رواية سلف ودين الفصل الثالث عشر 13 بقلم لولو محمد
رواية سلف ودين الجزء الثالث عشر
رواية سلف ودين البارت الثالث عشر
رواية سلف ودين الحلقة الثالثة عشر
امانى / عاجبك كدا احرجتى الراجل دى عمايل بنت محترمه تزعقى لامك كدا قدام الراجل يقول ايه
نور / حرام عليكى حسى بيا انا جوايا نار ما بتنطفيش هو لازم الناس كلها تبصلى بشفقه لازم كل الناس تعرف و اول ما هندخل البيت هتمسكى التليفون و تحكى لمصر كلها نفر نفر عن اللى حصل
امانى/ طب بس اهدى يا بنتى حقك عليا
نور / انا تعبت و مش عارفه انا عملت ايه لكل ده
على يفتح باب العربيه و فى ايده علبتين ايسكريم يدي لامانى و يدى لنور نور تبصله
على / ايسكريم الراجل ده جامد اوى ما بعديش من هنا الا لما باكل من عنده المانجه بتاعته تحفه دوقى يا امى
امانى تاخد
على / روقى دمك ما حدش هينفعك هما الرجاله كلهم كدا صنف ما يتبكيش عليه
نور تبتسم
على / انتى عارفه انا ابويا اتجوز تلت مرات
امانى / تلاته
على / اه والله يا امى الاولى جاب منها اتنين و طلقها و التانيه جاب منها ولد و راح اتجوز عليها التالته اللى عمرت معاه سبحان الله ما خلفش منها
نور تبص الناحيه التانيه
على / مش شرط يكون مشكلته العيال هو اللى بيبع بيدور على اى حجه ما حدش هيقول ان العيب كان فيه العيب دايما فيكى انتى عشان ابيع بضمير مرتاح
نور تبصله
على / كلى الايسكريم قبل ما يسيح
امانى تدوق
امانى / والله يابنى معاك حق طعمه حلو اوى
على / تسمحيلى يا امى اخدكوا مشوار صغير
امانى / على فين يابنى
على / لا معلش خليها مفاجاه بس انا متاكد انها هتغير مودكوا خالص
نور / لو سمحت يا استاذ على انا مش عاوزه اتقل عليك اكتر من كدا
على / اقسم بالله ما يحصل ابدا على ما تاكلى الايسكريم نكون وصلنا و ما تقلقيش هوصلك لحد باب البيت انا اصلى صايع ما وراييش حاجه ههههههههههههههههههههههههههههههههه
امانى تضربه على دراعه بهزار يبتسملها
………………………….
فى المستشفى
ندى / انا اسفه اوى انا ما كنتش فى وعيي ما اعرفش انا عملت كدا ازاى حلمت ان البيت بيولع طلعت منه اجرى ما بصتش قدامى
الظابط / حمد الله على السلامه
ندى / هو انا ممكن اروح هو مش حضرتك شوفت كل الورق
الظابط يبص للدكتوره واقفه
الدكتوره / انا شايفه ان وضعها مستقر مفيش مشكله انها تروح
ندى / طب انا ما اعرفش العنوان بتاع البيت
الخدامه / انا عارفه معلش اصلها ما بتخرجش لوحدها ابدا دايما جوزها معاها
الظابط / ممكن نوصلك على البيت
ندى / ياريت
ندى تقوم و الكل يتحرك
…………………………
فى المحل اللى قدام الجامعه
على / اتفضلوا
شاب / اهلا يا علوه
على / احلى ترابيزه عندك هوا
الشاب ياخدهم و يقعدهم فى ترابيزه و يجرى يجيب ميه ساقعه
امانى / شكلك بتيجى هنا كتير العمال عارفينك
على / اه باجى كل يوم
امانى / كل يوم
الشاب يرص المنيوهات
الشاب / علوه صاحب المحل يا ست الكل
امانى / ما شاء الله ما شاء الله
على / الحق يتقال الحج انور هو صاحب كل حاجه بس هو بيعتبرنى زى ابنه هو اللى مربينى
امانى / ليه حق والله
على / ها تتغدوا ايه بقى
امانى / لا غدى ايه دا الايسكريم
على / اقسم بالله ابدا طب و الله لازم تتغدوا
نور تبص على ركن فاضى
على / لما بيبقى المحل زحمه بنحط هنا كراسى زياده و ترابيزات كنت بفكر اعمله بيتزا بس مش لاقى شيف جامد
نور / طب ما تعمله كريب
على / افندم
نور / اللى بيعمل شاورما سهل اوى يعمل كريبات كريب دى عجيبنه سايبه كدا بتتفرد تبقى عيش و يتحط جواها الشاورما على جريل مخصوصه كدا
امانى / دا نور استاذه فى الكريب ما دوقتوش انت بقى منها و لا لما بتملاه جبن بقى ما اقولكش
على / لا اشوف موضوع الكريب ده
نور / و مش محتاج مساحه خالص على فكره يعنى برده ممكن تحتفظ بفكره البيتزا لو عاوز
الشاب يجى يحط سلطات و مخلل
الشاب / ها يا ست الكل اختارتى حاجه
على / بيتهيالى لازم تجربى الشاورما بتاعتنا متاكد هتعجبك فراخ و لا لحمه
امانى / فراخ
على / هيعجبك العيش الفرنساوى ايه رايك مدام نور
نور / مفيش مشكله
على / تمام تسعه اكسترا وصايه
نور / تسعه
على / لو ما عندكيش مانع هاكل معاكوا على الاقل يبقى بنا عيش و ملح
امانى / بص يابنى انا هقبل عزومتك دى بشرط
على / اؤمرى يا امى
امانى / اننا نردهالك و تيجى عندنا فى البيت و تتعرف على الحج و اهو بالمره تدوق الكريب بتاع نور
على / اوى اوى دا يشرفنى
تليفون امانى يرن
امانى / اخوكى …. الو الو الو
على / الشبكه هنا زفت اوى
امانى تقوم
نور / انت بتعمل كدا ليه
على / انا ؟؟؟ بعمل ايه
نور / ايسكريم و غدا ليه
على / جعان
نور / لو سمحت بتكلم جد
على / و انا كمان بصى فى يوم من الايام شوفت واحده حلوه زيك كدا نامت زعلانه ما صحيتش سابت وراها تلت ملايكه الدنيا شالت و حطت عليهم لما قالت يا بس تفتكرى فى حاجه فى الدنيا تستاهل نموت عشانها
نور / و انت مين قالك بقى انى زعلانه اوى كدا لدرجه القهره
على / ههههههههههههههههه لا يا ست الكل اللى مقهوره اوى و عماله تغلى هناك اهى
على يشاور على امانى بتتخانق فى التليفون نور تبتسم
على / انا مش عارف هى اللى مضايقها اكتر اللى جوزك عمله و لا انه قالها و انتى مالك دى هتنزل اخوكى من لبنان بس لمجرد ان حد قالها انتى مالك مش حوارك انتى خالص
نور / ههههههههههههه انت اصلك لا تعرف ماما و لا تعرف اخويا دا ممكن يقتله لو زعلنى بس
الشاب يجيب السندوتشات
على / تسلم يا هيما اتفضلى كلى
نور تبص للناحيه التانيه
على / انتى عارفه انى ما بكلش الشاورما
نور / امال طلبتها ليه
على / عشان بحبها
نور / دا اللى هو ازاى برده
على / زمان كان ليا اخت زيك بتحبها اوى و ما كنتش انا كدا كنت حته صبى فى محل المهم كنت باخد مع اليوميه و انا مروح سندوتشين كنت بديهملها و ما باكلهاش من حبى فيها بس ربنا كان بيحبها اكتر منى و خدها جنبه
