رواية شمس والمجهول الفصل الأول 1 بقلم شيماء الديب
رواية شمس والمجهول الجزء الأول
رواية شمس والمجهول البارت الأول
رواية شمس والمجهول الحلقة الاولى
ليلتها وبعد تعب اليوم كله نمت نوم عميييق ومحستش بنفسي غير وفجأه صحيت قبل الفجر بشويه علي صوت رساله وبفتح عيني لقيت الكهربا فاصله شغلت كشاف التليفون وبفتح الرساله لقيتها من رقم مجهول بتقول
(( قابليني بكره في كافيه وسط البلد ضروري الساعه 12 الضهر ولو اتأخرتي عن الميعاد هتندمي كتير))
بيني وبينكم انا اترعبت وحاولت اوصل للرقم اللي بعت الرساله لقيته برايفت نمبر قلقت اكتر وخوفت واعصابي بدأت ترتعش مكملتش عشر دقايق من وقت ماقرأت الرساله والكهربا رجعت اشتغلت
قومت بسرعه غسلت وشي واتوضيت ولقيت الفجر اذن لبست اسدال الصلاه وصليت وانا خايفه ومرعوبه
لقيت نفسي مش هعرف انام تاني دخلت المطبخ عملت قهوة ورجعت قعدت لحد مالنهار طلع
واول مابصيت من الشباك ولقيت الناس بدأت تنزل الشوارع دخلت اوضتي عشان اجهز وببص في المرايا لقيت مكتوب عليها بالروج الاحمر (( صحصحي ياشمس اللي جاي أصعب))
حسيت لاول مره بالرعب والخوف واتصدمت طب مين اللي دخل شقتي وكتبلي علي المرايا فتحت كاميرا الفون بتاعي وقولت اصور اللي مكتوب وقررت انزل بسرعه الشارع وركبت تاكسي لاني مكنش عندي اعصاب اني اسوق عربيتي وطلعت علي شغلي
دخلت مكتبي وانا جسمي كل بيتنفض قعدت وطلبت قهوه وبعدها بدقايق دخل عليا شاب اول مره اشوفه في الشركه ومعاه القهوه
الشاب // اتفضلي ياانسه شمس قهوتك
انا استغربت كمان عارف اسمي // مين انتي اول مره اشوفك في الاوفيس بوي
الشاب // انا لسه شغال انهارده هنا واسمي عمر
معرفش ليه محستش براحه لما شوفته سكتت واخدت قهوتي منه
شويه وجت مروة (( نسيت اعرفكم بمروه دي صاحبتي من زمان اه هي حربوئه شويه بس طيبه) )
مروه // صباح الخير ياشموسه
شمس // صباح الفل ياحبيبتي
مروه // شمس شكلك مش فايقه خالص ومنمتيش مالك يابنتي
شمس بحيره // مش عارفه اقولك ايه يامروه والله بس تقريبا كده
مروه // لا احكيلي بقي مالك استني هطلب قهوه الاول اطلبلك معايا
شمس وبتشاور علي الكوبايه // لا انا لسه مخلصتش قهوتي
مروه باستغراب // هي فين قهوتك دي ياشمس
شمس // اهي يابنتي قدامي علي المكتب
مروه // انتي شكلك مهلوسه من قلة النوم مفيش حاجه قدامك هطلبلك معايا
انا اتصدمت لما مروه قالتلي كده ورجعت ابص تاني لقيت الكوبايه اختفت من قدامي حطيت ايدي علي دماغي وحسيت ان مخي هينفجر قولت الدليل الوحيد هو الولد بتاع الاوفس اللي جابلي القهوه اتطضريت استني لما يجيب القهوه
حسيت ان روحي بتنسحب مني ودماغي مش فيا روحت ناحية الشباك وقف اشم الهوا شويه ووبص تحت لقيت نفس الشاب واقف قصادي وبيبصلي وبيضحك اي دا اكيد انا اتجننت او جرالي حاجه
ثواني وجالي رساله فتحتها بسرعه لقيتها من الرقم البرايفت (( متتاخريش عن ميعادنا ياشمس) )
البلب خبط وشاب دخل بالقهوه وسابها علي المكتب ولسه بيلف عشان يمشي
شمس // من فضلك ياحسن هو في حد اتعين انهارده عندكم
حسن // لا يااستاذه شمس مفيش حد
شمس // طب لما كلمتكم من شويه وطلبت القهوه مين اللي جابهالي
حسن بااستغراب //حضرتك متصلتيش انهارده بينا
مروه باندهاش // ايه يابنتي الاسئله دي كلها روح انت ياحسن شوف شغلك
شمس قعدت علي كرسي المكتب وتكاد انفاسها تنقطع من الخوف
مروه // ماتنطقي يابنتي
شمس فضلت تحكيلها كل اللي حصل من الصبح لحد ماجت المكتب
مروه // طب ازاي ومين ده وازاي دخل شقتك
شمس // انتي مش مصدقاني طب بصي انا قدرت اصور اللي كتبه علي المرايا ولسه بفتح تليفوني عشان اوريها الرسايل والصوره ملقتش حاجه نهائي 😳
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شمس والمجهول)
