببها.
نجلاء _متقلقش عليها انا هاخد بالي منها كويس.
ادهم وهو مازال يمدد يده لها بالمال _معلش ريحيني وخدي الفلوس.
_خدي الفلوس ياخالتي ده دماغه ناشفة.
نظر كلاهما للواقف فـ كان سليم ،وترجلت سلمى من المطبخ وعلامات الغضب على وجهها وثيابها المبتلة.
رأتها نجلاء لتقول _ايه يا سلمى اللي مغرق هدومك كده؟!
قاطعها سليم ولم يعطها الفرصة لتتحدث فقال هو _باين كانت بتمطر عندها.
رمقته بغيظ ،لكن وقف ادهم ليقول بثبات _طيب نستأذن احنا ،يلا يا سليم.
كان يقود السيارة الخاصة به فأردف بخبث وهو ينظر للطريق _ حلوة سلمى مش كده؟
سليم بملل _اه.
فأكمل كلامه مع بسمة ماكرة _فيها شبه من سلمى السكرتيرة بتاعتك ،الفرق بس النضارة وبشرتها غامقة شوية.
سليم بعدم انتباه _اه فعلاً النضارة والبشرة ال..
لم يكمل حديثه و فهم ما يود ادهم قوله ليقول بتوعد _اه يابنت ال..بتستغفلني.
:::::::::::::::::::::::::::
_بقا انا ياض تخلع وتلبسني في البت وتمشي.
قالها احمد وهو يستشيط غضباً.
فقال مراد وهو يأكل من طبق الفاكهة _بت مين يا احمد؟
جلس احمد على الأريكة امامهم ليقول _هتكون مين ،واحدة من معارف الاستاذ ،اكيد هتكون زيه.
سليم بتوضيح _اصل انا بعيد عنك عندي فوبيا من الاماكن العالية،عشان كده تلاقيني بميل للناس الوا”طية.
كان ينظر له بشمئزاز فأردف _ولما انت هتخلع مقلتش ليه اخلع انا كمان بدل ما انا قاعد مستنيك زي الاهبل.
سليم _والله ما كنت ناوي اخلع بس ادهم عمل حادثة و…
انتفض احمد وهبَ واقفاً ليقول _حادثة؟!! حادثة ايه؟!
مراد وهو يأكل _لأ اطمن بس خبط بنت بالعربية والحمدلله الاتنين كويسين.
احمد _انا نازل اشوفه.
مدَ سليم يده ليأخذ قطعة من الفاكهة في الطبق لكن ابعد مراد الطبق سريعاً ليقول ببسمة باردة_قوم هات لنفسك من التلاجة.
اردف سليم بغيظ _وانت مش ناوي تعمل دايت وتقلل اكل شوية انت خلصت على أكل البيت كله.
اخذ مراد قضمة من الفاكهة وقال _الدايت الحقيقي انك تقلل ناس إنما الاكل ما شفناش منه حاجة وحشة.
:::::::::::::::::::::::::::::
دلف إلى شقتهم بحثاً عن ادهم لكن سمع رنين هاتفه النقال فقال _الو.
علا من الناحية الاخرى بمرح _و لا ياحمد ياخطيبي.
احمد بملل _ايوة ياخطيبة الندامة.
علا _مش ناوي تعملي مفاجأة من عند فاطمة البري وتفاجأني احنا داخلين على رمضان وامتحاناتي قربت وكده.
احمد بحنق _المفاجأة دي بتتعمل للبنات اللي سايبة خطيبها على راحته كده يعرف يفكر ويخطط، انما أنتِ لزقالي في كل حتة ده انا ناقص افتح التلاجة اللاقيكي.
علا_عشان الامتحانات يا احمد.
احمد _امتحانات ايه يا ام مقبول .
تنهد وقال _بصي تعالي اخرجك في كافيه تحفة يكش تجيبي جيد وترفعي راسنا.
علا بفرحة _اشطا يازعامة.
احمد _متجوز بلطجي ياربي.
اغلق الهاتف ليتحرك لكن وجد عمر في وجهه مع ابتسامة عريضة فقال احمد _عايز ايه انت كمان؟
عمر بنفس الابتسامة _عايز مصلحتك.
احمد وهو يلوي شفتيه _عايز ايه ياعسل؟
رفع عمر هاتفه ليريه بعض الصور وقال _عارف احلى حاجة في الكافيه انه من ازاز يخليك تشوف اللي فيه من غير ما تدخل.
ضيق احمد عينيه وقال بغيظ _ااه ياوسخ.
عمر وهو يحرك راسه بتأييد _عارف ،عارف.
احمد _عايز ايه يازفت؟
اردف عمر بجدية _بص يااحمد لو حد شاف الصور دي اكيد هيسأل مين البنت دي وايه حكايتها فـ عايزك تاخدها نصيحة،اربعة بيقولوا الحقيقة واحد سكران وواحد بيعيط وواحد فقد اعصابه زيك كده ،وانا لو ادتني 20 جنيه.