نور / انا اسفه
على / ما تعتزريش الموت راحه تانى يوم ادونى الكيس فيه السندوتشين حلفت انى عمرى ما هحطها فى بقى تانى و لحد النهرده ما دقتهاش حتى من حوالى حداشر سنه ما اكلتش شاورما
نور تبصله
على / انا متاكد ان اخوكى هينزل من لبنان مخصوص عشانك و متاكد اكتر انه لما هينزل هيبهدل الدنيا بس يمكن على ما يوصل مصر مروان … مروان صح
نور تهز راسها اه
على / يمكن يجى و يعتزر و يراضيكى تفتكرى اخوكى هيقبل ساعتها بالصلح
نور / و انت مين قالك انى ممكن اقبل بالصلح انت ما تعرفش حاجه
امانى ترجع و هى بتنفخ
على / خير
امانى / مرات اخوكى فى المستشفى خبطتها عربيه
على / لا اله الا الله
امانى / هى المصايب لما بتيجى بتيجي كلها كدا مره واحده معلش يا استاذ على بس احنا لازم نروح
على / طب ثوانى
على يشاور لهيما
على / فى ثانيه السندوتشات تيك اواى
هيما يلم الاطباق بسرعه و يجرى و على ياخدهم على العربيه على ما يركبوا هيما يجيب الكيسه و على يسوق العربيه و يطلع
…………………………
فى الشركه عند عمر بالليل
غاده / احم احم
عمر يبصلها و يبتسم
عمر / اهلا بالمديره نورتى مكتبى المتواضح
غاده / ايه ياعم بقالى ساعه واقفه لقيتك سرحان قلت اشوفك هتاخد بالك منى امتى و انت ما شاء الله و لا عبرتنى
عمر / هههههههههههههههههههههه
غاده / اللى واخد عقلك
عمر / و لا حاجه ايه عندها امتحان الثانويه العامه الشهر الجاى
غاده / ربنا يوفقها و ده اللى موترك
عمر / لا بس شايل هم الهديه
غاده / ههههههههههههههههههه
عمر / انتى بتضحكى
غاده / يا بنى البنات بيتراضوا باقل حاجه انا اللى هقولك دا انت بتضحك عليا باكله
عمر / ههههههههههه انتى اللى طفسه اعملك ايه
غاده / بقى كدا المهم كنت جايه اقولك ان الشركه الايطاليه حددت معاد الوصول عشان نمضى العقد اخيرا
عمر / بجد الف الف مبروك
غاده / بص بقى يا سيدى انا اخترت فندق جامد جدا فى الغردقه هنستقبل فيه الوفد اقامه شامله و طلبت من اداره الفندق انها تبعتلنا بروجرام محترم للفتره دى
عمر / و ليه الغردقه
غاده / انت بتهزر صح الناس جايين مصر اول مره و لازم ينبهروا و انا ما لقتش مكان احسن من ده بحر و رمله و شمس و لاجون هتعوز اكتر من دا ايه
عمر / ما الها الاهرامات يعنى هاه ما الها ردى عليها ما الها اثار و فرعونيه و حاجه تبهر برده
غاده / انت بتقارن ايه بايه يا سيدى اعتبر نفسك بتتفسح
عمر / قلتلك مليون مره ما تشغليش دماغك دى هتشحطتنا
غاده /والله طب تصدق كلمه كمان و هنقل الاقامه لاقصر و اهو اثار و فرعونيه و روح اتحرق براحتك بقى يا عمر
عمر / ربنا على القوى ماشى هيوصلوا امتى
غاده / كمان اسبوعين
عمر / بسرعه كدا
غاده / احنا هنتامر خلينا نمضى و ننجز
عمر / طب خلاص ما تكركبيهاش فوق دماغى هشوف ظروفى
غاده / ظروف ايه انا كلمت دكتور سعيد هيغطى غيابنا طول الاسبوع الجاى
عمر / بتهزرى
غاده / هو انا بلعب و لا ايه كدا ما لكش حجه جاى يعنى جاى يلا انا لازم اقوم بقى عشان عندي مشوار مهم
عمر / سلام
غاده / ايه ده مش هتسالنى فين
عمر / انا عمر مش غاده
غاده / يا رخم برده هقولك فاكر البت صافى اللى كانت معانا فى الدفعه
عمر / ما لها
غاده /حنتها النهرده و هنروح نروش
عمر / عقبالك
غاده / كان نفسى اقولك تعال معايا بس دى جيرلز اونلى و هنولعها
عمر / هههههههههههههههههههه ماشى يا ستى الله يسهلوا
غاده / سلام
…………………………..
فى شقه نهاد
مروان قاعد هيطق نهاد تدخل مدلعه على الاخر و فى ايدها صينيه عليها عصير
نهاد / اشرب روق اعصابك
مروان / اللى يحصل يحصل بقى
نهاد / للدرجادى خايف على زعلها
مروان / لا مش قصدى بس يعنى انتى فاهمه زى ما دخلنا بالمعروف نخرج بالمعروف انا بس اللى هيجننى مين ابن الكلب اللى بعتلها الرساله دى
نهاد / اهدى بس اعصابك
مروان / اما لو وقع تحت ايدى ابن الحرام ده والله شوفى والله
نهاد / مروان اهدى
نهاد تقعد على ايد الكرسى اللى مروان قاعد عليه و تحط ايديها على وشه و مروان يبصلها تليفون مروان يرن نهاد تبتسم و تقوم تجيبه و تديهوله
مروان / ماما …….. الو ايوه يا ماما …………. ممكن بس تهدى ………. مسافه السكه و هجيلك …………. سلام
مروان يرزع التليفون على الترابيزه و هو بينفخ
نهاد / انت عارف انى ممكن اخرجك من الموضوع ده فى ثانيه
مروان / ازاى
نهاد / بسيطه اهدى بس و انا هقولك
………………………….
فى شقه عمر
عمر يدخل يلاقى النور مطفى و الكل نايم يغير هدومه و ينام بالراحه أية تقلق
أية / انت جيت امتى احطلك تتعشى
عمر / تسلمى انا عاوز انام
عمر ينام و أية تنام فى حضنه
عمر / انا فكرت فى موضوع الفرح يا أية
أية / بص يا عمر انا مش فارق معايا انا فكرت و مش عاوزاه
عمر / بجد
أية / انا بس عوزاك جنبى والله مش فارق معايا حد تانى و لا حاجه تانيه
عمر / انا هسافر الغردقه كمان اسبوعين
أية / الغردقه ؟؟؟
عمر / اه صفقه مهمه و انا شغال عليها بقالى فتره و فى فوج ايطالى هيجى من بره و لازم اكون موجود استقبله
أية / و هتقعد اد ايه
عمر / اسبوع
أية / هتسبنى لوحدى اسبوع
عمر / ليه هى امك هتروح فين
أية / تروح و تيجى بالسلامه
عمر / لو ما كانتش فتره المراجعه و كدا كنت خدتك معايا على فكره
أية / غاده جايه مش كدا
عمر / اكيد
أية / ربنا يوفقك
عمر / هدوئك قالقنى
أية / المفروض اتنرفز و اتعصب مش كدا
عمر / الطبيعى بتاعك
أية / و انت تجرحنى او تقلل منى مش كدا
عمر يبصلها و يسكت
أية / تصبح على خير يا عمر
أية تحط راسها على صدر عمر و تغمض عينها و عمر ثوانى و يقوم و هى بتبص عليه لحد ما يخرج من الاوضه تخرج وراه تلاقيه طلع وقف فى البلكونه
………………………….
