رواية شمس والمجهول الفصل الثاني 2 بقلم شيماء الديب
رواية شمس والمجهول الجزء الثاني
رواية شمس والمجهول البارت الثاني
رواية شمس والمجهول الحلقة الثانية
#رقم_مجهول 😱
فجأه ببص في تليفوني ملقتش لا الصور ولا الرسائل حسيت اني هتجن وراسي هتتفجر من التفكير
مروه // فين ياشمس الصور والرسايل دي
شمس بحيره وتفكير // مش عارفه
مروه // لاا انتي شكلك اعصابك تعبانه خديلك اجازه يومين وارتاحي يابنتي
شمس بشرود // ااه ااه لازم
مروه // هروح علي مكتبي اكتبلك علي اجازه وابعتها للمدير يمضيها وانتي خلصي اللي في ايدك وروحي علي البيت
شمس // ماشي حاضر
مروه طلعت من مكتبي وانا حاسه بفضول جامد اعرف ايه اللي حصل معايا ده وياتري ايه الصعب اللي جاي
اوووووف هو انا كنت ناقصه مش كفايا مشاكلي مع جوز امي
بصيت في ساعاتي لقيت الميعاد قرب
الاول كنت محتاره وخايفه اروح بس فضولي شجعني اكتر اعرف المستخبي
مروه كانت خلصتلي الاجازه ولاول مره تتمضي بسهوله كده بيني وبينكم انا استغربت لان مديري ثقيل حبتين بس مش هسغوب اكتر من اللي بيحصلي من الصبح
قومت دخلت الحمام اظبط الميكب وشكلي وشعري متستغربوش انا كده تافهه جدا من جوايا وببقي واقعه في ستين مصيبه ولازززم ولابد اهتم بمظهري
بعد ماخلصت اخدت شنطتي ونزلت اخدت تاكسي وطلعت علي الكافيه اللي كان في العنوان
اول ماوصلت جاتلي رساله من نفس الشخص المجهول مكتوب فيها (( اقعدي علي ترابيزه رقم 12))
دا انتي شايفني بقي 😳 فضلت ادور علي التربيزه ومن خوفي ورعبي مش شايفه ولا مركزه المهم شوفت شاب من ضهره لابس طاقيه وشكله شغال في الكافيه قولت اساله عن الترابيزه
واول مالف وشوفته لقيته هو نفس الشخص اللي قدملي القهوه في مكتبي
شمس // اي ده مش انت عمر اللي جالي في مكتبي
عمر وبيشاورلي علي الترابيزه // روحي اقعدي هناك
استغربت من طريقته فقررت امشي وراه لحد الاخر واشوف عاوز ايه
روحت قعدت وبعدها بدقايق جالي وقعد قصادي
شمس // انت مين وتعرفني منين وعاوز مني ايه
عمر // قولتلك انا عمر واعرفك من زمان اوي وعاوزك تساعديني
شمس // تعرفني من زمان ازاي انا اول مره اشوفك
عمر // مش فكراني انا عمر العطار كنت معاكي من ابتدائي لحد ثانوي وبعدها اتفرقنا
شمس بتنهيده // طب ليه بعد العمر ده كله دورت عليا انا بذات وعاوزني اساعدك في ايه
حسيت ان قلبي بقي بيدق بسرعه رهيبه وريقي ناشف اوووي فاضريت اطلب عصير
الشاب // تشربي ايه يافندم
شمس // هاتلي عصير وشوف الاستاذ يشرب ايه
الشاب // استاذ مين يافندم ??
شمس بعصبيه // الاستاذ اللي قاعد قدامي ايه مبتشوفش
الشاب فكرني مجنونه وبصلي باستغراب ومشي
عمر // اهدي ياشمس
شمس // هو انت ايه بظبط انت انسان ولا عفريت ولا ايه حكايتك بظبط انا هتجنن
عمر // انا انسان زيي زيك ياشمس
شمس // اومال الراجل مش شايفك ليه
عمر // اتلاقيه بس نظره ضعيف المهم خليكي معايا وساعديني
شمس بعصبيه // انت عاوز ايه بظبط وبعدين ماتروح لاهلك تساعدك هو انا نقصاك
عمر // انا مليش حد بعد ربنا غيرك وانتي الوحيده اللي هتساعديني
حاولت اتمالك اعصابي واهدا عشان افهم
شمس // طب ايه المطلوب مني دلوقتي
عمر طلع ورقه مكتوب فيها عنوان// خدي العنوان ده وروحي عليه وبعديها هتفهمي كل حاجه
اخدت منه الورقه وببص فيها لقيت عنوان مستشفي
ولسه برفع راسي وببصله لقيته اختفي 😳
دقايق وجالي العصير اللي طلبته. // اتفضلي يافندم
شمس // بقولك ايه انت بجد مشوفتش حد قاعد معايا
الشاب // لا والله يافندم من وقت مادخلتي هنا وانتي قاعده لوحدك
شمس اتصدمت // بتقول ايه قاعده لوحدي ?!
الشاب //اه والله يافندم هو انا هكذب علي حضرتك ليه
شربت شوية عصير وبدأت ابلع ريقي واهدا
شمس // طب ممكن اطلب منك طلب صغير لو سمحت
الشاب // اكيد يافندم اتفضلي
شمس // ممكن اشوف الكاميرات اللي فوقي دي
الشاب // امممم مع ان ممكن تسببيلي مشكله مع صاحب المكان بس عشان حضرتك شكله طيبه وواقعه في مشكله هدخلك بسرعه تراجعي الكاميرات اللي فوقك بس قبل مايجي المدير عشان متقطعيش عيشي ونبي يااستاذه
شمس // لا لا متخافش والله ثواني وهخرج
قومت بسرعه ودخلت معاه مكتب المدير وجابلي الكاميرا اللي فوق الترابيزه اللي كنت قاعده فيها
لقيت نفسي بتكلم وبزعق وبشاور بايدي مع نفسي زي المجنونه ومحدش قاعد نهائي معايا
قومت من علي الكرسي وانا بحاول اتماسك بس للاسف اعصابي خانتني ومحستش بنفسي واغمي عليا في الكافيه 🥹
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شمس والمجهول )
تعليق واحد