رواية سلف ودين الفصل الثاني عشر 12 بقلم لولو محمد
رواية سلف ودين الجزء الثاني عشر
رواية سلف ودين البارت الثاني عشر
رواية سلف ودين الحلقة الثانية عشر
نهاد / انا بصراحه مش فهماك يا مروان منين لسه امبارح كنت بتشتكى من انها بتتصل كتير و منين النهرده قلقان اوى كدا انها ما اتصلتش
مروان / لا انتى مش فاهمه انا بضايق انها بتتصل فى اوقات مش مناسبه لكن انا عارف مراتى نور نادرا موبايلها يفصل شحن ففكره انه يكون مقفول دى يعنى فى حاجه
نهاد / يا سيدى اعتبرها بتتقل عليك يوم انت يعنى مش عارف حركات الستات
مروان / امممم و انتى بقي شاطره فى حركات الستات دي
نهاد / ههههههههههههههههههههههههههههههه
مروان / ايه
نهاد / لو كنت شاطره ما كانش العره اللى كنت متجوزاه خانى مع اعز صحباتى
مروان / عمرك ما اتكلمتى فى الموضوع ده
نهاد / و عمرى ما تخيلت انى هتجرا و اتكلم مع حد و اقوله حاجه زى دى اصل فكر فيها كدا هقول ايه هقول انى هبله و انى مش كفايا و …..
مروان / لحظه لحظه يعنى ايه مش كفايا
نهاد / يعنى … هقولك ايه بس بص لنور مثلا مع انها ما بتخلفش مع انك بتشتكى طول الوقت من المشاكل معاها عمرك فكرت تبص لواحده تانيه بص تعرف حتى لو فيها العبر انت عمرك ما هتشوف اى واحده تانيه حتى لو الواحده دى بتحبك اكتر منها
مروان / ايوه بس
نهاد / هو ايه اللى وصلنا لهنا ايه النكد ده
مروان / لا معلش خلينى بس اقولك ان مش معنى ان نصيبك جه مع حيوان ان العيب فيكى
نهاد / بليز يا مروان غير السيره بقى
مروان / انتى الف من يتمناكى يا نهاد الف ايه قولى مليون انتى مش شايفه نفسك انتى فيكى حاجات اى راجل يتمناها جميله و ذكيه و شاطره فى شغلك ناقصك ايه يعنى
نهاد / ما اعرفش
مروان / بقولك ايه ما تيجى نقوم نشرب حاجه
نهاد / ياريت يلا
……………………..
فى بيت عمر
عمر يطلع من الحمام يدخل الاوضه يلاقى الطقم اللى طلعه مكوى و محطوط على كرسى و أية مدياله ضهرها و نايمه فى السرير يقفل الباب و يرفع الغطا و ينام و يستغطى و يبصلها
عمر / شكرا
أية / على ايه
عمر / معقول امك هى اللى كوتلى هدومى
أية / قولت احسن ما تروح مكسر
عمر / بس انا بعرف اكوى على فكره و ما طلبتش منك حاجه
ايه تبصله / حقك عليا مش هكررها
ايه تديله ضهرها تانى
عمر / انا اسف على فكره عمرى ما تخيلت ان الامور توصل بنا لكدا
ايه تبصله
عمر / كنتى مستنيه منى ايه يعنى
أية / انا مش مستنيه منك حاجه على فكره
عمر / امال عملتى كدا ليه
أية / اتخنقت من المزاكره قمت كويت طقم ايه يعنى اجرمت
عمر / انا بتكلم عن ….
أية / اه… موضوع و خلص و اوعدك انه مش هيتكرر
عمر / امك اللى قالتلك تعملى كدا صح
أية / يووووه هو فى ايه لو فاكر ان دى طريقه جديده تهنى بيها فلازم تفهم انى ما عملتش حاجه انكسف منها و لا هى غلط و لا حرام انت جوزى على سنه الله و رسوله و بماذون و شهود و قسيمه الدور و الباقى عليك انت لما ربنا يسالك عن حقوقى عندك هتقوله ايه
عمر / حقوقك !!!!!!!!!!!
أية / ايوه حقوقى و لعلمك انا هشتكيك لربنا يوم القيامه عن اذنك
أية تقوم من على السرير تروح ناحيه الباب و عمر يقف فى سكتها
عمر / لا و على ايه احنا فيها تعالى اديكى حقوقك
عمر يشد ايد أية ناحيه السرير تضربه على وشه بالقلم يرفع ايده بمنتهى الغضب عشان يردهولها تترمى فى حضنه
أية / لا يا عمر انا اسفه انا اسفه
عمر يفكها من حضنه بضيق
عمر / ما عادش ينفع يجمعنا بيت ارجع من السفر الاقيكى خدتى امك و رجعتى شقه ابويا الله يرحمه
عمر ياخد هدومه من على الكرسى و يفتح الباب يلاقى سمر واقفه
سمر / فى ايه يا عيال ما تستهدوا بالله
عمر / تانى تاخدى بنتك و ترجعى شقه ابويا مش عاوز ارجع الاقى حد فيكوا هنا مش عاوز اشوفكوا تانى…. و اه ما تقلقوش مصروف ايدك هيوصلك كل اول شهر
عمر يروح الحمام و سمر تدخل تقعد جنب أية
سمر / هو ايه اللى حصل
أية / مفيش
سمر / هو ايه اللى مفيش دا انا صحيت على صوتكوا فى ايه يا بت ايه اللى حصل لكل ده
أية / ما ترحمونى بقى حرام عليكوا حرام عليكوا
سمر / انتى بتتخلقى عليا يا بت الجزمه اولعى جتك القرف
سمر تخرج من الاوضه و ترزع الباب وراها تلاقى عمر بيخرج من الحمام لابس ياخد شنطه ضهر و يجى يمشى تمسكه من ايده
سمر / ما تاخدهاش بذنبى
عمر يشد ايده منها و ينزل و يرزع الباب وراه
……………………………………
فى المحل عند على
على / طب لو مش هتتكلم اطلع فوق ريح شويه انت هتسافر بدرى و يومك طويل هتروح تنام هناك
عمر / بجد مخنوق و مش طايق نفسى
على / ما هو من ايه مخنوق من ايه ما تجننش امى
احمد يدخل شايل موبايل
احمد / العيال غسلوا العربيه و لقوا ده جواها
على يمسكه و يبص باستغراب
على / تسلم يا احمد
عمر / ايه ده
على / مش عارف فاصل اصلا
عمر / طب ما تشحنه يمكن لما يفتح تفهم
على / على رايك
على يوصل الموبايل بالشاحن و يسيبه جنبه و يبص لعمر
على / بقولك ايه يا عمر
عمر ينتبه
على / ما تطلق البت دى بقى و تشوف نفسك
عمر / ايه ؟؟؟
على / مهو انت باين عليك اوى انك مش مرتاح معاها و ما تقوليش انك متجوزها تعاقبها و الهبل ده عشان واضح اوى انك مش عارف تحط عليها و انها هى اللى حاطه عليك و ملففاك حوالين نفسك
عمر / انت بتقول ايه يا بنى انت
على / يعنى عاوز تقنعنى ان الفتره اللى فاتت دى قلبتك دى ما كانتش بسببها
عمر / اسكت انت مش فاهم حاجه ماشى
على / سكت …. صحيح انتوا دخلتوا و لا لسه
عمر / تصدق انا غلطان انى جيتلك انا مروح
على / استنى طيب انت يابنى هههههههههههههه خلاص هسكت والله
عمر ياخد حاجته و يمشى و على ما يلحقوش يرجع يبص على الموبايل اللى قدامه و يفتحه تظهر صوره نور خلفيه يبتسم الموبايل يرن فى ايده حبيبى على يبص ثوانى و يفتح بتردد
مروان / انتى فين يا هانم اتصلت مليون مره غير متاح كنتى فين
على / الو
مروان / انت مين و موبايل مراتى بيعمل ايه معاك
على / حضرتك موبايل المدام وقع فى العربيه بالغلط و …..