عند ندى تانى يوم
حسام يفتح باب اوضه ندى يلاقيها قاعده على السرير مقرفصه وواخده ركبها فى حضنها و بتعيط يروح يقعد جنبها
حسام / مالك قاعده كدا ليه
ندى ما تردش
حسام / كنتى عاوزه تنزلى مصر
ندى تبصله
حسام / انا هنزل مصر تحبى تيجى
ندى / انت بتتكلم جد يا حسام و لا بتعشمنى زى كل مره انا ما عدتش مستحمله
حسام / نور متخانقه مع جوزها خناقه كبيره اوى و غلط فى ماما و الموضوع شكله ابن كلب هيخلص على طلاق
ندى / البت اياها برده
حسام / اه بس المرادى وسعت منه ما عرفش يلمها
ندى / اتلم المتعوس على خايب الرجا
حسام / انا كان ممكن اسافر من بره بره و ارجع و اسيبك هنا على فكره
ندى تبصله
حسام / بس انا شايفك عقلتى اخيرا
حسام يعدى ايده من على شعر ندى تبعدها و تقوم تقف فى جنب يروح وراها
حسام / كانوا بيقولوا زمان البت بتاخد من جمال امها بس واضح انها ما اثرتش عليكى خالص واضح انك بتحلوى كل يوم عن اللى قبله
حسام يقف فى ضهرها و يبوسها من رقبتها تبعد عنه
ندى / انت بتعمل ايه ما تبطل قرف بقى يا اخى انت ايه
حسام / و انا اللى جاى و فكرك عقلتى
ندى / انا ابقى مجنونه لو طاوعتك لو فاكر انى ممكن استسلملك تبقى غلطان الطريقه الوحيده اللى هتطولنى بيها هى غصب عنى عشان اللى زيك ما ينفعش غير انه يكون حرامى
حسام / الله ما البوليس جالك لحد عندك ما بلغتيش عنى ليه ايه خفتى يحبسوكى الا قوليلى السجن اهون و لا مستشفى المجانين اهون يا ندى خفتى من انهى اكتر ايه اللى سكتك فيهم
ندى / حسام ممكن اسالك سؤال بجد
حسام / اتفضلى
ندى / هو فى اوطى من كدا و لا كدا خلاص
حسام / ماشى انا هنزل مصر بكره و انتى خليكى هنا و فكرى فى سؤالك ده براحتك
ندى / كنت متاكده انك مش هتقولى تنزلى مصر من غير مقابل على العموم انت لازم تفهم ان على قد ما انا زعلانه عشان نور لازم تفهم ان ده حقى منك ربنا بيخلصه بس للاسف بيخلصه من اختك اللى ذنبها الوحيد فى الدنيا انها اختك زى ما ذنبى الوحيد انك ابن عمى اتفو عليك
حسام يسقف / حفظتيها لوحدك و لا حد ساعدك انا داخل انام هسيب باب الاوضه مفتوح يمكن تعيدى التفكير تانى تصبحى على خير
حسام يمشى ندى تمسك الاباجوره و تحدفها وراه تتكسر ميه حته و هى بتصرخ و تقعد تعيط
……………………………….
تانى يوم بالليل عند ندى
الست / تروح و تيجى بالسلامه يا سى حسام
حسام / عينك عليها
الست / فى عينى والله يا سى حسام
حسام / اقسم بالله لو اللى حصل و انا فى لبنان اتكرر تانى لتشوفى منى اللى عمرك ما شوفتيه
الست / والله ابدا انت هتمشى من هنا و انا هتربس كل الابواب
حسام / اتاكدى ان فى فى تلاجتها اكل و ميه و عصير و فاكهه مش عاوز يبقى ناقصها حاجه
الست / والله جبت كل حاجه النهرده الصبح و ما ليت التلاجات اكل يكفى تلت ايام هو انت هتتاخر اكتر من كدا
حسام / ان شاء الله لا
حسام يبص على باب اوضه ندى يلاقيه موارب و هى واقفه وراه
حسام / مع السلامه يا حوبى
ندى ترزع الباب حسام يضحك و ياخد شنطته و يمشى
……………………………
تانى يوم فى الشركه عند غاده
غاده / مالك يا عمر مش مركز خالص تعبت كفايه و نروح
عمر / انا قررت انى هسافر معاكوا الغردقه
غاده / دا على اساس ان ما كانش ينفع تسافر اصلا مش بمزاجك يابنى
عمر / انا محتاج اوى افصل عن هنا
غاده / ليه فى ايه خير مالك
عمر / مفيش بس محتاج اقعد مع نفسى شويه بعيد عن كووووووول الهم ده
غاده / اى تولد يو على فكره انا قولتلك ان كل ده هيحصل بس انت ما سمعتش
عمر / تصدقى بعد الجمله دى هفكر تانى فى موضوع السفر ده
غاده / اه الاوفر ده هو انت هتسافر روسيا دى سهل حشيش
عمر / هى حصلت للحشيش يا غاده
غاده / قوم روح يا عمر قوم
عمر / هههههههههههههههههههههههههههه ما انا مروح فعلا هو انا هبات هنا
غاده تبتسم و تلم حاجتها و تقوم هى و عمر
……………………………..
