رواية صائد النساء الفصل السابع 7 بقلم منة محمد
رواية صائد النساء الجزء السابع
رواية صائد النساء البارت السابع
رواية صائد النساء الحلقة السابعة
نوح بعد ما اخد كارمن وقفها قدام بيت زميلتها رغده كارمن نزلت وراه وخلعت الخوذه: ليه جينا هنا
نوح: منا مقدرش اسيبك تنامي في لوكانده
كارمن: ليه ازعج رغده
نوح: لانك ست صعب تنامي لوحدك في لوكانده فلو مكنتيش عايزه تبقي مع زميلتك هاخدك للوكانده براحتك
كارمن بضيق: بس انا مش عيله صغيره انا بالغه كفايه مش محتاجه لوصي عليا
نوح: حتي الكبار بيواجهه مشاكل
كارمن: انت بتعمل معايا كدا ليه
نوح بعدم فهم :بعمل ايه
كارمن بصتله وسكتت
نوح :كارمن الي بعمله ده لاني بجد عايز اساعدك مش علشان ازود عليكي متاعب ومشاكل وانتي فيكي الي مكفيكي وزياده فلو حصلك حاجه وقتها انا هحس بأيه
كارمن: انا
نوح شاور بأيده وكمل: بلاش تجادليني لانك عارفه ومتأكده ان الي قولته مظبوط وبعدين انتي دلوقت بقيتي مسؤله مني طالما ماشيه في طريقي
كارمن سكتت لانه كل حرف قاله منطقي ومظبوط هي استحاله عيونها تغفل في لوكانده لان متعرفش المكان فيه ايه ،،وايه الي ممكن تواجهه
نوح فهم انها مقتنعه حرفيا بكلامه: كمان انتي ست مش مطلقه فلو فضلتي في لوكانده لوحدك مش عاوز الناس تفكر فيكي بشكل خاطئ وجوزك هو الي هيبقي المسؤل الوحيد مش انتي فلازم تكسبي بعدل ونزاهه (راح رن الجرس)
نوح لف وبصلها بحزن: لو سألك جوزك كنتي فين الليله بلاش تقوليله خاليه يدرك انك من غيره لسه عندك اختيارات تانيه
كارمن: خد الخوذه
نوح: خاليها معاكي لاني هشوفك قريب ومشي بعيد يركب الموتسكل وكارمن اتقدمت للباب
طلعت رغده بصتلها بدهشه: كارمن ازاي وصلتي لهنا
رغده ضربت بعيونها شافته بيركب الموتسكل وطلع بيه بأقصي سرعه
رغده بتعجب: الله مش ده الشاب الي عطاه المحفظه للدكتور ابهم
كارمن عيونها ع نوح وهزت لها دماغها بـ ايوه
رغده بجديه: لازم نتكلم ياكارمن بس ادخلي الاول
كارمن دخلت وحطت الشنطه علارض وقعدت ع السرير
رغده: انا هروح احضر لقمه ع ما تغيري هدومك وتاخدي راحتك
كارمن مسكت ايدها: لاء انا اكلت
رغده شدت كرسي وقعدت قصادها: بقي ده الشاب الي هيساعدك ان هاله تنفصل عن ابهم ويرجعلك
كارمن: ايوه
رغده: بس شكله ولبسه بيقوله انه صايع صعب تتفقي معاه
كارمن: عشان بس متعرفهوش بس لما تسمعي كلامه وافكاره
رغده قطعتها: اوعي تقوليلي هتثقي فيه
كارمن: لو مش كدا كان زماني في بيته مش معاكي هنا
رغده: كارمن خليكي صريحه معايا انتي تعرفيه من قبل ماتقابليه في غرفه الطوارئ وفي الكافيه انتي مخبيه حاجه مظبوط
https://www.facebook.com/قصص-منه-محمد-كاتب-110808814814076/
صحا الصبح علي حركه تحت في البيت قام ونزل بسرعه لقاها جدته ماسكه قميصه الي كله دم وبتفحصه
نوح كمل نزول: جدتي
آمنه لفت وبصتله: ليه فيه دم ع قميصك وفيه اثار لجزم عليه اتخانقت تاني يانوح
نوح خطف القميص: ليه جيتي هنا
آمنه عوجت رقبتها وقلضمت اوي: قولي اخر مره قابلنا بعض فيها قولي امتي؟؟!!