احمد وانفاسه تعلو وتعبط من الغضب _بقا كده.
عمر وهو يمدد يده _ايدك على 20 جنيه.
اخرج احمد من جيبه المال ليعطيه وهو يتمنى بداخله صفعه على وجهه.
:::::::::::::::::::::::’:”’::::::::::
كان يجلس ويترقب ملامح جده ليرى ردة فعله بعدما اخبره بما حدث معه حتى قال زكريا المنشاوي _خير ما عملت ياولدي.
ابتسم ادهم وقال _انا بس بستأذنك ان والدتي ومرات عمي يروحوا هناك ويطمنوا عليها.
زكريا _دي الأصول بردو ،وكمان هتيجي تفطر معانا اول يوم رمضان ،عشان كل العيلة بتتجمع اكيد مش هتجعد (هتقعد) وحديها هناك.
هز رأسه موافقاً وبعدها دلف احمد وعلى ملامحه القلق _انت كويس يا ادهم؟
ادهم _كويس الحمدلله،مالك قلقان كده ليه؟
احمد بخوف على شقيقه _اصل سليم ومراد قالولي انك عملت حادثة.
وقف ادهم وذهب ناحيته وقال ببتسامة تلقائية _اطمن انا كويس.
لم يتردد احمد واخذه في حضنه وقال بغضب الممزوج بالخوف _بعد كده تاخد بالك وانت سايق ،متخضنيش عليك.
بادله ادهم العناق وقال _ياحبيبي متقلقش انا كويس اهو ،وحاضر هاخد بالي.
ابتسم زكريا على حب احفاده لبعضهم وقال _ربنا يبارك فيكم ياولدي ،ويحفظكم.
انحنى الاثنين وقبلَ كلاهما يده وقالوا _ويباركلنا فيك ياحج.
::::::::::::::::::::::::::::::
باليل
وضع حقيبة ظهره أرضاً والقى بجسده على الأريكة لتخرج منه تنهيدة انتبه مراد له الذي كان منشغلاً ببعض الاوراق فقال وهو ينظر له _لابس كده ليه؟
سليم بسخرية _جاي من ال gym عايزين البس ايه؟ جلبية!!
مراد وهو يمتطي شفتيه _لأ تلبس شورت وتمشي بيه في البيت وجدك يشوفك.
اعتدل سليم في جلسته ليقول ضاحكاً_جدك لو شافني بالشورت ده مش بعيد يخرجني من الاسلام.
واكمل بجدية _مراد هو ازاي بتاكل كتير ومش بشوفلك كرش وانا طالع عيني في ال gym عشان اوصل للجسم ده ولو عكيت مرة في الاكل كله حاحة بتبوظ.
ترك مراد الاوراق من يده واردف بجدية _يابني خليك ذكي يعني كُل براحتك وبردو مارس رياضة سهلة اللي تحرق الدهون بسرعة.
سليم بسخرية _وايه بقا الرياضة دي؟
مراد _زي الجري مثلاً دي رياضة سهلة وتحس انها بتذود في عمرك.
_فعلاً جريت النهاردة وحسيت عندي 60 سنة.
نظر كلاهما لمصدر الصوت كان احمد والغضب بدَ على ملامحه.
سليم بتسائل_انت مش كنت مع خطيبتك جيت بسرعة يعني؟!
احمد بغيظ _كله بسببك وسبب الست شوشو زفت.
مراد _ليه ايه اللي حصل؟
احمد _رحت الكافية وكان شورة هباب ،كنت قاعد في امان الله انا وهي جه الجرسون وقال تشربي ايه قالت مش عايزة اشرب حاجة قام قلي ابقى هات التانية ياعم هي اللي بتشرب ،وخدت واحدة البس بقا يا ابو كمال.
سليم بضحك _وبعدين ايه اللي حصل؟
احمد بغيظ _اضحك ياخويا ،سابتني ومشيت قمت جريت وراها عشان اصالحها صوتت ولمت امة لا إله إلا الله وقالت متحرش ،والناس تقول ما صدقت ،جريت والناس جريت ورايا هدوا حيلي منهم لله.
انفجر سليم ومراد في الصحك فقال احمد وهو يجلس _انا خلاص توبت ومش عايز اتجوز.
مراد _اجمدي ياسوسو مش كده.
سليم _اجمد كده ده انت حفيد المنشاوي يا…
واكمل بضحك _ياسوسو.
كان ينظر لهم ويتمنى لو يذهب ويقتلع عنق كلاً منهما.
::::::::::::::::::::::::::::::::::::
ثاني يوم في الشركة.
كان يبدو عليه الانشغال فقال وهو ينظر لاوراق _في حاجة؟!
تنهدت سلمى فـ هي مازالت تشعر بالغضب على ما فعله في المرة الأخيرة وقالت_كنت بستأذن حضرتك امشي النهاردة بدري شوية عشان عندي محاضرة الساعة 11.