تانى يوم الصبح فى شقه نور
باب الشقه يخبط محمد يروح يفتح يلاقى حسام شايل شنطه صغيره ياخده بالحضن
محمد / اهلا اهلا ايه المفاجاه الحلوه دى ادخل ادخل ما قولتش ليه انك جاى كنت روحت خدتك من المطار
حسام / مش مستهله يعنى امال فين نونو و ماما مش سامعلهم حس
محمد / نايمين يا سيدى ما انت عارفهم
باب اوضه يتفتح و نور تطلع تجرى على حسام تحضنه
نور / حسام انت جيت
حسام / و هو انا عندى اغلى منك يا بت
نور / الله امال ندى فين
محمد / صحيح ندى فين
حسام يقعد على اقرب كرسى
نور / فى ايه يا حسام
حسام / ندي الدكتور ما انعها من السفر قبل الولاده و طبعا زعلانه منى اخر زعل
محمد / هى لسه بتقول الهبل ده
حسام / هبل ايه
محمد / انت عارف اللى قالتهولى فى التليفون
حسام / هههههههههههههههههههههههههه يا بابا يعنى هو دا كلام يدخل العقل دا اى بتنجان عشان ترجع مصر دا انا كنت حجزتلها تزاكر السفر فعلا و قولت هسفرها و تانى يوم راحت المستشفى فاكره يا نور
نور / اه فاكره دا احنا اتخضينا عليها اوى
حسام / الدكتور لما شافها قالها مش هينفع تنزل و دى بقى ما اقولكوش ما ينفعش اولد بعيد عن ماما و حوار دى مخصمانى من اول امبارح و بتنام فى الاوضه التانيه قال ايه هاتلى ماما و انت جاى يا اما ما ترجعش
محمد / معزوره يابنى
حسام / معزوره ايه يا بابا بالله عليك تسبنى فى حالى انا مخنوق بما فيه الكفايه مشاكل فى الشغل و مشاكل فى البيت انا اصلا نويت ندى تولد و انزل مصر بلا غربه بلا قرف اقسم بالله لولا انى خايف يجرالها حاجه فى السفر كنت نزلت
نور / للدرجادى يا حسام
حسام / يا بنتى حاجه قرف و اسافين طول الوقت تخيلى صاحبى اللى معايا رجل برجل من يوم ما سافرت خدت ندى تتعرف على مراته و اهو ما تبقاش لوحدها و كدا
نور / و بعدين
حسام / عينك ما تشوف الا النور يوميها روحنا اتخانقنا قال ايه انا ما كنتش بسيب دبانه تعدى الا لما اصاحبها
محمد / ههههههههههههههههههههههههه
حسام / و انا لو كنت بفهم فى البنات كنت اتجوزت بالسرعه دى طب دا انا حمار شغل و اقولها يا ستى لنفرض ان ده صح ما انا اتجوزتك دلوقت تقولى يعنى بتعترف
نور / طب والله بت عسل
حسام / هو انا بحبها من شويه
نور / بس ما كانش يصح ابدا تسيبها لوحدها و ترجع يا حسام هى ما لهاش غيرك هناك و تعبانه تقوم تسيبها لوحدها
حسام / و المفروض اعمل ايه يا نور اسيبك فى الظروف دى
محمد / لا يابنى بس مراتك اولى
حسام / على العموم انا قاطع تزكره رايح جاى هما تلت ايام بالعدد باذن الله هشوف الحوار ده و اخلصه و ارجعلها
نور / حسام هى بجد ندى تعبانه
حسام / اقولك ايه بس تعرفى لو الدكتور قال ان السفر خطر على البيبى كنت سفرتها و قولت مش مشكله ربنا يعوضنا بس دا اكدلى ان السفر خطر على حياتها هى
محمد / و لا هى و لا البيبى يا حسام ما تقولش كدا باذن الله خير اصلا مستشفيات بره انضف مليون مره و انت هتبقى جنبها هى فاضل اد ايه على الولاده
حسام / اهى فى اخر السادس اهو هانت
نور / باذن الله بنوته صح
حسام / اه باذن الله …. ايه هى ماما فى غيبوبه و لا ايه
نور / هخش اصحيها
حسام / ما لوش لزوم انا هنزل اروح مشوار صغير على ما تصحى و ربنا يستر و التلت ايام دول يعدوا على خير
نور / ليه خير
حسام / ههههههههههههههههههههههههه انتى فاكره عمى و مراته هيعدوا نزولى من غير ندى كدا بالساهل انا ما قولتلهمش اى حاجه عن تعبها
محمد / احنا ممكن ما نقولهمش انك جيت اصلا و تسافر من بره بره
حسام / يا بابا انت طيب اوى زمان ندى اتصلت بيهم و عيطتلهم نزل و سابنى و عملت فيلم
نور / كل ده بسببى
حسام / انا هنزل ساعه زمن ارجع الاقى احلى غدى لحسن بطنى نشفت من اكل السوق و انتى عارفه شطاره مراه اخوكى
نور /هههههههههههههههههههههههه من عنيا تيجي بالسلامه
حسام يقوم و يخرج و نور تقفله على الباب لحد ما ينزل و بعدين تقفل الباب و تروح تقعد مع ابوها و هى مبتسمه
……………………………………
فى شقه عمر
أية تدخل اوضتها تلاقى عمر لسه نايم
أية / عمر عمر
عمر يفتح عينه
أية / انت مش ظابط منبه و انا نازله خفت يروح عليك معاد و لا حاجه
عمر / لا ما وراييش حاجه النهرده
أية / طيب نام
عمر / استنى هلبس و اوصلك و لا هتتاخرى
أية / لا لسه قدامى وقت بس
عمر /اعمليلى …. شاى شاى
أية / لا هعملك قهوه
أية تقوم و عمر بيبص عليها و يضحك و يقوم وراها ياخد غيار و يروح الحمام
………………………………..
فى شقه ندى فى مصر
حسام يركن العربيه قدام العماره و ينزل من العربيه على يشوفه حسام يشاورله و يبتسم و يطلع و على واقف مستغرب و بيدور بعنيه على ندى …. حسام يطلع شقه عمه و يضرب الجرس عمه يفتح
مصطفى / حسام ايه المفاجاه الجامده دى جيت امتى اتفضل اتفضل
حسام يدخل و يقعد و مها تطلع من جوه تجرى
مصطفى / فين ندى
حسام يبص لمها
مها / ندى كويسه مش كدا يا حسام فى ايه ما جاتش معاك ليه يابنى
حسام / كويسه كويسه الحمد لله ما فيهاش حاجه
مها تجرى تقعد جنبه
مها / امال ما جاتش معاك ليه
حسام / اخبار شقتنا ايه يا عمى انا شوفتها قبل ما اجى كنت متخيل هلاقيها خلصانه عن كدا مش دا كلام بابا و لا حضرتك ليا فى التليفون
مها / ما تغيرش الموضوع ندى ما جاتش معاك ليه
مصطفى / هى لسه زعلانه منى
حسام / اكيد طبعا ندى رفضت تنزل مصر
مها / مش ده اللى كانت بتقوله فى التليفون و لا بتقوله لامك
حسام / ايوه عارف ما انا ما خلصتش كلامى … ندى عاوزه تنزل مصر فى شقتها مش عاوزه تعيش هنا و بصراحه و لا انا اقبل انها تقعد هنا
مصطفى / مش فاهم حاجه
حسام / ندى رافضه تقعد مع والدتى فى شقتنا و انا رافض انها تعيش فى الشقه هنا فنزلت اشوف وصلنا لفين عشان ننزل على شقتنا
مها / و مالها شقتنا يا حسام
حسام / زى الفل بس مش عشان انا و ندى اتجوزنا و هى حامل هننسى بسهوله هى شافت ايه هنا و مش بس بتكلم عن زعلها من عمى انا بتكلم عن مشاعرى لو شفتها فى يوم واقفه فى البلكونه و لا بتبص من الشباك و لا حتى رده فعلى لو شوفت الكلب ده بيبص عليها و بيتهيالى ده حقى
مها / يعنى انت سبتها لوحدها هناك ده اللى بتحاول تقوله
حسام / هى اللى ما رضيتش تنزل بس مش ده الموضوع