نوح شد دقنها بشقاوه: آمنه فطرتي هروح احضر الفطار نفطر سوي
الجده: نوح متغيرش الموضوع (راحت وراه) في اليوم الي سألتك نفس السؤال برضو قولت لي فطرتي خليني احضرلك الفطار واتجاهلتني ومشيت من غير ما اخد منك عقاد نافع ورجعت لنفس الاجابه فطرتي وتسبني مره تانيه
نوح: يبقي مش عايزه تفطري خليني اجهزلك قهوه
آمنه:لا عايزه قهوه ولا شاي عيزاك تجاوبني مين الست دي الي انضربت عشانها؟؟؟
نوح ابتسم بتوتر ونخ وفلت من تحت ايدها المحَاصره ومد يهرب منها وخطف القميص من ع الكنبه وخباه تحت التي شيرت الي لبسه
وطلع السلم بأقص سرعه
جدته طلعت وراه: تعال هنا ورد عليا وبطل تتجاهلني مين الست دي !!!!
نوح دخل غرفته بسرعه ورماه القميص جوه الدولاب!!!
آمنه دخلت وراه ومره واحده شهقت:اوعي تقولي ام صديقتك؟
نوح عقد حواجبه بتعجب وضحك اوي: اه لو سمعتك ام خلود بجد هتستاء جدا وضحك بألش دي لسه بكر رشيد
آمنه كشرت:بَكر ….والله واضح انها ضحكت عليك عشان اكبر منك قولي مين هي!!!؟
نوح فتح باب الحمام داخل يهرب من اسألتها
آمنه مسكت الباب:استني يانوح ورد مين هي؟
نوح: آمنه ناويه تدخلي معايا الحمام
آمنه:اه
نوح بوقاحه:هخلع كل هدومي وهبقي ملط لاني هاخد شور
آمنه فتحت الباب ع الاخر واتكأت ع الكبشه وبحزم: اتفضل لو مجاوبتش هفضل هنا وهفضل اسألك؟
نوح رفع حاجب:يعني عادي اقلع قدامك ملط
المرافقه جات وراهم وبحالميه:يله اتكل واعمل ده واعتبرنا ولا كأننا موجودين
آمنه لفتلها بعصبيه:انتي طول اليوم محترمه وهاديه و دلوقت متحمسه لان حفيدي هيكون عريان
ضربتها بالمروحه اليدويه ع جبينها:اخرجي يا وقحه
المرافقه حكت جبينها وكشرت:طيب
نوح استغل الخناقه وهايغلق الباب بس أمنه حطت ايدها تصد الباب
أمنه سحبته من مقدمه التي شيرت: نوح تعال هنا
وسحبته برا: اقعد كدا مش هسألك لاني مش عايزه اكون متطفله انا بس عايزه اعرف مين الست دي وهي مهمه بالنسبه لك لانك عكس ابوك مستحيل تجيب واحده هنا
نوح: خلينا نقول انسانه اعرفها وفي يوم هقولك هي مين؟! باس خدها وقام استحما بقي
آمنه شدته قعد تاني: استني انت مش عايز تقولي حاليا لانك عايز تستمر تشوفها
نوح: جدتي
آمنه: فهمت يبقي بتحبها اكتر من صديقه لو هي واحده عابره كنت قولت لي واحده مش مهتم بيها زي ما بتعمل مع الستات التانيه كلامي مظبوط
نوح بص للفراغ: هي صعب تكون شخص مميز بالنسبه لي
آمنه كشرت: ليه لا يمكن
نوح بصلها بحزن وظهر ع ملامحه علامات الغضب والغيرة
https://www.facebook.com/قصص-منه-محمد-كاتب-110808814814076/
هدي: ابهم
ابهم: ماما ولف حواليه وامه لفت معاه
ابهم: هي كارمن مارجعتش مش كدا
هدي: اظن انت امبارح بالليل سألتني نفس السؤال معني كدا انها فضلت برا البيت طول الليل
ابهم مسح جبينه بتوتر: يمكن رجعت دلوقت اصل انا كنت نايم في غرفه الضيوف عشان كدا مشفتهاش انا طالع اشوفها
هدي وقفته: اقف مكانك وبطل تدافع عنها انا مرتاحه انها غارت وفضلت طول الليل برا
ابهم بضيق: ايه المريح في كدا انا فضلت اتصل بيها طول الليل بس قفلت موبيلها ومعنديش فكره هي فين او عامله ايه
هدي صرخت في وشه: ياربي هو مهم هي عامله ايه انت مش خلاص هطلقها وترتاح ليه بقي شاغل بالك بحالها ومكانها وكدا من حقك ترفع عليها قضيه زنا ويبقي مالهاش اي حقوق
ابهم بعصبيه ونرفزه: امي انا الخاين شاور ع نفسها) انا مش هي
هدي: عندها دليل ست كارمن لو معندهاش دليل يبقي لا يمكن تعمل اي حاجه (كتفت ايدها قدام صدرها: اظن لازم تشوفلك محامي شاطر وترفع عليها قضيه زنا ولو كسبت القضيه كدا مش من حقها لا القايمه ولا حتي المؤخر الكبير
ابهم بنفاذ صبر: امي مقدرش اعمل كدا مقدرش رغم اني خنتها ودافعت عني اثناء التحقيق عملت ده عشان فعلا بتحبني
هدي: نهار اسود عليا وانت لسه بتحبها
ابهم: كارمن انسانه كويسه
هدي: اه قولي كدا بتحبها ولا هي شخصيه كويسه لان الامرين مختلفين خالص
ابعم سكت كأنه بيفكر!!!!
