رواية سمراء احتلت قلبي الفصل الرابع 4 بقلم ديانا التونسي
رواية سمراء احتلت قلبي الجزء الرابع
رواية سمراء احتلت قلبي البارت الرابع
رواية سمراء احتلت قلبي الحلقة الرابعة
رئيس الوفد قال:المشروع كويس جدا يا جاسر بيه انتا دايما عند توقعاتي
انا في نفسي الحمد لله يارب الحمد لله انا قولت الا الاصفر😂 وانا واقفه والابتسامه من الودن للودن فجأه لقيت جاسر بيه بيبص
الابتسامه راحت في ثانيه انا في نفسي حتي الابتسامه بتاعت انتصار الاصفر اللي ناصفي مسكترينها الي الله الملتقي يا حوش
جاسر :انتي لسه واقفه عندك بتعملي ايه
رديت :انا يا فندم
رد :شايفه حد تاني موجود هنا غيرك
اتفضلي يا استاذه
وكمل كلامه مع الوفد بعد ما حرجني بس عادي مش اول مره قلبي يتكسر
بعدها بخمس دقايق الوفد مشي
لقيت الصفاره اشتغلت
خبطت علي باب المكتب
قالي :ادخلي
دخلت لقيته بيقرب مره واحده وبيبصلي من فوق لتحت الصراحه انا اترعبت من نظراته
لقيته قال:هااه يا استاذه الابتسامه اللي كانت مرسومه من شويه راحت فيه
رديت بسرعه :راحت يا بيه
قالي بخبث:اه قولتيلي راحت مش كده
اول واخر مره تضحكي وحد موجود
انا في نفسي ايه دا ثواني كده انتا مالك اصلا يعني هي سنان حضرتك اللي هتبان
طبعا انا جبانه عمري ما اروح ااقول
لقيتني برد بكل هدوء عكس اللي جوايا
حاضر يا بيه
قالي روحي نادي استاذ عمر
طلعت وكأني بجري بتمتم هو أم اليوم دا مش هيخلص شافتني سها
سها :مالك يا قمر فيه ايه
قولتلها :هو التنين المجنح اللي جوا دا مش بيبطل زعيق
سها : ابعدي عن طريقه يا قمر دا راجل شراني وانتي يا حبيبتي لو عاوزه تأكلي عيش
كل اللي تقوليه طيب وحاضر
قولتلها :انا نسيت خالص دا كان عاوز استاذ عمر
سها :عمر !
قصدي يعني استاذ عمر
لقيت عينيها طلعت قلوب ساعه ما سمعت اسمه قولت في سري يا بت يا قمر الموضوع فيه إن
قولتلها :طيب نادي عليه انتي يا سها
لقيت البنت طارت وقالتلي بضحكه حاضر بس كده
قولت انا مش عارفه انا جايه الدنيا غلط ولا ايه قعدت علي المكتب وانا حاطه راسي بين ايديا ودموعي نازله بهدوء
وقولت انا مش عارفه انا حزني هينتهي امتا يا رب انا عارفه انك كريم يارب طيب لو روحت النهارده ومجتشي تاني هلاقي شغل !؟
طيب هل بابا هيرحمني ولا هيرحم ماما !؟
عند سها
سها خبطت علي باب استاذ عمر
عمر :اتفضل
دخلت سها
عمر :ايوه يا انسه سها فيه حاجه!؟
سها : جاسر بيه عاوزك
عمر :طيب اتفضلي انتي يا انسه سها وانا هحصلك
ثانيه اتنين تلاته ما حستشي بنفسي غير وكعب الجزمه بيتلوي محستشي الا بايد من حديد مسكاني
بصيت لقيت عمر مسكني ومقربني من حضنه جامد
عمر :مش تحاسبي يا انسه سها
انا صراحه كان هيغما عليا مش من الوجع لاء من حضنه
وقولت يااه لو افضل طول عمري هنا في المكان دا في حضنك !!قولتلها في نفسي
عمر :انسه سها انسه سها انتي معايا
فوقت واتخضيت كده اه علشان ميحسش برضو اني واقعه فيه ولا حاجه الصراحه انا ميته فيه مش بس واقعه بس عمري ما اروح ااقول
قولتله انا اسفه جدا يا استاذ عمر مخدتش بالي
جيت اتعدل علشان اقف صرخت جامد اووي وقولت ايه الوجع دا
لقيته حاول يسندني
عمر :طيب ممكن تسندي عليا لو مش عارفه تمشي لوحدك
حاولت بس بجد والله مقدرت دموعي نزلت غرقت وشي وهو كمان فهم اني مش قادر
راح مره واحده شالني
انا وشي جاب الوان ساعتها لقيته نزلني عند كرسي المكتب وحاول يقعدني وانا قعدت ووشي احمر خالص وحساه مطلع سخونه كده
عمر :ممكن ااقلعك ؟
رديت بصدمه نعم!!