مصطفى / لا ده الموضوع ده الموضوع انت نزلت مصر من غيرها سبتها لوحدها هناك
حسام / انا نزلت تلت ايام بس عشان احل مشكله نور
مها / مالها نور
مصطفى / وقته يا مها خلينا الاول فى ندي
مها / ايوه صح انت عاوز تقنعنى انى مش وحشاها و انها مش عاوزه تشوفنى يا سيدى اقعدوا فى فندق زى شهر العسل دول تلت ايام
حسام / تشوف امها اللى كانت بتحطلها المخدر فى العصير مش كدا
مصطفى / انت قولتلها
حسام / ندى مش هبله استنتجت كل حاجه مع الوقت
مصطفى / و انت قلتلها
حسام / ما كانش ينفع اجازف انى اخسرها
مها / يعنى بقينا احنا الشياطين و انت الملاك كل ده كان فكرتك
حسام / صح…يا ندى كل ده كان فكرتى ..عشان تكرهنى انا كمان ساعتها هيبقالها مين
مصطفى / ما كانش المفروض اسمعلك من الاول
حسام / انا ليه ما حدش فاهمنى هنا انا ما غصبتكوش على اللى عملناه كلنا اشتركنا سوا و بعدين ندى مش هتفضل زعلانه علاطول انا بس بقول انها هتحتاج وقت و انا زى ما قولتلك يا عمتى فى التليفون انا نويت ارجع نهائى خلاص
مها / و ايه اللى مانعك
حسام / الفلوس اكيد الفلوس انا ما كنتش عامل حسابى على كل المصاريف دى انا كنت ناوى اخطب و ارجع اتجوزت و عملت الفرح و سبت فلوس لتوضيب الشقه و شهر العسل و السفر و الفسح عشان اغير مودها و اخرجها من الحاله اللى كانت فيها و الحمل و مصاريفه و السكن هناك و الخدامه كل دى مصاريف فى وقت قليل جدا
صمت ثوانى
حسام / ليه مفيش شغل فى الشقه يا عمى
مصطفى يقعد قدام حسام و هو ساكت
حسام / الشقه كانت محتاجه وقت اطول من ست شهور يا عمى عشان تخلص
مصطفى / الفلوس اللى كنت سايبها خلصت
حسام / ازاى ليه دا انا لو كنت اشتريت شقه جديده بالفلوس دى يوميها كان زمانى بايعها دلوقت و كسبان فيها دانا حتى سبت فلوس تكفى حتى الفرش و الحاجات اللى اصلا بتبقى على العروسه
مصطفى / قصدك ايه
حسام / انا ما اقصدش حاجه انا بس عاوز افهم سيراميك و بياض و شويه عفش هيتكلف كام
مصطفى / و كهربا و سباكه و اجهزه كهربائيه و فرش خش شوف اوضه ندى مليانه حاجات قد ايه خش شوف بنفسك هو انا هسرقك مثلا و لا ايه
حسام / لا ما اقدش بس احنا مش بنفرش فيلا مثلا
مها تقوم و تدخل جوه و مصطفى و حسام يكملوا كلامهم
مصطفى / كل جنيه اتصرف كان على يد مامتك مفيش اشايه اشتريناها الا لما كان زوق مامتك فيها قبل زوق مها هى اللى نقت الاجهزه و هى اللى نقت الحمام و المطبخ و هى اللى نقت النجف مها ما نزلتش يوم لوحدها تشترى حاجه
حسام / الخلاصه الشقه هتخلص امتى
مها تطلع من جوه و شايله شكماجيه صغيره و تديها لحسام بعنف
مها / انا كنت عاينه حتتين دهب عشان ابيعهم و اجهز بيهم ندى
حسام / عمتى
مها / اخرس خدهم بيعهم و شوف يطلعوا بكام و كمل الشقه دى انا ما قولتش لامك تجيب تلاجه ببابين و لا قولتلها تجيب عمتك و بنتها و ينقوا اغلى حاجه انا ما انكرش انى كنت فرحانه ان بنتى بيجيلها احلى حاجه بس ما احناش حراميه و لا بنسرق فلوسك انا كنت هجهز بنتى على قدى انت اللى قولت انك عاوزلها احسن حاجه انت اللى قولت
حسام / و انا فعلا عاوزلها احسن حاجه انا ما رجعتش فى كلامى
مها / قولتلك اسكت
حسام / لا مش هسكت انا شارى ندى و مستعد اعمل عشانها اكتر و لو هعيش عمرى كله بحفر فى الصخر عشان اجيبلها كل اللى بتحلم بيه هعمل كدا و اكتر
مها / اعمل احفر فى الصخر و هاتلها و افتكر يا ابن امانى انك لو عشت عمرك كلو تحفر فى الصخر قليل اوى على ندى
مصطفى / اهدى يا مها
مها / كل جنيه اتصرف كان على ايد اهلك ما سالتهمش قبل ما تيجى تحاسبنا كاننا حراميه ليه مفيش جنيه من فلوسك اتصرف فى البيت هنا انت فاهم و لا لا
حسام / انا اسف يا عمتى لو كنتى فهمتيني غلط انا بس مستعجل على نزول ندى مصر عشان الولاده و مفيش وقت هما تلت شهور بالكتير ان ما كانش شهر و عملتها و جابتها بنت سبعه
مصطفى / انا مقدر يابنى
مها / ادينى حليتلك المشكله و اهو كدا احسن على الاقل ما حدش يعاير ندى بعدين و يقول انها اتجوزت ببلاش
حسام / ما عاش و لا كان اللى يكلم ندى ربع كلمه يا عمتى
مها / بيع الدهب اللى معاك و ادى الفلوس لابوك و خليه يكمل الشقه كدا كدا كل اللى على العروسه جبناه الحمد لله الباقى يستغلوا يسترخصوا اهو فى بيتك
حسام / و مين قال انى ممكن اقبل باقل من احسن حاجه لندى
مها / امال انت عاوز ايه سايب بنتى هناك لوحدها حامل و جاى تحاسبنا ليه لو فاكر ان الفلوس هتعجزنى عن انى اشوف بنتى تبقى غلطان انا امنتك عليها امنتك انت
مصطفى / مها
حسام / و انا ما قصرتش
مصطفى / اهدى يا حسام
حسام / انا مقدر والله و عارف هى حاسه بايه انا نزلت عشان نور عندها مشكله مع جوزها و احتمال تطلق و بعد بكره الفجر هكون راكب الطياره و راجع لندى و انا مش سايبها لوحدها معاها خدامه بتاخد بالها منها كويس اوى انا مش اهبل عشان اسيب مراتى و بنتى و لو حضرتك فاكره ان عقلى مش مشغول بندى فى كل ثانيه بتعدى يبقى حضرتك بتظلمينى و انا اسف تانى على انفعالى انا غلطت ياريت حضرتك تقدرى ان على عينى انى اضطر اسيب ندى لوحدها فى الظروف دى
مصطفى / حصل خير يابنى انا فاهمك و انت ما غلطتش ده حقك
حسام / على الاقل انا جيت و طمنتكوا على ندى
مها / فين ده فين طمنتنا ازاى و انا ما اعرفش حاجه عن بنتى و انت بتقولى انها لوحدها
حسام / كان مطلوب منى ايه اقسم نفسى نصين اعمل ايه قولولى
مصطفى / بس بقى يا مها
حسام / كان ممكن اجى و اسافر و ما تعرفوش غير لما امشى بس ما يصحش ابقى فى مصر من غير ما اشوفكوا و اسلم عليكوا و لو كنا فى ظروف تانيه كنت جبت ندى و فضلنا التلت ايام معاكوا و لو فى ظروف تانيه كنت سبت ندى و رجعت لحد معاد الولاده او يمكن كنت نزلت نهائى بس انا عاجز مفيش فى ايدى اى حاجه و لو انا قصرت فاقسم بالله غصب عنى
مصطفى / انا مقدر يابنى
حسام / انا لازم امشى و بعتزر تانى عن اى حاجه عن اذنكوا
مها / استنى خد دول معاك
مها تجيب الدهب و تديه لحسام يحطه على الترابيزه
حسام / مع السلامه يا عمى
حسام يمشى
مصطفى / ايه اللى عملتيه ده يا مها
مها / انا ما عنديش وقت اتكلم معاك انا هتصل اطمن على بنتى
مها تسيب مصطفى و تدخل جوه
……………………………..