هدي:انت اتجوزتها عشان بتحبها ولا لانها كويسه لو مبقتش تحبها خلاص انهي العلاقه اما لو كنت مُصر انها انسانه كويسه يبقي سيبها خاليها تبدء حياه جديده بلاش تفضل تأذيها صدقني ده افضل قرار ليكم
https://www.facebook.com/قصص-منه-محمد-كاتب-110808814814076/
ركنت العربيه قدام المستشفي وجايه تنزل
صديقتها مسكت ايدها: استني انتي هنا عشان تشوفي كارمن
ناهد بسخريه وتريقه: امال جايه اولد مثلا
صديقتها: طيب انتي عارفه انها في الشغل النهارده
ناهد: هي لو موجوده يبقي معاد نبطشيتها
صديقتها: اه اظاهر انك عارفه فعلا بس ليه عايزه تشوفيها
ناهد: بخصوص ابن هاله عايزه اعرف ايه الي حصل بينهم
صديقتها بحمقه: ناهد اظن كنتي عارفه ان عيوني هتطلع عليه بدل ما كنتي تديه لكارمن كنتي ادتهولي
ناهد نفخت بضجر: ياحماره لو ادتهولك وجمعتك بيه هاله كانت هتأذي ازاي ،، كارمن هي الهدف سرقت هاله جوزها وكارمن بتخدع ابنها ايه رايك في التعادل
صديقتها :خلاص فهمت (عضت صوباع ايدها)بس برضو هموت اكيد كارمن بتستمع مع نوح الواد موز ابن الايه
ناهد: اكيد بس عارفه مش قادره اصبر لحد ما هاله تكتشف ان كارمن ع علاقه بأبنها
صديقتها:وعلي كدا ناويه تقولي لهاله امتي
ناهد ابتسمت بمكر وخبث :لسه لما اتأكد ان علاقته بكارمن اخدت شكل اعمق واسوء
صديقتها ضربت كفها: انتي داهيه
…………..
في الممر
هاله: كارمن انتي رجعتي للشغل
رغده بحمقه وغل: انتي معندكيش دم ليه جايه هنا
كارمن بهدؤ عكس الي جواها: رغده مش مضطره تتكلمي معاها لو كان عندها شويه اخلاق مكنتش أذتني خلينا نمشي شغلنا اهم من شويه تفاهات
هاله بستفزاز: انتي هنا لوحدك امال فين جوزك
رغده بسخريه: اظن انتي طويله كفايه ليه لابسه كعب عايزه تبقي قد النخله بس اعرفي حاجه واحده مهما طولتي انتي قريبه اوي من الجحيم
هاله طنشت رغده وبصت لكارمن: انا بسألك اصلي عايزه اعمل كشف طبي
رغده: فعلا انتي خدعتي رجاله كتير لدرجه المرض ومحتاجه لكشف يرجعلك حيائك
كارمن: رغده خلينا نمشي يله
هاله: شايفه انا مش بسرقه منك انا هنا بعمل حاجه انتي مقدرتيش تفرحي بيها من خمس سنين
كارمن بتماسك ظاهري: ابنك الكبير لو عرف ان امه حامل في الحرام من جوز صديقتها ياتري هيكون شعوره ايه وانتي مش هتخجلي منه ومن نظرته ليكي
هاله نظراتها احتدت عليها بشده
كارمن كملت:وياتري ابهم قابل ابنك اظن معتقدش ده لانك بتعملي كل فعل قدامه تظهري فيه انك ام مثاليه مش ام من غير قلب ولا ضمير اتخلت عن ابنها لنزوتها انتي شخصيه مزيفه ليكي الف وش ولون
رغده اطلقت ضحكه عاليه كلها سخريه: ايه رايك مش انتي الوحيده الي تقدري تضغطي ع نقطه مؤلمه
قربت منها اكتر: ها حاسه بأيه حاليا فقدتي وشك حالا ولا يمكن اي جراحه تساعدك ترجعيه
كارمن: يله نشوف شغلنا
هاله لكارمن: انتي الشخص المزيف (شدتها من دراعها بقسوه) بتتصرفي كأنك مش قادره تتكلمي انتي سخرتي مني حالا
كارمن: انا معملتش كدا حبيت بس افكرك في شعور ابنك لو كنتي عايزه طفل تاني انصحك خالي ابنك يحبك الاول سمعت انه مزركيش بقاله فتره كبيره
