رواية سيوف الفارس الفصل التاسع 9 بقلم يارا حسنين

رواية سيوف الفارس الجزء التاسع

رواية سيوف الفارس البارت التاسع

رواية سيوف الفارس الحلقة التاسعة

*وصل الاوتيل و بعت رسالة لفارس لاجتماعهم بعد ساعة و هو بعت لوعد عشان تجهز نفسها الوقت عدى و هى لسة مجهزتش مسك تليفونه يكلمها *
فارس : يلا يا وعد انتى لسة مجهزتيش
وعد : قربت اخلص اهو
فارس : طيب هسبقك انا متتأخريش*نزل و استناهم لحد ما يجوا*
نادر : فارس ايه اخبارك
فارس : نادر *سلم عليه* دا كله انا قولت انك مش جاى
نادر : انا مكنتش هاجى فعلا و ديانا كانت هتقوم بالواجب بس حصل ظرف خلانى اجى
فارس : طب احنا كنا هنشوف هنمضى الورق امتى ، كويس انك جيت
*ديانا وصلت عندهم بمظهرها الخاص*
ديانا : نادر انت لسة جاى
نادر : يعنى من شوية كدا ، اقعدى كنا لسة بنتكلم و بنشوف معاد نمضى الورق فيه
ديانا *لفت نظرها عدم وجود وعد و دا خلاها تبتسم*: امال فين وعد يا فارس
فارس : زمانها جاية
نادر : مين وعد ؟!
فارس : بتدير شغلى و المترجمة *بكبرياء منه على أنه يعالى منها بسبب نظرتهم للشكليات و المظاهر إلى زى دى*
* قاعدين على الترابيزة و نادر فى وش الباب و فارس قدامه*
*دخلت المطعم و عينيها بتدور عليه لكن مش شيفاه مسكت تليفونها تكلمه*
*شافها داخلة من الباب بمظهرها الهادى المميز إلى لفت انتباهه سرح فى جمال هدوائها و شعرها الناعم فوقه من تفكيره تليفون فارس إلى شاف اسمها و استأذن قام من مكانه يرد لكن عيونهم اتقابلوا ،قربت ناحيته بابتسامة منها و خليته يسرح فى عالمه الخاص إلى لأول مرة واحدة تخليه يعجب بيها كدا احساس جواه عايز يخبيها من عيون الناس إلى بيبصوا عليها أو بيتهيأله دا مش عارف لكن إلى متأكد منه أنها بقيت خطر عليه*
وعد : انا كنت بدور عليك *لحظت سرحانه* فارس انت معايا فى حاجة ولا ايه
*ابتسم لها*
فارس : لا مفيش تعالى نقعد يلا ، نادر وعد إلى قولتلك عليها ، وعد نادر صاحب الشركة و أخو ديانا
وعد : تشرفنا يا استاذ نادر
*مد أيده يسلم عليها و هى مدت ايدها تسلم عليه*
نادر : تشرفت بمعرفتك آنسة وعد *قرب من ايدها يبوسها لكن هى سحبت ايدها بسرعة بعيد عنه ، *فارس ابتسم ابتسامة جانبية و مسك أيدها تقعد جنبه*
فارس : احنا كنا بنتكلم و هنشوف معاد نمضى ورق الصفقة النهاردة فاضين يا وعد ولا ورانا حاجة
وعد : لا معندناش النهاردة
ديانا : بس احنا عندنا
نادر : اه للاسف خلاص نشوف بكرا ولا عندكوا حاجة *بيبص لوعد و منتظر ردها*
وعد *بصت لفارس بتوتر من نظرت نادر ليها *
فارس : هنشوف بكرة و نقولكوا ، عن اذنكوا دالواتى يلا بينا يا وعد
نادر : اقعدوا نتعشا سوا
فارس : لا لا سبقناكوا يلا بينا
*مشيوا من المطعم و ركبوا العربية وهى شافت صابر قاعد قدام*
وعد : ايه دا صابر هو انت
صابر : اه انا *بضحك*
*بصوت مهموس يكاد فارس يسمعه*
وعد : شبهك على فكرة
فارس : لا على فكرة * بنفس نبرة الصوت*
فارس : صابر عملت ايه مع الواد
صابر : مش رادى ينطق
فارس : طب و دينا على هناك ، *وجه كلامه ليها* تحبى تيجى معانا ولا نوصلك الاوتيل
*بحماس منها*: هاجى معاك
فارس : انتى حرة *بابتسامة خبيثة*
*شافهم بيحاوطوا المكان و بيقربوا منهم وقفت وراه متمسكة بيه بخوف كل اما يقربوا اكتر*
سارة : امير هو فى ايه
امير : اهدى متقلقيش*بهدوء عكس إلى جواه و عشان مش عارف ايه الى هيحصل أو مين دول*
: الرائد امير *واقف فى الضلمة مش عارفين يشوفوه*
امير : انت إلى كلمتنى بقا!