مروان / و ايه اللى جاب الموبايل لعربيتك ما تنطق
على ياخد نفس عميق و يكتم ضيقته و يتكلم
على / حضرتك انا للاسف خبطت المدام فى الطريق و وصلتها المستشفى و التليفون وقع منها و لما لقيته كان فاصل شحن و لسه فاتحه حالا
مروان / خبطتها !!!! و هى عامله ايه
على / كويسه الحمد لله
مروان / اااااه طويب
تليفون تانى يجى على الوايتينج
على / انا اسف حضرتك بس ماما بتتصل … اسف اسف حمات حضرتك بس هى متسجله على الموبايل ماما و كدا
مروان / اكيد هيبعتولك حد ياخد الموبايل
على / طب هستاذن حضرتك هرد
مروان يقفل السكه من غير حتى سلام و على يتف على الموبايل و يفتح الخط صوت رقيق
نور / الو
على / مدام نور
نور / ايوه التليفون ده بتاعى
على / انا على على فكره …. على حقى …. الحادثه
نور / اه اهلا
على / الموبايل وقع من حضرتك فى العربيه وواضح انه كان فاصل و لسه شايفه حالا
نور / انا افتكرته اتسرق
على / جت سليمه الحمد لله صحيح زوج حضرتك اتصل كان قلقان عليكى اوى خصوصا بعد ما قولتله انى خبطك بالعربيه
نور / يا خبر هو انا على العموم مش هتقل عليك ادينى بس العنوان و انا والدى هيجى ياخد منك الموبايل
على / ولا متقله و لا حاجه حضرتك بس قوليلى ابعتلك الموبايل على البيت و لا عند والدتك و انا ابعتهولك مع اى حد
نور / مش عاوزه اتعبك ما لوش لزوم
على / تعب حضرتك راحه كفايا ان انا السبب فى اللى حصل
نور / قدر الله و ما شاء فعل
على / ما قولتيش ابعته فين
نور / عند ماما
على / نص ساعه و يوصلك باذن الله
نور / تعبتك مع السلامه
على / مع السلامه
على يقفل و يكتب حاجه على ورقه و ينادى على واحد من الشغالين
على / مجدي …. مجدي
واحد يجى
على / هوا تاخد التليفون ده و توصله لصحبته فى العنوان ده ….. واله لو خدت جنيه واحد حلاوه هعلقك انا هظبطك لما ترجع
مجدي / ههههههههههههه تمام يا رياسه بالاذن
على / هوا يا مجدى
……………………………
فى شقه امانى
نور بتتكلم فى التليفون
مروان / و انتى تركبى عربيته بمناسبه ايه
نور / ما كنتش قادره اقف على رجلى يا مروان اعمل ايه طيب و بعدين ما انا اتصلت بماما هناك و جتلى
مروان / و ما عملتيش له محضر ليه
نور / يا اخى كتر خيره انه وصلنى واحد تانى كان سابنى مرميه فى الشارع و جرى
مروان / واحد غيره كان خد باله من الطريق تلاقيه كان قاصد تقدرى تقوليلى يا هانم دلوقت البيه فتح الموبايل و لا لا
نور / اصلا الموبايل ما عليهوش اى حاجه انت عارف كويس
مروان / عليه نمرتك يا ست هانم و كل يوم بقى ينطلنا و يشتغلنا فى الازرق انا لما ارجع اصلا هيبقالى صرفه تانيه معاه
نور / انت عامل موضوع ليه
مروان / هو انتى مش حاسه ان فى اى حاجه حصلت
نور / لا مفيش بدل ما تبقى محموق اوى ان فى واحد غريب رد على التليفون المفروض تبقى مضايق و قلقان ان فى عربيه خبطتنى المفروض ان انا اللى اهمك اكتر من خضتك لما راجل غريب رد افرض انه سرقه افرض كان جرالى حاجه
مروان / يا سلام و انا ما كنتش قلقان يعنى امال اتصلت كل المرات دى ليه و كل مره كان بيبقى غير متاح كنت بتجنن اكتر
نور / حصل خير عملت ايه فى المؤتمر هترجع بكره خلاص
مروان / لا حصلت ظروف و المؤتمر مدوه يومين كمان
نور / يومين يا مروان
مروان / هو انا يعنى بتفسح ما انا بشتغل
نور / اللى تشوفه
مروان / الحمد لله انى اطمنت عليكى هروح انام بقى عشان هصحى بدرى
نور / تصبح على خير
………………………………….
فى شقه عمر
عمر يفتح الباب يلاقى سمر قاعده تبصله باستغراب يطنشها و يدخل اوضته يلاقى أية نايمه يحط حاجته على الارض و ينام على السرير بهدومه أية تتفزع تروح ناحيته
أية / انت كويس
عمر / اه كويس
أية / انا كنت فاكره انك
عمر / انا مسافر الفجر ممكن انام و لا اروح انام فى الشارع
أية / انا اسفه بس انت غلطت فيا جامد
عمر / خلصنا
أية / لا ما خلصناش انت بتعمل معايا كدا ليه
عمر يقوم يقعد و يبصلها
أية / بتحس بايه لما بتجرحنى بتنبسط بتحس انك كسبت ماشى يا عمر انت كسبت
عمر / انا مفيش راجل عمل معايا اللى عملتيه ده
أية / و انا مفيش راجل عمل معايا اللى انت عملته يبقى خالصين
عمر يرفع حاجبه
أية / اضربنى
عمر يبص الناحيه التانيه
أية / لو ده هيريحك اضربنى
عمر / ما بمدش ايدى على حريم
أية / ساعات بيكون الضرب ارحم بكتير من الاهانه
عمر / تصدقى ان على عنده حق انا بعاقب نفسى بجوازى منك مش بعاقبك
أية تبصله
عمر / مفيش داعى انى استنى اما تتخرجى لما ارجع هطلقك و كل واحد يروح لحاله
الدموع تنزل من عنين أية زى الشلال
أية / و ليه تستنى ما تطلقنى دلوقت
عمر يبصلها
أية / مش ده هيريحك انا يهمنى راحتك برده
عمر / هطلقك لما يجيلى مزاج اطلقك
أية / طبعا
عمر / ممكن انام بقى و لا ايه
أية / اه طبعا …. انا هروح انام بره
عمر / احسن برده
أية تطلع من الاوضه و عمر ينام بهدومه
……………………………
تانى يوم الصبح
عمر يقوم يدخل الحمام يحس بحركه فى المطبخ يدخل يلاقى أية واقفه بتقلى بيض
عمر / انت ايه اللى مصحيكى دلوقت
أية تحط البيض على ترابيزه جنبها عليها فطار و تمشى يمسكها من ايدها
أية / انا قولت احضرلك الفطار قبل ما تمشى