فى عربيه عمر
عمر سايق و أية جنبه فى صمت تام
عمر / هو احنا متخانقين
أية / لا ليه
عمر / مش عارف طب انتى زعلانه منى فى حاجه
أية / لا برده هزعل ليه
عمر / استر يارب
أية / هو فى ايه
عمر / انا فاضى النهرده تحبى نخرج نتغدى بره
أية / ياريت بس انا عندى دروس لحد الساعه تمانيه بالليل النهرده
عمر / ليه ان شاء الله
أية / مراجعه يا عمر خلاص ما انت عارف الامتحانات قربت و بالمناسبه بقى انا عاوزه الف جنيه فلوس المراجعه
عمر / حاضر هتروحى تلاقيهم
أية / بس دا ما يمنعش انى هعتبر العزومه دى دين عليك و هتردهالى هتردهالى
عمر يبصلها و يبتسم
أية / ايه ؟؟
عمر / مش عارف
أية / ربنا يهدى
عمر / أية دى عجبانى اوى على فكره
أية / طبعا ما هى على هواك لا بتتخانق و لا بتزن و لا بتطلب منك اى حاجه و لا حتى لزقالك
عمر / لا عشان هى دى أية اللى اعرفها أية اللى حبتها
أية / قولت ايه
عمر يركن العربيه
عمر / وصلنا الدرس
أية / اقسم بالله ما هنزل من هنا الا لما تقولها
عمر/ هههههههههههههه انجزى يا أية هتتاخرى
أية / لو ما قولتها تانى يا عمر هصرخ و الم عليك امه لا اله الا الله و اقول انك خاطفنى و اعملك ……………
عمر / هههههههههههههههههههه يخربيت جنانك يا شيخه
أية / ماشى هخلينى انا الكبيره و لينا بيت يلمنا على فكره يلا سلام عشان هتاخر بجد
عمر / هههههههههههههههههههههه سلام
أية تنزل من العربيه و تعمل باى لعمر يمشى و هى فى منتهى السعاده و تدخل الدرس و هى مبسوطه
……………………….
فى الشركه عند مروان
نهاد / عملت ايه فى موضوع نور
مروان / و لا اى حاجه
نهاد / الله ليه
مروان / مش عارف بصى انا دماغى مش فيا
نهاد / خلاص نروح سوا بعد الشركه و انا متاكده اننا اكيد هنلاقى حل للموضوع ده و لا انا ما وحشتكش و لا ايه
مروان يبصلها و يبتسم عامل يدخل
العامل / استاذ مروان حسنى بيه عاوز حضرتك
مروان / خير
العامل / ما اعرفش والله
مروان / اما اروح اشوف فى ايه
مروان يمشى
…………………….
فى مكتب المدير
حسام قاعد بيضحك مع راجل كبير فى السن
حسام / والله اول ما عرف انى نازل مصر يومين اطمن على والدى ما اقولش لحضرتك صمم انى لازم اوصل لحضرتك الهديه دى
الراجل / كتير والله يا دكتور حسام
حسام / ما قولنا مفيش دكتور دى مش حضرتك قولت انى زى ابنك
الراجل / ههههههههههههههههههههه طبعا دا يشرفنى
الباب يخبط و مروان يدخل
مروان / حضرتك …..
مروان يبص لحسام قاعد و حاطت رجل على رجل و مبتسمله حسام ينزل رجله و يقوم يحضنه
حسام / حبيبى ايه رايك فى المفاجاه دى بقى
مروان / حسام ازيك ايه المفاجاه دى
الراجل / اقعد اقعد يا مروان
مروان يقعد هو و حسام
حسام / والله يا حسين بيه انا ما كنت جاى اعطله عن شغله بس انا قولت اسلم عليه بس مدام كدا كدا جيت
حسين / ههههههههههههههههههه تعطله طب والله ما حد مديله البشاره غيرك
مروان / بشاره ايه
حسام / ما تقلقش كدا يا راجل ههههههههههههههههههههههههه دا اللى يشوفك يقول انك عامل عمله ههههههههههههههههه
حسين / هههههههههههههههههه على رايك يا حسام يابنى بص يا مروان عشان ما نحرقش اعصابك و انت شكلك مش ناقص ههههههههههههههه من الاخر كدا باذن الله من اول الشهر انت هتبقى مدير قسم الحسابات ايه رايك فى الموضوع ده
مروان / راي ايه انا مش لاقى رد من الفرحه اللى انا فيها
حسين / ها يا سيدى تحب تمسك فرع القاهره و لا فرع اسكندريه
حسام / القاهره طبعا ايه يا حسين بيه دا انا جايلك بنفسى
مروان بيبص لحسام باستغراب
حسين / و انا مش هكسر كلامك خصوصا ان كل تقاريره تشفعله و له الاقدميه كمان
مروان / الف شكر يا حسين بيه
حسام / انا لازم امشى بقى حضرتك عارف ان اجازتى صغيره و نزلت فى الاصل اطمن على والدى مش انت جاى تطمن عليه النهرده يا مروان و لا ايه لازم اشوفك
مروان / اكيد هاجى
حسام يبتسم و يسلم على حسين و يمشى و مروان واقف بيبص عليه
حسين / انا كنت متاكد من اول يوم ليك فى الشغل ان ليك مستقبل يا مروان
مروان / دا شرف كبير ليا حضرتك
حسين / و انا متاكد انك قدها ياريت بعد اذنك تبعتلى الاستاذه نهاد
مروان / نهاد
حسين / اه ياريت مش هى جت النهرده
مروان / اه جت حاضر ثوانى عن اذن حضرتك
…………………………………..