هاله بصرخات مجنونه ورفعت ايديها تضربها: كااارمن
رغده علقت ايدها في الهواء وبتحذير: اياك تلمسيها(شاورت عليها بالسبابه) اوعي تنسي انتي بنت مين واصلك ايه انا عارفه عنك زي ما هي عارفه اصلك وفصلك يا بنت بياعه الخضار
هاله بحتقار: وفيها ايه انا بحذرك لو قدمت شكوي هيطردوكي مش انتي برضو عانس
رغده: انتي بتهدديني( وزقتها)
هاله قربت منها وشدت شعرها بقسوه
كارمن سحبت رغده: رغده اهدي وبلاش نتخانق هنا ده الي هي عايزاه(لفت وبصتلها بغضب) لو فضلتي كدا بشرك مش هيبقالك حد
هاله اطلقت ضحكه رنانه: عندي ابهم جوزك هو بيحبني
كارمن: عايزه اعرف الناس الي زيك معدومه من الاخلاف مستحيل تفوز ابدا
طلع ابهم من غرفته عايز يفهم ايه سبب الشوشره واتفاجئ بيها: هاله
هاله جريت عليه: ابهم كويس انك موجود اصل البريوت متأخره ومحتاجه اكشف
ابهم بصلها كأنه مصعوق وكارمن عيونها اتملت دموع متحجره مكبوته وبصتله وهو لف وبصلها ورجعت وزعت نظرات ما بينهم وهاله بصتلها بنتصار
كارمن اتحركت من قدامهم ببطئ كأنها بتسحف ع ساقها لحد ما قدرت توصل لغرفه ومسكت الباب بصعوبه بالغه
رغده جات من وراها: كارمن حاسه بأيه؟؟
كارمن بدون كلام هزت دماغها ونزلت دموعها
ناهد رايحه وراه كارمن تستغل الانتقام لصالحها
صديقتها منعتها: انتي رايحه فين؟؟
ناهد: هقول لكارمن انها متسمحش لهاله تفوز قدامها ان الاوان الملاك يتحول لوحش
دوره هاله الشهريه متأخره مش معني كدا انها حامل لو كنت مكانها هدور ع الحقيقه مستحيل ابعد كدا لسه ناهد هتتحرك لقت نوح ظهر قدام كارمن وقفت مكانها تشاهد الموقف كله
كارمن موطيه راسها في الارض لقت شخص وقف قدامها رفعت دماغها وكلمت رغده: روحي لشغلك يا رغده محتاجه ادخل الحمام الاول واحصلك
رغده طبطبت ع كتفها بحنان ومشت تشوف شغلها وكارمن قامت بتماسك وجايه تتحرك نوح راح وراها
نوح مد ووقف قصادها: فيه ايه مالك؟؟
كارمن بصوت ينتحب: ماليش انا بخير
نوح بقلق: بخير ازاي وانتي بتعيطي قوليلي مالك
كارمن سابته ومشت ونوح اعترض طريقها
نوح: سألتك ايه الي حصل
كارمن بنظرات زايغه: ده موضوع عائلي وانت مجرد شخص غريب
جايه تتحرك صدرلها صدره لحد ما خبطت فيه ومسكها من كتافها الاتنين ومره واحده ضمها لحضنه وهي دخلت في حضنه كأنها في أمس الحاجه لحضن تخفي حزنها وتبكي بين درعاته
نوح ضمها بايده الاتنين: يمكن اكون غريب بالنسبه لك بس انتي مش غريبه بالنسبه لي من يوم ما دفعتيلي الفاتوره
كارمن ببكاء يدمي القلوب: لو مش عايزني اقع في مشاكل اكتر سبني قبل ما يشوفنا حد وتأذيني في شغلي
نوح اتنهد وخرجها من حضنه
كارمن مسحت دموعها: لازم تمشي انا كويسه وبخير
نوح مسك كف ايدها برجاء: لو مبقتيش بخير اوعديني تقوليلي
كارمن بصتله وعيونها عباره عن شلال دموع وقهر وفكت ايدها منه ومشت في نفس اللحظه ابهم شافهم وبص لنوح نظره كلها شر ونوح اتجاهله وخرج راح الجراش وابهم راح وراه
………..قصص منه محمد كاتب……….