رفع رأسه وقال _تمام ،بس ممكن تجبيلي قهوة عشان في شغل مهم وعايز اخلصه.
سلمى _انا شايفة حضرتك بتشرب قهوة كتير ،بس ممكن تاخد تفاحة وهتديك نفس المفعول ،وفي نفس الوقت حاجة صحية .
سليم _انا بقول عايز قهوة وانتِ بتقولي تفاح؟!!
عدلت من وضعية نظارتها وقالت _جرب ومش هتندم.
سليم _ايوة وهجبب تفاح منين؟
سلمى بسرعة _انا معايا.
واخرجت واحدة من حقيبتها ومدت يدها له.
ضيق سليم عينيه واخذها منها وقال _شكراً ياسالم.
حاولت التحكم بغضبها واردفت _بشمهندس ادهم كان عايز حضرتك.
وقف سليم ليقول _ادهم عايزني وواقفة ترغي معايا،لأ الشغل ده مش عاجبني ياسالم.
سلمى بعصبية مكتومة _حضرتك اسمي سلمى مش سالم.
سليم _لأ ما سالم ده اسم الدلع.
:::::::::::::::::::::::::::::::::
_راجعت اوراق الصفقة اللي ادتها لك؟
سليم وهو يشعر بالنعاس _صفقة ايه؟
ادهم بجدية وصوت عالي _ماتفوق ياسليم انت جاي تنام وقت الشغل.
سليم _ما بصراحة انتم اللي بتعملوا الشغل وقت النوم.
ادهم بسخرية _والباشا يحب يشتغل امته؟
سليم _لو على الباشا مش عايز اشتغل اصلاً.
ضرب ادهم المكتب بيده ليقول _اخلص شوفت الورق ولا لأ؟
اعتدل سليم في مقعده واردف _ايوة ياعم شفتها مالك حمقي كده.
ادهم _ورأيك؟
سليم _رأيي في ايه وانت مقرر تلغي الصفقة.
ادهم _كنت مكلف اسامة يجبلي معلومات عن طارق عبد الحميد وفعلاً طلع شكي في محله ،وبيستخدم شركاته لاعمال المشبوهة.
سليم _وهو جالنا ليه من الاول وهو عارف كويس ان احنا ملناش في الشمال؟
ادهم _هو ده نفسه السبب اللي جالنا عشانه.
سليم _مش فاهم.
ادهم _عشان معروف عننا ان شركتنا ملهاش في شغل الشمال ولا الأعمال المشبوهة فلما يشتغل معانا محدش يشك في حاجة .
واكمل سليم _ولو حصل اي عوق نلبس احنا الليلة ويخلع هو.
ادهم _بالظبط.
سليم _ابن ال.. وهتعمل ايه؟
ادهم ببتسامة ماكرة_لأ انا عملت خلاص.
:::::::::::::::::::::::::::::::::::::
_الدكتور الرخم ده عمل لك حاجة؟
لين _لا بس كان بيسال عليك وما حدش عرفك.
ندى _اسفة يا لين لو سببت لك مشاكل في الكلية.
لين _بتعتذري على ايه اقول لك على حاجه ده انا عايزه ابقى زيك.
ندى بتساؤل _زيي ازاي؟!
كانوا يسروا في ممر الجامعة حتى اتصدمت ندى بفتاة ما شهقت ندى بفزع وقال _يابنتي مبتعرفيش ترسمي الايلاينر،مترسمهوش يا اما تتعلمي انما متسرعيش امنا على الصبح كده.
شعرت الفتاة بالاهانة فقالت بتقظظ _مبقاش غير بتاعة الخمار اللي تتكلم.
وضعت ندى يدها على خصرها وقالت _ماله الخمار ياعنيا.
الفتاة _بيئة زيك.
لين _خلاث ياندى يلا نمشي.
ندى بعصبية _اسكتي انتِ.
ثم نظرت للفتاة لتقول _انا بيئة يا ايحا يا تلقيحة ياصابونة من غير ريحة ياابرة مصدية في كوم قش مرمية ،ياكوع مهبب ياوش مهبب يا سمك من غير فوسفور ياعربية من غير موتور ياسكينة متنية ورجل ملوية ووشك وش حنفية وراسك منقوعة في التقلية ويااحمد ياعمررر.
لين بهمس _مش احمد وعمر دول عيال عمك؟!
ذاد غضب الفتاة لتقول _انا معرفش واحدة بيئة زيك دخلوها جامعة محترمة زي دي ازاي؟انا هقول لدكتور رحيم واخليه يفصلك .
ندى بعصبية _ومين سـي زفت ده كمان.
_انا.
نظرت ندى خلفها وتوسعت حدقتا عينيه لتقول دون تفكير _خروف العيد؟!!
احمرت اعين رحيم وقال_……
…لسه الحكاية مخلصتش…
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية صدفة أم قدر)