فى شقه امانى
اماني/ والله ما كان له لزوم التعب ده يا تهاني
تهاني / تعب ايه هو احنا عندنا كام حسام طب والله و ما ليكي عليا حلفان اول ما اروي قالتلي ان حسام نزل مصر ما صدقتش نفسي افتكرتها بتشتغلني لحد ما كلمته قدامي و اتاكدت بنفسي جينا جري عشان نشوفه الا بالحق هو فين
اماني / ههههههههههه تشوفي مين ياختي دا زيبق اذا كنت انا امه لسه ما شوفتوش
اروي /الله يعينه يا عمتي هيعمل ايه و لا ايه
نور تدخل شايله صينيه عصير
اروي / تسلمي يا غاليه يا بنت الغالي تعالي اقعدي
نور / هعلق على الاكل ثواني و اجي
اروي / انا هاجي اساعدك
تهاني /قومي يا حبيبتي هو في اغلي من الغالي نخدمه
اروي و نور يقوموا
تهاني / الا بالحق يا اماني هي البت ندي ما جاتش معاه ليه
اماني / بعيد عنك و عن الحبايب الحمل تاعبها اوي دا لولا حوار نور و مروان ما كانش حسام سابها و نزل ابدا
تهاني / شوف ازاي لا اله الا الله صحيح ان بعض الظن اثم
اماني / ظن ايه يا تهاني ما تتكلمي بالمفتشر هو انا فيا اعصاب للكلام ده
تهاني / ياختي و لا حاجه دي برده بنت اخويا ان ما كانتش بس ربايه الحربايه مها
اماني / بتقولي ايه يا تهاني
تهاني / انتي اختي و مش هخبي و لا هتكسف اصل انا لما لقيت البت لا بتكلم و لا بتعبر حد من يوم ما اتجوزت و كمان ياختي كل يوم و التاني تاخد الواد و يسافروا حته و يتصوروا و مغرقين الفيس بصورهم نفسي انقبض ياختي هو في كدا
اماني /شباب و عاوزين ينبسطوا و يعيشوا سنهم
تهاني / هو الواحد فى الغربه بيتفسح و لا يكسر قرش عشان يرجع بلده بيني و بينك انا زعلت اوي واحده غيرها كانت خافت علي تعبه و فلوسه مش كفايا مصاريف الفرح اللي جه فجاه و لهوجوا الواد يعني لو كانوا لبسوا دبل و لا كتبوا الكتاب و سافر و كملت الكليه و الشقه جهزت و رجع هنا اتجوزها كان حصل ايه
اماني / الحب بقي يا تهاني الواد ما استحملش ههههههههههههههههه
تهاني / مش بقولك ربايه مها واحده غيرها كانت قعدت معاكي تخدمك و تساعدك يعني هو انتي مش من حقك ترتاحي بقي و لا هي نور تفضل بين بيتها و عندك
اماني / تساعدني ههههههههه و النبي ضحكتيني هي بتعرف تسلق بيض حتي
تهاني / مش بقولك ربايه مها واخده على الدلع و لقت الواد جاي و محمل بلفته الا انتي مصدقه انها تعبانه
اماني / الله امال
تهاني / يا بت فوقي هتنزل هنا فين و طبعا عمركوا ما كنتوا هترضوا تسيبوهم فى فندق تلاقيها ما رضيتش عشان شقتها ما خلصتش تنزل برنسيسه و تخليه يجيبلها خدامه كمان و هي تفضي بقي للمانيكير و الابصر ايه و المدرك ايه هانم بنت الغندوره
اماني / والله معاكي حق بس نعمل ايه
تهاني / اتكلمي مع ابنك لميه و حزميه سايب الفلوس لمها تبعزقها يمين و شمال و بنتها هناك تقصقص ريشه و هو مدلوق زي الجردل و يفضل يا كبد امه فى طاحونه الغربه بعيد عنك دانا سمعت انه مقعدها فى فيلا بجنينه ماله اي شقه و خلاص و لا هي فشخره على الفاضي
اماني / هي فيلا بعقل دي دورين و بجنينه و جايبلها خدامه كمان
تهاني / و تقوليلي تعبانه ياختي خليني ساكته اهي برده بنت اخويا
الباب يخبط اروي تطلع تفتح تلاقي حسام تحضنه و تنكسف
اروي / اسفه نسيت نفسي اصلك وحشتني وحشتنا اوي
حسام / ايه المفاجاه الحلوه دي …..ايه ده عمتي كمان هنا ينهار ابيض
حسام يدخل يحضن عمته تديله مدفع بوسات فى كل خد
تهاني / واحشني يا غالي يا ابن الغالي كنت لسه فى سرتك.
حسام / اتاريني الشرقه مسكاني من الصبح
تهاني / ههههههههههه ياخويا كنت بقولها هو في زي حسام و لا فى ربايه حسام
الباب يخبط اروي تفتح تلاقي مها
……………….
في الشركه عند مروان
مروان /اسكندريه ايه اللي تروحيها دي كمان و رحمه ابويا ما انا سايبه
نهاد / اهدي بس خلينا نفكر بالعقل
مروان /انتي اصلك ما شوفتيش بيبصلي ازاي
نهاد /بقولك ايه دول عيله هبله هو كدا يعني بيعاقبك دا رقاك
مروان / دا بيفرقنا عن بعض
نهاد /اهدي يا مارو مفيش حاجه فى الدنيا ممكن تفرقنا عن بعض
مروان /و نقلك
نهاد /هعتزر عنها و لو اتلككوا هستقيل
مروان /بالبساطه دي
نهاد / و ابسط انا الف شركه تتمناني اصلا هو انا شويه و لا ايه ههههههههههه
مروان /مش هيسكت برده
نهاد /انت تعمل زي ما هقولك بالظبط و هتضرب كل العصافير من غير طوب خالص
مروان /قولي
………………
عند ندي
ندي / يا اخلاص يا اخلاص انتي يا زفت
اخلاص /ايوه يا ست ندي
ندي /فين موبايلي قلبت عليه البيت كلو ما لقيتوش
اخلاص /و النبي ما شوفته يا ستي علي العموم هدورلك عليه حالا
ندي /مش فاهمه انا فين هنا فى معتقل و بعدين انتي لازمتك ايه ردي عليه لزمتك ايه
اخلاص /انا والله كنت بعمل الغدي و الصبح كنت بظبط الجنينه حقك عليا حالا هلاقيه
اخلاص تجري
ندي / صبرني يارب صبرني مش قادره صبرني
…………….
في شقه اماني
حسام /ما يمكن الموبايل فاصل شاحن يا عمتي هو انا هكدب عليكي ليه
مها /يا برودك يا اخي
تهاني /ما تهدي يا مها مالك ياختي هو الواد كان قصر فى ايه هيقطع نفسه و لا هيقطع نفسه
مها / لو كانت بنتك حامل لوحدها فى الغربه هتبقي هاديه ازاي
نور / اهدي بس يا عمتي انتي معاكي حق و احنا مش هنهدي الا لما نكلمها و نطمن عليها بس اقعدى
مها تطلع كيس اسود من شنطتها
مها / كدا ما لكش عندي حاجه و لما ترجعلي بنتي ليا معاك حساب تاني
حسام / تاني يا عمتي
اماني / هو في ايه يا حسام انا مش فاهمه حاجه
حسام / مفيش حاجه يا ماما لو سمحتي يا عمتي
مها / لا في لا في يا جوز بنتي ابنك يا ستي جاي يحاسبنا علي فلوسه اللي ضيعناها
حسام / يا عمتي اقسم بالله دا ما كان قصدي اصلا
تهاني / لا يا مها بقي والله ما ليكي حق هو يعني الجدع كان غلط لما سال عن شقاه و تعبه دا حتي علي راي المثل ان كنتوا اخوات اتحاسبوا
مها / و ماله بص يا ابن الناس جوه الكيس مع الفلوس هتلاقي فواتير كل حاجه اشتريناها و باقي المصاريف بتاعه العمال و المشال و غيره و ابوك كان واقف فيها ابقي اساله و احسب و شوف و زي ما قولت انا كنت فى الاول و الاخر هجهز بنتي علي قدي بالفلوس دي اهي عندك و بكدا مفيش حد يقدر يقول ان بنتي اتجوزت ببلاش
اماني /والله يا مها ما فهماكي يعني هو ده وقته يعني صحيح
مها / لو كانت بنتك حامل فى الغربه لوحدها و مش عارفه لا تكلميها و لا تطمني عليها كنتي هتحسي بيا
اماني / و هو كان بنتي جالها ربع اللي جه لبنتك و لا هو بتنقي اللي علي مزاجك و وريني ياختي فلوسك اللي جايه نافشه ريشك بيها دي
حسام / بااااااس بقي مش كدا هو في ايه
حسام يطلع الموبايل و يتصل و يفتح الاسبيكر
حسام / الو
صوت ست / ايوه يا سي حسام
حسام / ايوه يا اخلاص ستك فين
اخلاص / نايمه تحب اصحيها
حسام/ موبايلها مقفول ليه ؟
اخلاص / ما اعرفش والله هي اتغدت و اخدت الدوا و دخلت تنام و خدته معاها ثواني هدخل اشوفهولك
حسام / لا خلاص ما تزعجيهاش اول ما تصحي خليها تكلمني
اخلاص / حاضر
حسام / مع السلامه
حسام يقفل
مها / والله !!!!