قالي فيه ايه يا استاذه تفكيرك راح فين
انا ااقصد الشوز
وشي احمر اكتر ما هو
قولتله وانا موطيه راسي انا اسفه
قالي عادي ولا يهمك
وفعلا
قلعني الشوز
وحط أيده علي رجلي
ثانيه واحده ثانيه واحده حد سامع صوت قلبي ؟
حسيت كان كهربا مسكت جسمي كله مع رعشه.
تقريبا هو كمان سمع نبض قلبي لانه كان باصص في عيني جامد
لقيته فجأه قالي انتي هتحسي بوجع وقبل ما يمكل كان رجع رجلي زي ما كانت
قالي حاولي كده تدوسي عليها
حاولت وفعلا عرفت امشي بس هو برضو فضل ساندني لحد لما وصلنا عند قمر
قمر :سها مالك يا حبيبتي انتي كويسه
رد استاذ عمر :هي كويسه مفيش حاجه
قمر :طيب يا استاذ عمر جاسر بيه مستنيك من ساعتها
لقيته سابنا ودخل جري كأنه كان خايف منه هو كمان😂
قمر :ايه سها ايه يا سها قولتلها بغمزه رسيني علي الحوار
وقبل ما اكمل لقيت صوت زعيق جامد جوا المكتب
جاسر :انا قولتلك ميت مره يا عمر مي دي كلبه فلوس
عمر :انتا بس ليه واخد عنها فكره وحشه !؟
جاسر :يا سيدي انا عارف الاشكال دي كويس وساعت لما يحصل معاك اي ظرف
هترميك وتدور علي اللي يديها
عمر :بس انا بحبها يا جاسر وهخليك تغير فكرتك دي خالص ولا انتا علشان عندك عقده بتطلعها علينا
ثانيه اتنين تلاته ما سمعناش غير صوت طرقعه قلم نزل علي وش أحدهم
لقينا استاذ عمر خرج وعينه حمره خالص
وجاسر بيه خبط علي المكتب خبطه سمعت لحد عندنا
ثواني والجرس رن
جاسر :تعالي بسرعه يا قمر
قمر بخوف :يادي أم اليوم اللي مش معدي ياريتك يا اما كنتي فطستيني
خبطت ودخلت
جاسر بيه
جاسر بيه
ناديت عليه مرتين
لسه بتكلم قال بزعيق عاوووزه ايه انطقي
قولت بخوف
ايد حضرتك بتنزف
بص لقا فعلا جرح أيده تقريبا فك الغرز من خبطته
سابها برضو زي ما هي ولقيته مسك الفون وقبل ما يرن قولتله انا ممكن ارجع اخيطه وااعقم الجرح
رد بستهزاء وانتي ايه علشان تعملي كده
رديت بكبرياء سبق وانقذتك من الموت
بصلي باستغراب وقالي انا فعلا كنت بشبه عليكي انا شوفت لما فوقت قبل الإسعاف تاجي انتي اللي كنتي جنبي!؟
رديت قولتله ايوه انا
قالي باستهزاء :شطوره يا صغيره وانتي بقا تمرجيه
قولت تمرجيه!!
قالي اومال ايه !؟
قولتله انا بدرس في كليه طب
بصلي بصه انا الصراحه مقدرتش افسرها
لقيته جه عليا فجاه وبصلي برضو نفس البصه اللي بكرههاا
بصلي بخبث من فوق لتحت
وانا هكرمك علشان انقذتيني مفيش حاجه ببلاش
بصيت ليه ورديت مش فاهمه
قالي افهمك انتي انقذتي حياتي صح
انا في المقابل برضو هكرمك هديك فلوس تعيشك كويس ومش هتحتاجي تتمرمطي تاني غير اني هضمنلك اني اعينك في احسن مستشفي بعد لما تخلصي طبعا ولو كان ليكي أهل هبسطهم
قولتله بصدمه كل دا علشان انقذتك رد عليا
قالي لاء
وجه قرب مني جامد شدني من وسطي لدرجه اني لزقت فيه لقيته بيتكلم قدام شفايفي وبيقول بصراحه انتي عجبتيني بت خام
والتمن جواز عرفي
ثانيه اتنين تلاته ما فوقتش غير وأيدي معلمه علي خده
و وفتحت الباب وطلعت اجري بعياط في الشارع لحد ما وصلت البيت
فجأه لقيت بابا بيقولي !!!!!!!!!
لقراءة الفصل التالي : اضغط هنا
لقراءة الرواية كاملة اضغط على : (رواية سمراء احتلت قلبي)