هاله طلعت تزعق وتصرخ والممرضه وراها: استني يا مدام
هاله بعصبيه: قلت لك انا حاله الدكتور ابهم ليه بعتيلي دكتور تاني
الدكتور خرج وراها: ممكن تهدي الدكتور ابهم جاتله حاله طارئه وانا مكانه
هاله بنفعال: انا لسه شيفاه ولو كا عنده حاله طارئه زي ما بتقول كان لازم يقولي
هاله ماشيه تشوف ابهم لقت الي واقفه قصادها
ناهد ضحكت: ليه لازم يقولك الدكتور ابهم كل تحركاته
هاله بحتقار: اسمعيني دي عياده مخصصه للستات الي عندهم شركاه مطلقه زيك اخرها تروح لعياده اسنان
ناهد بوقاحه: وانتي مجرد مريضه تفتح رجليها في معاد انتي مش مراته وكون ان البريوت متأخره ده مش هيوقف ان الدكتور ابهم يسبيبك
……قصص منه محمد………
تحت في الجراش
ابهم مسكه من ياقه قميصه بعنف:انا شوفت كل حاجه وضربه بالقلم لدرجه نوح وقع علي الكرسي وابهم هجم عليه سحبه تاني من ياقه القميص ويهز فيه بشده
ابهم بغضب وعيونه كتله نار:ابعدددددد عن مراتي
نوح ببرود: لو كنت عايزها يبقي بلاش تسيب الست التانيه تأذيها
ابهم شده جامد عليه:مالك انت بيها
نوح:لو كنت فعلا مش بتحب كارمن هخاليه مالي وحالي ودفعه وقام وقف وعدل قميصه وتابع كلامه)افتكر يا دكتور لو كنت مش بتحب كارمن وبقيت واخدها كامر مسلم بيه فيه غيرك مش هياخد الأمر كدا ( لف ماشي
ابهم بتريقه:انت لسه عيل ازاي تاخد بالك منها وبصله من فوق لتحت باحتقار
نوح لف وحط ايده في جيوبه وبكل ثقه:يمكن اكون في نظرك صغير لكن انا مسؤل اكتر من بالغين كتير
شاور عليه بالسبابه:ولو محامتش كارمن انا هحميها منكم!!!!
………قصص منه محمد كاتب………
رغده: كارمن انتي بخير
ابهم: كارمن
كارمن بحده: انت بتعمل ايه هنا اظن كان عندك كشف
هاله: ابهم
ابهم لف بضيق: عايزه ايه
هاله: انت لازم تفحصني اظن انت دكتوري
ابهم مسك ايد كارمن بتملك: انا من اللحظه دي مش دكتورك وحولت حالتك لدكتور تاني بعد الفضيحه مش عايز سمعتي تتشوه( بص لكارمن) ومش عايز اقهر مراتي وازعجها
كارمن بصتله اوي وهاله فضلها تكه وتولع ونوح متابع كل ده من وري الزجاج
هاله كتفت ايدها بعناد: ولو رفضت
رغده بصتلها من فوق لتحت بحتقار : ازاي ترفضي بعد الي قاله الدكتور انتي عندك تلف في دماغك بعد حقن البوتوكس
هاله جزت ع اسنانها بنفعال: رررغده
رغده: حتي لو رفضتي طز فيكي ومش مهم الدكتور اختار مراته خلال فتره غيابك
كارمن بتضرب بعيونها شافت نوح واقف وري الباب الزجاجي بصلها ومشي وراسه تحت في الارض
منتظره رايكم بلاش تم من فضلكم انا بقدملك تم
يتبع…
لقراءة الفصل التالي : اضغط هنا
لقراءة الرواية كاملة اضغط علي : (رواية صائد النساء)