عمر / طب اقعدى افطرى معايا
أية / مش جعانه
عمر / و اضمن منين انك مش حطالى سم فى الفطار يعنى
أية تبصله باستغراب يبتسم تبص الناحيه التانيه
عمر / على الاقل اعمليلى فنجان قهوه
أية / حاضر
أية تروح تطلع الكنكه و عمر يعمل ساندوتش و يبص عليها يلاقيها محتاسه
عمر / انتى بتعملى ايه
أية / قهوه
عمر / انتى متاكده انك بتعرفى تعملى قهوه
أية تبصله يقوملها و ياخد منها الكنكه
عمر / دوقتى القهوه التركى قبل كدا
أية تهز راسها لا
عمر / طب هاتى لبن من التلاجه و انا ادوقك احلى قهوه دوقتيها فى حياتك
أية تجيبله اللبن عمر يعمل كبايتين قهوه بلبن و يحطهم على الترابيزه
عمر / ما بتاكليش ليه
أية / قولتلك مش جعانه
عمر / هو ايه اللى حصل امبارح
أية تبصله و ترفع حاجبها
عمر / انتى معاكى حق احنا الاتنين غلطنا
أية تعيط
عمر / ما تسوقيش فيها بقى مش عشان بعمل باصلى و اصالحك يعنى دا لو راجل عمل معايا اللى عملتيه كنت قتلته
أية تبصله يمسح دموعها بايده
عمر / كل حاجه حصلت امبارح كانت غلط و غلط فوق غلط فوق غلط
أية تشرب بق قهوه و تحطه مكانه عمر يضربها بالقلم على وشها بهزار تبصله تلاقيه بيضحك
عمر / بكلم نفسى هنا ما تقولى حاجه
أية / الله اقول ايه يعنى
عمر / قولى حقك عليا انا كمان غلطت انا طالع على طريق و ما حدش عارف هرجع و لا لا
أية / بعد الشر
عمر / فارق معاكى اوى
أية تنفخ عمر يضحك
عمر / افطرى لحسن هتاخر بسببك ما باخدش من وراكى غير الهم
أية تبصله يقوم يبوس راسها و يدخل الحمام و يقفل الباب و هى تاكل و هى مبتسمه اوى
……………………………………
فى الباص
عمر نايم غاده تصحيه بالراحه
غاده / عمر … عمر
عمر يصحى
عمر / هو انا نمت و لا ايه
غاده / انا اسفه انى صحيتك بس فى ريست
عمر / والله جه فى وقته محتاج مج قهوه
غاده / واضح واضح قوم يلا انزل
عمر يقوم و ينزل و غاده وراه
غاده / انت سهران طول الليل امبارح و لا ايه
عمر / بقالى فتره ما بتهناش على نومه خالص والله
غاده / ليه كدا بس يا ابنى
عمر/ تشربى ايه
غاده / نسكافيه
عمر / ثوانى حاضر
عمر يروح يطلب و يرجعلها
غاده / ما قولتليش فى ايه
عمر / العادى فى حياه عمر حقى مشاكل من حيث لا تعلم و لا تدرى بس سيبك انتى طقم جديد و ايه
غاده / ههههههههههههههههههه جديد لا يا سيدى دا مش جديد و لا حاجه انا لبسته كذا مره قبل كدا بس الواضح ان البيه مخدش باله
عمر / البيه مخدش باله !!!! ثوانى
عمر يروح يجيب النسكافيه و يروحوا يقفوا جنب الباص
عمر / البيه بيقولك ما نمتش من اسبوع سيادتك فاحمدى ربنا انى شايفك اصلا
غاده / هو احنا لسه صحاب يا عمر
عمر يبصلها و يضحك
غاده / بتكلم جد
عمر / انتى رايك ايه ينفع اكون صاحب و لا راحت عليا
غاده / انسى انسى مش هتسمعلى اصلا
عمر / طلقها اكسرها ارميها فى الشارع كملى اسطوانه على كملى
غاده / انا ما قولتش كدا انا قولت انك لو مشيت فى السكه دى هتبقى دى فعلا نهايه أية و بعدين انت متناقض اوى مش انت اللى قولت انك متجوزها تزلها من الاول دلوقت بقيت خايف عليها انت ايه لا بحبه و لا بقدر على بعده
غمر يتعصب
عمر / بالظبط هو ده انا لا قادر اقرب منها و لا قادر ابعد لا قادر اعيش معاها و لا قادر انسى اللى فات تعبت اعمل ايه تعبت
غاده / انا اسفه
عمر / انا اللى اسف حقيقى ما كانش المفروض اتنرفز عليكى كدا انا …. انا هركب الباص عن اذنك
………………………………
عند ندى
ندى عماله ترجع و تقع فى الارض فى الحمام حسام يسندها يقومها على الحوض تغسل وشها و يسندها لحد السرير
حسام / معلش معلش فتره و تعدى
ندى مش قادره تتكلم تفرد ضهرها علة السرير حسام يغطيها
حسام / انا هجيبلك دوا للترجيع ده ما تقلقيش
ندى تبصله و تغمض عنيها حسام يقعد جنبها و يمسك ايدها تبصله
حسام / انا بحبك يا ندى
ندى / و انا ما كرهتش حد قدك
حسام / ههههههههههههه و لسه لما تيجى تولدى هتقعدى تصرخى انت اللى عملت فيا كدا انا بكرهك هههههههههههههههه زى بتوع الافلام بقى و كدا
ندى تبصله باحتقار
حسام / انا عارف انك شيفانى وحش اوى بس الغايه تبرر الوسيله انا بحبك عمرى ما حبيت و لا هحب غيرك مش قادر اشوف غيرك
ندى تضحك بسخريه
حسام / زى ما قولتى قبل كدا انا مريض مريض بيكى من يوم ما اتولدتى من يوم ما شوفتك و انا مستنى اليوم اللى يجمعنا فيه بيت تفتكرى ممكن اتخلى عن الحلم ده بالبساطه دى
ندى / و انا
حسام / فاكره لما كلمتك من هنا و قولتلك انى مخنوق و بفكر ارجع و الموضوع طلع صعب اوى و مش قادر قولتيلى ايه … انا فاكر ما تتعبيش نفسك قولتيلى اوعى تستسلم حارب عشان حلمك هتوصله ما تخليش حاجه تقف فى طريقك فاكره
ندى / انت بتقول ايه
حسام / انا بحارب عشانك و ما عنديش اى استعداد انى اخسر الحرب دى
ندى / والله مقادره لك سبنى فى حالى
حسام / مسيرك فى يوم هتفهمى انى مش باذيكى هتفهمى انى بحبك و انك لو لفيتى الدنيا كلها مش هتلاقى حد يحبك قدى هتفهمى انى مستعد اعمل عشانك المستحيل فى الوقت اللى غيرى مش هيحاول عشانك يعمل الممكن حتى
ندى تهز راسها و تتقلب و تديله ضهرها يعدل الغطا عليها و يسيبها و يقوم
………………………………….