تهاني / انتي جايه و حاويه شر بقي يا مها مش كدا
مها /انا ماشيه
حسام / عمتي استني لو سمحتي صدقيني ندي بخير و باذن الله اول ما الشقه تخلص انا هجيبها و ننزل مصر اوعدك
مها / اهي الفلوس عندك ما لكوش حجه و الميه تكدب الغطاس
تهاني بصوت واطي / راحت اشترت حاجات بنتها بالشئ الفلاني و جايه ترمي قرشين و تعمل ام الكرامه
مها / قولتي ايه يا تهاني
تهاني / اقول اللي اقوله هتمسكي لساني و لا ايه
حسام / عمتي لو سمحتي ندي ما يجيلهاش الا كل غالي
مها / و هي كانت ندي اللي بتنقي اصلا ما انتوا اللي نقيتوا كل حاجه و كل يوم لازم عشا و حلويات و ضيافه
اماني / يا حزني انتي كنتي بتضايفينا علي حساب ابني
حسام / البيت ده بقي لا يطاق انا ماشي
حسام يمشي و يرزع الباب وراه
اماني / كان نسب اغبر
مها / احنا فيها شيل دا من دا يرتاح ده عندا ياختي بلا هم
مها تنزل و ترزع الباب وراها
………………..
عند ندي
ندي / يا اخلاص انتي لقيتي الموبايل و لا لسه
اخلاص / لقيته يا ستي لسه حالا لقياه في اوضه سي حسام
ندي / انتي لسه هتحكي هاتي
ندي تاخد الموبايل تلاقيه فاصل
ندي / صبرني يارب فين الزفت الشاحن
اخلاص / ما شوفتوش يا ستي …من قبل ما تقولي هدورلك عليه حالا
ندي / فين موبايلك
اخلاص / ما عايش يا ستي
ندي تصرخ / يا كلاب انتوا بتعملوا معايا كدا ليه والله ما انا قاعده فيها
ندي تروح تفتح باب البيت مقفول بالمفتاح تبص لاخلاص و تنفخ
ندي / افتحي الباب ده يا زفته
اخلاص / المفتاح مع سي حسام خاف تجري زي المره اللي فاتت و تخبطك عربيه فقفل بالمفتاح و مشي
ندي / و حياه امك
اخلاص / يا ستي و انا هكدب عليكي ليه دا حتي خلاني اجيب اكل يكفينا اسبوع و مليت التلاجات
ندي / انتي فكراني هبله يا ست انتي عوزاني اصدق ان حسام هيقفل علينا الباب و يسافر افرضي مات طيارته ولعت قادر يا كريم
اخلاص / ليه بس يا ستي حرام عليكي
ندي / اخرسي تعرفي تخرسي انا الغلطانه اني بتكلم مع واحده ما عندهاش ضمير زيك ….ماشي …ماشي
ندي تدخل اوضتها و تقفل الباب بالمفتاح
اخلاص / صحيح ناس مش وش نعمه فقريه يلا و انا مالي اما اروح اغسل المواعين
……………..
في شقه انور
منال / ما لك يا علي ما بتاكلش ليه
علي / شبعت تسلم ايدك
انور / انت مش مظبوط خالص النهرده يابني ما لك في ايه بس
علي / لا مؤاخذه فى السؤال هو مفيش اخبار فى موضوع مدام نور
منال / ابدا يابني حتي مفيش تليفون
علي / طب حضرتك ما كلمتيهاش
منال / كلمتها مره بس امها اللي ردت قالتلي انها خرجت لما ترجع هتكلمني بس ما حصلش
انور / الغايب حجته معاه يمكن نسيت تقولها او البت رجعت مرهقه او قالتلها و نسيت
منال / يمكن
انور / بس غريب انك تسال يا علي
علي / عادي يعني يا حج ههه
انور / انا شبعت ما تيجي نلعب عشره طاوله فى البلكونه
علي / يلا
علي و انور يقوموا و منال تلم الاكل
………..
فى شقه عمر
عمر يدخل و هو بينفخ و يقفل الباب يسمع صوت سمر من جوه
سمر / انت جيت يا عمر
عمر / اه
أية تطلع من جوه تجرى و هى مبتسمه عمر يشوفها يبتسم
أية / حمد الله على السلامه اغرفلك
عمر / يا ريت هموت من الجوع
أية / حالا هوا
أية تجرى على جوه
………………………..
فى شقه انور
على / لا اكيد النهرده مش يومي
انور / هههههههههههههههه ايه نلعب فوره تانيه و لا كفايه عليك كدا
على / لا انا كدا كدا لازم امشى عشان هعدى على عمر
انور / سلملى عليه و قوله ابوك الحاج انور زعلان منك انك ما بتسالش
على / دا انا هملصلك ودانه
على يقوم و يفتح باب الشقه منال تندهله
منال / انت ماشى يا على استنى
على / خير
على يقفل الباب فى اللحظه يتفتح باب الاسانسير و حسام يطلع منه يضرب جرس شقه مروان مروان يفتح
حسام / انا قولت هتقدر الجميل و هتيجي تشكرنى بس مش مشكله انا اجيلك
مروان / جاى لوحدك يعنى
حسام / المفروض اجيب حد
مروان / اقصد نور فين
حسام / انت يلا مش هتتعلم الزوق ابدا هنتكلم على الباب كدا مش هتدخلنى
مروان / لا ازاى اتفضل
حسام يدخل مروان يقفل الباب فى اللحظه على يفتح الباب
منال / انا مش فهماك يا على
على / هههههههههههههه يا ست الكل انا مش بفكر فى الموضوع ده دلوقت بس اوعدك اول ما انوى هقولك
منال / يابنى نفسنا نفرح بيك
على / هههههههههههههههه و انا والله بس مش كدا
منال / طب بص فكر البت حلوه
على / حاضر سلام
منال / سلام
على يفتح الاسانسير و ينزل
………………………….
فى شقه عمر
عمر يدخل الاوضه و ايه وراه يفتح الدولاب و يطلع هدومه
أية / انت بتعمل ايه
عمر / بشوف لو كنت محتاج حاجه ابقى اشتريها قبل السفر
أية / تروح و تيجى بالسلامه هو انت عندك ميوه
عمر / ميوه ؟؟؟
أية / يعنى هتروح الغردقه من غير ميوه هتنزل البحر ازاى
عمر / انا رايح اشتغل مش رايح اتفسح
أية / براحتك على العموم تشتريه من هنا بدل ما يشيلوك هناك اوبح
………………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سلف ودين)
2 تعليقات