: انتوا اسئلتكوا كتير ليه
امير : انتوا !!! احنا مين ؟؟
: ايه دا تصدقى معرفتكيش
سارة : هو انا اعرفك
: الصراحة انا قاصد انكوا متشوفونيش دالواتى بس تصدقى اتشوقت اشوف وعد
سارة : دا انت عارف العيلة بقا
: اه عارف العيلة كلها*بضحكة مكر*: هاتوهم *بنبرة أمر لرجالته و مقاومة امير الا أنه قصد يوقع على الأرض لما حاوطوه ركبوا العربية و هى ميتة من الخوف و امير مغمى عليه فتح عينه يطمنها أنه قاصد كدا و هى هديت شوية ، دقايق و وصلوا لمكان غريب و دخلوا اوضة قعدوهم على كراسى و ربطوهم و مغمين عينيهم و سابوهم*
سارة : امير انت هنا
*مردش*
سارة : امير *بخوف و عياط مصطنع*هعيط والله مين الناس إلى عارفين العيلة الكريمة كلها طب انت يخطفوك قولت ماشى لكن انا ليه *عالت صوتها*يا أمير
امير : ايه يا مصيبة بتنيل افكر اهو اهدى كدا والنبى و متستعجليش على رزقك هتلاقى الواد دا واحد بتكرهوه
سارة : العيلة كلها بتكرهه و وعد تعرفه، ايه الفزورة دى انا بكره الفوزير، يا أمير فكر معايا
امير : يا بت اهدى منا بتنيل افكر امال بهبب ايه
سارة : انت بتزعق ليه
امير : انا مبزعقش خالص
سارة : طب فكر بصوت عالى
امير : اسكتى احسن حد جاى علينا
*دخل اتنين و قعدوا قصادهم *
: شيل إلى على عينيهم
*بيفتحوا عينيهم و كانت صدمتها لما شافته قدامها،هو شافه قدامه و كان متوقع انه هو لكن هيندمه على إلى عمله*
سارة : انت !!! انت تانى انت عايز ايه مننا تانى متحل عننا بقا *بتتكلم بعصبية و بصوت عالى*
حاتم : ايه يا قطة ما تهدى كدا ، و بعدين البحر يحب الزيادة
سارة : ما تحل عننا يا عم احنا محلتناش حاجة اصلا تاخدها
حاتم : لا فيه *بصلها بقذارة*لكن دا مش موضوعنا احنا لينا مصلحة و انتى و وعد وقعتوا فيها للاسف
امير : وايه يا سيف إلى انتوا عايزينه
سيف : إلى انا قولته قبل كدا يا أمير ، تخلى صاحبك يعمله
امير : إلى انت بتقوله دا مش هيحصل و متحولوش تهددونى بسارة لانها مجرد عاملة فى الشركة ولو قتلتوها احسن من انكوا تقتلوا الآلاف وهى معندهاش مانع أنها تموت على فكرة صح يا سارة *قال جملته بهدف أنهم ميهددهوش بيها لانه ميعرفش ممكن يعمل ايه*
سارة : اه اشطا خلصوا عليا عشان مشوفش اشكالكوا
حاتم : لا خليكى عايشة يمكن توقعى فى طريقى تانى و احتاجك*بصلها بنظرته إلى بتكرهها*
سيف : حاتم خليك معايا *بصله بغضب*امير احنا خلصنا كلامنا هنسيبك خمس دقايق تفكر فيهم