فى استراحه على الطريق بالليل
الباص واقف و عمر يركب و يقعد جنب غاده و يديها كيس فيه عصير و شيبس
غاده / شكرا
عمر / انتى لسه زعلانه منى
غاده / لا عادى
عمر / انا مش هقدر اخسرك يا غاده
غاده / مش هتخسرنى يا عمر ما تخافش
عمر / وعد
غاده / وعد
عمر ينفخ و يفتح علبه عصير و يشرب بق يلاقى غاده بتبصله يعزم عليها تبتسم و تهز راسها لا
غاده / ما تعذبش نفسك يا عمر لو بتحبها سامحها
عمر يبص لغاده تليفون عمر يرن
غاده / هى
عمر يبتسم و يرد
عمر / ايوه …. فى الطريق …. لا باذن الله مش هنتاخر ما تقلقيش ….. يا شيخه!!!! ماشى …. سلام
عمر يقفل يلاقى غاده بتبصله
عمر / عملالى مفاجاه غالبا حلت كويس فى امتحان الدرس
غاده / كويس ربنا يوفقها
…………………………….
على قهوه على و عمر قاعدين يشربوا شاي
على / ههههههههههههههههههههههههههههههههههههه
عمر / و مالك منشكح كدا ليه
على / بصراحه فرحان فيك
عمر / هو انا بظلم البت دى معايا
على / اه
عمر يبصله
على / ايه مستغرب ليه
عمر / المفروض انك تقومنى عليها
على / انا مشكلتى مش مع أية هى ما عملتليش حاجه انا اخر حاجه فاكرهالها اصلا كانت بترضع لسه لكن الدور و الباقي عليك انت
عمر / هى بتقول انها قالت لبابا الحقيقه و بعدين هى فعلا كانت صغيره ما تعرفش الصح من الغلط وقتها ما اقدرش اللومها و ما تنساش كمان انا اتجوزتها ازاى ما انا كمان غلطت لا دى اخلاقنا و لا تربيتنا
على / لما ترد على النار بالنار لازم هتتلسع دى قوانين اللعبه
عمر / و هى بتعمل كل اللى تقدر عليه عشان تسعدنى و بتحبني
على / تفتكر سمر حبت ابوك فعلا
عمر / ايه السؤال ده
على / تفتكر الدلع و الكلام الحلو اللى كلت عقله بيه كان حب و لا سم فى العسل
عمر / فهمتك
على / انت مش صغير و لا محتاجني اللفت نظرك انت نفسك عارف ده و يمكن عشان كدا معلق البت جنبك و مش عارف تديها وش حلو
عمر / و اخرتها
على / جرب هتخسر ايه
عمر / سيبك منى انت عامل ايه
على / على وضعى بتسال ليه
عمر / رايق
على / و هضايق ليه
عمر / كنت بفكر يعنى نشوفلك واحده بنت حلال يعني
على / بقولك ايه يا عمر تعرف ….
عمر / مهو لا ندى و لا نور ينفعوك يا ابن ابويا
على / و ايه دخل نور فى الكلام ده
عمر / مش عارف انت ايه رايك
على / و لا ندى و لا نور و لا الموضوع فى دماغى اصلا انا كل اللى بفكر فيه الفتره دى الشغل و بس
عمر / و لحد امتى
على / لحد ما ربنا يسهل بقى وله بقولك ايه قوم من جنبي روح لمراتك اقعد معاها و شوف هتعمل ايه فى حياتك
عمر / كنت كدا كدا قايم
عمر يقوم يطلع فلوس من جيبه
على / انت بتعمل ايه يا جزمه
عمر / بطلع فلوس للتاكس انت فاكرنى هحاسبلك و لا ايه
على / هههههههههههههههههههههههههه غور ياله بدل اقسم بالله
عمر / هههههههههههههههههههه سلام
على / سلام
…………………………..
بعد فتره عند ندى
ندى واقفه قدام ورد فى الجنينه و سرحانه حسام يحط ايده على عنيها تشدها
ندى / ايه الغباوه دى وسع كدا
حسام / غباوه ماشى
ندى / عن اذنك
ندى تيجي تمشي حسام يمسك ايدها
حسام / انا مسافر لبنان كام يوم
ندى / و المفروض اعملك ايه
حسام / لو مش عاوزانى اسافر
ندى / ههههههههههههههههههههه انت عبيط يا حسام مش عاوزاك تسافر ؟؟؟ دانا عوزاك ما ترجعش
حسام / من ورا قلبك
ندى / دا ايه تقل الدم ده يا اخى
حسام / يمكن لو كنتى بتهتمي بصحتك اكتر من كدا و تسمعى كلام الدكاتره و تبعدى عن التوتر و الزعل كان زمان صحتك احسن و خدتك معايا
ندى / انا بحاول ابعد فعلا عن التوتر و الزعل بس مش عشان اجى معاك لبنان عشان ارجع مصر بس اعمل ايه عيشتى معاك بتبوظ كل اللى بحاول اعمله
حسام / ليكي مين فى مصر ترجعيله يا بنتي بصى حواليكي احمدى ربنا على النعمه اللى انتى عايشه فيه
ندى / بحمده و اشكر فضله و ادعيله ليل نهار يرفع عنى البلاء اللى حطنى فيه و مستنيه الفرج
حسام / بكره لما نعجز هنقعد وسط عيالنا و نضحك على الكلام اللى انتى بتقوليه ده
ندى / ربنا ما يكتب عليا اعيش لليوم ده اوعى بقى خنقتنى
…………………………………
فى الشركه
غاده قاعده مع واحد
غاده / الملفات دى كان المفروض تكون عندى امبارح
الواحد / يا فندم احنا خلصناها فعلا و سلمناها لعمر بيه و هو ..
غاده / خلاص خلاص
الواحد / حضرتك احنا
غاده / انا اسفه جدا انا مرهقه اوى النهرده اى حاجه اتكلموا فيها مع عمر بيه عن اذنك
الواحد / ايوه حضرتك بس عمر بيه ما جاش النهرده
غاده / ما جاش يعني ايه
الواحد / ما جاش و عشان كدا كنت عاوز حضرتك تمضى على لملفات دى
غاده تقوم و تمسك الموبايل و تتصل أية ترد عليها
غاده / ايه يا عمر انت ازاى ما تجيش لحد دلوقت انت مش عارف ان
أية / عمر فى الحمام
غاده / أية … اه .. اصل كان فى ورق مهم معاه و كنت عاوزه ….
أية / ثوانى … خرج اهو
عمر يدخل الاوضه بينشف راسه و أية تديله الموبايل
أية / غاده
عمر / الو ايوه يا غاده ازيك
غاده / احنا هنقدم المناقصه بكره الصبح و انت نايم فى البيت يا عمر
عمر / انا كنت سهران عليها طول الليل و لحد الفجر و راحت عليا نومه و هلبس اهو و اجيلك
غاده / انا اصلا مروحه
عمر / بدرى كدا ليه يعني
غاده / تعبت شويه ايه يعني حرام
عمر / لا الف سلامه مالك
غاده / شويه صداع
عمر / خلاص تمام هعدى عليكي فى الفيلا تكوني ظبطتى شويه
غاده / تمام هستناك سلام
عمر / سلام
عمر يقفل التليفون و يحدفه على السرير و يفتح الدولاب يسمع صوت دب رجل فى الارض يبص يلاقى أية واقفه حاطه ايدها فى وسطها و بتهز رجلها بالشبشب فى الارض
عمر / انتى واقفه كدا ليه
أية / فيلا ايه اللى هتروحها و تظبط ايه ان شاء الله
عمر / أية
أية / بلا أية بلا زفت انا الغلطانه اصلا
أية تروح تقعد عالسرير و تفتح الكتب عمر يروح يقعد جنبها
عمر / لتكونى بتغيرى
أية / اغير ؟؟؟ انا ؟؟؟؟ مستحيل طبعا
عمر / يا جامد … امال بتحبينى ازاى بقى ان شاء الله
أية / على فكره يعنى انا واثقه فى نفسى اوى يعنى و لعلمك برده انت فى ايدك نعمه لو ما قدرتهاش انت الخسران مش انا
عمر / تعجبينى اقعدى انتى زاكرى بقى لحد ما ارجع هحاول ما اتاخرش
عمر يقوم يمشى و أية بتنفخ من الغل
………………………
فى البيت عند نور
مروان قاعد على اللاب و نور بتقشر تفاح و تقطعه
نور / تحب تتغدى ايه بكره
مروان / اى حاجه
نور / ما تيجى نخرج نتغدى بره بكره
مروان / اشمعن بكره يعني اجليها ورايا شغل كتير اوى متاخر و مش هينفع
نور / و الشغل ده ما ينفعش يتاخر يوم واحد بس كمان
مروان يقفل اللاب
مروان / ايوه ايوه ابدائي ابدائي
نور / ابدء ايه
مروان / انت مش مهتم بيا انا رقم اتنين فى حياتك ايه يعنى لما طلبت منك تخرجني يوم انت مش بتحبنى انت لو بتحبنى كنت فهمت لوحدك ابدائي الخناقه مهو انتى بيصعب عليكى تلاقى البيت هادى مش كدا يلا ….. ايه ساكته ليه
نور / عاوزني اقول ايه
مروان / كويس الخناقه خلصت بدرى عشان انا داخل انام ورايا شغل كتير الصبح عن اذنك
مروان يقوم و نور قاعده مكانها
………………………
عند ندى
ندى نايمه فى السرير باب الاوضه مقفول و حسام يدخل ينام جنبها و يحضنها تتفزع و تقع من على السرير فى الارض
حسام / يا بنت المجانين انتى كويسه
حسام يقوم يجرى على ندى يحاول يقومها تزقه
ندى / انت … انت دخلت ازاى
حسام / قومى بس قومى
ندى / ابعد عنى انا هقوم لوحدى
ندى تقوم تقعد على السرير و هى بتهز راسها و تتنهد
حسام / انتى كويسه
ندى / انت دخلت ازاى انا قافله الباب بالمفتاح
حسام / دا بيتى يا ندى بيتي
ندى / طب يعنى اعمل ايه عشان ارتاح منك اموت نفسى و اخش النار عشان ارتاح منك
حسام/ ليه كل ده عملت ايه لكل ده
ندى / انت لسه بتسال عملت ايه هو انت ما بتتعبش ما بتزهقش كل شويه لازم افكرك انى هنا غصب عنى انك حابسنى و بتعذبنى
حسام / انا مسافر قولت اقضى الليل مع مراتى حبيبتى اجرمت
حسام يحاول يمسك ايدها تسحبها
ندى / يارب خدنى بقى وريحنى من الهم ده اوعى كدا
ندى تقوم توصل للحمام و تبصله
ندى / و ياترى معاك مفتاح الحمام كمان و لا ادخل و اخد راحتى
حسام / ههههههههههههههه لا خدى راحتك ربنا يهديكى
ندى / ربنا ياخدك
ندى تدخل و تقفل الباب و تقعد على الارض وراه حسام يقوم يقف على الباب
حسام / تعرفى انتى معاكى حق ليكى حق بس هو انا عملت كل ده ليه مش عشان بحبك … هو انا سافرت و اتغربت ليه مش عشانك … هو المره الوحيده اللى رجعت مصر جبت لحد هدايا زى ما جبتلك … هو انا كنت بتكلم مع حد زى ما بتكلم معاكى … من يوم ما اتولدتى و انا عارف انك بتاعتى عايش عشان اوصلك و بس … لما شوفتك ماسكه ايد الكلب ده اتجننت ما كنتش مخطط ان الامور تمشي كدا بس لما لقيتك قدامى ضعفت ما قدرتش اقاوم جمالك ما هو انا مش ملاك عشان افضل كل السنين دى جعان و اول ما يحطوا قدامى الاكل ما امدش ايدى ….. اكلت و الاكل سخن و لسعنى مع انه بتاعى حلالى بس لسعنى بس صبرت نفسى و قولت بكره تفهم بكره لما تشوف ابننا هتحبنى زى ما بحبها على فكره انا سهل اوى احطلك المنوم تانى سهل اوى اخد اللى انا عاوزه و ما تقدريش تعملى حاجه و اقولك اللى اكبر انا سهل اخد اللى عاوزه و من غير منوم كمان بس انا مش عاوز اجى عليكى بخاف عليكي و على اللى فى بطنك بعمل كل اللى اقدر عليه عشان اعيشك فى احسن عيشه و اوفرلك اللى ما كنتيش تحلمى بيه و اوعدك ان كل اللى بتحلمي بيه هحققهولك
ندى / كل اللى بحلم بيه
حسام / كل اللى بتحلمي بيه انتى بس شاوري
ندى / رجعنى مصر
صمت ثوانى
ندى / رجعنى مصر و انا هنسى كل اللى حصل و نبدا من الاول و اطلبنى يا اوافق يا ارفض ادينى حقوقى حسسنى انى بنيادمه
حسام / ليكى مين فى مصر ترجعيله ابوكى و لا امك
ندى / ليا نفسى اللى سبتها هناك ليا حقى كلكو اتفقتوا عليا و طلعتونى مجنونه ظلمتونى رجعنى يا حسام و صدقنى مش هتندم
حسام / اى حاجه تسعدك عمرى ما هندم عليها بس انتى صحتك ما تسمحش
ندى / حرام عليك بقى انت ايه مش قادر تبطل كدب انت فاكرنى هبله
حسام / يعنى بعقلك كدا هكون متفق كمان مع الناس كلها الدكاتره و الممرضات طب بعقلك كدا ازاى
ندى / بعد اللى شوفته معاك اتوقع منك اى حاجه
حسام / هههههههههههههههههههه والله كدا هتغر يا حبيبتى انا مدير فى شركه ادويه مش مدير مافيا
ندى / انا عمرى ما هرجع مصر حتى لو ولدت …. هفضل هنا لحد ما اتجنن بجد او اموت
حسام / ليه بتقولى كدا بس
ندى / عشان انت مش هتسمح برجوعى عشان عارف كويس انى لو رجعت مصر عمرى ما هرجعلك
حسام / ههههههههههههههههههههههههههههههههه
ندى / بتضحك
حسام / عشان هبله فرصتك انك تخلعى منى هنا اكبر مليون مره من فرصتك فى مصر يا حبيبتى انتى لو رجعتى مصر و قلتى الهبل بتاعك ده مش بس ما حدش هيصدقك دا مش بعيد تلاقى نفسك فعلا فى مستشفى المجانين و الاكتر من كدا اني هصعب عليهم و يجوزونى و يدونى ابننا اربيه فى مصر كل الناس حضرت فرحنا و شافوكى و انتى فى قمه السعاده و انتى بترقصى معايا و صور الفرح و شريط الفيديو
ندى / هقول ان القسيمه مزوره و اقول اللى بابا عمله و انى عملت كدا عشان الفضيحه
حسام / شرعا بقى القسيمه دى ما لهاش تلاتين لازمه عارفه ليه عشان فى حاجه اسمها اشهار حصل فى القاعه و انتى كنتى قاعده و ساكته و متصور فيديو و كل الناس شافوكى و يشهدوا
ندى / يعنى انتحر و اموت كافره عشان اخلص منك يعنى
حسام / ههههههههههههههههههههه والله انتى عسل بقولك ايه انا هروح احضر شنطتى اغسلى وشك وروقي كدا و شيلي الهبل ده من دماغك
حسام يقوم و يخرج من الاوضه و ندى تفتح باب الحمام ما تلاقيهوش
…………………………….