حاتم : باى يا قطة
سارة : اللهى يدوسك قطر يا بعيد *خرجوا من المكان و سابوا اتنين من رجالتهم*
سارة : امير هما عايزين ايه *بجدية*
امير : اسرار شغل يا سارة
سارة : اسرار شغل ، والله انا لقيت نفسى ضمن قايمة إغتيالاتهم يعنى لازم اعرف هما عايزين يقتلونى ليه مش تقولى اسرار امير انا بتكلم جد لو سمحت عرفنى ايه الى بيحصل دا !!!؟
امير *اتنهد*: الناس دى بيستوردوا مخدرات و أدوية مغشوشة من الاخر و عايزينا نسهلهم الدنيا عشان شركتنا اسمها كويس فى السوق
سارة : طب هنعمل ايه دالواتى ، انا عمرى ما هقبل بالكلام دا
امير : يا برنس معلش يعنى لو مفيهاش إزعاج انا عايز ادخل الحمام
: اه اوجعلى دماغى بقا
: روح يا عم فكه ولا اقولك استنى احسن يغفلنا
*فكوه و دخل الحمام و الاتنين واقفين مستنينه خرج من الحمام و ماشى قدامهم و هو مش عارف يتخلص منهم ازاى ، واحد قدامه و واحد وراه، وصلوا المكان إلى كان مربوط فيه و فاجأة خد السلاح من إلى قدامه و سبته*
امير : مسمعش صوت حد فيكوا نزل سلاحك و احدفه برجلك *نفذ كلامه لتجنب الأذى*فكها
: نعم افكها
: اه فكها كدا هنموت و كدا هنموت
امير : والله لو ساعدتونى اضمنلكوا سلامتكوا
: تمام *راح فكها وهى جريت و خدت السلاح التانى*
امير : زى الفل كدا *بمسدسه ضربه على دماغه فقد الوعى*:انت بقا تعالى كدا ، قولى هما لسة هنا
: اه وجايين دالواتى *ابتسم بمكر مع دخول سيف و حاتم بيسقفوا*
سيف : امير بجد بجد انت هايل انت رائع
امير : طب مشينا من هنا و اكسر الشر يا سيف
سيف : انت مالك مستعجل على ايه متخليك مشرفنا شوية ولا ايه رأيك يا حاتم
حاتم : اه خليكوا معانا احسن وحشتونا اووى
سارة : وحش أما يلهفك يا شيخ ، يا نصاب يا حرامى
*قرب منها لكن وقفت ورا امير*
حاتم : انا حرامى برضو يا سارة *بنغمة استعطاف*
انتى بتتحامى فى البتاع دا
سيف : متزعلش يا حاتم اصل القطة متعرفكش
سارة : لا انا عرفاه دا حاتم النصاب مش كدا يا حاتم
حاتم : لا مش صح يا قلب حاتم عمو هو إلى كتبلى الحاجة باسمى
*مع اخر جملته ، مسكت مسمار قد الايد محستش بنفسها غير لما ضربته بيه و كتفه بيطلع دم*
حاتم : اهه يا بنت ال انتى شكلك نسيتى نفسك*جابها من شعرها و بيجرها وراه و هى بتصرخ صدمهم صوت ضرب النار الى خلاهم يتصدموا و وقوعه على الأرض*
: اثبت مكانك