تانى يوم فى شقه نهاد
نهاد لابسه قميص نوم و شايله صينيه عليها اكل تدخل اوضه مروان نايم فيها على سرير يتعدل تقعد جنبه
نهاد / حبيبى سرحان فى ايه
مروان / ابدا كنت بفكر شويه
نهاد / فى ايه
مروان / فى حياتى … حياتنا مهو اكيد مش هفضل اعمل خط سير و انتى تاخدي عارضه عشان نتقابل يعنى
نهاد / طب هتعمل ايه
مروان / مش عارف اصلا البيت بقى خنيق ساعات بيبقى هاين عليا ما روحش اصلا و اخلينى معاكي بس انا عارف ان ساعتها النكد هيبقى اكتر و حاجه قرف
نهاد / مدام الحياه بينكوا مستحيله اوى كدا ما تطلقها و تخلص
مروان / انتى اصلك ما تعرفيهمش انتى متخيله انهم ناس محترمه و الموضوع هيخلص بالزوق
نهاد / للدرجادى
مروان / و اكتر
نهاد / و ايه اللى خلاك تربط نفسك بواحده زى دى
مروان / كنت اهبل و فاكر الحياه وردي انا اتعرفت على نور و هى فى الجامعه روحت مع صاحب ليا فى يوم كدا اهو يعنى نتفسح شوفتها و اتعرفت عليها و ما انكرش انى اتشديت ليها بس لما اتجوزنا و لقيت تدخلات حماتى دا الجيران ليهم راي فى حياتنا
نهاد / و موضوع الخلفه
مروان / طب هى ما بتخلفش انا ذنبى ايه يعنى الحق عليا انى صابر كل يومين نكد و عياط و غم و انا اقول كبر دماغك قدر ظروفها مسكينه بس تقولى ايه مفيش دم
نهاد / خلاص يبقى الوضع على ما هو عليه و نشوف الطريق ده هيوصلنا لفين
مروان / انا مش عاوز ابقى بظلمك او باجي عليكى
نهاد / انا راضيه مدام جنبك و عارفه انك بتحبنى راضيه
مروان / بحبك والله العظيم بحبك
…………………………
فى شقه انور
منال / يابنتى كان الله فى العون هيعمل ايه يعنى
نور / بس ده عيد جوازنا على الاقل كان بعت رساله على الاقل خالص و هو نازل الصبح كان قالى كل سنه و انتى طيبه
منال / ما يمكن نسي الرجاله ما بتركزش فى الحاجات دى او يمكن …. تصدقى ممكن
نور / ممكن ايه
منال / ما يمكن عاوز يعملك مفاجاه و قال ايه ناسى و تلاقيه داخل عليكى بهديه
نور / مش عاوزه اعشم نفسى
منال / على رايك صح… اقولك طب ما تحرجيه بادب
نور / ازاى يعنى
منال / بصى انا هقولك انتى ابعتيله رساله كل سنه و انت طيب و روحي بيتك اعمليله عشوه حلوه من ايديكى الحلوين دول و شويه شموع و ورد و اللبسيلك حته حلوه حسسيه بقيمه الجوهره اللى فى ايده
نور / و اشمعن انا اللى لازم كل شويه احسسه ليه ما يحاولش يحس من نفسه هو مره
منال / يا نور يا بنتى لو كل واحد دور على التانى بيقدم ايه و على اساسه يقدم هو ما حدش هيقدم حاجه خالص و بعدين ما كلو بثوابه يا بنتى دا بيتك و دا جوزك والله اعلم باللى فيه ما يمكن فى ضغط جامد فى الشغل او عنده مشاكل مش عاوز يشغلك معاه بيها مش يمكن
نور / والله انتى اللى بتصبرينى عليه
منال / ما حدش يعرف جوزك قدك و ما حدش عايش معاه غيرك حسي بيه يا بنتى و اقفى جنبه دا انتوا لسه فى اول حياتكوا امال بعد كدا بقى هتعملوا ايه
نور / مش عارفه
منال / اعملى زي ما قولتلك و هتدعيلى
نور / ماشى هقوم بقى اعمل زي ما قولتيلى
منال / ههههههههههههههههههه ماشى يلا قومى
منال تقوم مع نور تفتح الباب تلاقى انور و على
انور / الله على فين يا بنتى هو ايه اذا حضرت الشياطين ذهبت الملايكه و لا ايه
نور / ما تقولش كدا يا عمى دا انت الخير و البركه
نور تبص لعلى تلاقيه مبتسملها
نور / عن اذنكوا انا بقى سلام يا طنط
منال / سلام يا روح طنط
نور تيجي تعدى
على / ازيك
نور تبصله و تهز راسها و تمشى على يبتسم و يخش
انور / الله على ريحه الاكل الله
منال / ثوانى و اغرفلكوا
انور / تسلم ايديكى يا ست الكل اقعد يا على اقعد
على و انور يقعدوا
انور / اعمل حسابك بعد الاكل هلاعبك دورين طاوله اشحورك بيهم
على / ههههههههههههههههههه و ماله و انا فاضيلك النهرده
……………………………..
عند ندى
حسام واقف علة الباب ندى تخرج من الاوضه يبتسم
حسام / ايه قلبك حن و قررتى تسلمى عليا قبل ما اسافر
ندى / حسام
حسام / يا قلب حسام
ندى / انت معاك حق انا لو نزلت مصر مش هيفرق كتير عن وضعى هنا
حسام / احمدك و اشكر فضلك يارب اخيرا عقلتى
ندى / بس انا عاوزه اولد فى مصر مش عاوزه اكون لوحدى
حسام / يا بنتى افهمى هنا المستشفيات انضف و الخدمات احسن مصر ايه اللى العيال بتتخطف فيها و الناس بتموت من اخطاء طبيه هبله
ندى / عاوزه ابقى جنب ماما يا حسام انا محتاجالها ما تنساش انى لسه صغيره و ما افهمش حاجه و دى حياه طفل ما لوش اى ذنب ارجوك ارجوك فكر و بعدين مش انت بتقول ان نزولى مصر كدا كدا مش هيخلينى اخلص منك يبقى انت خايف من ايه بقى
حسام / هههههههههههههههههههههههه تعرفى انا لو خيرونى بينك و بين بنات الكون كله هختارك انتى عشان قلبك الابيض اللى ما بيعرفش يزوق الكلام ده
ندى / فكر لو ليا ذره غلاوه عندك فكر نزلنى مصر ان شالله حتى لحد ما اولد و بعدين ربنا يسهل عشان خاطرى
حسام / انا هتاخر على الطياره … هفكر
حسام يوطي على ندى يبوسها تبعد نفسها يبتسم و يمشى و ندى تقفل الباب
ندى / باستك عقربه تروح ما ترجع كتك مصيبه تاخدك
ندى تبص وراها تلاقى الخدامه
ندى / انتى بتعملى ايه هنا روحي شوفى شغلك يلا
الست تمشى
ندى / ياربى ايه السجن ده
……………………………
بعد كام يوم
فى شقه نور
مروان داخل مبسوط اوى يلاقى نور و امانى قاعدين البسمه تروح من وشه
مروان / متجمعين عند النبى ان شاء الله
امانى / يارب يا جوز بنتى تعال اقعد شكلك تعبان من الشغل تعال
مروان يبص لنور يلاقى عنيها حمره
مروان / مالك يا نور
نور تديله الموبايل مروان يشوف و يبان على وشه الضيق
امانى / انا لما نور قالتلى قلتلها دا كلام فارغ حد فاضى بيتسلى
مروان يحاول يتصل يلاقى الرقم غير متاح
نور / ما تحاولش كلنا حاولنا
مروان / انا مش فاهم حاجه اصلا ايه الهبل ده
امانى / قولتلها دا اكيد حد ابن حرام اللى باعتها و خدتها و جينالك الشركه بس يا خساره ما كنتش موجود الا انت كنت فين النهرده يا جوز بنتى
مروان / يعنى ايه كنت فين
امانى / بقولك جينا الشركه سالنا عليك قالولنا ما كنتش موجود
نور / و نهاد كمان ما كانتش موجوده
مروان / و انا مالى و مال نهاد
نور / مهو لما تجيلى رساله على موبايلى بتقولى شوفى جوزك فين و مع مين
مروان / تعرفى انا غلطان لما قولتلك ما تشتغليش الفراغ وحش اوى على اللى زيك
امانى / عندك حق قولى بقى كنت فين النهرده
مروان / كنت فى ماموريه تبع الشغل
امانى / مانا قولت كدا برده و دخلت للمدير و سالته عليك قال انك واخد اليوم عرضه حتى حاول يتصل بيك لقا تليفونك غير متاح
مروان / هى حصلت كمان بتعملولى مشاكل فى شغلى
نور / هو ده كل اللى همك
مروان / ماشى تمام تمام اوى مدام انا كدا كدا متهم و مفيش فايده بقى من الكلام فبراحتكوا
امانى / شوفوا شوفوا يعملوها و يخيلوا ماا حنا من الصبح بنتحايل عليك تقولنا كنت فين
مروان / و انتى مالك
نور / مروان
مروان / اسمعى يا بنت الناس انا مش عيل صغير
امانى / خلاص يا نور الكلام مش معاه ليه اهل يترد عليهم يلا يا بنتى
مروان / لو خرجتى من الباب ده يا نور ما تعتبيش برجلك تانى
امانى / خارجين من الجنه اياك بلا وكسه يلا يا بت خشى لمى حاجتك لا استنى انا هلمها بنفسى
امانى تدخل الاوضه جوه و مروان يقعد و ينفخ و يحط رجل على رجل و نور واقفه تبصله مروان يبصلها
مروان / خليكى ماشيه ورا امك
نور / كنت فين يا مروان
مروان / هتفرق فى ايه انتى اصلا عمرك ما هتفهمى عجينه عكننه شك شك شك ايه مفيش ثقه خالص كدا
نور / قولى كنت فين و كل حاجه هتتحل
مروان / من يوم ما عرفتى انك ما بتخلفيش و عقلك لسع كل اللى بتفكرى فيه انى بخونك و بس
نور / هو ده اللى ربنا قدرك عليه
مروان / لا صدقينى اقدر اعمل اكتر من كدا بكتير بس انا باقى على العيش و الملح باقى على العشره على الحب اللى بينا
نور / انهى حب
مروان / الحب اللى خلاكى على زمتى حتى و انتى ما بتخلفيش
نور / ما بتخلفيش ما بتخلفيش هى دى مشكلتك يعنى
مروان / دى مشكلتك انتى
نور / الخيانه مش مشكله صح حقك صح هتقول لربنا اصل مراتى ما بتخلفش صح
مروان / انا ما بخونكيش انا ما بعملش حاجه حرام
امانى تطلع من جوه
امانى / انتى لسه بتحاولى معاه يلا انا لميت الحاجه يلا
مروان / انا قولتلك يا نور لو خرجتى من البيت ده ما انتش رجعاه
نور / لا انا همشى على الاقل ما تبقاش مجبر انك تضحى و تعيش مع واحده ما بتخلفش زيي عن اذنك
امانى تفتح الباب و تخرج و نور تقفل الباب و مروان يقعد ينفخ على السلم منال واقفه تشوف نور بتعيط تطبطب عليها و تحضنها و تدخلها جوه امانى تدخل وراهم و تقفل الباب و تقعد
…………………………
فى شقه ندى
ندى نايمه فى وضتها تحس ان فى حد قعد جنبها على السرير تقوم مفزوعه
على / دا انا دا انا
ندى / على انت هنا
ندى تحضن على و تعيط يطبطب عليها
ندى / انا تعبانه اوى يا على
على / عرفت عرفت كل حاجه و عشان كدا جيت
ندى / انا ما عدليش حد ما عدليش اى حد
على / انا جيت عشان اخدك قومى ارجعى معايا مصر قومى
ندى تشيل الغطا من عليها بطنها تبان تحط الغطا عليها تانى و تبص فى الارض و تعيط
ندى / كان غصب عنى والله كان غصب عنى
على / اى حاجه حصلت الفتره اللى فاتت انسيها قومى معايا عشان نلحق الطياره قومى انا هرجعك مصر قومى
ندى / انا بحبك اوى يا على
على / قومى يا ندى قومى
ندى / مش عارفه مش قادره
على / قومى يا ندى قومى
صوت على ينعم و يبقى صوت حريمى / قومى يا ندى قومى بقى و خدى الدوا
ندى تفتح عينها تلاقى الخدامه بتحاول تصحيها تبصلها بحزن و عنيها مليانه دموع
الست / تعبتينى بقالى ساعه بحاول اصحيكى معاد الدوا بتاعك
ندى / لا لا لا لا لا حرام لا حرام
الست / هو ايه اللى حرام دا دوا هو انا هديكي خمره
ندى تزق الست و تطلع بره تجري و هى بتعيط و الخدامه بتجرى وراها
ندى / لو هموت مش هفضل هنا مش هقدر حرام
الست / استنى يا بنتى هتروحي فين استنى استنى
ندى تفتح باب الشقه ووراه الباب الحديد و تجرى فى الجنينه تفتح البوابه و تطلع و هى بتجرى تخبطها دوريه شرطه معديه تفرمل فجاه ندى تقع فى الارض
…………………………………..
فى شقه انور
منال جايبه لمون و بتديه لنور اللى بتعيط
منال / استهدى بالله يا بنتى ما تعمليش فى نفسك كدا
امانى / ياما قولتلك ما يستاهلكيش و ادى اخرتها والله لقول لامه الكلب ابن الكلاب و تعرفى
منال / اهدى بس يا ست امانى مش كدا
امانى / اهدى ايه هو عامل حساب لحد انا يقولى انتى مالك
منال / هو بس ايه اللى حصل لكل ده
نور / بيخونى انا قلبى كان حاسس من الاول البيه بيخنى و معاها ست نهاد بتاعته
منال / و انتى عرفتى منين بس
نور / حد بعتلى رساله بيقولى شوفى جوزك فين و مع مين
منال / يا بنتى استهدى بالله ما يمكن مظلوم
امانى / اللهم طولك يا روح هو انتى علاطول فى صفه كدا يا ست منال
منال / ابدا والله انا طول الوقت فى صفها هى فى صف نور و بيتها
امانى / انهى بيت ده انهى زوج ده ده لو كان
منال / يا ست امانى يمكن مظلوم
امانى/ عملنا باصلنا و اتكلمنا بالراحه ما رضيش يقول كان فين و عمال يكدب كنت فى الشركه لا كنت فى ماموريه
نور / و فى الاخر عمال يعايرنى انى ما بخلفش
باب الشقه يتفتح و انور يدخل و معاه على نور و امانى يتعدلوا و نور تمسح دموعها
انور / الله الله الله مالك يا نور يا بنتى فى ايه
امانى / مفيش حاجه يا حج انا بقول نمشى بقى يلا يا نور … ازيك يا على يابنى
على / ازى حضرتك
منال / ادى لنفسك فرصه يا بنتى
امانى / خلاص خلصت انا اول ما هروح هكلم امه و ننهى الموضوع ده يلا يا نور
انور / معلش يا على توصلهم
على / اوى اوى اتفضلوا
منال / مش عاوزين نتقل عليك
على / هو انا اطول اتفضلى اتفضلى
منال و على و نور ينزلوا
…………………………
فى شقه أية
أية تدخل و هى فرحانه
أية / عمر عمر
سمر تطلع من المطبخ
سمر / نايم جوه خير فى ايه
أية / خير يا ماما كل خير
أية / طب عن اذنك
أية تجرى على جوه
سمر / طب اغرفلك تتغدى …… يوووووه و لا كانى بتكلم خليه ينفعك ياختى
…………………
فى اوضه عمر
عمر نايم أية تنط جنبه على السرير يتفزع
عمر / استغفر الله …. هو انتى لا بجد استغفر الله هو فى حد عاقل بيعمل كدا
أية / المستر ادانى عشرين جنيه ممضيه
عمر / كلبه فلوس
أية / يابنى هو ادهانى صدقه انا جبت اعلى درجه عنده فى العيال كلها الشهر ده
عمر / بتتكلمى جد
أية / ادى ورقه الامتحان و ادى العشرين جنيه
عمر / تصدقى انى هاخدك افسحك حته فسحه ما شوفتيهاش فى حياتك
أية / تقل جيبك يا بابا عشان الشهر ده انا هقفل كل المواد
عمر / تصدقى يا بت انتى لو جبتى مجموع السنادى تعرفى انا هعملك ايه
أية / ايه
عمر / هديكى على كل ماده تقفليها متين جنيه ايه رايك
أية / طظ
عمر / وحياه امك
أية / ما يكفوش طبعا
عمر / مش قولت كلبه فلوس
أية / لا بس حتى لو قفلت المواد كلها حتى اللى مش بتخش فى المجموع مش هيجيبوا حق الفستان و الكوافير و الاستوديو دا غير القاعه يا عمر
عمر يرفع حاجبه و أية تبصله برجاء
أية / هو انت مش وعدتنى انك تعملى اكبر فرح و تلبسنى احلى فستان يا عمر
عمر / و ان كنت مش عاوز فرح
أية تبصله
عمر / انا مش عاوز فرح يا أية
أية بانكسار / ماشى
عمر / بس ممكن اطلعك مصيف فوق الفلوس ايه رايك
أية / ماشى حلو انا هقوم اخش الحمام عن اذنك
أية تمشى و عمر بيبص عليها
……………………………
فى العربيه مع على
امانى راكبه جنب على بتتكلم فى التليفون و نور قاعده ورا بتحاول تدارى دموعها
امانى / بقالى ساعه بطلبك ما بتردش ليه …… بلا مؤتمر بلا زفت انت تاخد اول طياره و تنزل مصر …………. اه سى زفت بيقولى انا و انتى مالك كته مل على جنابه ابن المبطرخه ……… انت مش بتقول جايبلها خدامه عدن المؤتمر اتمد يومين ……… بقولك تركب اول طياره و تنزل تعرفه مقامه ………. ماشى ابقى كلمنى سلام
نور / ايه اللى عملتيه ده يا ماما
امانى / ايه كلمت اخوكى انتى عارفه كويس ان الكلب ده ما بيعملش حساب لحد قده
امانى تبص لعلى / انا ابنى مش شويه دا مدير كبير فى الخليج بيقبض بالدولار دا فى لبنان دلوقت
على / ربنا يزيده
امانى / قال ايه مقصوف الرقبه يقولى انا انتى مالك يا مين يلايمني على رقبه امه دلوقت
على / اهدى بس يا امى صحتك
امانى / امى تصدق يا بنى انا حبيتك ابن الكلب عمره ما قالها شوف بقالهم كام سنه متجوزين عمره ما قالها
نور / خلاص بقى يا ماما
امانى / طب انا هشهده هما مش رجاله زى بعض هو يحكم
نور / ماما
امانى / دلوقت مراتك جالها رساله على الموبايل شوفى جوزك فين روحنا الشركه ما يعرفوش عنه حاجه استنيناه فى البيت
نور / ماما لو سمحتى
امانى / اسكتى يا بت بتكلم ……… نقوله كنت فين يقول فى الشركه البجح بيكدب علينا لا و لما نقوله روحنا ما لقيناكش بكل بجاحه انا كنت فى ماموريه و لما اتزنق بيبجح فينا قال ايه ما بتخلفش
نور تصرخ و هى بتعيط / ما خلاص بقى ممكن خلاص هو ايه ما حدش بيحس بيا ليه
امانى / الله هو انا قولت حاجه
على يركن العربيه و ينزل منها
امانى / عاجبك كدا احرجتى الراجل دى عمايل بنت محترمه تزعقى لامك كدا قدام الراجل يقول ايه
نور / حرام عليكى حسى بيا انا جوايا نار ما بتنطفيش هو لازم الناس كلها تبصلى بشفقه لازم كل الناس تعرف و اول ما هندخل البيت هتمسكى التليفون و تحكى لمصر كلها نفر نفر عن اللى حصل
امانى/ طب بس اهدى يا بنتى حقك عليا
نور / انا تعبت و مش عارفه انا عملت ايه لكل ده
على يفتح باب العربيه و فى ايده علبتين ايسكريم يدي لامانى و يدى لنور نور تبصله
على / ايسكريم الراجل ده جامد اوى ما بعديش من هنا الا لما باكل من عنده المانجه بتاعته تحفه دوقى يا امى
امانى تاخد
على / روقى دمك ما حدش هينفعك هما الرجاله كلهم كدا صنف ما يتبكيش عليه
نور تبتسم
على / انتى عارفه انا ابويا اتجوز تلت مرات
امانى / تلاته
على / اه والله يا امى الاولى جاب منها اتنين و طلقها و التانيه جاب منها ولد و راح اتجوز عليها التالته اللى عمرت معاه سبحان الله ما خلفش منها
نور تبص الناحيه التانيه
على / مش شرط يكون مشكلته العيال هو اللى بيبع بيدور على اى حجه ما حدش هيقول ان العيب كان فيه العيب دايما فيكى انتى عشان ابيع بضمير مرتاح
نور تبصله
………….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سلف ودين)
